رواية حورية في قلب الليل الفصل الثالث والثلاثون 33 بقلم ميفو السلطان

رواية حورية في قلب الليل الفصل الثالث والثلاثون 33 بقلم ميفو السلطان

رواية حورية في قلب الليل البارت الثالث والثلاثون

رواية حورية في قلب الليل الجزء الثالث والثلاثون

رواية حورية في قلب الليل الحلقة الثالثة والثلاثون

كانت لؤلؤ نائمه لتسمع رنه رساله لها لتقوم وتمسك تليفونها لتفتح التليفون لتحس ان الشياطين تلبستها.
لتصرخ…. يا نهار ابوه اسود ومطين فامامها صوره لاكونت ليل فيه صوره حوريه وَسط الروث لتحس انها ستموت حيه لتهب وتقوم وتهيج وتظل تدور في الغرفه.
لتتصل بجاسر فلم يرد عليها ليمر الوقت لتتصل به لتصرخ…. انت فين.
ليهتف…. ايه يا جلبي مالك انا برات البلد.
لتصرخ… والحيوان اللي اسمه ليل فين والله لاحرق قلبه واوريه ان لؤلؤ وحوريه عضمهم ناشف.
ليهتف… مالك يا جلبي بليل حصل ايه.
لتصرخ…. حصل كل زفت علي دماغه البيه. المفضوح منزل صوره مراته عالفيس َمنه لله. والله لاوريه واعلم عليه انا مش هسكت ولا هيهمني حد وحق اختي هاخده من نن عينه تالت ومتلت. روح قول اخوك لؤلؤ هتخلع قلبك. دا واحد طايح مالوش كبير وانا هعرفه يعني مالوش كبير. روح قله مش لؤلؤ اللي تنضرب علي وشها وتسكت. ان ماكت اخليه ينح زي الحريم مابقاش لؤلؤ. هو ايه فاكر انه هيطيح وهسكتله مش بيقول عتامنه ورفاعيه انا هعرفه بنت العتامنه هتحرق قلبه ازاي. انا اختي سته وست الناس مايتعملش فيها كده انا كفايا عليا سكوت كده يقابل بقه واغلقت الخط و هو مبهوت.

ليهتف… صوره ايه ومالها اكده ليفتح الصوره ليهتف… يا مري ليل يعمل اكده اتجنن اياك يا حزن الحزن. طب اعمل ايه دلوك اني برات البلد ليتصل باخيه فلم يرد عليه ليتصل بلؤلؤ فلم ترد ايضا ليقرر ان يعاود البلد كي يتصرف في تلك المصيبه.
عند حوريه كانت تجلس حالمه تفكر في ليل وكيف قضت معه ليله حالمه.
لتدخل عليها لؤلؤ كالنار صارخه… شفتي المحروق جوزك والله لاخلع قلبه وانهشه بايدي.
لتبهت حوريه.. ايه يا لؤلؤ عيب كده ماتتكلميش عن جوزي كده.
لتصرخ لؤلؤ.. جوز الهم والغم. طب ياختي اتفضلي شوفي جوزك منزل ايه فضيحه..
لتنظر حوريه.. لتنصعق من الصوره ليرجف قلبها.. ليل يعمل كده ليه. ليل عمل كده لا مش ممكن لتحس ان انفاسها ستزهق لتصرخ… لا دا مش ليل انا ما اصدقش ليل مايعملش فيا كده اكيد فيه حاجه غلط. لا انا متاكده انا واثقه في ليل هو حسسني بالامان لا يا اختي لا ليل مش كده.
لتصرخ لؤلؤ… انت معتوهه امال ده مش ليل ازاي.
لتتنهد حوريه وتحاول ان تتجلد لتهتف… اما يجي هساله ليل َمايعملش فيا كده مش بعد ما نمت في حضنه..
لتظل اختها تجادلها حتي انفجرت في البكاء وصرخت مش ليل مش ليل..
لتتنهد اختها فهيا خافت عليها واندفعت تحتضنها..

عند ليل كان يقف في الارض مع والده وكان الوقت قد حل المساء ليصل اليه جاسر من السفر ليصرخ…. اتجنيت يا ولد ابوي خيبت علي كبر التار لحس عجلك اياك.
ليبهت ليل.. مالك يا زفت انت اتخبلت اياك حد يهجم علي حد اكده.
ليهتف جاسر… من عملتك السوده دي اخرتها تفضح مرتك يا حزين من ميته بندخل حريمنا في الجرف ده.
ليصرخ ليل.. ماتنطج فيه ايه في يومك الاغبر.
لينظر اليه جاسر بغضب.. ويخرج تليفونه فيه دي… فيه الفضيحه دي فيه مرتك بتفضحها اكده
ليبهت ليل وينظر للصوره…. يا مري ايه ده يا حزن الحزن. اني مانزلتش حاجه يا مراري وعيتلها كيف دي ليخرج تليفونه ويمسح الصوره.
ليهتف جاسر… وصلت للؤلؤ وحوريه.
ليصرخ ليل… وصلت لمرتي يادي الحزن وجالت ايه.
ليهتف جاسر… اني اللي مرتي جالت وجالت اخص عليك.
ليهتف ليل….. جولتلك مانزلتش حاجه منين الصوره دي حد سرج تليفوني اياك. ومين عمل اكده داني هطلع روحه بيدي هم هم اما نشوف هعمل ايه في البلوه دي.

ليستدير جاسر الي والده…. هتاجي معانا يا ابوي.
ليهتف بدران… لاه يا ولدي عمك وهدان جاي يجعد معايا شويه نتسامرو.
وانت يا ليل شوف حالك يا ولدي مرتك ماتتحملش حاجه عفشه.
ليستدير ليل ليذهب جاسر ويعطي لابيه عصاه كانت بعيده عنه ليرفع راسه ليلمح احدا يسلط بندقيته عليهم ليصرخ…. إلحج يا ليل ولد المحروج ده.
ليبهت ليل ويستدير لتنطلق الطلقه لتدخل في جسد ابيهم.
ليصرخ جاسر ويهب ليل وينطلق كان سريع البديهه كالفرس الرماح. ليجري ويطارد ذلك الحقير وجاسر حمل ابيه ووضعه في العربه وانطلق الي المشفي يصارع الزمن لانقاذ ابيه.
ظل ليل يطارد ذلك الحقير حتي تجمع الناس وانهالو عليه.
ليمسكه ليل وينهال عليه ضربا . ليحتجزه الناس بعيدا عن ليل الذي كان سيقتله لياخذه الناس ويذهبون به الي المشفي للاطمئنان علي ابيهم وامرهم ان ياخذو الرجل الي احد المخازن ولا يسلموه للشرطه. ليذهب للاطمئنان علي ابيه ليعلم ان الاصابه في ذراعه وان ابيه في حاله ليست سيئه.
ليهتف جاسر… اني هرجع البيت اشوف البنات وانت شوف ولد المحروج ده وهات ابوك لو جدر وتعالي لينطلق كل الي مكانه.
ليدخل ليل علي ذلك الحقير وينهال عليه ضربا ليتهالك الرجل ليهتف ليل… من اللي كراك يا نجس علي بدران الرفاعي انطج.
ليهتف الرجل وهو يلهث.. هجول هجول والله

ليضربه ليل انطج يا فاجد ناسك.
ليهتف الرجل…. جاتلي حرمه اسمها لؤلؤ هيا اللي ادتني دهبات. وجالتلي طخ الحاج بدران. وجالتلي انها هيا واختها واسمها حوريه اتفجو يطخو الحاج عشان يحرجو جلب ليل الرفاعي. وورتني تصويره اختها وهيا في الواغش. وكات البت محروجه وجالتلي اختها هيا اللي فكرت تحرج جلبك عشان عملت فيها اكده. وانك لازمن جلبك يتخلع. وان ولاد العتامنه ماحدش يعمل فيهم اكده وانك مبهدل مرتك و واخدها غصب.
ليبهت ليل.. حوريه عملت اكده هيا واختها.
ليصرخ الرجل… اي والله يا بيه وجالتلي عايزه تحرج جلبك بالجوي وماهتسيبش طارها ولاد العتامنه مايتعملش فيهم اكده. اني يعني كت بهوش بس يا بيه والله لا فيه جتل ولا يحزنون.
ليتلبس ليل الشياطين….. بقي بت الكلاب هيا واختها عايزين يموتو ابوي دانا هطلع روحهم وانهال عليه يضربه حتي فقد الوعي.
ليعود ليل مسرعا الي البيت ليجد اخيه جالسا ومعه لؤلؤ وحوريه ليدخل غاضبا كالنار
لتقفز حوريه اليه….. حبيبي انت جيت انا والله يا ليلي ما صدقت اساسا.استحاله اصدق فيك حاجه انا واثقه فيك يا قلب حوريه والله اوعي تفكر اني بس حتي ظنيت فيك يا قلبي.
ليقابلها بصفعه علي وجهها لتقع علي الارض وتنظر اليه برعب.

لتهب لؤلؤ…. انت قطع ايدك بتمد ايدك عليها. ليهجم علي لؤلؤ ويمسكها من شعرها ليصرخ بقي يا فاجره تكري الراجل علي ابوي.
ليهب جاسر…. بعد يدك انجنيت اياك.
ليصرخ… الفاجره دي هيا َو الحربايه التانيه اللي كروي الزباله وكرو الراجل علي ابوك. الراجل اللي اعترف راحت بعد ما شافت التصويره.الراجل راحتله وخططت وورته التصوير وجالتله ولاد العتامنه مايتعملش فيهم اكده. واتفجت هيا والحيه التانيه ودفعتله عشان يضرب ابوك. نساوينا كرو راجل علي ابوك.
ليبهت جاسر ويهوي قلبه وينظر للؤلؤ وحوريه لينهال ليل علي لؤلؤ ضربا.وحوريه انكمشت بجانب الحائط تنتفض برعب وتنظر الي اختها وقلبها يتمزق لتسمع ليل يصرخ بغل . ايه غلك ده جاي مكفي علي وشي استسمح مرتي وانت كيف الحيه انت والحزينه اللي عامله ملاك لتحس لؤلؤ بانفاسها تتقطع ليلقيها تحت قدم جاسر.
لتهتف بقهر…. سايبه يضربني سايب راجل غريب يضربني اكري ايه َانا ماعملتش حاجه.
ليهتف جاسر بقهر …. عشان اكده كتي عايزه تحرجي جلب اخوي وتعلمي عليه.. عشان اكده جوليلي مالوش اكبير هعرفه تكري الراجل علي اكبيرنا. انا استاهل منك اكده. تجرحي جلبي. ليه اكده داني عامل خدي مداس ليكي.
لتصرخ…. ماعملتش حاجه ماعملتش
لتهتف حوريه بنحيب…. احنا ماعملناش حاجه والله.

ليهجم عليها ليل ويمسكها من شعرها…. بقي اكده يا عجربه وعامله فيها كيف الحيه بتتلوني وعاملالي ملاك وانت حيه بتنهشي فيا ولما جبتينا تحت طوعك. صحيح غلبت مرت عمي تجول خلي بالك من الحيه االي هتلدعك واهه لدعتك كانت صوح. (بس يا حلوف 😠😠)
كان يضربها وهيا تنتحب وتنتفض ولا تفعل شئ ولؤلؤ تحت قدم جاسر راسها محني لم تعد قادره علي الحركه من كثره الضرب.
ليصرخ…. انتو ازاي اكده صحيح لا ليكو فصل ولا انربيتو من الاساس ولا حد رباكو. كتو متسابين اهناك.
لتسقط حوريه من فرط ضربه وتنكمش.
الا ان لؤلؤ تجمعت نفسها وقامت.
لتمسك جاسر…. اوعي تقول انك مصدقه اوعي اموت. جاسر بصلي ساكت ليه جاسر والنبي انا مش حمل تعمل فيا كده.
لتصرخ… بصلي بصلي امال كت بتقرب ليه انا وثقت فيك بصلي. لتهتف غاضبه.. ما بتبصليش ليه اخص عليك انت راجل انت. انا مش شايفه فيك ريحه المرجله. .
ليهجم عليها ليل….. وليكي عين.. مش شايفاه راجل ماللي زيك ماينفعلهاش الا شورابه خرج. ايه عايزه تجتلي ابوي ويجي يطاطي ليكي هاه.. عايزه ايه جولي تروحي وتخططي لده كله.. ابوي يتجتل عشان تصويره منك لله. ايه غلك ده كتي تعالي موتيني اني خدي حجك مني اني. بس اللي زيك لازمن ياخد جزاءه انت والحربايه التانيه. ايه فاكرين انكو عشان حلوين هتركبو وتدلدلو وتركبونا العيبه لاه انتو هتترمو رميه الكلاب برات الدار وهتتفضحو.

ليشد لؤلؤ ويصرخ…. ارمي عليها اليمين دي مره سو ماتستحجش انها تنساب.
لتصرخ…. اوعي يا جاسر اوعي هموت والله اوعي يا حبيبي..
ليشدد ليل علي شعرها لتصرخ…. اكتمي ايه فاكراه اهبل هيسمعلك لاه انت هتخرجي من اهنه مفضوحه ليصرخ في اخيه ارمي اليمين خليك راجل مرتك حطت وشك في الطين هتبقي دلدول ومره. تجتل ابوك وسيبها. ليرميها تحت قدمه.
لتشهق وترفع راسها وتنظر لزوجها لتهمس.. لا والنبي لا ماتموتنيش لؤلؤ هتموت ماهقدرش اعيش وتقوملي قومه. لا يا جاسر دانت قلتلي هبقي سندك ماتقطمش ضهري حرام تصدق هعمل كده ليه يا حبيبي والنبي بلاش ماتصدقوش حبيبي انا حبيبتك اللي نامت في حضنك.
ليصرخ ليك.. اخرسي يا رخيصه ارمي اليمين بجولك.
لتان وتنظر اليه
ليهتف جاسر بقهر….. انت طالج..
لتنهار ارضا وتحس ان قوتها نزعت منها وتهالكت واحست بسكين ينغرز في قلبها لتسقط وتنتحب.

ليهجم ليل علي حوريه التي كانت تنتفض برعب فهذا كثير عليها وعلي شخصيتها.
لتسمع ليل يصرخ لتتشنج في يديه ليصرخ.. بطلي تمثيل بقه… وانت بقه ليل بيجولك ماعتش عايز يشوف وشك اللي كيف الحيه ده انت طالج ولسه هتترمو وتتفضحو وهناخد حجنا من العتامنه.
ليلقيها بعيدا لتسقط علي اختها مقهوره ليهتف يلا بره ماشفش وشكو اهنه..
لتحس لؤلؤ انها ماتت وتهالكت لم تعد قادره ان تتحرك.
لتقوم حوريه بقهر رغم خوفها وانتحابها لتحتضن اختها لاول مره تنهار لؤلؤ وجاسر قلبه ينهشه عليها.
لتنظر اليه وتهتف…. يا ريتني ماحبيتك. انت مت بالنسبالي واندفنت حبيبي اللي حبيته مات وهبكيه عمري كله انت ماتنفعش تبقي حبيب من اساسه. لؤلؤ انت قتلتها وقتلت حبيبها منك لله.
لتحتضنها حوريه…. قومي يا حبيبتي خلاص ماعتش لينا مكان هنا قومي.
لتقوم وتاخذها في احضانها.. لتذهب الي ليل الذي كان يقف والغضب يعميه لتهتف.. قلتلك هترميني زي بابا فاكر. قلتلك ماتوعدش وماتاخدنيش في حضنك وانت هترميني. ليه كنت عارفه وحاسه. انا ماصدقتش فيك وانت صدقت. انا وثقت فيك وانت طعنت. انت مزعتني انت مش بس عملت زي بابا انت اسوء منه. انت ازاي كده ازاي. بس بجد انت اكدتلي ان مفيش حاجه اسمها حب ولا امان انت خلعت قلبي وانا غلبانه وعمري ما هسامحك. انا حبيتك وحبيت حضنك وانت وعدتني ماتوجعيش. بس انت حضنك ده بقي موت بالنسبالي ابعد عنه بالمشوار انت دمرتني ودمرت جوايا بدل ماكت بخاف بقيت ميته انت موت كل حاجه يا ليل.

ليهتز هو لدقيقه ولكنه اشاح وجهه بعيدا وهتف…. بره بدل ما اسوي جتيل وانا ما بجتلش نسوان.
لتاخذ اختها لتقول.. كتر خيرك بس انت قتلت ومزعت انت اتهمتنا بحاجه ماعملنهاش وطلقتونا واخرتها ترمينا في الشارع في انصاص الليالي. ترمي لحمك يا ليل بيه.
ليصرخ…. ماعتيش لحمي ولا هتبجي في يوم لحمي. لحم رخيص ما يتسماش علي اسمي. روحو للعتامنه واني هاجي اخد حجي منيهم. عشان لو رحت بيكو دلوك هجلبها نار ورماد.
لتنزل دموعها.. فعلا ماعتش هيبقي لحمك ولا عمره هيبقي لحمك تاني. بس لحمنا مش رخيص. اعرف ان لحم حوريه عمره ماهيبقي تاني لليل. اعرف ان حوريه ماعادتش هتنفع بسببك. اعرف ان حوريه هتعيش عمرها مدبوحه بسببك. عشت عمري خايفه دخلت حياتي حسيت مره واحده بالامان قمت علي فلقه قلبي. لتقترب اكثر وهيا تنتحب… لترفع يدها لتضعها علي قلبه. اللي هنا ده كان نفسي فيه كان نفسي اعيش جواه بس طلع مافيش هنا حاجه من اساسه. فايتالك دنيتك وفرحانه اني فايتاها عشان ربنا رحمته واسعه اني ماعيش عيشه امي. اه اترميت زيها بس ماعيش زيها. بكره تعرف ان حوريه حبتك حب يكفي دنيا بحالها. بكره تعرف اني غلبانه وانقتلت بسببك. بكره تعرف اني ماعملتش حاجه وانظلمت. عيشت عمري مظلومه يعني هيا جت عليك تكمل ظلم وتمزع. كانت دموعها تسيل لتهتف… فايتالك دنيتك عيش فيها وكمل انتو الغل جواكو بيحركو زي العرايس مابتعرفو تحسو. يا خساره حبي ليك يا خساره نومتي في حضنك. يا ريتك ما وعدت. وعد الرجال سيف

بس طلع سيف مخوخ الصدأ كله من الغل والكره. حوريه هتمشي من حياتك راضيه بقسمه ربنا. قسمه ربنا ليا اني مانسعدش ولا افرح. راضيه بقسمته اني ماليش اعيش بأمان واكمل خوف. قسمه ربنا ليا ان حبيبي يقتلني ويخليني مانفعش لحاجه تاني..افرح يا ليل انك خدت طارك من ولاد العتامنه. اهوه اخيرا التار اتاخد بقتل بناتهم. افرح واقعد افتكر ازاي كت بتحن عليا وادورت خلعت قلبي افرح وافرح بدنيا مافيهاش حوريه. انت فعلا ماينفعش اكون ليك.. واحده ضعيفه غلبانه وواحد جاحد مالوش قلب. فايتاك لدنيا جديده اتجوز صابحه وافرح بيها انتو شكل بعض. بحمد ربنا اني ماشيه كنت هجيب منك عيال الغل يكويهم. اموت انا الف مره ولا اجيبش نسخه ليل الرفاعي من بطني. انت صعبان عليا بجد ربوك ان الغل بالغل وربنا قال والكاظمين الغيظ. انا بقه حوريه الغلبانه مش عايزاك الف مره لو جيت زاحف. احنا ماشين ونفدنا بجلدنا منكو انتو مش بني ادمين. حسبي الله فيكو و شدت اختها واتجهت الي الخارج ولؤلؤ متهالكه لا تقوي علي الكلام وقلبها يمزعها.
ليظلا يمشيان في الليل وقد حل الظلام وهما وحيدتان بلا مال ولا سند
لتهتف لؤلؤ.. هنروح لتيته.
لتصرخ حوريه… مش هنروح لحد خلاص احنا مالناش حد ولا هيبقي لينا. حد انسي واقفلي علي الوجع ده ليظلا يمشيان والتعب انهكهما ليصلا الي موقف العربات لتخرج حوريه سلسلتها وتعطيها للسائق ان يوصلهما مقابل الاجره. ليحن الرجل ويرفض ليركبا وتبدا رحله العوده ورحله الوجع من فتاتين ليس لهما اي ذنب في شئ سوي انهما احبا بصدق.

ليصلا ليعطيهم الرجل مالا ليركبا ويصلا الي بيتهم لتصلا البيت لتقوم حوريه بكسر شراعه الباب وتمد يدها وتدخل وما ان دخلا حتي تهالكت لؤلؤ وانفجرت في البكاء لتحتضنها حوريه وتبكي.
لترفع راسها…. هنعمل ايه انا موجوعه اوي حاسه اني طاقتي خلصت حاسه اني هموت انا بحبه اوي هموت يا حوريه.
كانت حوريه لا تنطق وتنتحب في صمت لتحتضن اختها فهيا يبدو عليها الوهن لتهتف اجمدي يا لؤلؤ لازم نجمد.
لتصرخ…. مش قادوه حاسه اني هموت.
لتقوم حوريه وتحاول ان تبدو قويه لتضعها علي السرير…. لا لازم نجمد ونبعد. من بكره هبيع البيت ده عشان ماحدش يوصلنا ماجدك لو عرف هيجي ياخدنا ويرجعنا لازم نبعد ونقطع علاقتنا بالماضي خلاص.. الوجع مش هيروح بس الوجع والنصيبه لو جدك رجعنا. لتقوم وتضع اختها في الفراش متهالكه وتصبح لؤلؤ كحوريه ضعيفه خانعه والقهر ينهش قلبها لتنام وقلبها قد تمزع أشلاء.
لتنسحب حوريه ببطئ وتخرج وتسقط متهالكه وتنفجر في البكاء فكانت قد تحاملت علي نفسها من اجل اختها. لتنتفض وتظل ترتعش بقهر لتتكور علي نفسها من وجعها وتأن خوفا من القادم. فقد نامت علي امان الدنيا لتستيقظ علي فاجعه نهشت قلبها لتظل تنتحب.

رجعتي تاني يا حوريه لوحدك والخوف بينهش فيكي. رجعتي تاني مرميه زي امك غلبانه. كنت فاكره ايه كنت فاكره الدنيا امان كنت فاكره هتفرحي.. بس ليه ليه قلبي بيتمزع ليه يا قلبي عملت فيا كده نمت علي صدرك. اول مره انام من غير خوف تصدق اني اقتل انا يا قلب حوريه انا ياللي مزعت قلبَي. طب هعيش ازاي من غيرك دانت روحي اهون عليك ترميني كده. كده يا قلبي انا خايفه ومرعوبه خلاص رحت خلاص وراح الامان راح الدنيا اللي اتمنتها. كان وهم يا حوريه كل ده َوهم. حبه وهم. كان كدب وعيشك فيه.. نامي يا حوريه علي قلب ليل واصحي مفجوعه. نامي وليل حطك في قلبه وقام نهش قلبك.. قلب الليل اللي مابيعرفش الا القسوه والغل.. انت عشقتي غلط وعيشتك غلط واتخلقتي عشان تعيشي لوحدك خايفه مرعوبه.. لتأن بوجع.. اه يا قلبي رجعلك الخوف تاني ورجع الرعب جواكي. مالكيش لا تفرحي ولا تحسي بالامان لان مفيش امان يا حوريه. انعادت قصتك وانت صغيره امك حبت واحد ورماها. انت حبيتي واحد ونهش قلبك.. عيشي بقه بخوفك واعرفي ان الدنيا دي دنيه خوف ووجع.. حاولي تعيشي وتبطلي خوف وقهر وتبقي بني ادمه زي بقيت الخلق.. هتكملي كده ازاي وانت متمزعه وليل نهش قلبك بعد ما كان سندك.. هتعيشي ازاي يا حوريه لتنهار وتشهق وتمسك قلبها.. ااااه قلبي قلبي حرام عليك دانا حبيتك حرام عليك دانا غلبانه ومابعرفش اعمل حاجه.. حرام اعمل ايه في وجعي وخوفي يا رب هون عليا هموت.. لتظل ان تنتحب الي ان نامت كما هيا مستكينه وحيده بلا سند ولا يد حانيه عليها..
ماتزعليش يا قلبي هربيهولك الحلو ده 😢😢

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية حورية في قلب الليل)