رواية اغتصبني ليتزوجني (العدو الحبيب 2) الفصل الرابع 4 بقلم منى سراج
 |
| رواية اغتصبني ليتزوجني (العدو الحبيب 2) الفصل الرابع 4 بقلم منى سراج |
رواية اغتصبني ليتزوجني (العدو الحبيب 2) الفصل الرابع 4 بقلم منى سراج
منة: اها يا قلبي وحشني أووي وحشني أبن الذين أكيد مامته حلوه عشان تجيب واد مز قمر زي ده أسيل : مين وحشك يا منه يا بنت كوثر
هزت رأسها ببلاهة تتحدث إلى نفسها
منة : مين يا أسيل انتي بتتكلمي مع مين
أسيل : انتى إللي مين يا عبيطة ؟ يا بنتي في ايه مالك عقلك فوت منك كدا ليه
منة : مش عارفة يا أسيل في حاجة غلط 10 أيام لحد دلوقتي حاسه ان في حاجه واقعة مني من ساعة ما انتي هربتى من المستشفى من الواد المز حازم وأنا حاسة إن وقع مني حد
أمتعض وجه شروق بإنفعال
شروق : أتلمي ولمي لسانك يا منة
أبتسمت بسخريه وأستهزاء وهي تضع يدها على فمها بغيظ
منة: ما أنا سكت أهو أنا قولت حاجة يا غروب عليكى وعلى سنتك السودة المهم أسكتي انتي يا أختي وسبيني في همي الله يخربيت معرفتك
لتلتفت نحو أسيل ساخره باسمه وهي تحدق إليها
منة : قوليلي يا أسيل أنا عيني رايحه جايه عليكى من الصبح اتحولت يا ماما انتى ليه رايحه ذهاباً وأياباً كده مش ناويه تتهدى وتقعدي خيالتيني أنا والعيال اومال لو مش خارجه من المستشفى كنتى عملتي ايه كنتى مشيتي على السقف
ضحكت دنيا وهي تشير بيدها نحو منه تصدق على كلماتها
دنيا : والله عندك حق من ساعة ما خرجت من المستشفى وهي مش مريحة نفسها كأنها مستنيه حد و قلقانة من حاجه هتحصل
شعرت أسيل بالحنق من كلمات دنيا وهي تهز رأسها نافية
أسيل : حاجة ايه يا موكوسة انتي و هي هو اي حد رايح جاي يبقى في حاجة
لتكمل وهي تشعر بالتوتر وأرتسمت على ملامحها القلق
أسيل : انا بس مكان الجرح واجعني ولما بقعد بتوجع وبحس بالألم
وهي تشعر بالغيظ والحنق
أسيل : إلهي تتوجعي انتي وهي اتلموا بقى بعيد عني انتم قاعدين معايا ليه يلا قومى أمشي انتي وهي
أبتسمت منه وهي تتطلع بعيون أسيل المتوتره وبنظره تحاول إغاظتها ولم تبالي بكلماتها
منة : أما يا بت يا دنيا كان نفسي تيجي وتشوفي إللي حصل في المستشفى
دنيا بلهفه وهي تترك كيس التسالي اللب الخاص بها وتضعه على جانب وبإهتمام تنفض يدها تتقدم للإستماع
دنيا : قوليلي أشوف ايه يا أختي اخبريني بسرعة عايزة أعرف
أغمضت أسيل عيناها تزفر بإنفعال وبنبره حانقه
أسيل : أنا شكلي النهاردة كده عايزة هطبق في زُمارة واحدة أنا أعرفها وبحذرها أهووو أي كلمة كده ولا كده من على السطوح وأرميكى يا إللي في بالي
أومأت برأسها ترفع حاجبها وهي تقف تجذب أسيل من يدها بهدوء وتساعدها على الجلوس رمقتها دنيا بعينها بإستغراب
دنيا : أيه يا منة انتى مش كنتى هتقولي حاجه سكتى ليه بقى دلوقتي ولا خوفتي
ضحكت شروق وبنبره ساخرة
شروق : البت دنيا بتوزك علي الشر خدي بالك
أبتسمت أسيل وهي تغمز بعينها لمنه وهزت رأسها حانقة
أسيل : بقولك ايه يا منة في جنب الكرسي أيد مقشه معفنه كده مكسورة نوليهلي عشان أكمل تكسيرها على دماغ جماعة صحابي النهاردة
شروق وهي تتطلع إليها باسمة
شروق : والله ليكى حق دول عايزين القتل مش الضرب
منه حانقه بغيظ
منة : يا سلام يا رخمة بت ساقعة كده
شروق ممتعضة تتحدها
شروق : أنا إللي ساقعة طيب لو عندك الجراءه كملي كلامك وماتخافيش يا ست البنات وريني نفسك واتكلمي
أغمضت منه عيناها ممتعضة بغيظ من كلمات شروق وبنبره تمتلئ تحدي
منة : طيب هتشوفي وهاقولك يا أرخم خلق الله بس اصبري عليا
هزت أسيل رأسها باسمه
أسيل : ايه يا زعبوله لسانك عايزه قطعه صح
أشاحت بوجهها بعيداً في صمت تفكر أبتسمت وهي تستدير بتلك النظره الماكره مالة رأسها باسمه
منة : اه يا أسيل يا قلبي ياااه ياما نفسي أشوفك كده عروسة اووي
أسيل ساخرة تضحك
أسيل : ايه يا ماما جدو انتى بتموتي ولا ايه نفسك تشوفيني عروسة فجأة كده ازغرط بس مفيش فيه نفس ايه؟ بتقولي وصيتك دلوقتي ولا ايه هتموتي انتي وزعبولة وأخلص من وجع دماغك
منة وهي تخطط لباقي الحديث بنبرة ماكرة
منة : اه في مانع نفسي أشوفك ومعاكى واد مز كده زي القمر يخطف قلبك وروحك وأشوفك في الكوشة
ضحكة دنيا بسخريه تغيظ منة
دنيا : على فكرة انتي يا بت يا منة قديمة أووي
ولم تبالي منة بكلماتها وهي تشرد بمخيلتها باسمة
منة : زي إللي بالي كدا حته من القمر حته ايه يالهوووي ده القمر كله وعنده ابن عم حاجة كدا خيال في خيال سرقني
وهي تصر على أسنانها حانقة
منة : ابن الذين عامل زي البسكوتة كدا قمر يالهوووي هايجنني
رمقتها دنيا بسخرية
دنيا : منة يا روحي انتي اتجنني على الآخر عقلك فوت منك خالص
ضحكت شروق
شروق : اه والله أتجننت بس تصدقي كلامها عن أسيل صح أسيل أصلاً قمر لما تتجوز أن شاء الله لازم تتجوز واد مز كده زي القمر زيها
أسيل حانقه بغيظ من كلماتهم
أسيل : بس يا هبله منك لها أنا مش هتجوز أصلاً
????????????????????????????
لوحت شروق بإنفعال ترفع سبابتها بنبرة صارمة
شروق : يالهووووووي مش عايزه تتجوزي ليه يا حجة انتى عايزه عفاف تقتل الشلة كلها بسببك وتقيم علينا الحد دي أمك تولع في النادي كله عشان عريس واحد ترفضيه بتفرج علينا الشارع كله وتعلقنا من رجلينا
أومأت منة برأسها موافقه تؤيد كلمات شروق وبسخرية تهز رأسها ضاحكة
منة : يالهوووي شارعنا و الشوارع المجاورة والقرى المجاورة لو في عفاف تعمل فينا أكتر من أنها تعلقنا من رجلينا أمك قادره يا أسيل
منة : أنا أمي كانت أخلاقها كويسه عفاف بوظت كوثر وبقت نسخة منها ماسكه الشبشب 24 ساعه ليا
رمقتها أسيل بحنق
أسيل : ماهو من عمايلك السودة مش من أمي
منة ممتعضة باسمة بسخرية
منة : يالهوووووووي وأنا عمايلي السودة مين السبب فيها غيرك ياجزمة كل بلوة منك وأنا أنضرب كل مرة
أسيل : يعني بتنضربي لوحدك
ضحكت دنيا
دنيا : الشهادة لله يا أسيل أحنا جسمنا ورم من كتر عمايلك السودة أحنا بننضرب أكتر ما بنام
شروق : يا أسيل يا روحي في مثل بيقول الحسنة بتخص السيئه بتعم وانتى مابيجيش من وراكى غير السيئات وحياه أمي
زفرت بحنق من كلماتهم وبإنفعال تحاول الوقوف
أسيل : المهم بقى مش هنخلص من موضوع الجواز ده ونفضها سيره مين الجذمة إللي فتحت فيكم موضوع الجواز عشان تهت منكم
أشارت شروق ودنيا نحو منة لترتسم تلك النظره على وجهها عابثه بحنق وبنبره مغتاظة
منة : عيال رمة اندال
أشارت أسيل نحو العصا
أسيل : منة يا روحي أكسرها على دماغك ولا تلمي زعبولا ويدخل جوه بوقك احسن
شعرت منه بالضيق
منة : خلاص ياأختي أرتاحي عانسي نفسك جنبي وأنا في إنتظار المز بتاعي لينا لقاء آخر يا أنسة أسيل
أغمضت أسيل عيناها تحاول الشعور ببعض الراحه والهدوء ولكنها تسمع لصوت أختها الصغيره تنادي عليها
يا أسيل تعالي في واحد عايزك تحت عند ماما
لتركض إليها شقيقتها باسمه نحو أحضانها وهي تضمها وتشعر أسيل بالم وأنتفضت منه
منة : براحه براحه يا بنتي أحنا ملزقين أختك بالعافيه تعالي هنا بعيد عنها الله يرضى عنك
ضحكت باسمة
أسيل : بس يا بت يا منة
وهي تتطلع نحو شقيقتها
أسيل : روح قلبي وعمري أحلى حضن في الدنيا
وهي تضمها إليها
أسيل : بس بالراحه على عشان انتى المرأة الحديديه وأنا مش قدك يا أنسه عاليه
ضحكت وهي تهمس في أذن أسيل .. أمتعض وجه أسيل حانقة ترفع سبابتها محذرة شقيقتها تعلمها
أسيل : لا عيب كده أحنا قولنا ايه ممنوع الهمس في وجود الجماعة غلط
أغمضت عينيها وهي تشعر بالأسف
عالية : أسفة
وبنبره هادئه باسمة بطفولية بريئه
عالية : في أتنين زي القمر زي الناس إللي بنشوفها في المسلسلات التركي مستنيينك تحت و ماما قالتلي أنادي عليكى
رمقتها شروق متحيره بسخريه
شروق : مسلسلات تركي ايه يا بنتي مال أختك يا أسيل
أسيل باسمه بسخريه وهي تقبل أختها
أسيل : والله ما أنا عارفه ياأختي المسلسلات التركي اثرت حتى على العيال الصغيره ودماغهم
رن هاتف أسيل .. رفعت منه تليفون أسيل : دي أمك بترن عليكى .. أعتدلت أسيل بهدوء
أسيل : طيب هاتيها
لتقوم بفتح الهاتف
أسيل : ألو ايوه يا ماما انتي بتقولي ايه
أنتفضت واقفه وهي تتألم
أسيل : أه يا لهووووووي
فزعت منة وهي تقف بجانبها بسرعة
منة : ايه يا بنتي مالك اهدي انتى نسيتى إن في جرح في جنبك يا مجنونه
أقفلت الهاتف متوترة
أسيل : ألحقينى يا منه حازم هنا
حدق الأصدقاء بإستغراب مذهولين .. صدمت منة
منة : يا لهوووي المز هنا
دنيا بحنق
دنيا : أتلمي الله يخرب بيتك دلوقتي انتى مش شايفه حالتها
أسيل بحنق كارهة
دنيا : ايه إللي جابه ده
أسيل : أنا عارفه دلوقتي هو جايلي جاي بمصيبة تانيه أنا ماصدقت بعدت عنه 10 أيام راحه من غير وجع دماغ ومصايب من أبن العدوى
وقبل أن تكمل كلماتها تشعر بالغيظ والغضب ويصمت الأصدقاء مرتبكين وهي تتكلم ينظرون ويحدقون خلفها
أسيل : يعني يارب هو أنا عملت ايه ليه واحد مصيبة زي ده هيكون فوق رأسي أنا يعني كنت بموت عشانه ماأعترضش والحمد لله بفضلك عيشت
أسيل : وبنت عمه لسانها طويل وهو لسانه أطول منها وقولت ماشي دلوقتي يارب جاي تاني ليه هو أنا مذنبه عشان يكون نصيبي هو بغروره وتكبره ولسانه
وهي تهز رأسها حانقة
أسيل : أنا عملت ايه يارب في حياتي عشان عقابي يكون حازم العدوي وعيلته
أغمضت عيناها تزفر بغضب تحاول التنفس بهدوء فتحت عيناها وهي تتطلع نحو اصدقائها الصامتين وبلهجتها الساخره
أسيل : مالكم في ايه متنحين كدا ليه
منه وهي ترفع حاجبها بسخرية ترتسم على ملامحها تلك الملامح البلهاء وهي تتطلع إليها وبنبره مرتبكه
منة : يا أسيل لسانك ده يتلم شويه عن العالم هتودينا وتودي نفسك في داهيه يا ماما بوصي حواليكى قبل ماتتكلمي الله يخربيت معرفتك
وهي تربت على كتفها وتضع يدها تجعلها تستدير بهدوء وترتسم على وجهها تلك النظرة
أسيل : أياكى تقولي هو ورايا صح حازم ورايا يا بلوة
أومات برأسها بعيون ساخره
منة : اه يا ختي
لتلتفت مغمضه العين وبنبره منفعلة داخلها نيران محترقه
حازم : ايوه أنا يا بنت فايز العدوي أفتحي عينك كده عشان أنا
وهو يزفر بحنق
ليا حساب معاكى وعايز أصفيه دلوقتي.
