رواية موسم الحب (حكاية زينة 2) الفصل السادس 6 بقلم سلمى تامر
 |
| رواية موسم الحب (حكاية زينة 2) الفصل السادس 6 بقلم سلمى تامر |
رواية موسم الحب (حكاية زينة 2) الفصل السادس 6 بقلم سلمى تامر
ف يوم كانوا كلهم متجمعين فشقة زينه وتايجر
انس بلغبطه:يعني انتو كلكم اخوات ازاي وانتو فسن بعض تقريبا؟!
حياة بتوضيح:انا هقولكم..احنا كلنا اخوات بس من الأب مش الأم
انا وليل اخوات..وماسة وحلم اخوات..وعنود من ام سعودية
بابا كان راجع بيحج معاهم بس العربية اتقلبت بيهم واتوفوا
كل اللي قاعدين اتأثرو وحزنو
مؤمن:يعني ابوكم كان متجوز تلاته
حياة:ايوه
انس همس لمؤمن بحاجه وانفجرو فالضحك
حلم بضيق:بتضحكو على ايه؟الشرع حلل أربعه على فكرة وبصيت لتايجر اللي قاعد جنب زينه وبيقطعلها فاكهة بغيرة
مؤمن بإستغراب:احنا مقولناش حاجه على فكرة..وبعدين احنا عارفين ان الشرع حلل أربعه..لكن انتي ممكن تتجوزي واحد متجوز..او لما تتجوزي تقبلي جوزك يتجوز عليكي؟
حلم بإندفاع:اه اقبل اتجوز واحد متجوز
كلهم بصلها بزهول وتعحب من تفكيرها
عنود بحده:يعني تقبلي تخطفي واحد من مراته وممكن تخربي بيته كمان اي البجاحه دي
حلم بغضب:ياستي انا حرة فتفكيري..اه انا ممكن اتجوز شاب متجوز وابقى زوجه تانية
حياة :ده علشان ادبحك
حلم:وانتي مالك انتي!
زينه وهي بتحاول تهدي الوضع:فيه اي يابنات اهدو…حلم لسه صغيرة وتفكيرها هيتغير لما تكبر
حلم وهي بتبصلها بكره:انا مش صغيرة على فكرة انا عندي ١٨سنه
وبصت لحياة:لعلمك بقا ياست حياة انا هتجوز اللي انا عايزاه
وسابتهم ونزلت
عنود بغضب:ايش فيها هالدبة
ليل بملل:لااا وحياة امك متبدأيش واتكلمي زينا
تايجر:على فكرة يابنات دي مش طريقة نقاش..كان ممكن تفهموها براحه وبهدوء لكن كده انتو بتعادوها فتفكيرها وهي هعاند وهتتمسك اكتر بفكرتها الغلط واديها زعلت اهي
زينه بهمس وغيرة:وانت مالك زعلان عليها كده ليه فيه حاجه ولا اي
تايجر بضحك:وانا هزعل عليها ليه يابنتي انا مالي بيها..كلي ياحبيبتي كلي علشان تتغذي فكك من الكلام الفاضي ده
زينه وهي بتاكل بغضب:انا مراقباك على فكرة ومش هتعرف تبص لواحده غيري
تايجر بمكر:هعاقبك على طريقة كلامك دي خلي بالك بس مش دلوقت..ولا تحبي دلوقتي
زينه بصتله بغضب وخجل
:ولا ولا ولا يالا يالا يااالا افتح ياض ياحماصه
تايجر بإستغراب:حماصه؟!
ليل كانت قريبة من الباب وفتحته ولقيت خالد واقف وفإيديه حاجات كتير
خالد:كتكوت ابو الليل ياحبيب قلبي عامل اي ياض
ليل بغضب:اسمي ليل لييييل مش ابو الليل وبعدين انت مش شايفني انثي ليه بتتكلم معايا بصيغة المذكر؟
خالد :انثى ولا كبده هعهعهعهع
ليل بغضب:بارد
خالد:ماشي يا ابو الليل تعالالي دور بلايستيشن وهقطعك هقطعك يافوزي
ليل:اشطا هلعب بالبرازيل وهنشوف مين اللي هيقطع التاني
خالد:اشطا وسع بقا
ودخلهم
مؤمن:ايه يا ابو الخوالد كنت بتسرق مين ياض
خالد:بسرق؟ انت مش عارف انا عملت اي علشان اجيب الحاجات دي كلها؟انا بيعت ساعة جدتي
مؤمن:جيبت ايه ياخالودي
خالد قعد وفتح الحاجات اللي جايبها:جبت حاجات لحماصة حبيب عمو
زينه بصدمه:حماصة؟
تايجر بسخرية:طب ليه ياخالد الاسم ده مش شايفه جديد شوية
خالد:لأ هو حلو اتفرجو بقا
كنان طلع حاجه من الكيسه:طب بذمتك ياشيخ طفل لسه مولود هيعمل ايه بشاكوش
خالد:جبته علشان اعلمه ازاي يفتح دماغ اللي يضايقه
مؤمن:طب سؤال غتت شوية اعذرني..جايب تيشرت يلبس واحد عنده ١٣سنه ليه؟
خالد:علشان الولاد بتكبر بسرعه
تايجر وهو هيتجنن:جايب ورق بفرة ياروحمك ليه؟علشان يعمل مزاجه
خالد:لا صراحه ده بتاعي انا
مؤمن بضحك:جايبله هاند فري ليه علشان يسمع عليها طيور الجنه
خالد بملل:يووه بقولكم ايه مش عايزينهم هاتوهم انا غلطان اصلا
زينه بإبتسامه:شكرا ياخالد تعبت نفسك
خالد:شوف شوف اللي بتفهم حبيبة قليي والله خدي بوسه
تايجر راحله وشاله من عالأرض بعصبيه:خدي اي ياعنيا؟
ليل ضحكت على منظر خالد وهو بصلها بتوعد
خالد :ياعم بوسه للواد انت فهمت اي بس نزلني والنبي..والنبي نزلني..نزلني نزلني والنبي والنبي
تايجر نزله بملل منه وقعد جنب زينه
بعد شوية قررو نزلو على بيتهم
ادهم لحياة:هي ماسة فين ياحياة؟بقالها يومين مش بتيجي معاكم الشغل..هي كويسه
عنود بغيرة:اه كويسه بس بتدلع هي اصلا مش بتشيل مسئولية حد خير بقا بتسأل عليها ليه
ادهم بإحراج:احم عادي انا قلقت ليكون حصلها حاجه
عنود بغيرة:لا متقلقش هي كويسه يلا يا حياة
ودخلو شقتهم
ادهم بصلها بإستغراب وبعدين دخل شقته وهو زعلان انه مشافش ماسة وبيتمنى يلمحها لأنها وحشاه جدا
**
(انا زعلتك فحاجه..طب ايه ياحبيبي هي بتداري عينك ليه..لما بتيجي فعنيا )
تاني يوم فالكافيه
ادهم كان عنيه متعلقه بالباب ومنتظر ماسة تيجي وبيتمني يشوفها
وفعلا بعد تلت دقايق ماسه دخلت
وادهم راحلها بلهفه
ادهم:اخيرا جيتي..اي يابنتي مختفيه بقالك يومين ليه؟!
ماسة بجمود:احم كنت تعبانة شوية خير فيه حاجه؟
ادهم بإستغراب من طريقتها:طب مالك انا بسأل عليكي عادي وقلقت لما غيبتي
ماسة بجمود:مفيش داعي للقلق انا كويسه
واتحركت علشان تمشي بس أدهم وقفها بغضب ومسك ايديها
ادهم بغضب:مالك ياماسه متغيرة معايا ليه؟
ماسة وهي بتشد ايديها بعنف:اوعى انت لزاي تمسكني كده..وبعدين نعم؟عايز مني ايه؟أفندم؟؟
ادهم بصلها بعصبية وشدها من ايديها وطلعو من المكان تحت غضب ماسة
وعنود لمحتهم وهما طالعين وجريت وراهم بس لقيت انس ف وشها
انس:على فين ياهانم وسايبة شغلك ليه
عنود:اوعى من وشي يا انس
انس:على شغلك ياهانم
عنود بصتله بغضب ورجعت:يلعن إبليسك ياملعون
وانس ابتسم بمكر وتسليه:شكل ايامنا مع بعض عسل ياعسل
**
عند ادهم وماسة
ماسة بغضب:اوعى يا ادهم..بقولك اوعى انت واخدني ورايح فين
ادهم وقف
ماسه:نعم عايز اي ايه؟
ادهم بهدوء:بتتهربي مني ليه ياماسة
ماسة وهي بتحاول تتداري مشاعرها:م مش لتهرب ولا حاجه وانا هتهرب منك ليه يعني؟
ادهم بغضب:لا بتتهربي مني..وبتبعدي عن المكان اللي ببقى موجود فيه
ماسة بدموع:سبني يا ادهم
ادهم برفض:لا مش هتمشي ياماسة غير لما تقوليلي بتتهربي مني ليه
ماسة بصتله:وانت يهمك ف ايه
ادهم بإعتراف:(انا بحبك ياماسة)
ماسة بصتله بحب وقهر وحسرة..هي عديت مرحلة الحب معاه…بس اختها..عند النقطه دي ملامحها اتحولت واتقلبت لبرود وجمود
ماسة:وانا مش بحبك يا ادهم..ولا هحبك فيوم من الايام..انساني احسنلك
ادهم بصلها بألم وصدمه
ادهم بخفوت وصدمه:ماسه انا بح
ماسة بصراخ ودموع:سمعت انا قولت ايه؟انا مش بحبك يا ادهم ومش هحبك انسااني
وسابته وجريت من قدامه وركبت تاكسي
وادهم وقف مكانه مصدوم ومش قادر يتحرك
ماسه فضلت تبكي بقهر وحزن
ماسة ببكاء:اسفه با ادهم..اسفه بس دي مهما كانت اختي..مش هفكر فنفسي بس وابقى انانية معاها
????????
:صاحبي ياصاحبي ياصاحبي
:عم الناس ايوه ياصاحبي
خالد:احلى كشري لأحلى ابو الليل فمصر كلها
ليل وهي بتشد منه الطبق:حبيب قلبي ياض ياخالد..اي ده ياجدع فين الدقه؟
مؤمن جالهم وشد من ليل الطبق:ولا تزعل ياعم هاته
ليل بغضب:هات الطبق يامؤمن احسنلك
خالد:اديله الطبق ياعم ده لسه بالع تلاته زيك
مؤمن وهو بياكل:طلاق تلاته مهيحصل
ليل:ده انت بارد
خالد:خلاص يجدع متزعلش نفسك هجيبلك واحد غيره
قعدو التلاته مع بعض وبعد شوية انضمتلهم حلم بس عنيها كانت متعلقه بتايجر ومؤمن لاحظها بس حس انه بيتهيأله
**
بليل حلم كانت واقفه فالبلكونه وشافت تايجر راجع البيت
جريت على أوضتها بسرعه ولبست فستان وفرديت شعرها و…
الباقى بسرعة
فين الجزء السابع
تم
تم
تم
تم