Uncategorized

رواية ما بين الحلم والحقيقة (دار الأيتام 2) الفصل السابع عشر 17 بقلم أميرة أسامة

 رواية ما بين الحلم والحقيقة (دار الأيتام 2) الفصل السابع عشر 17 بقلم أميرة أسامة

رواية ما بين الحلم والحقيقة (دار الأيتام 2) الفصل السابع عشر 17 بقلم أميرة أسامة

رواية ما بين الحلم والحقيقة (دار الأيتام 2) الفصل السابع عشر 17 بقلم أميرة أسامة

ليل…رجع الكاميرا تاني
رجع الجارد الكاميرا تاني لحد ما عشق خرجت من باب الڤيلا.
وفجأه
تمارا…بصوت عالي ايه ده ارجع تاني بسرعه كده
جاسر فيه ايه
ليل…في ايه ياتمارا.
رجع الجارد بسرعه الكاميرا تاني
تمارا…وقف الكاميرا هنا
واتصدمت تمارا وزهره
بصت زهره وتمارا لبعض وهما عينهم مليانه دموع
تمارا…حناااااااان????????
زهره…ازاي
نوح…في ايه يا جماعه ماتفهمونا في ايه
تمارا…حنان بتعمل ايه معاك ياليل
ليل…حنان مين
تمارا…بسخريه غريبه بتسلم عليها وبتتكلم معاها ومش عارف حنان مين
جاسر…تمارا اوعي تكوني تقصدي مديره الدار اللي كنتوا فيه
تمارا….ايوه هي
زهره…عشق مشيت بسبب حنان
ليل…معلش بس لحظه واحده انا مش فاهم حاجه هي اللي واقفه معايا دي هي نفسها المديره بتاعتكم
تمارا…ايه مكنتش تعرف
ليل…بعصبيه لا مكنتش اعرف ولا اعرفها هي شخصيا يا تمارا وبطلي كل ما نتحط في مشكله تبصيلي علي اني متهم بطلي تستفزيني وتخرجي أسوأ مافيا
جاسر…ليل في ايه هو احنا كل ما هنتحط في موقف منيل هتعلي صوتك وتتعصب بدل ما تتعصب فهمهم
ادم…ليل انا شكيت ان عشق مشيت لما شافت ريما بس بعد اللي هما بيقولوه ده كده عشق ممشيتش بسبب ريما والمشكله الكبيره الوقت هو وجود حنان معاك عشق ممكن دماغها توديها مليون مكان.
زهره…وهي لسه دماغها مودتهاش هو انت مش شايف الصدمه اللي علي وشها وكملت بدموع وياتري بقي يا ليل باشا هي دي المفجأه اللي كنت بتقول عليها هتعجبنا اوي في اخر الحفله..يظهر ان عشق اكتشفت المفجأه قبل اخر الحفله وبوظتلك اللي كنت بتخططله..مسك ليل كوبايه محطوطه عالتربيزه بعنف وبكل قوته رماها عالحيطه..
ادم…لييييل
جاسر….ليل طريقتك دي مش هتنفع
حاول ليل يهدي نفسه عشان ميفقدش اعصابه علي حد من البنات. من فرط العصبيه كان بيتنفس بصوت مسموع..خرج ليل نفس طويل بعد ما مرر ايده علي راسه كتير..
وقف ليل فجأه وشاورلهم بصباعه
بصو انا مش مضطر ابدا ادافع عن نفسي ادامكم ولا مضطر أني اوضح لكم اي حاجه لاني باختصار دي مش شخصيتي صدقتوني اوك مصدقتونيش اشربوا من البحر بس للاسف انا عايز اوضحلكم الصوره بس مش أبرأ نفسي..اولا انا لما سألت ورا تمارا وعرفت حكايتكم كان واحد من رجالتي اللي متولي الموضوع كله مش انا فا بالتالي انا معرفش مكان الدار  ولا روحته حتي عرفت ان في مديره كانت حطاكم في دماغها اه عرفت عرفت ان اسمها حنان اه عرفت بس قسما بالله الست دي انا اول مره في حياتي اشوفها والمصيبه الاكبر واللي كويس اوي ان عشق مش موجوده هنا عشان ماتسمعش اللي هقوله عشان فالتوقيت ده بالذات كانت استحاله تصدقني….الست دي امي جابتها الحفله لانها باختصار هي تعرف امي وتعرف ناس تقيله يعرفوا امي وبردو انا اعرف الناس دي واي تبرع كنا بنخرجه كنت بديه لامي وهي تتصرف عشان هي ووالدت جاسر اعضاء في كذا جمعيه خيريه والدار اللي انتوا كنتوا فيها كانت واحده منهم والانا عرفته من امي ان صاحب الدار نفسه رجل اعمال معروف وكان حابب يبني مبني تاني عشان العدد كامل عنده فالدار ولما كلمني بغلته بالحفله وقولتله لما يجي يفهمني محتاج ايه وفورا هبدأ فيه وطبعا الست دي جايه مع رجل الاعمال ومش معني انها موجوده ابقي اعرفها انا اغلب الموجودين مش كلهم اعرفهم فيهم رجال اعمال بيجاملوا ويمكن لاول مره اشوفهم انهرده رغم اني اعرفهم اسم وشكل بس من بعيد وفيهم اصحاب شركات صغيره برده بيجاملوا  وفيهم عايز يكسب ليل السيوفي وفيهم كتيييير اوي اللي اعرفه واللي معرفهوش ودي واحده منهم ولما شوفتها انا مربطتش اسمها ومهنتها بيكم خالص لان وارد تكون صدفه…
دخلت سهام فالوقت ده.
سهام…يابنات اسفه طبعا اني هدخل بس الكلام اللي ليل بيقوله ده صح ليل ميعرفهاش الست دي انا اللي اعرفها وانا علي علاقه طيبه بيها ست محترمه طيبه حسيت انها بتحب بناتها اللي فالدار عرفتها عن طريق ناس صحابي ليها معارف كتير مشتركين بينا ومن وقتها زي ما ليل قال اي تبرع بيروح علي هناك
تمارا…بسخريه حنان طيبه وبتحب بناتها…طب ازاي دي استحاله تركب ابدا
سهام…الست دي تقريبا رابع سنه اكون معاها واللي اعرفه ان هي بتصرف عالدار كويس بتصرف عالبنات وعلي تعليمهم كويس.
زهره…حنان اللي بتعمل كده طيب اواي باماره ايه بأماره ما رميتنا فالشارع وبأماره ما خدت توقيع ناس كبيره وراها انهم موافقين علي طردنا واحنا ملناش حد
ليل…زهره تمارا افهموني وخلونا فالمهم انتوا سمعتوني وامي أكدت علي كلامي مش مهم اي حاجه الوقت وسيبكم من حنان اللي انتوا بتقولوه مع الاحنا بنعمله معاها يدينها ويحبسها هي واللي وراها كمان ودي بتاعتي انا المهم الوقت عشق لازم نعرف راحت فين
نوح….اكيد عالشقه.
جاسر…ايوه صح تعالوا نروح بسرعه ونشوفها ونفهمها كل ده
ليل…يلا بسرعه
سهام انا هاجي معاكم
ليل…لا يا امي خليكي انتي نلاقيها الاول ونتأكد انها هناك وساعتها هبلغك.ولو مصدقتش اكيد هحتاجك
سهام…ماشي يا حبيبي بس قبل ما تمشوا عايزه أقول للبنات تاني ان ليل ملهوش علاقه بحنان ولا انا اعرف حقيقتها اللي بتقوله عليها وبس تلاقوا عشق وهنجبلكم حقكم منها ومن اللي وراها.
زهره…نلاقيها الاول بس يا طنط
تمارا…يلا بسرعه..
خرج ليل بسرعه من الڤيلا وهما كلهم وراه  ركب ليل العربيه وطار وركب اد ونوح وزهره ونور عربيه مع بعض ووراهم جاسر وتمارا..
كانوا بيحاولوا يلحقوا ليل اللي كانت طاير بأقصي سرعه
ليل…لنفسه روحتي فين يا عشق وليه مشيتي من غير ما تسألي ليه مدتنيش فرصه اقولك مين دي واعرفك اني مليش علاقه بيها واني اول مره أشوفها
ليه حكمتي عليا من غير ما تديني حق الرد…ده انا حتي لو اعرفها انتي مكنتيش هتخسري اي حاجه لو استنيتي..ليه ياعشق استعجلتي…
فضل ليل طول الطريق يكلم عشق اللي هي اصلا مش سمعاه..
بعد وقت بسيط وصلوا ادام البرج بعد سواقه جنونيه من ليل
دخل ليل من البوابه بسرعه وهما وراه…عالاسنسير
شافوهم الامن وقفوا بسرعه من غير ولا كلمه لان منظرهم مكانش يبشر بأي خير وصلوا ادام الشقه..
طلع ليل المفتاح التاني من جيبه
تمارا…لحظه يا ليل نهبط عليها الاول عشان لو جوه ممكن تكون مش لابسه طرحتها
هز ليل راسه وبعد عن الباب.
تمارا…فضلت تخبط…. تمارا.  عشق افتحي ياعشق لو انتي جوه عشق  افتحي عشان خاطري
فضلت تخبط بدون اي فايده بصت لليل هزت راسها شمال ويمين بخيبه امل.
فتح ليل الباب بسرعه ودخل….
ليل…عشششششق عششششق
جريوا البنات علي اوضتها
زهره….عشق كانت هنا ومشيت
بصت تمارا علي زهره لقتها ماسكه فستان عشق اللي كانت لبساه فالحفله…
دخل ليل ووراه الشباب
تمارا…يعني ايه مشيت طب راحت فين طيب هي لما مشيت كده فكرت انها هتسبنا ولا فكرت في ايه…
جاسر…بلاش عبط تسيبكم ايه هي اكيد بس مش مستوعبه او مش فاهمه فا قررت ترتاح.
تمارا…ترتاح ومن غيرنا طيب ماشي انا موافقه بس هتروح ترتاح فين عند مين
ادم..اهدي ياتمارا شويه هنلاقيها وادام ملهاش حد زي ما بتقولي فا هترجع
زهره…يبقي انت متعرفش عشق يا ادم..
نوح…يعني ايه هتبيعكم طب هتبعد بسبب الموقف اللي شافته انتوا مالكم ايه هتببع عمرها معاكم
زهره…لا مش كده عشق هتكلمنا بس لما تهدي لاكن مش هترجع وهتسيبلنا حريه الاختيار يا نروحلها يا نفضل .
نور…بدموع طب ولو ده حصل هتسيبوني انا كمان عشق هتخيركم انتوا بس وانا لا…
تمارا…الاهم من كل ده عشق الوقت فالشارع والوقت متأخر
ليل….عشق ولا هتخيركم ولا
هتختار هترجع وهتسمعني لو مش برضاها يبقي غصب عنها وبعد ما تسمع اللي هقوله عي ليها حريه الاختيار وبردو مش هتبعد.
ادم…طيب بقول ايه نحاول نهدي وبلاش عياط وتوتر نفكر كده بالعقل لو عشق مفيش مكان تروحه عند حد طيب محدش فيكم يقدر تتوقع ايه المكان اللي ممكن يجي في بالها.
تمارا…معرفش
نور…ولا انا اعرف.. طيب يمكن تكون راحت لبابا المستشفي او راحت الشقه
ليل…عشق مش معاها المفتاح بتاع الباب الجديد ومفتكرش انه مع حد فيكم اصلا يوم البلطجيه دول ما طلعوا عليها طلبت من الجارد ياخدوهم عالمخزن وواحد فيهم قولتله يرجع كل حاجه زي ما هي ولما كنا فالمستشفي…اديت لجاسر المفتاح وهو بيوصلكم هو ونوح.
جاسر…فعلا وانا اديته لتمارا وهي طالعه.
تمارا…صح وعشق من وقت ما فاقت ولا راحت هناك ولا حتي تعرف ان المفتاح اتغير.
ليل….ممكن تسيبوني فالاوضه هنا شويه
هز الكل راسه وخرجوا وقفلوا وراهم وقف ليل وسط الاوضه يبص عليها بهدوء خاسس بريحتها فالمكان حاسس انها وحشته..فضل يمشي بخطوات بطيئه جوه الاوضه والحزن باين عليه رغم قوت ملامحه..
فتح ليل الدولاب وفضل يمشي ايده براحه علي لبسها..
ليل…روحتي فين ياعشق ليه مشيتي اليوم اللي ارجع فيه انتي كنتي وحشاني اوي وملحقاش اشبع منك….يمكن مكنتش عايز اقولك الوقت اد ايه انا بحبك واد ايه اتعلقت بيكي بس كنت ناوي احسسك بحبي ليكي يا عشق راحت ناحيه المكتب فضل يمشي ايده علي كتبها وفجأه وقعت عينه علي كشكول وسط الكتب والكشاكيل…لفت نظره المكتوب عليه من بره بخط ايدها..
(مابين الحلم والحقيقه) عمر????
فتح ليل اول صفحه..وهو مزهول من اللي بيقرأه بس عينه وقفت علي جزء????
عشق…????️????️
بس مقدرتش???? مقدرتش اني مشوفش ليل مقدرتش أني مقربش منه يمكن تكون انانيه مني ودي لاول مره في حياتي اني افكر في نفسي بس غصب عني اصل استحاله يكون حبي لليل كان مجرد حلم وبس لااااااا انا لحد الوقت حبي ليه زي ما هو او يمكن يكون اتضاعف
ليل…يعني انتي حبتيني ياعشق يعني لما حسيت اني بحبك وسألتك هو انا حبيتك كدبتي عليا…
كمل ليل الكلام المكتوب.
عشق .????️????️
اللي كان مصبرني طول الوقت ده اني خدت رقمه من موبايل بابا من غير ما يحس لان رقمه الحاجه الوحيده اللي مكنتش فكراها من الحلم….ومن يوم ماصحيت وانا مبقدرش انام غير لما اسمع صوته واطمن عليه واحس انه كويس وأتاكد انه موجود فعلا.
ليل…يوم ما خدت رقمك يا عشق
اتصدمت لما لقيتني مسجله باسم مجهول اتصدمت لما اتأكدت ان انتي اللي كنتي بتتصلي بيا بقالك اكتر من شهرين يوميا…لما عرفت شكيت فيكي اكتر مكنتش عارف انك بتحبيني ياعشق… ملامح الحزن سيطرت علي ملامحه اكتر…فضل يقلب بين الصفح وكل شويه يقرأ حاجه تخليه يتجنن اكتر لكن فجأه وقعت عينه علي كلام عشق كتباه  حس من جواه بفرحه.. خد الكشكول في ايده وخرج من الاوضه بسرعه
جاسر…رايح فين يا ليل
ليل…تقريبا عرفت مكان عشق
تمارا…فين
ليل…خليكوا هنا محدش يتحرك
زهره…لا هنيجي معاك
ليل…قولت خليكو هنا يمكن اكون غلط وهي ترجع خلونا مع بعض علي تليفونات بس صدقوني لازم اكون لوحدي
جاسر…طيب اجي انا معاك
ليل…جاسر من فضلك انا لازم اكون لوحدي… وهو رايح عالباب
الجرس رن.
نطق البنات مع بعض عشق.
ادم…افتحوا يمكن هي
فتح ليل الباب لقاه الامن.
ليل..في حاجه يامحمود
محمود…ليل باشا اسف طبعا اني طلعت من غير استأذان
ليل…ما تتكلم يا محمود في ايه
ليل…انا شايف حضراتكم راجعين من غير واحده من البنات عايز بس اقول لحضرتك لو ده السبب اللي رجعكم فا من كام ساعه حصلت حاجه غريبه شوفت واحده شبهها نازله وقولت لسامح فضل يقاوح فيا بس هي مكانتش بفستان ومشفناش حد طالع مش عارف جت ازاي وامته بس انا واثق اني شوفتها
ليل…الكاميرات اللي عالباب شغاله
محمود…ايوه طبعا
ليل…طيب تعالي ورهالي
نزل ليل ونزل وراه الجميع رجعوا الكاميرا
شافوا عشق وهي داخله بسرعه عالمدخل وبعدها بحوالي 20دقيقه كانت نازله بهدوم خروج وشنطه صغيره
ليل..طيب مفيش كاميرا تجيب الشارع التاني اللي كانت واقفه فيه اشوف رقم التاكسي اللي انت بتقول ركبته
محمود…لا يا باشا صعب اوي دي عدت شارع وقفت عالصف الاخير ودي مسافه وبعدين احنا بليل النمره متبانش..
ليل…تمام يا محمود…اطلعوا انتوا يلا وهنبقي مع بعض بالتليفون
طلعوا تاني مع بعض البنات ملامح الحزن علي وشوشهم.????????????
ادم…فكوا شويه يا بنات هترجع باذن الله
نوح…ان شاء الله خير وليل يلاقيها
جاسر…مش فاهم ده كمان راح فين من غير ما يقول
ادم…يمكن عشق قالت ادامه علي مكان مثلا بتحب تروحه
زهره…وهي بتنزل الموبايل من علي ودنها مسحت دموعها لسه مقفول
نور…ربنا يستر يارب ويلاقيها انا خايفه عليها الوقت متأخر اوي.
نوح ..قولنا بلاش توتر بقي هيلاقيها باذن الله قوموا اغسلوا وشكم كده وفوقوا شويه..
زهره…انا هقوم اصلي
تمارا…وانا كمان
قاموا البنات مع بعض كل واحده دخلت اوضتها تغير فستانها وتصلي وتدعي ربنا يسترها علي عشق وليل يلاقيها..
طول الطريق ليل كان ماسك الكشكول واعد يقرا اللي فيه..
عشق..????️????️
لما اتكرر ادامي كلام نور وتمارا وزهره عن الحب معترضتش ولا نصحتهم ولا قولتلهم عيب ولا حتي حرام وقتها انا مكنتش جربت الحب لاكن لما اتعاد ادامي الكلام كان حب ليل جوايا ❣️
ليل…وانا كمان بحبك اوي ياعشق
عدي الوقت بسرعه علي ليل وهو مندمج في كل حاجه عشق كتباها
اخيرا وصل..
فضل ليل ماشي يدور فالمكان بهدوء عينه عامله زي الكاميرا بتصور كل ركن وكأنه بيدور عليها وسط كل حاجه مشي كتير فالمكان ودور اكتر مستسلمش انه يلاقيها وفضل مكمل….
……. 
انا عند عشق بعد ما تعبت من المشي والعياط حست بصداع رهيب وحست ان رجليها وجعتها ومش قادره تكمل  اعدت عالارض.. حضنت شنطتها ورجعت فتحتها وطلعت منها صوره ليل فضلت بصالها ودموعها نازله.
عشق….وهي باصه للصوره
يمكن تكون صدمتي لما شوفت حنان كانت اقوي بكتير من اني اواجهك…كان لازم اسألك بس غصب عني..معرفش ليه مشيت اول ما شوفتها بس الست دي اكتر حاجه في حياتي محبش اني اشوفها في يوم من الايام..
لما شوفتها شوفت معاها كل ذكري وحشه شوفت معاها كل العذاب والوجع والقهره اللي كان علي اديها..واتوجعت اكتر لما شوفتك بتسلم علي اكتر حد تعبني في حياتي يمكن اكتر من اهلي اللي رموني…اول ماشوفتها صوت كلمتها لينا…بنت حرام كان بيرن في وداني لدرجه اني مشيت بسرعه عشان الصوت يخف شويه… يارب خليك معايا يارب كفايا وجع في قلبي قلبي مش هيستحمل والله اكتر من كده محتجالك اوي ياليل.
مش اكتر ما انا محتاجك يا عشق
عشق…????????????????????????قامت وقفت بصت عالصوت وهي متخشبه.
ليل.. علي فكره يمكن من ساعه كده كنت مضايق منك اوي عشان مشيتي من غير ما تديني فرصه ادافع عن نفسي.. بس الوقت انا مش زعلان ومسامحك كمان يا ستي
عشق….انت عرفت مكاني ازاي
أبتسم ليل وفتح الكشكول بتاعها. علي جزء معين وقربه منها..
بصت عشق علي كلام من ضمن المكتوب..
عشق…????️
الحسين اكتر مكان بحبه بجد معرفش ليه يمكن عشان حلمت اني زورته مره ولا يمكن عشان شوفت فيه بابا بعد ما صحيت من الحلم….بس الا كيد ان المكان ده برتاح فيه اوي وديما كل ما حس ان الدنيا بتضيق بيا رجلي تاخدني لهناك…اول مره رجلي خدتني عنده لما حنان طردتنا بره الدار ومكناش عارفين نروح فين..وجينا عالحسين…وتاني مره لما دعيت ربنا انه ميعديش الليل غير وهو ساترنا ومنامش فالشارع…وفعلا ظهر ادامنا بابا محمد وخدنا معاه
المكان ده غالي عندي اوي وكل مره باجي فيه بضيقه ربنا بيفكها
الحسين..❣️
بصتله عشق بعد ما خلصت الكلام وهي دموعها بتجري..
ليل..اظن المكان ده انا كمان هحبه عشان جيت فيه وانا علي اخري وبدعي اني الاقيكي ولقيتك..
ليل…مدتنيش فرصه ليه ياعشق.
عشق…مش لما تعرف الاول السبب اللي خلاني امشي
ليل…عارف رجعت الكاميرات وشوفتك وانتي بتخرجي من الڤيلا وبتعيطي فالاول فكرت بسبب وجود ريما بس لما تمارا شاورت علي حنان وقتها فهمت.
والله العظيم يا عشق ما ليش علاقه بيها اول مره اشوفها امي هي اللي تعرفها امي ياعشق عضوه في كذا جمعيه خيريه ومتكفلين بكذا دار ايتام دار مسنين واللي من ضمنهم كانت الدار بتاعتكم  وكانت بتعرفني عليها يمكن انا اعرف صاحب الدار بس والله عمري ماشوفت حنان دي غير انهرده صدقيني يا عشق انا مش بكدب
عشق…ساكته مش عارفه تقول ايه.
ليل…عشق اتكلمي عشان خاطري
قولي انك مصدقاني
عشق…مصدقاك ويمكن اكون مشكتش انك تعرفها اد ما اتوجعت انك واقف معاها الست دي اكتر حد وجعني فالدنيا ياليل الست دي دمرتني ودمرت اخواتي بوظت نفسيتنا احنا كان ممكن بسببها يبقي سلوكنا غير كده خالص بس قربنا من ربنا خلانا احسن ما كنا نتمني لما شوفتها قلبي اتقبض حسيت اني عايزه امشي واسيب كل حاجه واي حد مقدرتش احس انها ممكن تتفرض عليا من تاني انا عمري ما كرهت حد بس الست دي علمتني معني الكره بجد
قرب منها ليل مسح دموعها براحه
ليل…ممكن ما تعيطيش عشان خاطري كل اللي بتقوليه ده تمارا وزهره قالوه وانا وامي وعدناهم بس الاقيكي وهجيبلك حقك منها انتي واخواتك مش هي بس واي حد كان عارف اللي بتعمله وساكت…واديني لاقيتك ومن بكره صدقيني كل حد غلط هيتحاسب سواء كان في حلمك او في حياتك..
بس انا كان عندي سؤال بسيط محتاجك تجاوبيني عليه
عشق…أسأل.
ليل…ليه كدبتي عليا يا عشق؟ ليه حرمتيني ان اسمع اجابه سؤال كانت ممكن تاكد احساسي
ليه لما سألتك انا حبيتك قولتي لا….طيب كدبتي عليا ومحبتيش تريحني ماشي…بس ازاي قدرتي تتعبي نفسك وتبعدي وانتي بتحبيني من قبل ما احبك او اشوفك حتي يا عشق..
حطت عشق أيدها علي راسها وهي بتلف وشها بعيد عنه ودموعها بتنزل
راح وقف ادامها….ردي عليا جاوبيني قدرتي ازاي تتعبي نفسك.. ازاي كنتي قادره تتأقلمي مع الصوت اللي بتسمعيه كل يوم وتقفلي وبس …
بصتله عشق وحاولت تتكلم من بين دموعها…مقدرتش والله العظيم ما قدرت بس زي ما طلبت منك متقولش لاي حد فيهم انهم حبوا بعض مقدرتش اقولك انت كمان اننا حبينا بعض وبرده كان لنفس السبب ان عقلك ميخلكش تحبني غضب عنك…ولسبب تاني انت مكنتش مصدقني اصلا لو كنت قولتلك حاجه زي دي كنت هتشك فيا اكتر فا فضلت ان لو فعلا حلمي هيتحقق انت تحس لوحدك
ليل…وانا حسيت ياعشق عارفه من امته
عشق…ايوه عارفه
ليل…من امته
عشق… يوم ما سألتني هو انا حبيتك ياعشق ساعتها حسيت اني كنت صح لما حبيت عليك
انا حاربت يا ليل عشان اوصلك لما صحيت ولقيت بابا اكتر حاجه كانت مفرحاني اني ادام لقيته يبقي هلاقيك. كنت خايفه تكون حد اصلا مش موجود. بس لما اتأكدت من وجودك بقيت بسابق الزمن عشان اقف ادامك زي ما انا واقفه كده ياليل..
شدها ليل في حضنه فالوقت ده حضنته عشق بكل قوتها وهي ماسكه صورته في ايدها
ليل….بحبك يا عشق وعمري ماحبيت حد ادك ولا هحب حد بعدك.
سمعت عشق كلامه انهارت من العياط في حضنه اكتر..
ليل…شششش خلاص بقي اهدي والله امشي واسيبك
ضحكت عشق من بين دموعها
بعد عنها شويه ليل وهو بيمسح وشها من كتر الدموع.
ليل..فضل باصصلها وهو مبتسم بحب وفجأه رفع حواجبه????????كمان بتسرقي صورتي????
عشق….بضحك كنت خايفه وخدتك معايا
ليل…علي اساس لو جرالي حاجه كنت هطلعلك من الصوره صح
عشق…انتي بتتريق عليا صح
ليل..بحب مقدرش انتي عارفه يا عشق انا لو مكنتش لاقيتك كان جرالي حاجه بجد
عشق…انا مكنتش عارفه اروح فين ويمكن لو كنت انت اتأخرت شويه كنت هتلاقيني جيالك ????
ليل…لا عياط تاني لا خلاص بقي وحيات غلاوت ليل عندك
عشق…بحبك يا ليل ????????
ابتسم ليل..عارفه انا عايز اعمل ايه الوقت
عشق…????????ايه
ليل…طيب تحبي تعرفي ولا تتفاجئي
عشق…لا بلاش مفجأه.
ليل…ليه دي كانت هتعجبك اوي????????
عشق…ليل انت مش مؤدب صح
ليل…بضحك والله انتي تعرفيني اكتر مني انا شخصيا انا كنت ايه في حلمك ????
عشق…مؤدب????
ليل…احلفي كده????
عشق….يعني مؤدب شويه
ليل…ماشي ياستي عموما بعد كلمه بحبك دي انا عايز اشيلك وافضل الف بيكي
عشق…طيب انا بقول بلاش جنان ويلا نمشي من هنا
ليل…طب نجرب????
عشق…يلا
ليل…طب لفه صغيره????
عشق..بضحك ليل يلا
ليل..بابتسامه طب نص لفه
عشق…ولا ربع لفه
ليل…ياساتر????????
عشق…ليل صحيح انت قولت فيه مفجأه هتقولها بعد الحفله كانت ايه
ليل…لا مش هقولك خلاص
عشق..طب ليه عشان مشيت
ليل…لا عشان اللفه????????
عشق…بضحك بلاش رخامه بقي وقول
ليل…طيب اتحايلي عليا شويه????
عشق…هعيط????
ليل…وانا مقدرش خلاص ياستي هطلع اطيب منك واقولك
انا والشباب بقالنا كتير مش خدنا اجاوه فا اتفقنا اللسبوع الجاي ناخد اربع ايام مع بعض ونسافر فا قولت يعني تيجو معانا تغيروا جو وتخرجو من كل حاجه حصلت الفتره اللي فاتت
عشق …انا موافقه طبعا
ليل..اصلا بعد اللي حصل انهرده وبعد اعترافك بخط ايدك بحبي خلاص مبقاش في حجه اسمها موافقه ولا مش موافقه انا اللي اقول????????
عشق….ليه ان شاء الله سي السيد
ليل…عاجبك ولا لا
عشق….انا بحبك في كل حالاتك ياليل
ليل….طب بعد الكلمتين الحلوين دول…هو مش سي السيد ولا حاجه بس مش عارف اقولهالك ازاي بس من يوم ما حسيت بحبك جوايا وانتي بقيتي بتاعتي تخصيني مش عايز اكون في مكان من غيرك يعني مش تحكم ده حب.
عشق …اقولك علي حاجه
ليل….قولي ياست البنات
عشق…انا من كتر ما انا مش مصدقه اللي حاصل ده خايفه اكون بحلم
ليل….لا ياستي مش بتخلمي وبعدين لو عايزه تتاكدي انا فالخدمه???????? هاكدلك بطريقتي
عشق…بضحك انت قليل الادب ياليل.
ليل…بس بحبك…وبعدين انتي ايه حكايتك مع الاحلام.
عشق….مليش حكايه ولا حاجه بس ديما احلامي بتتحقق
ليل…طيب بقولك ايه بسرعه بسرعه
عشق ..بخوف في ايه
ليل…اعتبري نفسك بتحلمي  الوقت حالا
عشق…اشمعني
قرب منها ليل وفي لمح البصر خطف من خدها بوسها وشالها وفضل يلف بيها..
عشق…من صدمتها واحراجها ما نطقتش حضنته وهي مخبيه وشها في رقبته..
ثواني ونزلها وهو باصصلها بترقب????????
عشق…روحني بسرعه يا مجنون.
ليل…حاضر ياقلب المجنون مدلها ايده ومسك ايدها بكل قوته شال منها الشنطه وفضلت ماسكه بايدها التانيه صورته…وراحوا مع بعض علي العربيه عشان يرجعوا وكل واحد فيهم جواه سعاده متتوصفش❣️
يتبع…..
لقراءة الفصل الثامن عشر : اضغط هنا
لقراءة باقي فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى