رواية زمردة الزين 2 الفصل الرابع 4 بقلم فاطمة سعيد
 |
| رواية زمردة الزين 2 الفصل الرابع 4 بقلم فاطمة سعيد |
رواية زمردة الزين 2 الفصل الرابع 4 بقلم فاطمة سعيد
بعد وقت كل واحد خلص كليته وشغله وروحوا يجهزوا عشان يروحوا عزومة العشا بتاعت راجح
زين جمعهم كلهم ومشيوا
وصلوا فيلا راجح…
راجح باستقبال : اهلا بعشرة العمر اتفضلوا
ادم بمرح : يا راجل قول عشرة نص عمر احنا بقالنا تلاتين سنة مشوفناكش
راجح بضحك : عمرك ما هتتغير يا آدم
ميادة ( مرات راجح ) بابتسامة ود : اهلا يا جماعة اتفضلوا
راجح : اعرفكوا ميادة مراتى وام ولادى
ادم بنص عين : مراتك بتتكلم مصرى انت جيت من ورانا والا اي
راجح : لا هى أصلها تركى بس بتعرف تتكلم عربى والبركة فى اخوك علمها المصرى كمان
ادم بضحك : طول عمرك تنطق الحجر يا جدع
دخلوا قعدوا فى الصالون كل واحد بعيلته تمام وكلهم
زين : سيبنى اعرفك بعيلتنا بقى
زين وهو يشير لزمردة : دى بقى زمردة حياتى مراتى وحبيبتى وام ولادى
وده عز الدين ابنى الكبير وده يزيد ودى روجيندا ولادى
ودى رهف مرات ادم وده سليم ابنه وجوان وانت عارف جويرية شوفتها فى الشركة بس مجاتش معانا عندها شغل
وده اسر اخو زمردة وجوز اختى منة وده مالك وليه اخت توأم مليكة بس هى دكتورة صيدلة وفى شغلها بردو
وده مصطفى اخو رهف مرات ادم ومراته سلمى وولاده رقية وانس وفاطمة
هاا اي تانى ????
راجح : أيوة يعنى منين بيودى على فين
زين بضحك : هتعرفهم اكتر بقى وتحفظهم بعد كده
راجح بابتسامة : ربنا يزيد ويبارك وتفرح بيهم يا زين انت عارف كريم ابنى شوفته في الشركة واسما بنتى زمانها نازلة
قعدوا يتكلموا مع بعض كتير
شوية ونزلت بنت جميلة من على السلم محجبة بس باين عليها صغيرة
اسما بابتسامة : سلام عليكم
كلهم : عليكم السلام
راجح : اعرفكوا يا جماعة اسما بنتى
ادم : ماشاء الله زى القمر يا راجح مش شبهك خالص
راجح : اكيد مش شبهى انت مش شايف القمر دى واخدة كل الصفات من مامتها بالذات عيونها دى
اسما عيونها زرقة زى البحر وواخدة ده من مامتها ماهى تركية بقى ????
انس من ساعة ما نزلت وهو مشالش عينه من عليها وبعدين تدارك نفسه وغض بصره بسرعة
قعدوا يتكلموا مع بعض شوية
بعد وقت
راجح : يلا يا جماعة الاكل على السفرة اتفضلوا
خلصوا اكل والكبار قعدوا فى الفيلا جوة والشباب خرجوا يقعدوا فى الجنينة
يزيد بمرح : وحدووووه
كلهم : لا اله الا الله
يزيد : ربنا يجعلها اخر الاحزان يا شباب والله
سليم : الا يا واد يا يزيد مجبتش بن
يزيد : والله لو اعرف كنت جبت بن وجبت شيخ يقرالنا ربع
اسما بعدم فهم : لي هو فى عزا
كلهم ضحكوا هما متعودين على يزيد وسليم على طول كده
انس بضحك : لا متخافيش هو يزيد وسليم على طول كده تيمون وبومبا هتتعودى
اسما ابتسمت بتفهم : فهمت
يزيد بتأثر مصطنع : يا سلام أما قصة عبرة بصحيح
كلهم ضحكوا
عز الدين : بس فعلا القاعدة مملة تعالوا نعمل حاجة
كلهم : حاجة زى اي مثلا
يزيد : اى حاجة يا جدعان تعالوا نقوم نلعب كهربا حتى
كلهم ضحكوا
عز الدين : خلاص تعالوا نتكلم وكل واحد يقول نفسه يحقق أي
بما اننا أول مرة نيجى واهو نتعرف
عز الدين : انا خريج كلية هندسة وعايزة افتح شركة لوحدى من شغلى الخاص بعيد عن بابا اللى بعده
يزيد : وانا ظابط وبحاول اترقى فى شغلى اكتر ومعنديش غير حلم واحد وبص لجوان من غير ما تاخد بالها
سليم : وانا محامى لسة متخرج وعندى مكتب محاماة وعايزة اكبر فى مجالى واتجوز وبص لروجيندا
كلهم ضحكوا عليه إلا روجيندا اتكسفت وهكذا لحد ما خلصوا وفاضل اسما وفاطمة
اسما : انا فى تانية ثانوى علمى وعايزة ادخل كلية علوم وادرس كل حاجة ليها علاقة بالمواد الكيميائية واكتشف علاج للكانسر غير الكيماوى
بطة : واو انتى أدى وعلمى بردو لا ده احنا نبقى اصحاب بقى
اسما بابتسامة : اكيد
يزيد : خلصنا فقرة التعارف يلا نلعب عندكوا كوتشينه يا اسما يا اختى
اسما بضحك : اه عندى استنوا
وقعدوا يلعبوا الشايب
وفى الاخر الشايب لبس فى روجيندا والمفروض كل واحد يحكم عليها
عز الدين : هتحكم باي يا واد يا عز
روجيندا باستعطاف : اخويا حبيبى
عز الدين : خلاص مش دلوقتى بس فى حكم أما نروح خلى بالك
روجيندا : والله عارفة انك مش هتسيب حقك
وكل واحد يجى عليه الدور يسامح وميحكمش
سليم : والله كلكوا طيبين اوى على عينى وراسى بس انا عايز أحكم ماليش دعوه
سليم بابتسامة حب وهو باصص لروجيندا : تتجوزينى ؟!
كلهم صقفوا ليهم وصفروا على شجاعة سليم
وسليم وروجيندا باصين لبعض
يا سلام على الرومانسية يا ولاد
وهوب سليم لقى بوكس ثلاثى الابعاد لازق فى وشه
سليم بالم : ااااه بقى منك لله
عز الدين بضيق مصطنع : عشان تعرف تسبل اوى يا اخويا ده انا قاعد جمبك مش كده
يزيد بغيرة على أخته : تعالوا نضربه يا عز عشان يتربى
سليم بخوف : اي يا شباب صلوا على النبي ده انا داخل البيت من بابه فى اي
كلهم ضحكوا عليهم جامد
وصل كريم قدام باب الفيلة لقى عربية جاية فى وش عربيته ووقفت
نزلت منها جويرية ومخدتش بالها من المصدوم اللى واقف بيبصلها
كانت بتبص فى الفون بعدها على المكان اكنها بتتاكد
بتبص لقت كريم فى وشها
جويرية : لا مش معقول بقى انت بتراقبنى والا اي
كريم : انا كريم راجح هراقبك انتى جاية عند بيتى وليكى عين تتكلمى
جويرية باستغراب : بيتك
ثوانى واستوعبت : لا متقولش هما جايين عند عمو راجح اللى شوفته فى الشركة
كريم : فعلا بابا قالى جايلنا ضيوف
جويرية : هما بعتولى اللوكيشن ووصلنى لهنا
كريم : بيتنا اهو اصلا اتفضلى
جويرية : تمام شكرا
كريم باستغراب : شكرا !
جويرية : اي فى اي
كريم : اول مرة اعرف انك بنى ادمة وبتشكرى زينا عادى من ساعة ما شوفت خلقتك بتزعقى بس
جويرية بضيق : يا ريت تلزم حدودك وتكلمنى بأسلوب احسن من كده واظن كفاية اللى حصل فى الشركة النهاردة
كريم : والله انا مديرك واقول اللى عايزه مش انتى اللى هتعلمى كريم راجح يتكلم ازاى
جويرية : واحنا دلوقتى برة الشغل يعنى مش مديرى ويا ريت تتعامل على الأساس ده لانى مبسيبش حقى
كريم اعجب بذكائها وشجاعتها بس مبينش ومشى ببرود دخل الفيلة
جويرية : يا اخى ابو غرورك حتى مقاليش اتفضلى قليل الزوق وقالت وهو بتقلده انا كريم راجح نينينينينينيني وانا بقى جويرية المحمدى وورينى هتعمل اي
جويرية راحت خبطت ودخلت لهم الفيلة كانوا قاعدين كلهم مع بعض جوة الفيلة كبار وشباب
جويرية : السلام عليكم
كلهم : وعليكم السلام
ادم : عملتى اي فى الشغل الجديد يا جورى
جويرية بضحك : مش هتصدق شركة مين يا بابا
ادم : مين
جويرية : شركة عمو راجح
راجح : اي ده بجد انتى المترجمة الجديدة
جورى بابتسامة : اها انا لسة مستلمة الشغل النهاردة
راجح : اى حد يكلمك فى الشركة قوليلى بس دى شركتك
جويرية بابتسامة : شكرا يا عمو بس ده شغل وانا بحب فى الشغل ميكونش فى وسطه كل واحد ياخد على اد تعبه
راجح بابتسامة : دى حاجة تسعدنى
فجأة كريم وجويرية فى نفس الوقت حطوا ايدهم على وشهم : اتسى
كلهم بصولهم وهما بصوا لبعض
وافتكروا اللى حصل في الشركة اكيد هو السبب
حب من اول عطسة ههه بهزر دول مبيطيقوش بعض اصلا
Flash back…..
فى مكتب كريم
كريم ببرود : اتفضلى اقعدى
جويرية بغضب : انا مستحيل اشتغل معاك
كريم بعملية وجدية : وانا مش بدخل المواضيع الشخصية بالشغل ولأن انا محتاج مترجم بكفائتك ضرورى فلازم نتفق
جويرية : وانا كمان خلاص موافقة
قعدوا شوية واتفقوا على شغلهم
كريم مسك التلفون من على المكتب ورن على السكرتيرة
سماح دخلت
سماح برقة مصطنعة : افندم
جويرية بصتلها بصدمة من الهدوم اللى مش لابساها دى
كريم : اتفضلى خدى انسة جويرية على مكتبها اتفضلى معاها هتوريكى مكتبك وهنبدا من بكرة أن شاء الله
يا آنسة
جويرية بانتباه : أيوة تمام ماشى عن اذنك
وراحت مع سماح
شوية وكانت قاعدة بتشتغل وراحت تطبع حبة ورق
وهى راجعة مكتبها خبطت فى كريم الورق اتبعتر تانى على الارض
جويرية بغضب : لا بقى انت مستقصدنى والا اي
كريم بغضب : قولتلك متعليش صوتك عليا سامعة
جويرية : لا انا أعلى صوتى براحتى
كريم مسك كوباية ماية كانت على مكتب حد من الموظفين ورماها فى شها
جويرية اتصدمت من اللى عمله : انت بتدلق عليا انا ماية
كان فى حد من العمال قدام شوية وسايب جرادل مية راحت خدت جردل ورمته كله على كريم
كريم بغضب : انتى غبية اي اللى عملتيه ده
جويرية باستفزاز : حاجة تضايق صح عايزاك تعرف انت بتلعب مع مين مش انا اللى تسيب حقها
وسابته ومشيت وهو واقف بينقط غضب اكتر من المية اللى استحمى بيها
كريم بصوت عالى : بتتفرجوا على اي يلا كل واحد على شغله
دخل مكتبه بغضب : والله لاربيكى هعرفك ازاى انا تعملى معايا كده
وجاب قميص وغير هدومه
End flash back…
قعدوا يتكلموا شوية وبعد وقت
واستاذنوا ومشيوا وكل واحد روح بيته
فى نص الليل والكل نايم جه لزين مكالمة
صحى زين زمردة على صوت الفون وهو بيرن
زين بنوم : الو
شخص على الجهة التانية : حضرتك والد المقدم يزيد زين الصياد
زين دب الرعب فى اوصاله لانه الوحيد اللى عارف ان يزيد عنده مهمة خطيرة النهاردة
زين : أيوة انا والده اتفضل
زمردة بقلق : فى اي يا زين
: انا اسف لحضرتك بس يزيد بيه اتصاب واحنا نقلناه على المستشفى
