Uncategorized

رواية زمردة الزين 2 الفصل الثالث والعشرون 23 بقلم فاطمة سعيد

    رواية زمردة الزين 2 الفصل الثالث والعشرون 23 بقلم فاطمة سعيد

  رواية زمردة الزين 2 الفصل الثالث والعشرون 23 بقلم فاطمة سعيد

  رواية زمردة الزين 2 الفصل الثالث والعشرون 23 بقلم فاطمة سعيد

عدى وقت طويل ويزيد وسليم مش ساكتين وبيخلصوا تجهيزات شقتهم وحاجاتهم بأيديهم وسنانهم 
ويزيد أتقدم فى شغله وكل مادة بيكشف عن ضاحى اكتر واكتر 
عز كتب كتابه على بطة فى بيت مصطفى من غير اى حاجة ومكانش فى غير العيلة وخدها وسافر عشان عمليتها 
سلمى مكانتش تعرف عن عملية بطة عشان لو منجحتش مكانش حد عارف غير مصطفى وقالوا إنهم سافروا عشان يدوروا على حل يمكن يكون فى امل عشان ميدوش حد امل زائف 
وكريم وجويرية لسة متظاهرين بالبرود وأنهم اتطلقوا وده جزء من الخطة عشان يوقعوا اصلى وباريش 
رقية ومالك مفيش فى جمالهم ????
مليكة وحسام قربوا من بعض جدا وعلاقتهم بقت احسن بكتير وحبهم بيكبر مع الوقت ومبقوش يتخانقوا 
فى ألمانيا …..
( طبعا الحوار مترجم ???? )
الدكتور : استاذ عز احب اقول لحضرتك بعد الفحوصات والنتائج أن العملية بنسبة كبيرة جدا تنجح وترجع زى الاول 
عز بفرحة : بجد يا دكتور 
الدكتور : هى هتمشى على العلاج اسبوعين بعديه هنعمل العملية وان شاء الله خير 
عز بفرحة : شكرا عن اذنك 
بعد ما خرجوا 
بطة ببراءة : هو واضح ان فى اخبار حلوة 
عز بابتسامة : الدكتور قال نمشى على الدوا اسبوعين وبعدين نعمل العملية واحتمال كبير جدا أن العملية تنجح 
بطة بدموع وفرحة : بجد يا عز 
عز بابتسامة حب : بجد يا قلب عز هترجعى زى الاول تانى واحسن يا بطتى انا معاكى 
بطة باستغراب : بطتى اول مرة تقولى كده 
عز : تؤتؤ قولتهالك قبل كده مرتين مرة مسمعتنيش ساعتها كنتى فى المستشفى يوم ما اتصابتى ويوم واحنا خارجين لما روحنا القناطر كلنا 
بطة بضحكة خفيفة : بتهزر انت بتعد والا فاكر والا اي 
عز نزل قدام كرسيها بابتسامة : هو انا اقدر انسى حاجة تخص بطتى بردو 
بطة بتوتر : طب اي يلا نروح الفندق 
عز ابتسم : مفيش الكلام ده انا النهاردة فرحان وهنخرج هو احنا بنيجى المانيا كل يوم 
بطة : هنروح فين 
عز بضحك : تيجى نروح الفندق 
بطة بمرح وتصنع ضحكة : اهاهاها دمك خفيف هاهاهاها لذوذ اوى 
عز بمرح قام وقف : انا انسحب لأنها وصفتنى بلذوذ وهذا غير لائق 
غمض عينه بطريقة مضحكة ورفع أيده : ألغى رحلتشى 
وسابها ومشى 
بطة ضحكت عليه : ولاا طب تعالي خدنى طب 
وزقت كرسيها وراه وعز جه خدها وخرجوا يقضوا يوم جميل مليان تفائل وامل وضحك 
_______________
فى الشركة عند كريم …..
كريم بقى بيتعامل مع اصلى بلطف مزيف عشان يخليها توثق فيه 
فى مكتب كريم دخلت عليه اصلى وكريم قام استقبلها وهو نفسه يجيبها من شعرها 
كريم بابتسامة : النونو بتاعنا عامل اي 
اصلى بفرحة بتغيره : جميل وبيسلم عليك 
كريم ابتسم بتكلف بس لازم يعمل كده وقعدوا 
اصلى بابتسامة : كريم هو انت اتغيرت معايا ليه 
كريم بابتسامة مماثلة : عشان خلاص مبقاش فى حياتى غيرك انتى وابننا وان شاء الله جوازنا قريب أوى واكتشفت انى حبيتك وجويرية دى كانت مجرد اعجاب 
جويرية وهى بتسمعم من السماعة اللى حطينها هى وكريم : ده انا هوريك الاعجاب اصبر عليا أن ما وريتك وخليتك تلف حوالين نفسك كده مبقاش جورى 
وسمعنى احلى سلام انا مش مبينالو انا ناوياله على اي كده ????????
اصلى بفرحة : بجد يا كريم 
كريم ابتسم : اكيد انا بس اللي عايز اعرفه ليه جويرية عملت كده 
اصلى باستغراب : عملت اي قصدك
كريم : يعنى ليه راحت لباريش كان ممكن تقولى كنت هسيبها بس ليه تعمل كده 
اصلى بخبث : عشان هى فى دمها الخيانة ومتستاهلكش 
كريم كان نفسه بجيبها من شعرها ازاى تقول كده على حبيبته البومة دى بس مسك نفسه عليها بالعافية 
كريم ابتسم : استنى اوريكى حاجة كده 
اصلى ابتسمت له وكريم فتح الاب توب ووراها الفيديو اللى اتبعتله واصلى اتصدمت وبصتله بخوف 
اصلى بخوف : كريم انا هفهمك 
كريم بصلها بصة وهى اترعبت من نظرته 
كريم بعيون جحيمية : تقوليلى حالا كل حاجة حصلت 
واكمل بزعيق : فاهمة 
اصلى بخوف وعرفت أن مفيش مهرب : باريش كلمنى واتفقنا تخليك تشك فى جويرية وهو ياخدها وانا اخدك انت 
جويرية دخلت ووقفت جمب كريم 
كريم بنظرة شر : كملى 
اصلى بخوف : وبعدين بعت حد لجويرية بعصير فى مخدر وانا شربتك عصير فى منوم عشان تصحى مش فاكر واقدر اخدعك 
واكملت بسرعة ورجاء : بس والله عشان بحبك 
كريم بصوت واطى جدا ومليان شر : اخرسى 
جويرية نفسها خافت منه وبصتله وهو بصلها أنها تطمن 
كريم بشر : انتى عارفة لولا أنك بنت انا كنت عملت فيكى اي 
اصلى قامت وقفت بخوف 
وجويرية وقفت قدامها بهدوء 
جويرية بهدوء : للاسف هو مبيضربش بنات بس انا بضرب عادى 
وجابتها من شعرها ????
( انا رياكشن محمد هنيدي احسن احسن ???????????????? )
كريم بيحاول يبعدها عنها ومانع ضحكته بالعافية : خلاص يا جورى كفاية 
جويرية بغضب : سيبنى عليها الحيزبونة دى والله لانتفلك شعرك اخليكى تغطيه بدل الهدوم اللى مش لابساها دى 
كريم بيمنع ضحكته بالعافية على مراته وشراستها وفضل ماسك جويرية لو سابها فعلا هتعمل اللى قالت عليه : خلاص أهدى 
كريم لاصلى بغضب : تتصلى بالكلب باريش آخره يكون هنا بكرة ولو سمعت انك قولتيله حاجة مش هعتبر انك بنت وهعمل فيكى نفس اللى هعمله فيه 
اصلى خافت وخدت شنطتها وقالتله هتخليه يجى مصر بكرة 
بعد ما خرجت 
جويرية : انت استحليتها والا اي سيبنى 
كريم سابها وضحك على اخر ما عنده : ااه مش قادر 
جويرية بسرحان فى ضحكته : هااا
كريم بصلها بابتسامة وخبث : شكلى حلو اوى صح 
جويرية بتوهان : اوى 
بعدين انتبهت واتوترت : ا انت ازاى تمسكنى كده انت ناسى أننا متطلقين
كريم قرب وشه منها : بس انا مطلقتش وانتى لسة مراتى 
جويرية اتوترت من قربه : ل للا على فكرة واوعى كده 
وزقته ومشيت أو بمعنى أصح جريت لانها مش عايزة تضعف دى لسة هتربيه 
كريم ابتسم بخبث وحط أيده فى جيبه : اعملى اللى انتى عايزاه يا جورى وشوفى انا كمان هعمل اي 
جويرية روحت لقت جوان متضايقة وقاعدة هتولع 
جويرية بابتسامة : مالك يا عروسة
جوان بنرفزة : لا عروسة ولا زفت خلاص مش عايزة اتجوز 
جويرية بضحك : لي بس فى اي 
جوان بنرفزة : كده أن كان عاجبكوا
جويرية : طب ممكن تهدى وتفهمينى مالك 
جوان هديت : اتخانقت مع يزيد 
جويرية بدهشة : يزيد وانتى اتخانقتوا وه 
جوان بصتلها باحتقار : اي مش بنى ادمين والا اي 
جويرية بضحك : بس يزيد مبيزعلكيش قصدى 
جوان : عايز يعمل اوضه الاطفال بينك وعايز نجيب بنوتة قولتله افرض جه الاول ولد نعملها ازرق عشان ينفع الاتنين ولد وبنت وهو مصمم أنه يعملها بينك روحنا اتخانقنا 
جويرية بضحك : اتنين اطفال وهيتجوزوا ما جمع الا أما وفق 
جوان بضيق : بس بقى اخرسى 
جويرية : هما الرجالة كلهم كده يا اوختشى متضايقيش نفسك تعالى نفرفش 
جويرية قامت شغلت اغنية 
جويرية برقص : والنبى لو جانى باس ايدى كده واترجانى 
جوان قامت رقصت : انا عمرى ما هرجع تانى مبقيتش اقبل اعذار 
جويرية : حد الله ما بينى وبين واحد قلبه ناسينى 
جوان : اتهزت صورته فى عينى مبقاش فى بينا عمار 
وفضلوا يرقصوا وتلفون جوان رن وقفلت السماعة بسرعة عشان ترد 
جوان : الو 
يزيد : اكيد مش هسيبك تنامى زعلانة يعنى المهم انا توصلت لحل احنا نسيب اوضة الاطفال خالص عشان حواراتها كترت وأما نبقى نخلف ندهنها انا وانتى سوا اي رايك 
جوان ابتسمت : حل جميل 
يزيد بغرور مصطنع : انا عارف انا عارف لا داعى للتصفيق 
جوان ضحكت : التواضع يا اخ 
يزيد ضحك : يلا بقى تصبحى على جنة
جوان ابتسمت : وانت من اهلها
مع السلامة 
يزيد بسرعة : اه وحاجة كمان بحبك 
جوان ابتسمت بكسوف : وانا كمان 
وقفلت التلفون بسرعة 
جويرية بتريقة : والنبى لو جانى باس ايدى كده واترجانى انا عمرى ما هرجع تانى 
جوان بمرح : اي يا جورى مش كده هو مباسش ايدى ولا اترجانى عشان كده رجعت عادى نيهاهاهاها ????????????
وبعد ضحك وهزار دخلوا ناموا 
تانى يوم فى الشركة …
باب مكتب كريم خبط 
كريم : اتفضل 
ياسمين دخلت : فى واحد برة عايز حضرتك 
كريم باستغراب : واحد مين 
ياسمين : معرفش حتى مرضيش يقول اسمه 
كريم استغرب وقالها تدخله 
فى ألمانيا ….
بطة منتظمة على العلاج وعز بياخد باله منها جدا 
صحيوا على خبط على باب اوضتهم 
بطة بتنادى على عز اللى نايم على الكنبة : عز يا عز 
عز بنوم : اممم 
بطة : قوم شوف مين بيخبط 
عز قام وبيفرك فى عنيه : دى اي الرخامة دى على الصبح
عز قام فتح والباب اتزق فجأة وهو وقع فى الارض ودخل اتنين ملثمين 
بطة اتخضت وقامت قعدت بسرعة بس معرفتش تتحرك من السرير 
واحد من الملثمين : طلع اى فلوس فى الاوضة ( مترجم )
عز بتهدئة : اهدوا هجيبلكوا اللى عايزينه محدش يعمل حاجة 
طبعا عز كان خايف على بطة 
قام عز وحاول يزق واحد فيهم بس التانى كان أسرع ومعاه اله حادة وجرح ايد عز بيها 
وجريوا برة الاوضة بعد ما خدوا الاب توب بتاع عز 
وبطة بتعيط على السرير وتنده باسمه 
عز بتهدئة : متخافيش يا بطة انا كويس اهدى 
بطة بدموع : انا مش عارفة اقوم الحقك انا اسفه 
عز راح لها : ممكن تهدى انا كويس 
وأكمل بمرح : وبعدين هتقومى تعملى اي اتوكسى ده انا اهو معرفتش اعمل حاجة 
بطة ضحكت بين دموعها : لا انا بمية راجل على فكرة 
أكملت بقلق : عز ايدك بتنزف جامد لازم نروح مستشفى 
عز قام جاب علبة الاسعافات : أهدى يا حاجة بسيطة مش عميقة 
عز لاحظ قلقها وحب يطمنها : عارفة اي اللى مضايقنى 
بطة بصتله : اي 
عز بدراما : أصله خد الاب اللى بعمل عليه الشغل ابن الهبلة 
بطة ضحكت عليه وعلى طريقته
عز بابتسامة حب : يلا عشان تفطرى وتاخدى الدوا يا بطتى 
خلصوا وعز ساعدها وقعدها الكرسى وخدها ونزلوا وراح عمل بلاغ أن الاب اتسرق 
وخدها وفضلوا يتفسحوا فى البلد ويتفرجوا 
عند كريم …..
دخل اللى جاى لكريم 
كريم بفرحة وقام سلم عليه : ازيك عامل اي رجعت امتى 
السواق ( حسن ) 
اللى كان فى تركيا فاكرينه : كويس الحمد لله حضرتك عامل اي يا رب تكون لحقت علاقتك مع الهانم 
كريم باستغراب : وانت عرفت منين 
حسن : انا اللى بعت لحضرتك الفيديو لأنهم اتكلموا معايا فى العربية ومكانش ينفع اعمل حاجة غير لما ابعد واسيبهم واسافر واول ما دبرت الدنيا بعت لحضرتك الفيديو على طول 
كريم بابتسامة : يا زين ما عملت انت كشفت الحقيقة بس دلوقتى انت هتشتغل فين 
حسن : لا لسة معرفش اهم حاجة انى بعدت عنهم دول شياطين 
كريم حط أيده على كتفه : خلصانة من النهاردة انت السواق الخاص بيا 
حسن : مفيش داعى يا كريم بيه 
كريم بمقاطعة : لا بيه مين ده انت اعز اصحابى هالحين 
حسن : ربنا يخليك انا بس 
كريم بمقاطعة : لا مفيش بس يلا يا باشا عشان توصلنى مكان عندك شغل 
حسن بابتسامة : حاضر يا باشا 
كريم بصله بنص عين : باشا 
حسن : خلاص كريم كريم 
حسن خرج هو وكريم 
كريم للسكرتيرة : ألغى اجتماعات النهاردة يا ياسمين انا مش جاى تانى 
ياسمين بعملية : حاضر يا فندم 
وحسن واقف متنح لياسمين مشالش عينه من عليها 
وكريم لاحظ ده وابتسم وعدى على جويرية ونزلوا كلهم 
جويرية : نفسى افهم انت واخدنى على فين 
كريم : اسكتى بقى قولتلك مفاجأة اطلع يا حسن 
جويرية : اي ده مش انت السواق اللى كان فى تركيا 
حسن بابتسامة : اهلا يا هانم 
كريم حكالها كل اللى حصل 
وجويرية شكرت حسن وطلعوا بالعربية 
بعد وقت وصلوا قدام الجامع اللى كريم راحه قبل كده 
حسن باستغراب : باشا هو احنا جايين هنا ليه 
كريم : يعنى اي 
حسن : اصل انا ساكن هنا 
كريم : بجد انا اصلا جاى لحد هنا استنوا هنا 
ونزل ودخل الجامع شوية وخرج وهو معاه الشيخ عشان يعرفه على جويرية 
مجرد ما شافه حسن جرى عليه حضنه وفضل يبوس أيده 
الشيخ بفرحة : حسن انت رجعت امتى 
حسن : لسة راجع النهاردة عامل اي يا بابا عاملين اي كلكوا 
الشيخ : كلمت كويسين يا حبيبى وبعدين بص لكريم : هى دى المفاجأة اللى قولت عليها 
كريم ابتسم : لا انا معرفش أنه ابنك انا مفاجئتى اهى وشد جويرية جمبه 
الشيخ بابتسامة : هى دى 
كريم ابتسم له وهز دماغه 
وجويرية مستغربة 
الشيخ بابتسامة : تعالوا يلا نروح كلنا البيت عندى 
ورحوا كلهم البيت وحسن سلم على امه اللى عيطت اول ما شافته وسلم على إخواته والشيخ عرفهم على كريم وجويرية وقضوا اليوم هناك وكان يوم جميل حبوه كلهم 
عدى اسبوعين وعز مهتم ببطة اكتر والكل بيكلمهم يطمنوا عليهم 
وجه ميعاد العملية 
بطة نايمة على السرير بخوف : عز انا اتراجعت من عايزة امشى 
عز وطى عليها : ينفع تقولى كده يا بطتى متخافيش انا معاكى أن شاء الله خير خلى أملك فى ربنا كبير انا واثق انك هتخرجى من هنا وانتى بتمشى على رجلك ومش بعيد تجرى عليا تحضنينى كمان 
بطة بدموع : يا ريت يا عز بس انا بخاف من المستشفى انت عارف
عز : متخافيش طول ما انا جمبك انا هفضل واقف هنا مستنيكى ماشى  
بطة هزت راسها بماشى وعز شاور للممرضة تاخدها 
بطة على الباب : عز 
عز : نعم 
بطة بدموع : اوعدنى لو العملية منجحتش هتطلقنى وتبعد عنى للابد 
عز : بطة مش هوعدك بحاجة مش هتحصل انا مستحيل استغنى عنك عارفة لي 
وقرب من ودنها : عشان انا بحبك بطة بصتله بصدمة من اول ما اتولدتى على سريرى وانا بحبك حاسس انك حتة منى يلا روحى وارجعيلى بالسلامة 
بطة كانت فرحانة من جواها على اللى قاله بس اتكسفت جدا وبعظين دخلت العمليات وفضلت جوه وقت طويل اوى لحد ما خرجت واتنقلت اوضة عادية 
عز بقلق : ها يا دكتور 
الدكتور بابتسامة : متقلقش العملية نجحت مع العلاج الطبيعي هترجع تمشى احسن من الاول 
عز فرح جدا وراح لبطة وفضل قاعد جنبها وماسك أيدها لحد ما فاقت 
بطة بتعب وهى بتفوق : عز 
عز جمبها : عيون عز العملية نجحت يا بطاطا 
بطة بفرحة وتعب : بجد يعنى هرجع أمشى تانى 
عز باس راسها : هترجعى احسن من الاول ونجرى سوا كمان 
وعدى الوقت ومحدش يعرف أن بطة عملت عمليتها وكمان خلصت العلاج الطبيعي وبقت بتمشى عادى الحمد لله 
وجه يوم حنة جوان وروجيندا كان فى يوم فرق بين الحنة و الفرح 
اتجمعت البنات كلهم واصاحبهم فى شقة زين وكانوا لابسين فساتين قصيرة ومشغلين اغانى وكلهم بيرقصوا وفرحانين 
ويزيد وسليم وكل الشباب فى بيت ادم وبردو فرحتهم من قلبهم 
فى شقة زين الباب خبط 
وراحت زمردة تفتح وهى دموعها فى عينها من فرحتها ببنتها ولقت بطة قدامها وافقة دخلت بطة حضنتها وكلهم فرحوا جدا لما لقوها بتمشى وسلمى فضلت تعيط وتاخدها فى حضنها 
وعز راح للشباب وبردو فضل معاهم 
وقضوا اليوم بين ضحك وفرحة وكل واحد قلبه مليا فرحة وبهجة والعيلة مبسوطة 
هل هتدوم فرحتهم والا فى قدر كده ليه رأى تانى !!؟ ( هنشوف ) 
خلص اليوم وبالليل كل عريس كلم عروسته فى التلفون ومخليش من هزارهم وضحكهم وحبهم اكيد ما هما حسن وبقلظ ????
فى التلفون ….
بعد كلام كتييير 
يزيد : جوان 
جوان : اممم 
يزيد : عايزك تعرفى انى بحبك اكتر من اى حاجة فى الدنيا واوعى تقلعى السلسلة بتاعتنا فى يوم من الايام 
جوان باستغراب من نبرته : اكيد يا يزيد بس ليه بتقول كده 
يزيد : لا عادى انا بس بقولك يلا تصبحى على جنة يا عروستى
جوان بابتسامة : وانت من اهلها 
وقفلوا وكل واحد نام 
تانى يوم عدى مفيش جديد غير أن يزيد وسليم بيجهزوا اخر حاجات عشان خلاص فرحهم بكرة وسط فرحة الكل بيهم وبفرحتهم 
بالليل والكل نايم …
جه تلفون لزين 
زين : السلام عليكم 
المتصل : عليكم السلام لو سمحت معايا الأستاذ زين عبد الله الصياد 
زين باستغراب : أيوة انا اتفضل 
المتصل : …………………
زين بصدمة : ..! 
يتبع….
لقراءة الفصل الرابع والعشرون : اضغط هنا
لقراءة باقي فصول الرواية : اضغط هنا

‫4 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى