Uncategorized

رواية ما بين الحلم والحقيقة (دار الأيتام 2) الفصل الثالث عشر 13 بقلم أميرة أسامة

 رواية ما بين الحلم والحقيقة (دار الأيتام 2) الفصل الثالث عشر 13 بقلم أميرة أسامة

رواية ما بين الحلم والحقيقة (دار الأيتام 2) الفصل الثالث عشر 13 بقلم أميرة أسامة

رواية ما بين الحلم والحقيقة (دار الأيتام 2) الفصل الثالث عشر 13 بقلم أميرة أسامة

نزل ليل وهو ماسك ايد عشق ومسندها علي اد ماهي كانت محرجه علي اد ماكانت طايره انها ماسكه في ايده..
فتح ليل الباب وساعدها تركب براحه..
راح ليل علي الكرسي بتاعه دور العربيه وطلع
بصلها ليل..انتي كويسه
عشق…ايوه الحمد لله
ليل كنا اعدنا انهرده وخلاص
عشق..مش هتفرق كتير انهرده من بكره انا هكون مرتاحه كده اكتر
ليل…ماشي اللي يريحك
سندت عشق راسها عالكرسي وهي باصه من الشباك الهوا داخل بيلمس بشرتها ومطير خصله من شعرها نزلت تاني من تحت حجابها كميه سعاده جوه قلبها خصوصا من طريقه ليل الجميله معاها..
فضل ليل ماشي بالعربيه ركزت عشق فالطريق حست ان ده مش طريق البيت. بصتله بأستغراب
ليل…ايه في حاجه
عشق…هو احنا رايحين فين..
ليل…رايح شقه الزمالك
عشق…نعم.ليه انا عايزه اروح لاخواتي
ليل…مااحنا رايحين لاخواتك امبارح بعد اللي حصل وبعد ما تمارا رجعت والدمتور قال مش هتفوقي الوقت خليت جاسر ونوح راحو معاهم الصبح عالشقه لموا حاجتكم كلها ووصلوهم شقه الزمالك
عشق…ايوه بس
ليل…بس ايه مش عايزه تروحي
عشق….ايوه ياليل مش عايزه اروح
ليل…ليه ياعشق عشان كدبت عليكي بس انا اعتذرت
عشق…لا خالص مش كده بس مرواحنا هناك مبقاش ليه لازمه يمكن قبل اللي حصل كان ممكن لاكن بعد كده لا ،خصوصا ان مفيش اي حاجه هتحصل تخلينا في قلق او اننا لازم نبقي تحت عينكم
ليل…وانا بعد اللي حصل مش هسيبكم هناك يا عشق وبعدين ياستي مش يمكن ده افضل ليكم وبردو احنا لسه منعرفش ايه اللي ممكن يحصل معلش اسمعي كلامي
سكتت عشق وفضلت بصاله
ليل….ايه مش مقتنعه
عشق…يمكن حاسه ان وجودنا فالشقه ملهوش اي لزوم
ليل…بالعكس او يمكن انا كده هكون مرتاح اكتر ممكن
عشق…هزت راسها بقله حيله
ليل…وبعدين لو عالحلم يا عشق انتو رحتو الشقه بعد اللي حصل بردو مش قبله
عشق….عندك حق
ليل…بلاش تفكري كتير يا عشق سيبي كل حاجه تمشي بهدوء
عشق…ممكن اطلب منك طلب
ليل…اكيد
عشق…ممكن تسيب الولاد دي وتسلمهم
ليل…اكيد لا طبعا دول مش هيشوفوا النور تاني عاللي عملوه ده
عشق…ليل في قانون انت حد معروف بلاش تعمل اي حاجه تأثر علي سمعتك ارجوك اعمل كده هكون مرتاحه اكتر عالاقل هحس ان في حاجه بتتغير للصح فالحلم ده
ليل…ايوه عشق بس
عشق…مفيش بس ياليل كفايه اوي الانت عملته فيهم سلمهم بقي ياخدو العقاب اللي يستحقوه
ليل….هو انتي ايش عرفك اصلا اني واخدهم
عشق…انت نسيت الحلم ولا ايه
ليل…بأبتسامه يادي الحلم ده عارفه سعات بقول لنفسي ان كل اللي بيحصل ده حلم وانا هصحي منه
عشق…اوقات كتير ياليل لما بتحصل حاجه في حياتنا احنا رافضينها او مش مصدقينها بنتمني انها تكون مش حقيقه واوقات كتير لما بنحلم حلم حلو ونصحي منه بنفضل مضايقيين اننا صحينا ونتمني لو كنا فضلنا فيه شويه كمان او مصحناش منه اصلا…الحلم ياليل عامل زي طوق النجاه اللي بينقذك من واقع انت رافضه..
ليل….عندك حق عشق احنا محتاجين نأعد نتكلم. في حجات كتير اوي ومحتاجين نتكلم مع الشباب كلهم لازم نتفق غلي شويه حجات كلنا هنمشي عليها الفتره الجايه.
عشق…بس ياليل في حجات مينفعش يعرفوها وفي حجات اخاف عليهم انهم يعرفوها.انا كنت بتمني من ربنا اني احاول الحق كل الحجات دي لوحدي من غير ما اقلق حد ٤يكم بس لما مقدرتش اضطريت اني اقولك بس خايفه يعرفوا قلقانه من ردود افعالهم.
ليل…لازم يعرفو ياعشق عشان نفكر سوا وعشان يخلوا بالهم احنا مش هينفع نمشي ورا كل واحد ونسيب دنيتنا لازم الدنيا تمشي بس في وسط ماهي ماشيه لازم نكون مطمنين اللي انتي عملتيه الفتره اللي فاتت دي كلها كانت غلط ضغط نفسي وعصبي عليكي توتر ديما تفكير مستمر كل حاجه في حياتك كانت واقفه الدنيا لازم تمشي صح ياعشق
عشق…عندك حق
ليل…وكمان عايزين نتكلم في موضوع الشغل ده ياعشق
عشق…موضوع الشغل منتهي يا ليل زي ماقولتلك قبل كده وبعدين انت نسيت اني قولتلك اني لقيت شغل
ليل…لا منستش بس كمان عرفت انك بتكدبي زهره قالت امبارح انها لما كلمتك قولتلها لسه ربنا ما أرادش
سكتت عشق باحراج وبعدت عينها عنه
ليل…عشق الاول قولتلك مكنتش مصدق عارف اني ضايقتك بس انتي كمان لازم تعذريني وانا محتاجك معايا ياعشق
عشق…طيب خلينا الوقت في موضوع اننا نتكلم معاهم سيبنا الوقت من الشغل
ليل…انا هسيبني من موضوع الشغل بس عشان انتي تعبانه الوقت أنما لما تتحسني شويه هتنزلي اتفقنا
عشق…فضلت بصاله وساكته
ليل…اتفقناااااا
عشق… ان شاء الله ياليل
رن موبايل ليل.
ليل…الووو
نوح…ايه ياليل ايه الاخبار
ليل…كله تمام انت ايه الاخبار عندك
نوح…كله ماشي تمام خلصنا خلاص وهنتحرك ونجيلكم
ليل…طيب احنا مشينا. رايحيين عالشقه
نوح…عشق فاقت.
ليل…ايوه بخير الحمد لله وصمتت تخرج والدكتور طمني عليها وكتبلها خروج
نوح…طيب كويس الحمد لله
ليل…نوح بقولك ايه انا عايزك تجيلي وكلم جاسر كمان يحصلنا ومعلش عارف ان ادم كمان تعبان من امبارح بس انا عايزه معاكم لازم يكون موجود
نوح…طيب تمام بس في حاجه ولا ايه قلقتني
ليل…لما تيجو هتعرفو المهم كلم جاسر الوقت بلغه عشان لو متفق مع البنات انه يجبهم ولا حاجه
نوح…اه فعلا اتفق معاهم عموما انا هكلمه الوقت
ليل…طيب تمام يلا سلام
نوح …سلام.
…….
ادم…ابه في حاجه ولا ايه
نوح…اه ليل عايزنا نروح للبنات كلنا وبيقول ان عشق معاه وموصلها للشقه
ادم…فاقت
ليل…ايوه والدكتور كتبلها علي خروج
ادم…طيب مينفعش بكره انا فاصل خلاص
ليل…هو قاللي قول لادم معلش عارف انك تعبان بس هو عايزك
ادم…طيب تمام مفيش مشكله يلا بينا
نوح….استني نكلم جاسر
جاسر بصوت نايم..الووو
نوح…انت لسه نايم ولا ايه
جاسر…اه في حاجه ولا ايه
نوح…طيب اصحي كده ليل عايزنا كلنا في شقه الزمالك عند البنات هو رايح الوقت علي هناك ومعاه عشق خرجت
جاسر….في ايه طيب
نوح…مش عارف والله بس قاللي اكلمك فكرك صحيت وروحت للبنات تاخدهم فقالي الحقك
جاسر…لا مصحتش لسه وشكلهم هما كمان لسه نايمين عشان محدش كلمني
نوح….طيب تمام فوق كده يلا والبس وتعالي علي طول ولو عرفت تكلم الموزه بلغها قبل ما ليل يطب عليهم
جاسر…ماشي يا رخم اتكل يلا
نوح…طب اوعي تنام تاني انا ماشي انا وادم رايحنلهم
جاسر…لا خلاص صحيت هاخد شاور والبس واجي
نوح..اشطا مستنيك يلا سلام
جاسر…سلام
……….قفل جاسر ومسك الموبايل بص فيه كانت الساعه 7وربع ومحدش متصل بيه كلم تمارا
تمارا…بصوت نايم الووو
جاسر…صباح الفل
تمارا…صباح النور
جاسر….انتي بتردي كده وانتي نايمه عادي
تمارا…ايه المشكله
جاسر…المشكله ان الصوت ده مينفعش حد يسمعه وهو نايم كده
تمارا…بابتسامه عايز ايه ياجاسر
جاسر..بضحكه هاديه يلا قومي كده وصحي البنات عشان ليل جايلكم الوقت ومعاه عشق
تمارا…بفرحه ايه ده بجد هي كويسه
جاسر…اه الحمد لله الدكتور كتبلها خروج وهما في الطريق انا هقوم اخد شاور والبس واجيلكم عشان ليل عايزنا كلنا
تمارا….في حاجه ولا ايه
جاسر…والله ما اعرف بس نوح صحاني وقاللي اللي قولتهولك الوقت قولت ابلغكم عشان تقومو تلبسوا قبل ما يجي
تمارا…طيب تمام انا قومت خلاص
جاسر…ماشي وانا مش هتاخر
تمارا…اوك
جاسر…عايزه اي حاجه اجبهالك وانا جي
تمارا…لا سلامتك شكرا
جاسر…قولي قولي متتكسفيش عايزه تقنعيني ان المفجوعه اللي كانت مسافره معايا مش جعانه???? خصوصا ان البيت فاضي
تمارا ..بضحك انا فعلا جعانه
جاسر…انا قولت المفجوعه دي لايمكن تسكت هتفضحنا
تمارا….انت بتتريق عليا صح
جاسر…بصراحه اه????
تمارا…ماشي لما اشوفك
جاسؤ…يلا هقوم انا بقي عشان الحق اجي
تمارا…اوك باي
قفلت تمارا وهي مبتسمه وفرحانه قامت من عالسرير طلعت من شنطتها غيار بسرعه وفوطه عشان تاخد شاور
راحت علي اوض البنات صحتهم وبلغتهم قامو عشان يجهزوا نفسهم بسرعه
……
بعد حوالي نص ساعه وصل ليل تحت البرج ركن العربيه ونزل راح فتح لعشق براحه ونزلها
وقفت عشان تبص علي منظر البرج بزهول
عشق…لنفسها أزاي مفيش حاجه متغيره نفس البرج اللي شوفته
فضلت في دوامه تفكير وأسئله وليل ماسك ايدها مسندها وعينه علي عينها اللي جواها حيره
ليل…انتي كويسه
عشق…اه اه كويسه
ليل…طيب يلا
عشق….يلا
دخل بيها ليل وركبوا الاسنسير وطلعوا ادام الشقه
ليل…عشق انا مش عارف الشباب بلغوهم ولا لا انا هرن وابعد شويه لو مش جاهزين عرفيهم اني معاكي
عشق…حاضر
بعد ليل من ادام باب الشقه رنت عشق
بعد ثواني كانت زهره فتحت الباب ووراها البنات واول ما شافو عشق فضلو يحضنوا فيها
تمارا…وحشتيني اوي
عشق…انتي وحشتيني اكتر
نور…انتي كويسه
عشق ..بخير والله بابنات الحمد لله بس ممكن تدخلوني اعد بقي عشان مش قادره
تمارا…طيب تعالي ادخلي اسندي عليا
عشق…ابه ده لحظه ليل معايا
زهره…خليه يدخل طيب
خرجت زهره بره ..اتفضل يا مستر ليل
ليل…قرب بابتسامه بردو مستر مفيش فايده
زهره…بابتسامه طب اتفضل ياليل
دخل ليل وراهم
فضلت عشق واقفه بتبص عالشقه وعيونها بتلمع بالدموع
تمارا…تعالي اعدي ياعشق
عشق……..
زهره…انتي كويسه
عشق……..
نور…مالك ياعشق
عشق……
شاورلهم ليل بايده يبعدو عنها سابوها وقربوا من ليل
ليل…سيبوها الوقت وهتفهموا كل حاجه
حست عشق كأن في شريط هاجم ذاكرتها حاسه من كتر ما هي مزهوله ان الدنيا بتلف بيها وفجأه بقت تشوف كل حاجه حصلت
فالشقه دي..
شافت نفسها وهي واقفه وسط الاوض اعده تخبط علي كل باب فيهم وتصحي تمارا وزهره ونور
شافتهم وهما بيجروا وراها بعد ما صحتهم من النوم…شافت نفسها وهي بتعترفلهم لاول مره انها حبت ليل شافت ليل وهو بيخبط بعنف عالباب بعد ما تحديها ليه وعدم مرواحها مع نور وزهره الشغل شافت نفسها وهي بترجع ببطئ بمجرد ما فتح الباب وشافته ادامها شافت نفسها وهي بتجري منه عالاوضع وهو وراها شافته وهو واقع عالارض بين ايديها سكران???????? كانت مع كل ذكري بتمشي خطوه فالشقه وكانها بتفتكر كل حاجه مشيت علي الطرقه اللي بتودي للاوض وهما وراها من غير صوت لحد ما وقفت علي باب الاوضه بتاعت ليل وقبل ما تمد ايدها علي اوكره الباب قرب ليل فتحلها المفتاح بصو البنات لبعض وسكتوا فتح عشق الباب ودخلت واول ما شافت الاوضه نزلت دموعها غصب عنها..
ليل بصوت واطي للبنات ممكن تسيبونا لحظه
تمارا…هي مالها
ليل ..متقلقيش عليها سيبونا بس الوقت
هزت تمارا راسها وخرجت هي والبنات
دخل ليل الاوضه بص لعشق ولدموعها اللي نازله
مسحلها دموعها براحه وفضل باصص في عينها من غير كلام
عشق…بدموع انت مكنتش مصدقني يا ليل بس انت كان معاك حق اللي انا فيه ده جنان انا مش مصدقه نفسي ياليل مفيش اي حاجه متغيره يا ليل كل حاجه زي ما هي او لو شوفت كل حاجه فالحقيقه بجد كان ممكن في تفاصيل كتير اوي نسيتها او حتي مخدتش بالي منها لاكن انها تحصل في حلم واشوفه بالشكل ده انا حاسه اني بتجنن ياليل.صدقني اللي انا شيفاه الوقت مش سهل حد يتحمله وانهارت عشق غصب عنها وبدون مقدمات شدها ليل جوه حضنه مسكت عشق في ضهره بكل قوتها
اما في الخارج..
زهره..انا سامعه صوت عشق بتعيط
نور…اه وانا كمان
تمارا…لا انا كده قلقت تعالو نشوف فيه ايه..
زهره…لا روحي انتي ليل بيقلب بسرعه وبيتحول وانا بخاف منه بصراحه
نور…اه وانا كمان
تمارا…محدش هيجي معايا يعني خليكو يا خوافيين????????
نور…يا بنتي استني ده انتي حتي مجربه ايده????
رجعتلها تمارا بغضب اتريقي يا ست نور وعموما عشان ايده اللي بتقولي عليها دي انا مش هسيبها معاه اوعو كده
زهره…ربنا يستر????
راحت تمارا عليهم وهي من جواه هتطين عيشت ليل لو عمل لعشق اي حاجه ولسه هتدخل عالاوضه اتصدمت من المنظر اللي شافته
عشق..جوه حضن..ليل..طب ازاي
تمارا..????????
رجعت تمارا بضهرها لورا ووقفت سندت عالحيطه تاخد نفسها من صدمه الموقف حاولت تجمع نفسها ومشيت بهدوء بره.للبنات
نور…ايه حصل ايه ومالها عشق
تمارا..بتحاول تداري الارتباك
ولا حاجه يا هبله منك ليها كسفتوني عالفاضي كويسه مبتعيطش بس بيتكلمو
زهره…والله سمعت صوت عياط
تمارا…يمكن افتكرت حاجه من اللي حصلها المهم تعالو نأعد شكلنا وحش اوي كده واحنا واقفين هنا
نور…ايوه تعالو احسن
………
ليل..خرجها من حضنه بعد ما حست ان هي هديت..
اعدها علي كرسي واعد جمبها
ليل…عشق حاولي تهدي شويه من فضلك اللي بيحصل ده مش كويس عشانك انتي كده هيجرالك حاجه
عشق…غصب عني ياليل والله العظيم انت عارف انا فكرت اني اشوف دكتور نفسي اعرف منه اللي بيحصلي ده ممكن فعلا يحصل او طبيعي  ياليل المشكله مش في تحقيق الحلم المشكله ان كل حاجه بالحرف بالمكان بالكلام انا بشوفه لتاني مره…ازاي حلم ميتعداش دقايق اشوف فيه فتره زمنيه طويله زي كده
ليل…خلاص ياعشق لو ده هيريحك نروح لدكتور انا هشوف دكتور كويس تبعي واتفق معاه علي معاد ونروحله سوا يمكن ده يريحك انا مش هقدر افيدك وعارف ان دي حاجه متعبه جدا يمكن انا مش في مكانك بس حاسس بيكي صدقيني. عايز اقولك علي حاجه
عشق..قول..
ليل…بعد ما حكتيلي اول مره كنت شاكك فعلا وفضلت كده شاكك وشكي بيزيد اكتر حتي لما قولتيلي علي موضوع الشقه وانك عايزه اني اوديكم فيها قبل الحادثه ما تحصل طبعا وقتها انا كدبت عليكي بس حاجه جوايا كانت قلقانه بعدها بيومين روحت عالشقه فتحتها وخليت حد راح نضفها لانها مقفوله بقاله كتير وكأني حاسسس ياعشق ان انتي هتيجي هنا وبعد ما اتنضفت حاجه جوايا خلتني اقفل الاوضه دي بالذات عشان لما تيجو تأعدي انتي فيها زي ما كنتي اعده فيها قبل كده ولما حصل اللي حصل وقولت لجاسر ونوح يجيبوهم هنا  فرحت اني قفلت الاوضه عشان انتي مكنتيش معاهم وكان ممكن ياخدوها.
عشق…ابتسمت وانا اللي قولت الحلم اتحقق وكل واحده راحت للاوضه اللي كانت فيها لو كانو سافو الاوضه دي كانو خدوها خصوصا تمارا????
ليل…بأبتسامه يعني كويس بقي اني قفلتها…بس قوليلي الاوضه مفيهاش اي تغيير اصلي بصراحه كده غيرت فيها حاجه
عشق…بصت عشق للاوضه بهدوء لفت الاوضه بعينها وبصتله لا فيها طبعا حاجتين مش حاجه واحده
ليل….????ايه هما
عشق…الكرسي اللي شبه المرجيحه ده كان بره مش فالاوضه….والتابلوه ده كمان مكنش فالاوضه.
ضحك ليل….وهو مستغرب ورافع حواجبه????????????هو في كده
ابتسمت عشق….والله انا ما عارفه في كده ولا لا…
ليل…طيب يلا انا هخرج واسيبك تغيري هدومك دي
عشق…ماشي ممكن بس تنادي تمارا عشان اعرف فين اللبس بتاعي
ليل…حاضر
قام ليل خرج بره
وقفو البنات وفضلت تمارا تبصله وهي حاسه بالاحراج
ليل…تمارا
تمارا…????????نعم
ليل…عشق عيزاكي
تمارا…انا ليه طيب ماشي حاضر
ليل..????تمارا اتجننت ولا ايه
زهره…لا هي كده علي طول
ليل….بابتسامه واضح
زهره…طيب اتفضل اعد
راح ليل اعد
نور…طيب تشرب ايه
ليل…مش عايز اتعبك
نور..مفيش تعب
ليل…طيب ممكن قهوه ساده
نور…حاضر
رن جرس الباب…كان نوح وادم
فتحت زهره الباب سلمت عليهم ودخلوا سلموا علي ليل.
نور…هعمل لمستر اقصد لليل قهوه تشربو ايه
نوح…لحقتي نفسك انتي
نور…????????????ايوه
نوح ..انا كمان قهوه مظبوط
ادم…خليهم اتنين مظبوط
نور…تمام بعد اذنكم
مشيت نور عالمطبخ واستأذنت زهره منهم وراحت ورا نور.
زهره…انتي يا مصيبه انتي
نور…ايه يابت مالك داخله عليا بعفاريتك ليه
زهره…عفاريت ايه وهباب ايه انتي ازاي تتسحبي من لسانك وتقوليله تشرب ايه هو في اي حاجه هنا غير مايه
نور…????????????????يانهار اسود انا نسيت بس كنتي عيزاني اعمل ايه افضل اعده ويقولو علينا بخلا????
زهره وهي بتخبط علي كتفها…طيب يا ست الحنينه اتنيلي بقي وشوفي هتتصرفي ازاي????????
نور…استني بس لا متسبنيش فالموقف الزفت ده لوحدي
زهره…طب ايه انا مش عارفه
نور…طب تعالي ندور فالمطبخ بسرعه يمكن نلاقي اي حاجه
زهره…تعالي مع اني متوقعش
……. 
في اوضه عشق.
تمارا دخلتلها الشنطه وبتطلعلها هدوم واقفه ساكته ومش عارفه اذا كانت تسألها عن اللي شافته ولا تستني عشق تحكيلها…
عشق…وحشتيني يا تيمو
تمارا…انتي اللي وحشتيني اكتر وكنت هتجنن عليكي وكلت قلم امبارح من ابو ايد طارشه اللي بره ده????????????بسببك
عشق…ليل????
تمارا…ايوه يا اختي ليل
عشق .ليه
تمارا…عشان قولتله ان هو اللي عمل فيكي كده
عشق…ضحكت طب وليه قولتيله كده
تمارا…ماهو اللي كان معاكي
عشق…صراحه تستاهليه????
تمارا…ده بدل يا اختي ما تخرجي تاخديلي حقي
عشق…اللي اعرفه انك عندك لسان ودراع طول كده مخدتيهوش انتي ليه
تمارا…ماهو اتأسفلي????????
عشق…طب خلاص الراجل صلح غلطته
تمارا…ماشي يا اختي شيفاكي بتدافعيله يعني هي السناره غمزت ولا ايه يا بت????????
عشق…بعدين يا تيمو حكيلك حجات كتير
تمارا…????يبقي غمزت
عشق…بضحك اخلصي يلا تعالي ساعديني بلاش جنان
تمارا…بفرحه ونسيت السؤال اللي كانت عايزه تسأله طيب يلا وهتحكيلي هااا
عشق…اخلصي قولنا
……….
خرجت زهره هي ونور وقفوا قدامهم باحراج..
ليل.. وادم ونوح مانو بيتكلموا وفجأه ليل سكت لما لقاهم واقفين اعدين يخبطو في بعض عشان واحده فيهم تتكلم
ليل…في ايه مالكم واقفين زي اللي عاملين عامله كده ليه
ادم….بابتسامه زي ايه بس شكلهم عملوا عمله فعلا????
زهره…????????
نوح ..بس يبقي بوظوا القهوه
ادم…تصدق شكلها كده مبيعرفوش يعملوا
ليل…مالكم يابنات
زهره…من غير تريقه بقي ولا نعرف ولا منعرفش اصلا مفيش قهوه ولا في شاي ولا عصير اقولك ولا اي حاجه خالص البيت مش فيه غير مايه…وضربت نور في كتفها سيباني اتكلم واخلص وواثفه ساكته ونسيتي ان انتي اللي عزمتي عليهم????????????
فاللحظه دي ..ليل وادم ونوح مفدروش يمسكو نفسهم من الضحك……
وفجأه..????????????????????????????
يتبع…..
لقراءة الفصل الرابع عشر : اضغط هنا
لقراءة باقي فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى