رواية الم الرحيق الفصل الأول 1 بقلم سمية عبدالسلام

رواية الم الرحيق البارت الأول

رواية الم الرحيق الجزء الأول

رواية الم الرحيق الحلقة الأولى

في القاهرة تحديداً في قصر آدم البنهاوي
=صباح الخير ياجدي
قالها آدم البنهاوي بطل روايتنا شب عنده 29 سنه طويل، لون عيونه اخضر نفس لون الزرع في فصل الربيع الكل بيحترمه وبيخاف منه بيحب شغله جداً بس بيحب عيلته اكتر.
الجد_صباح الخير ياولدي. انت رايح الشركة؟!
آدم =اه يا جدي
الجد _وه انت نسيت ولا ايه؟
آدم _احم…. يا جدي هوا لازم انا ال اروح ما ممكن ابعت الحراسة تجبها.
الجد بعصبية _اظاهر اكده ان الجعدة في مصر نستك عاداتنا وتقليدنا وان اصلك من الصعيد ياولد سيف تخلي رجالة غرب يجيبوا بت عمك من المطار، بت عمك اللي بجالها اكتر من 15سنة عايشة برا مع جدتها (ام مامتها) نسرين الغالية بت الغالي الله يرحمه، منها لله اللي كانت السبب جدتها هيا اللي خدتها وربتها بعيد عني بس هجول ايه اهو ربنا توفاها وبت عمك راجعة لحضني تاني يمكن ده حوصل عشان اشوفها قبل ما اموت
آدم باس علي ايد جده =بعد الشر عليك
وبعدين كمل ببتسامة =اوعاك فاكرني اقدر علي زعلك اياك.
جده ابتسم علي كلامه الصعيدي وقال _معاد الطيارة الساعة 10 يعني يدوب تتحرك دلوجت عشان تستناها وبلاش ياولدي تاخد الحراسة معاك كفاية عم حسن عشان متخفش منك دي بقالها 15سنه عايشة برا وفجأة كده الست اللي كانت عايشة معاها ماتت وملهاش حد غيرنا وهيا عمرها ما شفتنا حتي.
آدم =طب ما تيجي معايا ياجدي
الجد _لأ… خليني انا هنا الصحة مبقتش زي الاول وانا مش حمل ده ده الصفر من هنا للصعيد مشوار طويل.
آدم =ليه ياجدي؟ انت ناوي ترجع الصعيد تاني، انتي مبقلكش كام يوم.
الجد _ياولدي انا حياتي كلها هناك انا عامل زي السمك لو طلع برا الميه يموت، وبعدين كفاية انت واختك وايمان بت عمك فوزي قاعدين هنا.
_بتجيبو في سيرتي في ايه بقا؟
الجد و آدم بصو نحية الصوت كانت ايمان
قربت وباست ايد جدها وقالت _صباح الخير ياجدي
الجد_صباح الخير عاملة ايه؟ في المدرسة انتي والبت اية (اخت آدم)
ايمان ببتسامة_الحمدلله ياجدي، بعون الله هندسة والبت اية طب.
الجد_ربنا معاكو ذكرو كويس انتو في تالتة ثانوي دلوجت.
ايمان _حاضر ياجدي
وبعدين بصت ل آدم اللي باصص في الفون
ايمان ببتسامة _صباح الخير يا آدم.
آدم من غير ما يبصلها =صباح الخير
وبعدين بص لجده وقال =طب همشي انا ياجدي عشان متأخرش عليها.
الجد _روح يا ولدي.
ايمان حست بغيرة وقالت لجدها _هيا مين دي ياجدي؟
الجد _انتو مالكو كلاتكم اكده بت عمك اسماعيل جت من امريكا عشان خلاص هتعيش معاكم علي طول.
ايمان في سرها _كانت نقصاها هيا كمان.
______________~_________________~
في الطريق للمطار
آدم بيتكلم في الفون =الو ياعمر
عمر بهزار _ايه؟ وحشتك بترن عليا الصبح كده
آدم =توحش مين يامعفن
عمر_تسلم ياغالي
آدم =المهم، انت هتروح الكلية النهاردة؟
عمر _لأ…. النهاردة معنديش محاضرات.
آدم =طب كويس، هتروح انت النهاردة الشركة عشان ممكن معرفش اجاي وكمان تقابل ياسر وتلغي الاجتماع.
عمر_اي ده آدم البنهاوي مش جي النهاردة الشركة لأ وكمان هيلغي الاجتماع، خير اوعي تقول انك هتعملها وتخطب؟
آدم =اخطب إيه يابني آدم انت؟ بنت عمي جيا من امريكا وهجبها من المطار وممكن اتأخر ومعرفش اجاي.
عمر_ايوة ياعم هيص انت واحنا هنا نشتغل ويطلع عنينا.
آدم بحدة =حاضر ياعمر ههيص واما اشوفك والله لاربيك عشان تعرف تتكلم معايا ازاي
وقفل السكة
عمر_طب سلام انت.
*عمر المهدي صاحب آدم من تالتة ثانوي اول شخص اتعرف عليه لما جه من الصعيد للقاهرة وفضلو مكملين ودخلو هندسة مع بعض واتخرجو وعملو شركة صغيرة وبعدين كبرت بس عمر حب يشتغل دكتور في الجامعة لكن آدم كمل وبقا عنده اكبر الشركات في مصر والوطن العربي تقريباً عنده شركة في كل حته
عمر وحيد وبيحب الهزار بس بيتعصب بسرعة *
___________~_____________________~
في القصر
الجد تلفونه رن
الجد_الو
_…………
الجد_ايوة انا مين معايا؟
_…………..
الجد بصدمة _مستحيل انت بتقول ايه؟
… لسه الحكاية مخلصتش…