Uncategorized

رواية حليمة (عشقت ميمونة 2) الفصل الثالث عشر 13 بقلم هاجر محمد

 رواية حليمة (عشقت ميمونة 2) الفصل الثالث عشر 13 بقلم هاجر محمد

رواية حليمة (عشقت ميمونة 2) الفصل الثالث عشر 13 بقلم هاجر محمد

رواية حليمة (عشقت ميمونة 2) الفصل الثالث عشر 13 بقلم هاجر محمد

مررت نظريها بين عبد الرحمن وميمونه بصدمة وكذلك نظر عبد الرحمن إلي أمه بأعين مفتوحه وهو لا يصدق ما تقوله فتابعت ميمونه ببرود :- هتفضلوا مصدومين كده كتير عارفه إنك اتفاجئت ياعبد الرحمن بس صدقني العروسه زي القمر وهتعجبك
حليمه. هاجر محمد. حبيبة
نظرت إليها أفنان بابتسامه رسمتها رغما عنها وأردفت بثبات :- سوري ياطنط ميمونه بس أنا عندي شغل ويمكن زوقي ما يعجبش العروسه بس أكيد زوقك حضرتك هيعجبها مبروك مقدماً ياعبد الرحمن بعد إذنكم
تحركت أفنان لتغادر وهم عبد الرحمن أن يلحق بها وهو ينطق إسمها بلهفة :- أفنان
أوقفته ميمونه وهي تقول بجمود :- عبد الرحمن…. استني عوزاك
توقف عبد الرحمن وعاد أمامها ثم قال بحزن :- ليه ياماما كده لييييه عمري ما توقعت حضرتك بالعقليه دي عمري ما توقعتك تكوني بالحكم القاسي والظالم ده أفنان طول عمرها بتعتبر حضرتك أم ليها.. ليه تكسري الفرحه اللي كنت حاسسها في صوتها من وقت ما قولت لها إني بحبها إنتي إزاي كده
هدرت به ميمونه غاضبه :- عبد الرحمن.. ما تنساش إنك بتتكلم مع أمك
عبد الرحمن :- مش ناسي ياأمي… بس أنا مش شخصيه سلبيه ولا ضعيفه علشان أسقف وأطلب لحضرتك وإنتي غلط راجعي نفسك أنا قولت لحليمه عمري ما هتجوز أفنان وماما مش موافقه يبقي ليه تجرحيها كده … يكون في علم حضرتك انا مش هتجوز أفنان غير بموافقتك بس كمان مستحيل بنت تانيه تدخل حياتي غير أفنان.. 
غادر عبد الرحمن وترك ميمونه تتخبط في أفكارها وتنهر نفسها علي فعلتها بالفعل عبد الرحمن محق كيف تصرفت بهذا الأسلوب الجاهلي الذي سيجعلها تخسر إبنها وأيضا تلك الفتاه التي ربتها في كنفها والتي لا ذنب لها بشيء 
أخرجت هاتفها وهي تشعر بضيق داخلها واتصلت علي مالك الذي رد عليها في الحال 
ميمونه :- مالك ينفع لو فاضي تيجي لي شويه 
رد مالك قائلا :- ولو مش فاضي ياميمونه إنتي عارفه ما ينفعش تطلبيني وأقول لأ 
ميمونه :- هستناك في اليخت ما تتأخرش عليه 
مالك :- ميمونه إنتي كويسه؟؟ 
ميمونه بنفي :- لأ يامالك مش كويسه أنا مخنوقه ومحتاجه لك 
مالك :- قبل ما توصلي هكون مستنيكي 
┄┅── ✿✿✿✿✿✿✿✿ ───┄┅.   
جلست بجوار والد خالد التي شعرت بالطمأنينه نحوه وأخذت تتسامر معه حتي أردفت أمه بنبره حانقه :- الغدا جاهز اتفضلوا
نظر إليها والده بحنو وقال :- يلا يابنتي تعالي ما تتكسفيش ده بيتك
أبتسمت فرح ونهضت عنه ولكنها توقفت قليلا فور أن رأت تلك الفتاه التي تدعي نورين وهي تقف أمام خالد الذي خرج لتو من المطبخ ويبدو أنهم يتحدثون 
تجاهلت هذا وجلست بجوار حماها حتي أتي خالد وجلس جوارها وجلست تلك المزعجة أمامها 
نظرت نورين بدلال إلي خالد وقالت :- خالد أنا عارفه إنك بتحب اللازانيه وعلشان كده أصريت علي طنط إن أنا اللي أعملها لك بإيدي 
حليمه. هاجر محمد. حبيبة
طبقت أمه علي كلامه وقالت :- أيوه فعلاً ياخالد نورين عملتها علشان خاطرك 
أخذ خالد منها أمامه ثم تذوقها وبعدها قال بإعجاب :- إممم تسلم إيدك يانورين فعلاً مميزه وجميله 
ردت نورين وهي تنظر بطرف عينها إلي فرح وقالت :- Have a good meal (بالهناء والعافية) 
نفخت فرح بقوة وأردفت بضيق :- خالد لو سمحت ممكن تشيلها من هنا أنا بكره اللازنيا  وشكلها لوحده بيضايقني
أبعدها خالد سريعاً ثم تمتم باعتذار :- سوري ياحبيبتي ما أعرفش
أبتسمت بخبث وهي تنظر إلي حماتها ونورين لتري وجههما غاضب بشده
نهضت واقفه ثم أردفت :- ولا يهمك ياحبيبي أنا أصلاً شبعت.. هطلع شقتي علشان ألحق أصلي العصر بعد إذنكم… تسلم إيدك ياماما أكلك تحفه.. وسوري يأنسه سردين.. قصدي يانورين كان نفسي أشوف مهاراتك في الأكل تتعوض مره تانيه
┄┅── ✿✿✿✿✿✿✿✿ ───┄┅. 
لحق بها بسرعه ليجدها جالسه في سيارتها تبكي بشده أسرع إليها قبل أن تغادر ودلف إلي السيارة جوارها :- أفنان أنا 
قاطعته بعصبيه وهي تمسح دموعها :– لو سمحت ياعبد الرحمن أخرج من عربيتي 
عبد الرحمن :- إسمعني ياأفنان ياأفنان وبلاش تطلعي زي القطر كده 
أفنان بحده :- أنا قطر ياسيدي شوف لك واحده رقيقه وكيوت تمشي معاك لكن أنا خلاص كفايا ضحك عليه كده 
هدر عبد الرحمن بها بعنف قليلا وهو يقول :- أنا بضحك عليكي ياأفنان إنتي شايفه كده 
أفنان :- أنا مش شايفه ومش عايزه أشوف حاجه سيبني في حالي بقي وروح شوف عروستك وسيبني في حالي 
مصمص عبد الرحمن شفتيه وتحدث بهدوء :- إسمعني ياأفنان أقسم بالله أنا بحبك ما أعرفش إمتي وإزاي بس والله ما بكذبش عليكي وخليكي واثقه ان مهما حصل عمري ما هختار بنت غيرك 
انهمرت دموع أفنان وهي تقول :- هي ماما ميمونه معترضه عليه مش عايزاك تتجوزيني.. فتحت فمها بعدم تصديق وتابعت :- يعني هي كانت قاصده تسمعني الكلام ده كانت قاصده تجرحني كده… طب ليه أنا عمري ما زعلتها  ليه تعمل معايا كده 
عبد الرحمن :- مش إنتي السبب والله ياأفنان    رفض ماما مش علشانك إنتي..  بس صدقيني والله ما هقبل بغيرك ياأفنان وخليكي واثقه فيا 
┄┅── ✿✿✿✿✿✿✿✿ ───┄┅. 
نهرها بعنف بعدما قصت له ما فعلته وأردف لها غاضبا :-ليه تعملي كده ياميومنه ليه تكسري بخاطر البنت بالطريقه البشعه دي 
حليمه. هاجر محمد. حبيبة
ردت بدموع وهي تشعر بالحزن حقا وقالت :- ما أعرفش يامالك بس كسرت حليمه قدامي كانت وجعاني أنا أكتر 
رد مالك بغضب :-  تاني هتقولي حليمه إنتي بتفكري إزاي ياميمونه اللي بتعمليه ده ما يرضيش ربنا 
ميمونه :- إنت كمان هتزعق معايا يامالك 
مالك بغضب :- أومال عايزاني أخدك في حضني وأقولك برافوا عليكي ياميمونه… وبعدين إنتي نسيتي سجود صاحبة عمرك ونسيتي إن صهيب أخويا ونسيت موقفهم من ابنهم  وبس مش شايفه غير يوسف اللي من سن ولادك وعايزه تعاقبي الدنيا كلها علي غلط عيل… وكمان ياريت غلط ده ذنبه إنه إختار وإختياره ما كانش بنتك الإختيار بقي صح أو غلط ده يخصه هو مش حد تاني .. ميمونه أنا هاخد عبد الرحمن ونروح نطلب إيد أفنان النهارده سواء رضيتي أو لأ ماشي 
┄┅── ✿✿✿✿✿✿✿✿ ───┄┅.  
أخذ يبحث في خزنة المكتب علي نقود كان يدخرها فيه ولكنه لم يجدها 
توجها إلي غرفة النوم ليجد ساره مستلقيه علي السرير تضع طلاء الأظافر فأردف بتساؤل لها :- ساره كان في مبلغ كنت شايله تحت في الخزنه شوفتيه 
ردت ببرود وهي تتباع ما تفعله وقالت :- ال 25 ألف جنيه 
يوسف :- أيوه هم معاكي 
نفخت في أظافرها وهي تنهض وقالت :- كانوا معايا ياحبيبي لكن دلوقتي لأ اشتريت بيهم شوية حاجات 
فتح عينيه بصدمة وقال :- نعم إنتي سامعه أنا بقولك كام 25 ألف جنيه مش 25 جنيه 
ساره :- أيوه سامعه اشتريت بيهم Jewelery وفستان عجبني 
يوسف بعصبية :- وإزاي ما تسألنيش ياساره قبل ما تاخديهم
قضبت ساره حاجبيها بضيق وقالت :- قصدك إني حراميه يايوسف ولا إيه.. اتفضل خد المجوهرات بيعها وخد فلوسك أنا كنت فاكره ان فلوسنا واحد وانك عمرك ما هتستخسر حاجه في مراتك اللي من المفروض حبيبتك 
نفخ يوسف بضيق ثم قال :- مش قصدي ياساره بس أنا كنت محتاج الفلوس دي في شغل.. خلاص أنا هتصرف مبروك عليكي المجوهرات اللي جبتيها 
حليمه. هاجر محمد. حبيبة
أبتسمت ساره واقتربت منه ثم لفت يدها حول عنقه وأردفت بدلال :-مرسي ياحبيبي تعيش وتجيب لي كمان 
ابتسم رغم عنه وقال :- لو عليه أجيب لك آلدنيآ كلها يا حبيبتي بس ربنا يرزق من عنده … أنا نازل شويه وراجع 
┄┅── ✿✿✿✿✿✿✿✿ ───┄┅.  
ظل يترقب أفعالها بعدم اطمئنان كيف تحولت من لبؤة شرسة إلي فراشة وديعة لكنه ليس غبيا بهذا القدر ليصدق هذا التحول المفاجئ 
استلقت جواره وهي تعطية كاسا من سلطة فواكه وأردفت بنعومه :- اتفضل ياخالد 
ابتسم بمكر وهو يقول :- Merci .. تابع بتساؤل وهو يقترب منها :- شكراً 
توترت فرح وهي تبتعد عنه وقالت :- ع ع علي إيه 
اتسعت ابتسامته وهو يقترب منها ثانية ثم قال :- ما كنتش عارف إنك هتكون زوجه كويسه أوي كده وكمان بتحاولي ترضيني طول اليوم 
أبتسمت بتوتر وهي تتراجع ثانية حتي التصقت بحرف الاريكة ثم قالت :- د د ده ده واجبي م م مش إنت جوزي برده 
اقترب منها أكثر ثم أردف :- وإنتي عايزاني أصدق بقي الضحك ده صح 
أردفت بتلعثم وهي تتراجع بظهرها إلي الخلف وقالت :- م م مم مش فاهمه تقصد إيه 
حليمه. هاجر محمد. حبيبة
اقترب خالد أكثر حتي أصبح يحاصرها من جميع الاتجاهات وأردف وهو يتأملها بنظرات مفهوم الغرض منها ثم قال :- يعني لو عايزاني أصدق فعلاً إنك عايزه تعملي واجبك كزوجه  فأول حاجه الشرع بينبه عليه وأهمها إنك ما تمنعيش نفسك عن جوزك إيه رأيك بقي يامراتي ياحبيبتي ياللي بتعملي واجبك كزوجه 
ابتلعت ريقها بصعوبة وهي تقول :- هاااااااا خ خ خ ه
أردف خالد وهو يتأمل تعابير وجهها الذي أصبح مصفرا ومخضرا وألوان الطيف تأخذ حريتها به لتزداد ابتسامته وهو يبتعد عنها ثم قال :- خلينا ماشين زي ما إحنا يافرح يعني لعبة القط والفار لايقة عليكي أكتر دور الملاك ده مش لايق معاكي خالص… وكمان مش أنا الغبي اللي هيصدقك ارجعي لطبيعتك أحسن وشيلي أي خطه بتفكري تعمليها عليه علشان إنتي لسه ما تعرفينيش كويس 
┄┅── ✿✿✿✿✿✿✿✿ ───┄┅.    
يلا ياحليمه خلصي هنتأخر كده أنا قايل لعمك صهيب بعد صلاة العشا هنكون عنده 
_هتف بها مالك بعجلة من الأسفل وهو ينادي حليمه
حليمه. هاجر محمد. حبيبة 
هبطت حليمه بسرعة من علي الدرج وهي تقول :- خلاص يابابا أنا جهزت 
مالك :- فين العريس هو كمان 
خرج عبد الرحمن من غرفتة وهو يضع الساعة في ذراعه :- أنا كمان جهزت يابابا 
أطلقت حليمة صفيرة إعجاب وهي تتأمل مظهر عبد الرحمن الجذاب وقالت :- إيه القمر ده يابختك ياست أفنان 
ابتسم عبد الرحمن وربت علي رأسها بحنو وقال :- وإنتي كمان أحلي من القمر. بس لو شيلتي اللي علي عيونك ده هيبقي أحلي 
تنحنحت حليمه بخجل :- إحنا رايحين عند عمو ياعبد الرحمن 
عبد الرحمن :- ورايحين نشتري حاجات من بره برده وده ياحليمه ما ينفعش مع النقاب ولا مع بنت مسلمه أصلا مش أنا اللي هعلمك ولا إيه 
أخرجت حليمة منديلا وأخذت تمسح ما وضعته ثم أردفت :- معاك حق ياعبود  إيه رأيك كده 
ضبط لها النقاب ثم أردف :- كده قمرين
ابتسم مالك باعجاب وفخر وهو يحاوط الإثنين بين ذراعيه وقال :-  ربنا يهديكم ويخليكم لبعض وتفضلوا دايما عصبه واحده ويبعد شياطين الإنس والجن عنكم 
ردد الاثنين :- آمين يارب 
عبد الرحمن :- ماما لسه ما رجعتش يابابا وكمان ما بتردش علي الموبايل 
مالك :- أنا قولت لك ما تقلقش عليها أنا عارف ميمونه فين هي لازم تفضل حاليا مع نفسها علشان ترجع  لصوابها مره تانيه يلا بينا بقي هنفضل نرغي كده كتير ولا إيه… 
┄┅── ✿✿✿✿✿✿✿✿ ───┄┅.   
بعد صلاة العشاء مباشرة كانت طرقات مالك علي باب صهيب تدق كالطبل 
فتح صهيب بدهشة :- إيه الهيصه دي كلها 
مالك :- إنت لسه شوفت هيصه 
صهيب :- لأ ما شوفتش بس هتجنن من اللي بيحصل 
مالك بتساؤل :- هو إيه اللي حصل إحنا لسه عملنا حاجه 
صهيب :- أنا متنبه عليه ما أقولش حاجه فدخل لما أشوف اخرها معاكوا إيه 
مالك :- استني عبد الرحمن وحليمه جايين.. خد الشنط دي عني الأول كده بس 
حمل صهيب الأكياس عنه ونظر بدهشة إلي حليمه وعبد الرحمن فهما أيضاً يحملان أشياء كثير 
جلسوا جميعآ في صمت لفترة فقط نظرات صهيب المندهشه تضحكهم بين الحين والآخر حتي تحدث مالك وقال :- بص من الاخر كده أنا جاي اطلب إيد أفنان بنتي لعبد الرحمن إبني 
ازداد زهول صهيب واردف بعدم تصديق :- بتقول مين لمين… ده هزار ولا بجد ده مقلب صح 
مالك :- إنت لسه هتتصدم.  أنا مش عارف أصلا  بسألك إنت ليه  فين بنتي أخد رأيها أنا 
خرج صوت سجود من الداخل وهي تقول :- أنا سبقتكم وأخدت رأيها وهي مش موافقه تتخطب ليك ياعبد الرحمن 
تبدلت ملامح عبد الرحمن بصدمة وخوف :- إيه!!!!  أفنان هي اللي قالت كده 
ردت عليه ميمونه وهي تخرج خلف سجود وقالت :- أيوه هي اللي قالت كده مش عاوزه تتخطب ليك ياعبد الرحمن هي وإحنا كمان عاوزين كتب كتاب علي طول.. طلع المأذون ياصهيب خبيته فين 
أردف صهيب بعدم استيعاب :- مأذون إيه…. إيه اللي بيحصل ده أنا هتجنن والله حد يفهمني إيه اللي بيحصل 
لف مالك يده حول كتفه واردف بمزاح :- أنا هفهمك واحده واحده بس قولي خبيت المأذون فين 
صهيب :- قفلت عليه  في الحمام تحت كان عاوز يمشي وميمونه قالت لي إوعي تخليه يتحرك قبل ما مالك يجي 
أردف الجميع في صوت واحد :- فييييييين 
يتبع…..
لقراءة الفصل الرابع عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى