رواية رأيتك بقلبي الفصل الخامس 5 بقلم منار العتال
رواية رأيتك بقلبي الجزء الخامس
رواية رأيتك بقلبي البارت الخامس
رواية رأيتك بقلبي الحلقة الخامسة
الفصل الخامس
بقلمى/منار العتال
مريم بغضب و دموع:اه يا خاااين يا كداب انت سايبنى و بتغشنى و تقولي رايح زياره ل عمك و انت هنا بتكتب كتابك!!!!
الكل بصو ل مريم بصدمه و اولهم مالك
مالك قام وقف قدام مريم و حاول يهديها:مريم انتى فاهمه غلط
مريم بعصبيه:فاااااهمه غلط؟؟؟؟ والله!!! انت بتكدب عينى؟ كدب كتابك ده و لا مش كتب كتاب؟؟
مالك :اهدى طيب ده فعلا كتب كتابى بس مش ذي ما انتى فاكره
مريم بسخريه: مش ذي ما انا فاكره؟ هو انت شايفنى عبيطه قدامك؟
حسن بغضب :امشي يبت انتى من هنا مالك دلوقتى متجوز ساره بنت عمه
منى بحيره:هو فى اى انا مش فاهمه حاجه
مريم ل حسن بغضب:انا بتقولي يبت !! و بتطردنى !!! ورجعت بصت ل مالك انت عاجبك إللى جدك بيقوله؟؟ و مين ساره دى
ساره بهدوء:انا ساره و على فكره بلاش العصبيه علشان خطر عليكى يا حبيبتى
مريم بصتلها لقيتها بنت جميله جدا بس اتضح ليها انها مش بتشوف ف استغربت و بصت ل مالك و قالت بغضب:انت بتسيبنى انا!! علشان واحده عاميه؟؟؟؟
مالك هنا اتعصب على مريم لأول مره و كان هيضربها :مسمحلكيش تقولي عليها كده
مريم بدموع:انت بترفع ايدك عليا علشانها؟؟ بعد ما حبيتك بجد ! بس برافو طلعت بتعرف تكدب كويس انت المفروض تاخد أكبر جائزه فى الكدب و انا همشي و مش هتشوف وشي تانى
مريم خرجت برا و ركبت عربيتها و هى منهارة عياط
محمد :تقدر تفهمنا اى إللى بيحصل ده ؟
مالك بحزن:انا مقدرش اقولكم حاجه علشان فعلا مفيش حاجه اقولها و اهو كل حاجه ضاعت
مالك مشي وركب عربيته مكانش عارف هو رايح على فين بس كان عاوز يهرب من كل حاجه
أما ساره كان قلبها بياكله الوجع وجع حبها ل مالك إللى مش راضي يسيبها و اتوجعت اكتر لما ظهرت مريم و قالت عليها عاميه
حسن بضيق و احراج:انا اسف يا جماعه على اللى حصل بس دى بنت مجنونه مفيش بينها و بين مالك حاجه
محمد :ماشي يا حج انا هحاول اصدق كلامك
هند طلعت ب ساره الاوضه
هند بحزن :ساره انتى كويسه؟
ساره كان واضح عليها الحزن بس ابتسمت:انا كويسه يا هند بس ممكن تسيبينى لوحدى شويه معلش؟
هند :ماشي يا ساره بس خلي بالك من نفسك انا هسيبك بس علشان مضايقكيش
….
خرجت هند و هى حاسه ب ساره انها مش كويسه و بتكدب عليها انها كويسه
كان مالك سايق عربيته و ماشي بسرعه كبيره لدرجه انه كان هيخبط فى كذا
لحد ما ظهرت فجأه عربيه فى وش مالك و خبطو فى بعض و مالك كان جوا العربيه غرقان فى دمه
….
منى:اومال فين ساره يا هند
هند: فوق فى اوضتها هى قالتلي اسيبها لوحدها شويه
منى بقلق:طب اطلعي شوفيها يا هند متسيبيهاش لوحدها انتى عارفه ساره بتزعل و مش بتبين زعلها
هند بحزن:ما انا عارفه علشان كده سيبتها براحتها يمكن تبقي احسن
منى:لا يا هند مفيش انسان بيبقي احسن لوحده دايما بيحتاج لحد يكون جنبه حتى لو قال انه مش عاوز حد معاه ف اطلعي شوفي اختك
هند:حاضر يا ماما
..
بعد دقايق
هند كانت نازله تجرى بخوف و بصوت عالى صرخت
الحقوووونى ساره مش بتتنفس!!!!!
