Uncategorized

رواية ما بين الحلم والحقيقة (دار الأيتام 2) الفصل الثاني والثلاثون 32 بقلم أميرة أسامة

 رواية ما بين الحلم والحقيقة (دار الأيتام 2) الفصل الثاني والثلاثون 32 بقلم أميرة أسامة

رواية ما بين الحلم والحقيقة (دار الأيتام 2) الفصل الثاني والثلاثون 32 بقلم أميرة أسامة

رواية ما بين الحلم والحقيقة (دار الأيتام 2) الفصل الثاني والثلاثون 32 بقلم أميرة أسامة

نزلوا البنات الشركه من التاني ورجعوا اهتموا من تاني بالجامعه والمحاضرات عشان الامتحانات قربت كانوا لسه في حالت حزن كبيره لاكن الي حد كبير اتأقلموا
اتفق ليل مع الشباب انهم يحاولوا يشغلوا البنات في شغل كتير عشان يقدروا يخرجوا من حالت الحزن دي وكل تركيزهم يكون في الشغل وبس
في خلال الاسبوع حجات كتير اتغيرت واولهم ميرنا????
وفي صباح يوم جديد عصيب ملئ بالتوتر
الكل كان مندمج في الشغل كان في شغل كتير جدا وده طبعا من بعد ما رجعوا من السفر وموت حاج محمد كل ده كان مخليهم مش قادرين يركزوا فالشغل
ليل…بلغ شاهي انها تبلغهم كلهم بأجتماع طارئ و ضروري وكان باين عليه العصبيه
بلغت شاهي الجميع
وبعد حوالي عشر دقايق كان الكل في غرفه الاجتماعات.
ليل….المفروض اننا تقريبا ماسكين اهم ست مشروعات فال سنه دي
سلمنا منهم اتنين والشهر ده المفروض هنسلم منهم واحد وطبعا عشان الظروف اللي كنا فيها الفتره اللي فاتت واللغبطه اللي كانت حاصله هنضطر نأجل معاد التسليم اسبوعين كمان مش فاهم اصلا ليه التأجيل المفروض الشغل كان اتسلم في معاده احنا اللي كنا مشغوليين وعندنا ظروف مش العمال والموظفين والمهندسين بس دي غلطه وانا هحاسب اللي قصر فيها عشان احنا طول عمرنا مواعيدنا ثابته ومظبوطه ولو حصلت مره او اتنين واتأخرنا بيبقي يوم بالكتير لاكن اسبوعين محصلتش طبعا انا بحمد ربنا ان اللغبطه  والتأخير ده حصل في مشروع هادي عشان عارف انه هيقدر ده…ماعلينا خلينا فالمهم شاهي
شاهي…تحت امر حضرتك
ليل…شايفه الورقه دي
شاهي…ايوه يامستر ليل
ليل….الورق اللي هناك ادامك ده عايزك تطلعيلي كل النسخ اللي شبهها هنا
شاهي…تحت امر حضرتك
راحت شاهي تطلع نسخ الورقه من كوم ورق محطوط علي تربيزه تانيه….كمل ليل كلامه
ليل…..خلصنا من اول مشكله نركنها علي جنب ليل كان بيتكلم بعصبيه شديده ومفرطه لاول مره يتكلم بيها الكل كان ساكت بما فيهم الشباب.
ليل….الكارثه التانيه مااحنا مبقاش عندنا غير كوارث اليومين دول…
المفروض امبارح كنت بعمل جرد السنه وطبعا اللي مسؤول عن اي مليم فالشركه قسم المراجعات اللي مسؤوول عنه استاذ نوح واستاذ ادم ونور وزهره المفروض بتخلصوا مراجعه ويجيلي كل الورق اراجعه مره اخيره صحح
ادم…تمام ياليل واحنا راجعنا الورق وكله تمام مفيش اي غلطه ولا فيه اي نقص فالميزانيه
ليل….ده باماره ايه ان شاء الله انا راجعت الورق والميزانيه اللي بتتكلم عليها دي ناقصه 11مليون يا ادم باشا
ادم….نعم 11مليون ازاي
ليل…هو ايه اللي ازاي يا استاذ ادم بقولك ناقصه 11مليون والمفروض ان انتوا الاربعه مراجعين الورق ده كله امبارح
نوح…ليل احنا راجعنا الورق دي ميت مره قبل ما نسلمهولك
وبعدين انت بتتكلم في رقم يعني اكيد لو في نقص كنا خدنا بالنا
ليل…طيب تمام وانا بقولك ناقص 11مليون حابب اعرف راحوا فين
والورق ادامكم تقدروا تبصوا عليه حالا وتعرفوني فين العلط يمكن انا مبفهمش ومبعرفش اراجع
ادم…ليل براحه وواحده واحده اكيد انت غلطان
ليل….واحده واحده ايييه بقولك نقص 11مليون من الميزانيه وبعدين انا اللي اطلع غلطان ايه وانا اول مره اراجع انا عايز اعرف الفلوس دي راحت فين
فتح ادم الورق هو ونوح وفضلوا يراجعوا بسرعه الورق واكتشفوا ان فعلا في نقص
ادم….فعلا في نقص بس كده في حاجه غلط الورق ده احنا راجعناه مع بعض امبارح كذا مره ومش انا بس احنا الاربعه كنا بنراجعه يعني لو واحد غلط وده طبعا مش وارد في غيره تلاته بيراجعه وراه
ليل…تمام…مين بدأ بالمراجعه
نوح….نور وبعدين زهره وبعدين انا وبعدين ادم
ليل…حلو يعني الورق يا ادم لما وصلك كان سليم صح
ادم…ايوه صح وانا راجعت تاني وراهم ومفيش اي نقص وبعتلك الورق مع ميرنا
ليل….وانا مراجعتش الورق ده امبارح انا من الصبح وانا براجع فيه وكل مره بلاقي نقص
يعني كده الشيك اللي ناقص ده كان بينك انت وميرنا
ادم…بغضب تقصد ايه ياليل انا راجعت الورق واديته لميرنا
ميرنا….مستر ليل لو حضرتك فاكر انا خرجت من المكتب بعد ما خدت الورق من ادم ولقيت حضرتك ادام المكتب علي طول وحضرتك خدته مني يعني مكنتش لسه اتحركت بيه ولا في اي حاجه وقعت مني
ليل…حصل يا ميرنا يبقي انتي بره الحوار ده
ادم…يعني ايه الغلط عندي انا يا ليل
ليل….والله ما عرفش انا فعلا كنت واقف ادام مكتبك ولقيت ميرنا خرجت وقالتلي انها كانت جايه تسلمني الورق خدته منها وانت بتقول انك اخر واحد مستلم الورق عشان تراجعه وكان سليم بعد ما التلاته اللي قبلك راجعوه افهم من كده ايه
ادم…بضحكه بسيطه لاكن كلها استغراب ليل هو المعني اللي واصلي ده بجد ولا ايه
ليل….الحق ميزعلش يا ادم باشا ولا ايه
ادم….حق ايه انت اتجننت يا ليل ولا ايه
ليل…وهو بيضرب عالمكتب بعنف.  ادددددم خلي بالك من طريقه كلامك مش ليلي السيوفي اللي يتقاله كده
ادم…ولا انا يا ليل ينفع انك تطلعني حرامي انا من يوم ما اشتغلت في مجموعه السيوفي ومفيش مليم نقص فيها حافظ انت علي كلامك معايا
نوح…ليل اللي بيحصل الوقت ده مينفعش
جاسر….اهدي يا ليل انت وادم الموضوع ميتحلش كده ويمكن الشيك ده محطوط هنا ولا هنا
سراج….اعدوا يا شباب وفكر يا ادم يمكن نسيت تختم الشيك ده وحطيته في اي مكان
ادم…هو ابه اللي نسيت يا سراج باشا ورق المفروض خلاص هسلمه لليل هشيل منه شيك بتاع ايه اصلا ومن امته في ورق بيفضل معانا بعد الجرد
سراج…ايوه يا ادم بس ده مبلغ مش صغير وليل معاه حق يتعصب
ادم…بابتسامه زهول يعني ايه انت بتأكد علي كلامه يا سراج باشا
سراج…ادم انا لا بأكد ولا اي حاجه بس بنتكلم بالعقل
ادم…عقل ايه اللي في كلامكم مفيش كلمه بتقولها فيها عقل انتوا عارفين انتوا بتقولوا ايه اصلا انتوا مطلعني حرامي
نوح…محدش قال كده يا ادم اهدي بس
ليل….هو ايه اللي اهدي يا نوح انت كمان خلاص احنا غلط فين الشيك ده
شاهي….مستر ليل مفيش اي نسخه للورقه دي موجوده في الورق
ليل…بابتسامه اهوووو الشيك مش موجود منه النسخ بتاعته كلها براڤو اتلعبت صح واللي خد الاصل خد النسخ كلها
جاسر…طيب ياليل يمكن الغلط في البدايه في المراجعه مش يمكن من الاول اصلا الشيك ده مكانش موجود ولما وصل لادم هو راجع صح وراهم لانه مش محطوط الشيك ده وسط الورق
ليل….لا والله امال راح فين الشيك
ادم….ايه انت مش راضي تفتنع باي حاجه غير ان انا اللي خدت الشيك ده بالنسخ بتاعته
عشق….ليل ممكن تهدي الكلام ميبقاش كده
تمارا…طيب احنا ممكن ندخل المكتب ندور معاهم واكيد هنلاقيه
ليل…انا مش عايز اي حد يدخل فالحوار ده
سكتت عشق وتمارا
ادم…بصلهم وضحك متحاولوش ليل باشا مصمم يطلعني حرامي
ليل…انا مطلعتكش حرامي يا ادم انا مش هتبلي عليك
ادم…تمام يا ليل وانا معرفش اي حاجه عن الشيك ده
ليل….تمام وانا هحولك للتحقيق
قام ادم…وقف وهو بيبص لليل
ولحد ده ما يحصل انا بره الشركه وبره البيت وهبعتلك عن ان بمكاني يا ليل باشا لاني اكيد مش هربان ولا خايف من اي حاجه بس من اللحظه دي يحرم عليا اني اكون معاك في مكان واحد لا شغل ولا بيت
زهره…ادم استني لو سمحت
نوح ..استني يا ادم
خرج ادم من المكتب بعد ما رزعه كان في قمه غضبه
جاسر…لليل في ايه ياجدع ايه اللي انت عملته ده ده ادم ياليل انت انجننت فعلا
ليل…قولت محدش يدخل
جاسر…لا هتدخل يا ليل ادم عمره ما حط ايده علي مليم من فلوس الشركه طول عمره اكتر حد امين
انت لو عايز تشك بجد يبقي تشك فينا كلنا وادم لا
ليل…باماره ايه لو هو امين فين الشيك فين النسخ فين
ميرنا….جاسر صراحه ليل معاه حق ومن غير ما حد يزعل مني مشكلتكم هنا في مصر ان عشان انتوا بتكونوا صحاب مبتشكوش في بعض مع ان ممكن اقرب حد واثق فيه يعمل كده لاكن بره يا جاسر بيفصلوا شغلهم عن قرابتهم او معارفهم الشغل شغل واللي بيغلط بيتحاسب بيتعاملوا جد الشغل مش فيه هزار
جاسر…انتي بتقولي ايه مش ادم يا بنتي انتي مش فاهمه حاجه
ادم انضف من انه يعمل كده
ليل…بس هي بتتكلم صح نايمكن عشان احنا شايفين انه ميعملش كده ومدينله الامان بزياده خان الثقه دي وهو مطمن اننا مش هنشك فيه
نوح…وهو ماسك دماغه انا مش قادر استوعب اللي بيتقال مش مصدقك ياليل
ميرنا….بصوا انا هقول حاجه حصلت ادامي ومش عايزه خد يضايق مني دي شهاده حق هتحاسب عليها امبارح مستر ليل بعتني اخت الورق من ادم اول مره قاللي لسه بخلصه نص ساعه وتعالي خديه انا قولتله تمام وبلغت مستر ليل بس لما دخلت عليه كان ماسك ورقه في ايده وبيدور علي ورق تاني المفروض لو هو بيراجع يكون مركز يكون هادي عشان يقدر يراجع لاكن ادم كان بيدور علي ورق وكان باين عليه انه متوتر جدا وبيدور بسرعه رهيبه حتي لما قاللي اعديه عليه بعد شويه مكانش باصصلي وكان مركز جدا في الورق وبصراحه بقي المنظر اللي شوفته بيه امبارح ده يقول ان هو اللي عمل كده وانه كان بيدور علي باقي النسخ عشان يقدر يخفيها بسرعه
ليل….طيب مقولتيش الكلام ده ليه ادامه
ميرنا…بصراحه الوضع مش محتاج خناق وكنت عندي امل شاهي تلاقي الورق خوفت اقول كده فالاخر الورق نلاقيه ويبقي منظري مش حلو وادم وقتها كان حقه يزعل مني
ليل…وبعد ما خدت منك الورق نوح بعدها بعشر دقايق جه المكتب عندي ولما سالته عن ادم قاللي مشي خلص شغل وقال رايح مشوار صح يا نوح
نوح…ايوه ياليل بس هو كان عنده معاد مع صاحب الڤيلا اللي هيبيعها ماهو قايلك
ليل…صح وقاللي كمان انه بكره هيديله مقدم عشان كده كانت مستعجل
ميرنا…كده اسفه بجد دي واضحه اوي كل حاجه ضده
جاسر….بعنف انتي تسكتي خالص انتي اصلا بتدخلي ليه هي ايه اللي واضحه انتي مجنونه
نوح…ميرنا من فضلك متدخليش عشان صدقيني هتزعلي مني
ميرنا…انا بقول اللي شوفته
جاسر…ده لو كنتي بتشوفي اصلا
ليل….ايييه ما تمسكوا في بعض ادامي احسن هي بتقول اللي هتتسأل عليه يوم القيامه…وبعدين انا مش فاهم انتوا بتدافعوا عليه اوي كده ليه
جاسر….اييييه يمكن هنقاسم معاه يا ليل باشا..
ليل…هو انت مش شايف بتدافعوا عنه ازاي
جاسر…والله لو في حد يدافع عنه حتي لو شافه بعينه بيسرق يبقي انت يا ليل ادم مش من دمي ولا في بيني وبينه صله قرابه مبنامش معاه في بيت واحد زيك
ومع ذلك انا بثق فيه اكتر ما بثق في نفسي عشان صاحبي واللي بيني وبينه اكبر بكتير من شويه فلوس يا ليل
جاسر….انا خلصت شغل وتقريبا اجتماعك خلص ولولا ان الشركه فيها شغل كتير وحجات اكتر متوقفه علي شغلي كنت سبت الشركه انا كمان
ليل….لا والله للدرجادي
جاسر… اه للدرجادي ياليل مش هاين عليا اسيبك معكوك في الضغط ده كله عشان انت مني ياليل بس للاسف حتي اللي بقوله ده انت مش هتفهمه..
بعد اذنكم
زهره….جاسر خدني معاك من فضلك
ليل….ايه علي فين مش في شغل ولا هو نادي اللي عايز يمشي يمشي واللي عايز يأعد يأعد
زهره…زي ما جاسر قالك يا مستر ليل احنا خلصنا شغلنا اصلا ومن انهرده اعتبرني مستقيله
ليل…بضحكت سخريه لا والله ليه ان شاء الله يا زهره هانم انتي عايزه تخربي بيتي الشغل مش هيمشي من غيرك
زهره…من غير تريقه من فضلك يا مستر ليل الموضوع مش مستاهل
ليل…ايه زعلانه عشان ادم بردو
زهره…يمكن انا معرفش ادم اد ما حضرتك تعرفه يمكن المواقف اللي شوفتها معاه مش اد المواقف اللي انت عيشتها معاه بس ثقتي في ادم وامانته تخليني ارفض اعد في مكان اتهان فيه
ليل…وده بصفتك ايه ان شاء الله
زهره….بصفتي اني هبقي مراته وكرامته من كرامتي انت مدتلوش الحق انه يدافع عن نفسه وحكمت عليه ووارد اي حد يتحط فالموقف ده وبردو وقتها مش هتسمي عليه اللي خلاك تشك في ابن خالتك وصاحب عمرك مش هتشم في اي حد تاني مفيش بينك وبينه قرابه
ليل….حلو الكلام ده مقنع بس يمكن في كلام مقنع اكتر من اللي انتي بتقوليه ده
زهره…زي ايه
ادم…زي انك متفقه معاه مثلا????
زهره….بثقه وابتسامه هاديه زي ما هتحول ادم للتحقيق انا ببلغك من الوقت ادام الناس دي كلها انا كمان مستعده للتحقيق
ليل…حلو وانا موافق انتي وادم متحوليين للتحقيق
تمارا….مستر ليل انت بتقول ايه
عشق….ليل اللي بيحصل ده مينفعش
ليل…ايه في حد عايز يتحول للتحقيق هو كمان الاجتماع انتهي اتفضلوا????????????
خرجوا كلهم من المكتب وكلهم متعصبين
فضل في الاوضه سراج وشاهي وميرنا
ليل كان باين عليه العصبيه الشديده بيهز رجله بطريقه مستفزه ورغم بروده الغرفه من التكييف لتكن حبات العرق كانت بتجري علي وشه
سراج…اهدي ياليل مش كده ولو ادم هيبان بس مش معقول تخسر كل اللي حواليك
ليل…كلهم وقفوا ادامي وكلهم واقفين مع ادم وشايفني شيطان ولحد اخر لحظه انا مرضتش اقولهم اني راجعت الكاميرات وشايف بعيني ادم وهو بياخد الورق
سراج…ينهار اسود معقول
ميرنا…انا مكنتش مرتحاله لما شوفته بس متزعلش مني يا ليل انت اللي غلطان المفروض كنت قولتلهم ووريتهم الكاميرا بنفسك عشان محدش يغلطك او يشوفك زي ما بتقول
ليل…مرضتش يا ميرنا عشان لاخر لحظه محافظ علي شكله وباقي عالعيش والملح والدم اللي بينا وبعد كل ده هما كلهم جايين عليا مع انهم المفروض يعرفوا اني ادام جيت علي حد منهم يبقوا واثقين اني اتأكدت قبل ما اظلمه هما عارفين اني بثق فيهم ثقه عميا ومش بسهوله اتعصب واقول اللي قولته ده بس بروده وطريقته فالكلام انه مظلوم هي اللي عصبتني وفالاخر نوح وجاسر يقفوا ادامي
سراج….خلاص اهدي بقي وصلي عالنبي كده ولو علي جاسر ونوح انا هكلمهم وافهمهم كل حاجه
ليل ..ولا تفهم ولا تتكلم خلصت بكره يعرفوا كل حاجه لما يتحول للتحقيق
ميرنا…طيب هو انت هتحول زهره فعلا زهره طيبه ميتهياليش تعمل كده
ليل….متخلنيش اشك في ذكائك بقي انتي لسه قايله فالشغل مينفعش نقول ده يعملها وده ميعملهاش وادم وزهره في بينهم مشروع جواز واكيد متفقين
ميرنا…في دي عندك حق ولو فعلا متفقين هيبان.
شاهي…مستر ليل اجيب لحضرتك قهوه
ليل…بغضب انتي لسه واقفه هنا
شاهي…بخوف حضرتك مقولتليش امشي
ليل…اتفضلي علي مكتبك وابعتيلي القهوه بتاعتي عالمكتب
شاهي…تحت امرك بعد اذنكم
سراج…انت هقوم امشي انا بقي ياليل عشان عندي مشوار مهم واي جديد بلغني
ليل…ماشي ياعمي اتفضل انت
ميرنا…انت لسه ادامك كتير
ليل…لا انا هشرب القهوه واحاول اهدي شويه وهمشي
ميرنا…طيب انا همشي
ليل…استني هشرب القهوه واوصلك معايا
ميرنا…طيب تمام
خرجت ميرنا علي مكتبها وخرج
ليل علي مكتبه.
كانت عشق خلصت لم الورق وظبطت كل حاجه ومستنيه ليل يرجع المكتب
دخل ليل فجأه المكتب من عير ما يخبط ورزع الباب حست عشق برجفه في قلبها من شكله وطريقته العنيفه  بس حاولت تجمع نفسها وتبان طبيعيه
راح ليل اعد عالمكتب وكانه مش شايفها تجاهلها تماما
جمعت عشق نفسها وراحت ادم المكتب
عشق….ليل محتاج حاجه قبل ما امشي
ليل….مين قال انك ماشيه????
عشق…بثبات انا خلصت شغل وده وقت المشي بتاعنا كلنا تقريبا
ليل…لسه في شغل يا عشق
عشق…شغل ايه
ليل….هتكلمي ريما تديها معاد بكره عشان نشوف الشغل المتعطل بتاعها
عشق…بصتله بصدمه
ليل…ايه بتبصيلي كده ليه
عشق…عشان المفروض انك قولتلي كلميها وقت ما تحبي متكلميهاش خالص انتي حره وقولتلي انك بره الموضوع بتاعها ده وانا اللي هكون مسؤوله عن مشروعها ده مش انت
ليل… وانا مقولتش حاجه غير كده انتي اللي هتبقي مسؤوله عن كل حاجه لا هي ولا مشروعها يخصوني اصلا بس من اللحظه دي اي شغل الفتره دي متأجل هيخلص و بسرعه كمان
عشق…تمام ياليل زي ما تحب
فين رقمها
ليل طلع رقمها واداها موبايله خدت عشق الموبايل واتصلت برقم ريما من تليفون المكتب
ريما….الوووو
عشق….مساء الخير
ريما…مساء النور مين معايا
عشق…معاكي عشق الوكيل من مكتب مستر ليل السيوفي
ريما…اهاااا خير في حاجه
عشق…ابدا كنت محتاجه ادي حضرتك معاد بكره عشان نناقش تفاصيل المشروع
ريما…اوي اوي المعاد امته
عشق….معادك هيكون من 10صباحا لحد 10وربع
ريما…بسخريه ولبه ربع ساعه ده كتير اوي ممكن نخلص الكلام في دقيقه
عشق…للاسف مفيش وقت اكتر من كده عشان في مواعيد كتير
ريما.. اوك مفيش مشكله.
عشق….اوك
قفلت عشق من غير سلام وهي الغضب باين في عينها
ابتسم ليل وهو باصصلها
بصتله عشق…حاجه تاني
ليل….بسخريه كان ناقص تاكليها
عشق…وأكلها ليه عادي يعني
ليل…ماهو واضح
عشق…ليل محتاج حاجه تاني
ليل….انتي مالك قالبه وشك ليه
عشق…وهقلبه ليه في حاجه حصلت انا حتي شيفاك هادي خالص وملاك
ليل…بابتسامه انتي بتتريقي صح
عشق…وهتريق ليه مانت ملاك فعلا لو عاللي حصل من شويه ده عادي عصبيه بسيطه
ليل…عشق بلاش طريقتك دي بالله عليكي انتي مش فاهمه حاجه وانا علي اخري
عشق…تطلع ادم حرامي ولما زهره تدافع عنه تطلعها متفقه معاه وتحول الاتنين للتحقيق
ليل…مش يمكن انا متأكد يا عشق ان ادم عمل كده
عشق.. ادم بالذات لو شوفته بعينك كدبها اكيد في حاجه غلط ليل انا خوفت منك بجد
قام ليل راح وقف ادامها خفتي مني انا يا عشق
عشق…ايوه ياليل
ليل….عشق انا فالشغل مبعرفش اي حد وانتي عارفه كده كويس وده حقي مينفعش اتسرق واسكت لو نوح شوفته مكان ادم ده كان هيبقي رد فعلي ويمكن انا كنت فالحاله دي عشان بحاول اكدب نفسي ومش عارف لاني شوفت بعيني
عشق…شوفت ايه ياليل اللي مخليك متأكد كده
ليل…شوفت ادم فالكاميرا وهو بيطلع النسخ وبيشيلها في جيبه
عشق…مستحيل اكيد ده ورق يخصه او اكيد اي حاجه إلا انه يسرقك ياليل
ليل…بس هو سرقني ياعشق وخذلني وخلاني احس اني مينفعش اثق في اي حد كل ما ادي الامان الاقي حد قريب مني بيسرق الامان من تاني مني
عشق…طيب اعد معاه عشان خاطري حاول تتكلم معاه حتي لو هو اعرف عمل كده ليه مش يمكن محتاج فلوس
ليل…عشق ادم مش محتاج ولا المبلغ ده يهزه اصلا المشكله ان يمكن تكون دي مش اول مره لان حقيقي يمكن تكون اول مره انا اراجع وراهم اوقات كان بينقص مبالغ بس كانوا بيقدمولي ورق بتلفيات وحجات في الاجهزه استهلكت واتجاب بدالها كنت ببقي تمام لاكن المرادي مفيش حاجه متقدمه ويمكن اللي كان بينقص الاول كان بياخد وانا معرفش
عشق….انا بردو مش مصدقه ولا مستعوبه وحتي لو كان المفروض تتكلم بينك وبينه واعمل فيه الانتي عايزه بس مش ادامنا كلنا كده ادم كان بيتكلم بصدق ليل انت بتثق فيا انا احساسي بيقول انه برئ من تهمتك دي
ليل….لما يتحول للتحقيق يبقي يدافع عن نفسه
عشق…بردو هتعمل كده
ليل…معنديش حل غير كده
عشق…بصتله وزهره يا ليل
ليل…هي اللي طلبت انا من الاول موجهتلهاش اي حاجه
عشق….شوف ياليل اي حاجه تعملها كوم وانك تمس حد من اخواتي كوم تاني
ليل…عشق من فضلك ابعدي انتي عن كل ده وبعدين التحقيق ده شويه اسأله  بتتوجهلها يعني مش هيتقبض عليها ولو بريئه خلاص
عشق…وانا قولتهالك يا ليل ابعد اخواتي عن اي حاجه وألا ساعتها هتكون بتعاديني انا شخصيا
ليل…بصلها بغضب بعاديكي ياعشق
عشق…ايوه ياليل بتعاديني لو فاكر ياليل اني هحبك اكتر ما بحبهم تبقي غلطان ولو انا قدرت اعمل كده لازم تخاف مني ومهما كان درجه حبي ليك مش هتيجي 1%من اللي كلت وشربت ونمت واتربيت واتعلمت وضحكت وحزنت وعملت كل حاجه في حياتي معاهم زهره وتمارا كل حاجه ليا مش هقدر استحمل عليهم اي حاجه ساعتها صدقني مش هتلاقي عشق اللي واقفه ادامك الوقت هي اللي واقفه معاك وقتها.
ليل….وانا عمري ما هأذي حد منهم ياعشق
عشق…لو باقي عليا اتمني اللي بتقوله ده تنفذه بعد اذنك
خرجت عشق من المكتب ونزلت خرجت من الشركه كلها
كان نوح وجاسر ونور وزهره وتمارا واقفنلها تحت
عشق…بجمود معلش اتأخرت عليكم
تمارا…ايه كل ده
عشق…فين ميرنا
تمارا…متجبليش سيره البت دي بدل ما اقتلها
زهره…انا بجد اتصدمت فيها
نوح….عادي يابنات بقي ميرنا طول عمرها متربيه بره واكيد اتطبعت بطبع الاجانب اغلبهم عمليين والاحاسيس والكلام ده مبيفرقش معاهم جامدين جدا وبعدين هي متعرفش ادم اوي اه تعرفه من قبلكم بس انتوا عاشرتوه اكتر منها بكتير
جاسر…سيبوها دي ليها روقه افصل بس من اللي حصل انهرده ده
عشق….سيبكم منها الوقت ياجماعه وتمارا وزهره انا بقولكم ادام نوح وجاسر تتعاملوا معاها عادي ده رايها وهي حره متنسوش انها اعده معانا فالبيت واظن هتبقي قلت ذوق منكم لو اتعاملتوا معاها بطريقه مش حلوه
نوح…عشق بتتكلم صح
تمارا…ماشي ياعشق
زهره…انا مش هتعامل معاها اصلا لا حلو ولا وحش
عشق…حد فيكم كلم ادم
جاسر.. اه كلمته مان رايح يحجز اوضه في فندق قولتله يطلع عالشقه بتاعتي
عشق…يعني مراحش البيت زي ما قال دي طنط اكيد هتتجنن لما تعرف
جاسر…اكيد جتي مراحش خد هدوم عشان ميشوفعاش وتمنعه
نوح…انا هبقي اجبله كام غيار واوديهمله
جاسر…ليل مقالش حاجه
عشق…بيقول متعرفوش حاجه وشايف ان احنا اللي ظالمينه وبيقول كمان….سكتت عشق
جاسر…بيقول ايه
عشق ..يعني بيقول انه متأكد عشان كده متعصب وانه شاف ادم في الكاميرات وهو بيحط ورق في جيبه
جاسر…مستحيل طبعا
نوح….اكيد مستحيل بقول ايه انا رايح لادم  حد جاي معايا
جاسر…تعالي نوصلهم ونروح سوا
زهره…هو انا ممكن اجي معاكم
عشق…بقول ايه تعالوا نروح كلنا اكيد هو مضايق الوقت ومحتاج حد يتكلم معاه
جاسر…طيب تمام يلا
ركبوا كلهم مع بعض
وراحوا علي ادم…
ميرنا…كانت بتخلص ورق لحد ما ليل يخلص اللي وراه
شاهي….تحبي اساعدك
ميرنا…ميرسي يا شاهي انا تقريبا خلصت بس مستنيه ليل يخلص القهوه ويوصلني
شاهي…ممشتيش مع البنات ليه زي كل يوم
ميرنا…يعني بيتهيألي بعد اللي قولته ده مش هيبقوا طايقني خصوصا انهم بيفكروا بنفس
طريقتي هما بتحكمهم المشاعر والاحاسيس والجو ده
شاهي….بصراحه من غير ما تزعلي انا اصلا مش عارفه انتي ازاي اعده معاهم انتي حاجه وهما حاجه تانيه خالص ازاي قادره تاعدي معاهم في مكان واحد لا طريقه تفكيرك ولا استايلك ولا في اي حاجه تشبهكم
ميرنا…عادي كنت هأعد مع طنط مامت جاسر دي تبقي خالتي
شاهي…ايوه مانا عارفه
ميرنا…بس هي مش من سني وتعبانه ديما وانا بصراحه مليش دماغ للحجات دي ومش هيبقي معايا حد حتي جاسر كنت هروح عشانه بس لقيته معظم الوقت مع البنات فا مكنتش هشوفه ولا هلاقي حد اعد معاه فقولت ايه المشكله اني اعد معاهم واشوف جاسر هناك
شاهي….ممكن سؤال بس لو مش حابه تردي تمام كأني مسألتش
ميرنا…لا عادي ادينا بنتسلي لحد ما ليل يخلص
شاهي…هو انتي معجبه بمستر جاسر مش قصدي حاجه بس شيفاكي يعني راحه مخصوص عشان متأكده انك هتشوفيه هناك
ميرنا…ابتسمت بحزن ينفع مردش
شاهي…اكيد طبعا براحتك بس عايزه اقولك حاجه والله بجد انا ارتحتلك اوي ويمكن اكيد خدتي بالك البنات شغاليين هنا من قبلك بس مليش كلام معاهم علي تد مانا بشوفهم اقل منك في حجات كتير بس هما طبع التناكه والغرور في دمهم مش زيك خالص عالاقل انتي الوقت بتتكلمي معايا عشان كده لو حابه تتكلمي فضفضي يمكن ترتاحي
ميرنا…انا طول الوقت مش حابه فكره الجواز والارتباط دي خالص
عشان طول عمري بحب جاسر حتي من قبل ما يخطب اللي اسمها هايدي دي هي عمرها ما أذتني بس انا عمري ما حبتها عشان كنت شايفه ان هي خدته مني كنت بضايق وانا شيفاه بيحبها الحب ده كله وهي عادي مش مهتمه اوي كنت بتمني اكون مكانها عشان واوريله اد ايه بحبه اكتر منها بكتير بس لما لقيته متمسك بيها بعدت اوي وتقريبا مكنتش بنزل اجازات ولو نزلت مكنتش بروح عشان ماشفهوش
ومن فتره شوفته مع تمارا في سفريه شغل وبصراحه حسيت انه كان واحشني بجد قررت اعد حسيت ان نظراته هو وتمارا فيها حاجه قولت ادام عنده نيه يكلم حد غير هايدي ليه مفضلش انا كمان هنا يمكن يحس بيا واخر سفريه دي اتخانق مع هايدي وسابها وبرده مكانش شايفني ولا حاسس بيا خالص كنت مبسوطه انه ساب هايدي بس خوفت اكتر اللي خلاه يسيب هايدي بعد كل الحب ده عشان تمارا يبقي اكيد بيحبها اكتر من هايدي وقتها بس شلت هايدي من دماغي شويه مع اني بردو مش حباها لاني حاسه انها شاركتني فيه وركزت مع تمارا ساعتها قررت افضل معاهم واحاول ابعده عنها بأي طريقه بس بصراحه مش عارفه ويمكن بعد اللي حصل فالاجتماع ده ندمت اني اتكلمت عشان جاسر زعل مني وهي اكيد هتستغل موقف زي ده هي متعرفش اني بحب جاسر وملهم فاكريين ان في حد تاني في حياتي…بس ميعرفوش انه من طرف واحد هو اللي بيحبني لاكن انا قلبي مع جاسر وبس
شاهي…بصدمه…انتي شايله كل ده وساكته
ميرنا…اشيل واسكت احسن ما اتكلم واتعب بصي يمكن اللي بحبها فيهم عشق بس بردو هتكلم واقولها ايه مهما كان مش هتحبني اكتر من تمارا
شاهي…بغضب اهي عشق دي راس الحيه وبترسم علي ليل لحد ما شكلها وقعته
ميرنا…هي فعلا بتحب ليل وتقريبا ليل بيحبها
شاهي…رسموها صح عشق لمستر ليل وتمارا لمستر جاسر وزهره لمستر ادم حتي بنت حاج محمد اللي كان شغال عندهم رسمت علي نوح واتفقوا مع بعض ما كلهم مصلحتهم واحده انا اللي مستغرباله بجد ازاي اصلا يبصولهم
ميرنا….كل ده انا مش شاغلني اد ما شاغلني جاسر
شاهي…طب واللي يبوظلك علاقته بتمارا
ميرنا…ازاي
شاهي…دي بتاعتي انا بقي
ميرنا…ايوه بس انا مش حابه اي حد يتأذي بسببي انا كل اللي عيزاه جاسر يمكن اه مضايقه من تمارا زي ما كنت مضايقه من هايدي بس محبش ان حد يتأذي وبعدين انا نفسي يحس بيا من غير اي حاجه ما تحصل
شاهي…ماهو لو بعدناها عن طريقه هيحس بيكي وساعتها انتي بقي تشوفي شغلك
ميرنا….موافقه بس انتي بتقولي بعدناها تقصدي مين
شاهي…..هقولك بس ده بيني وبينك طبعا
ميرنا…اكيد
شاهي…انت علاقتي بهايدي حلوه جدا وعرفت منها انها ناويه تنتقم من تمارا وجاسر خصوصا تمارا ولو هايدي عرفت هتوسغلك سكه
ميرنا ..بس انا مش هسمحلها تأذي جاسر
شاهي…بصي هايدي وجاسر كده كده علاقتهم باظت وهايدي عارفه كده كويس  عشان كده عايزه تنتقم في تمارا عشان توجع جاسر فا لو انتقمت من تمارا ساعتها جاسر مش هيلاقي غيرك ادامه وساعتها دي شطارتك انتي بقي
ميرنا ..وتفتكري هايدي هتسيبلي جاسر بسهوله
شاهي…لا انتي متعرفيش هايدي من الاخر هايدي دي واطيه ميهمهاش غير الفلوس واللي عرفته منها انها واقعه مع شاب غني اوي ميقلش عن جاسر وفي مشروع خطوبه بس برده هي عايزه تنتقم بتقول عشان كرامتها
ميرنا…تمام جسي نبضها بس من غير ما تقولي اني معاكي حسيتي انه تمام خديلي معاها معاد
شاهي…تمام
خرج…ليل فالوقت ده يلا ميرنا
ميرنا…اه يلا انا مستنياك باي ياشاهي
شاهي…باي يا ميرنا
يتبع…..
لقراءة الفصل الثالث والثلاثون : اضغط هنا
لقراءة باقي فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى