رواية ما بين الحلم والحقيقة (دار الأيتام 2) الفصل السادس 6 بقلم أميرة أسامة

خرجت عشق هي وليل من الكافيه والصدمه باينه علي ملامحها ومفيش اي كلمه بتقولها ماشيه جمب ليل ومش بتطنق..

عشق لنفسها….أزاي مفيش بيت ازاي شقه الزمالك مش موجوده

اكيد بيكدب عليا واكيد مش مصدقني طيب بس هو هيعمل كده ليه المفروض ان لو انا صح كان بان علي ملامحه انه بيكذب بس ده بيتكلم بكل ثقه ان مفيش شقه….انا دماغي هتنفجر خلاص

مش مهم كل ده الوقت المهم الوقت انه لازم يحمينا بأي شكل من اي حاجه هتحصل..يارب خليك معانا ولو الحلم مش بيتحقق كله يارب يكون ده كمان مش هيتحقق. قطع سكوتها كلام ليل

ليل….انتي كويسه يا انسه عشق

عشق…بخير

ليل…امال ليه واضح عكس كده

عشق…عادي متشغلش بالك

ليل…مش فاهم انتي مضايقه ليه من وقت ما قولت ان مفيش شقه فالزمالك كان هيبقي كويس لو كنت قولت عكس كده…

عشق….لا خالص مين قالك اني مضايقه بالعكس انا بدعي ربنا ان كل حاجه قولتهالك متتحققش واللي اتحقق منها يكون هو الجزء الوحيد اللي هيتحقق اما الباقي لا

بس كان هيبقي افضل عالاقل لو حاولت تصدقني

ليل…ما انا مصدقك

عشق…بيتهيألك انت مش مصدقني ولا حتي هتصدقني عارف هتصدق امته لما تحصل كارثه من اللي انا قولتها وقتها بس هتصدقني

وقف ليل العربيه مره واحده

عشق…..حااااسب

ليل….بغضب هو انتي مقتنعه اصلا ان اللي انتي قولتيه ده حد يصدقه انتي عبيطه ولا غبيه ومين الغبي ده اصلا اللي يصدق

عشق…بغضب…من فضلك انا مسمحلكش

مسكها ليل بعنف من ايدها…بت انتي انتي مين ومين اللي رماكي عليا انطقي

عشق…بثقه وثبات واضح فعلا انك مصدقتنيش وواضح فعلا اني مقولتش حاجه صح….عشان كده انت متعصب لما انا غلط شاكك ليه ان حد رماني عليك

ليل….انا مش شاكك انا متأكد بس للاسف معرفش مين ولو عرفته هقتلك انتي وهو.

عشق….ارجوك بلاش الكلام ده وبلاش طريقتك دي ومن فضلك ابعد ايدك من عليا اللي عندي انا قولته حابب انك تصدقني انت حر مش حابب بردو انت حر انا يمكن اكون خايفه ويمكن اكون حبيت اني اتكلم من حاجه تعباني لان صعب علي اي حد يكون عارف مصيبه من قبل ما تحصل احساس صعب تفكير طول الوقت خايف تنام ملكش نفس تعمل اي حاجه هتموت من الخوف علي كل اللي حواليك لانت قادر تعيش حياتك ولاقادر تنزل تشتغل وكل حياتك عباره عن خوف وتفكير انا اكيد مش هقدر امنع اي قدر واي حاجه مكتوبه لو عملت ايه مش هقدر امنعها بس افتكر اني جتلك وحكيتلك واي حاجه هتحصل ده مش ذنبي انا حاولت ومش قادره ولجأتلك وانت مش مصدقني يبقي خلاص خلصت اللي يحصل يحصل لاني حقيقي تعبت من كتر ما بحاول اوقف اللي شوفته ومبيقفش..انا معنديش سبب يخليني اكدب عليك لا انا طمعانه فيك ولا انا عايزه اقرب منك زي ما اغلب البنات يتمنوا انا ابسط من كده بكتير يا ليل باشا انا بس خايفه عليكم كلكم يمكن اللي حصل فالحلم اللي انت مش مصدقه يكون اهون بكتير من اللي هيحصل فالحقيقه. بس انت قررت متصدقش وانا عملت اللي عليا خلاص انا حاولت كتير من اول ما صحيت وشوفت بابا بجد ادامي فالحقيقه اني اتصل بيك بس كنت برجع في كلامي ومبقدرش لاني مكنش عندي حاجه اقولها كنت واثقه ان اللي هقوله مش هتصدقه كل مره كانت حاجه تتحقق اقول هكلمك بس مكنتش عارفه لحد يوم حادثه بابا مقدرتش اقف خوفت عليه وقررت اني اجي وامنع خروجهم واتكلم معاك والغريبه لما جيت اكتشفت ان بردو هو ده اليوم اللي شوفتك فيه لاول مره…وكأن كل حاجه مترتبه…

ليل….هو انا كنت ايه في حياتك ياعشق وايه السبب اني اكون من ضمن اللي انتي خايفه عليهم..

حست عشق كأنها خدت قلم علي وشها من صدمتها في السؤال سكتت شويه وبصتله بثقه بعد ما جمعت نفسها.

عشق….ولا اي حاجه قولتلك اننا كلنا اشتغلنا معاك فالشركه…بس يمكن الانت مش هتحسه او تعرفه اني حقيقي ده بالنسبالي مكنش حلم واني اتعلقت بكل واحد فيكم وكأنه مني عشان كده خوفت انكم تتأذو…

ليل…ولو فرضنا اني ممكن اصدقك ايه الحاجه اللي انتي محتجاني اعملها

عشق….سرحت بحزن….مش عارفه صدقني مش عارفه..بس يمكن حاليا انك تحاول تمنع اي حاجه تحصل ليا انا وتمارا ونور بعد سفر تمارا

سكت ليل  شويه

ليل…تمام انا هتصرف مسك موبايله واداهولها

عشق…ايه ده؟؟

ليل…اكتبي رقمك وانا هرن عليكي سجلي رقمي

مسكت عشق الموبايل كتبت رقمها بسرعه زي الغبيه وادتهوله…انا معايا رقمك علي فكره خدته من بابا

ليل…تمام مسك ليل الموبايل منها ولسه هيسجل رقمها اتصدم لما شاف الرقم متسجل اصلا بأسم

((مجهول)) بصلها براحه ورجع بص علي شاشه الموبايل وسرح  ثواني وافتكر ان الرقم ده بقاله شهرين ونص تقريبا نفس المده اللي طلعت فيها عشق وتمارا وزهره من الدار هو اللي كان بيتصل بيه تقريبا كل يوم بليل

ليل لنفسه….هي اللي كانت بتتصل بيا طول المده دي طب ليه يمكن زي ما بتقول كانت بتحاول تقولي كل حاجه وكانت مبتقدرش فا تقفل ولا كان ايه اللي بيدور في دماغها وقتها…وازاي مخدتش بالها انها ادتني رقمها اللي هي بتتصل بيه….هفضل وراكي يا عشق لحد ما اجيب اخرك….ويا اما تطلعي صادقه يا اما لو بتلعبي عليا وحيات ديني لا همحيكي من علي وش الدنيا????

ليل…تمام سجلت الرقم اي وقت تحتاجيني اتصلي عليا علي طول

وانا اي وقت هشوف رقمك حتي لو كنت مشغول هتصل عليكي بسرعه. ده طبعا عشان امنع عنكم اب حاجه وحشه????

عشق…بحزن من نبرته اللي فيها سخريه شكرا ليك.من فضلك ياريت نروح عشان الوقت اتأخر

ليل…تمام.

اثناء ماهما ماشيين فالطريق اتصل عليه جاسر

ليل…الووو

جاسر ..ايه يابوص الميتنج خلص خلاص كله تمام

ليل..طيب الحمد لله اتفقتوا علي ايه

جاسر….المفروض في بكره ميتنج تاني هنظبط فيه شويه حاجات كده ونحدد معاد السفر عشان نشوف المكان

ليل…سكت وافتكر كل كلمه قالتها عشق

عشق…حست بيه وحست باللي بيدور في باله بس فضلت ساكته

جاسر….ليل انت معايا

ليل…اه معاك…خلاص هنبقي نتكلم انا الوقت رايح عالبيت اوصل انسه عشق

جاسر…طيب تمام انا كمان رايح اوصل تمارا هشوفك

ليل…تمام يلا سلام الوقت

جاسر سلام

كمل ليل سواقه من غير ولا كلمه

اما عند جاسر فا كان باين عليه الغيره من هادي…فضل ساكت شويه وقبل ما تمارا تكسر الصمت ده اتكلم هو

جاسر….تمارا ممكن اطلب منك طلب

تمارا…طبعا يا مستر جاسر اتفضل

جاسر…ياريت متديش وش لهادي اوي هو بني ادم كويس وشغله تمام ورجل اعمال ناجح بس عالمستوي الشخصي انا مش بحبه

او بمعني اصح مش برتاحله

تمارا…ايوه بردو مش فاهمه حضرتك تقصد ايه انا مفيش بيني وبينه كلام اصلا انا اول مره اشوفه

جاسر….عارف يا تمارا بس انا بنبهك مش اكتر لان التعامل معاه مش هيبقي اخر مره لسه هنشوفه كتير وهنقابله اكتر احنا في بينا شغل انا مش عايزك تتعاملي معاه لانه بأختصار سمعته سبقاه ومعروف انه بتاع ستات فهماني

تمارا….تمام

جاسر…تمام ايه؟

تمارا…فهمت يعني التعامل بيني وبينه هيكون في حدود الشغل وبس.

جاسر…بغضب بسيط ظهر في الكلام يبقي مافهمتيش يا تمارا انا قولت مش عايزك تتعاملي معاه اصلا سبيني انا مني ليه انتي كل اللي عليكي تظبيط مواعيدي وبس اكتر من كده لا ممكن

تمارا…………

جاسر…ماتردي سكتي ليه

تمارا….حاضر يا مستر جاسر بس ممكن سؤال هو حضرتك ليه متعصب كده اظن انهرده يعني محصلش اي حاجه مني تضايقك وتعصبك ولو حصل واني اتكلمت معاه فانا مكنتش اعرف

جاسر…وانا مقصدش اتعصب ياتمارا بس معرفش انتي خدتي بالك ولا لا من هادي وتلميحاته ونظراته كل دي حجات تحرق الدم

تمارا…اولا انا مخدتش بالي فعلا من اللي حضرتك بتقوله ده ولو حصل فا بردو ده مش ذنبي هو راجل عينه زايغه انا مالي ثانيا بردو ليه حضرتك مضايق

جاسر…بغضب…هو ايه اللي ليه حضرتك مضايق ياتمارا ايه شيفاني مش راجل ولا ايه لما الاقي واحد بيحاول يعلق فيكي ويترسم وبيلاغي حضرته انتي سكرتيرتي يا تمارا يعني كلك علي بعضك كده تخصيني انتي فاهمه

تمارا…????????????

دور جاسر العربيه وطار وتمارا من كتر ما هي كانت مبسوطه الكلام كله طار….لانها حبت جاسر ومتوقعتش انه يحبها اصلا….

بعد مده وصل ليل وعشق تحت البيت

ليل…حمد الله عالسلامه

عشق…الله يسلمك

ليل…يلا اطلعي انا هفضل مستني لحد ما تطلعي

عشق…هو حضرتك مش هتستني مستر جاسر

ليل…لا هكلمه واعرفه اني مشيت

عشق…اوك بعد اذنك

هز ليل دماغه نزلت عشق بحزن عشان طريقته وحساه مش مصدق راحت ادام الباب بصتله من بعيد شويه ولفت وشها وطلعت عالبيت واول ما اطمن ليل انها طلعت مشي

ليل…..الووو

جاسر…ايوه ياليل

ليل….انت فين

جاسر…انا ربع ساعه وهكون تحت بيت حاج محمد

ليل…طيب تمام عموما انا وصلت عشق ومشيت بس عايزك تجيلي عالڤيلا

جاسر….

في حاجه ولا ايه

ليل….اه في بس لما تيجي

طيب تمام هكلمك تاني

ليل…سلام

جاسر…سلام

عدي الوقت بسرعه ووصل جاسر تمارا وفضل واقف لحد ما طلعت كلمته ومشي راح لليل.

……..

ليل….مساء الخير

ادم….مساء الفل ايه الاخبار

ليل…تمام امال فين نوح

نوح…وهو جاي من المطبخ ولابس مريله مطبخ وشكله يضحك..مين بيسأل عليا

ليل…ايه ياض اللي انت عامله في نفسك ده

نوح …ايه رأيك انفع

ليل….ولا اجدعها ست بيت ????

نوح…تصدق والله اناواللي غلطان امك مش هنا قولت ادلعك انت والواد الغلبان ده واعملكم حاجه تتعشوا بيها

ادم…ده علي اساس انك بتعرف تطبخ

نوح…علي فكره مش لازم اكون بعرف اطبخ المهم اني بحب المطبخ

ليل…لا ياشيخ

نوح…طب اتقلوا بس المرادي اكله هتجننكم ومن الاخر

ليل…اما نشوف اخرت اخترعاتك دي ربنا يرجعك بالسلامه يا سهام..

ادم….عملت ايه صحيح يا ليل

ليل….لا استنوا لما يجي جاسر هطلع اخد شاور واغير يكون جه عشان احكي مره واحده

نوح…ايه ده هو جاسر جاي

ليل…اه انا قولتله يجي

نوح…ايه ده يعني هيدوق عمايل ايديا

ليل…ياض استرجل بدل ما اروق عليك ولا اقولك انا هسيبه هو لما يجي يسمع منك ويروق هو عليك

ادم…بضحك جاسر هيرفعك

نوح…ميقدرش ده بيحبني

ادم….هنشوف

ليل…انا طالع اخد شاور بسرعه بدل ما ارتكب فالواد ده جريمه

ادم…????????ماشي…

طلع ليل الاوضه بتاعته ساب موبايله ومفاتيحه عالتربيزه واعد علي كرسي رجع راسه لورا فضل ساكت وباصص للسقف وفجأه قام اتعدل مسك موبايله وكتب رساله.

ليل…..أزيك يانور ياريت وقت ما تشوفي المسدچ بتاعتي تتصلي بيا وياريت محدش يعرف ابدا اني كلمتك لاني عايزك ضروري في حاجه مهمه جداااا ارجو ان محدش يعرف وقت ما تعرفي تكلميني كلميني……

بعت ليل الرساله عالواتس وحط الموبايل علي التربيزه تاني وقام راح عالدولاب يطلع غيار وقبل ما يدهل ياخد الشاور بتاعه سمع صوت إشعار لرساله مسك الموبايل كانت رساله من نور

نور….الحمد لله يا مستر ليل بخير

انا مش هعرف اتكلم الوقت خالص لاني مش لوحدي بس ممكن تطمني لاني قلقت جدا والوقت متأخر مقدرش انزل اكلمك من تحت قولي من فضلك بابا في حاجه????

ليل……لا والله الموضوع ميخصش حاج محمد اصلا دي حاجه تانيه متقلقيش وطبعا اوعي تنزلي من البيت بصي بكره اي وقت تعرفي تكلميني انا مستنيكي تمام اطمني يلا تصبحي علي خير

نور…..وحضرتك من اهل الخير…

دخل ليل ياخد شاور كان جاسر وصل تحت.

جاسر…. مسا مسا

ادم…جاسر تعالي اتأخرت ليه

جاسر…في حادثه عالطريق جامده اوي

ادم….ربنا يستر

نوح خرج علي صوت جاسر

ايه ده مش تقول ان قلبي هنا يا ادم

جاسر….????????????ايه يالا الانت عامله في نفسك ده

نوح…بطبخلك بأيدي يا قلبي

جاسر…فضل يضحك ومش قادر يمسك نفسه…كان ليل نازل عالسلم.

جاسر….الله يخربيتك يا شيخ ده لو ليل شافك هيرفعك

ليل…لا ياخويا انا سبتلك انت الرفعه دي شوفت اخر دلعك فيه

نوح..قلع المريله رماها وسط الڤيلا يا جدعان يعني انا الحق عليا بعملكم اكل وبضحكم وربنا جعان وزهقت من اكل الشارع انا غلطان

جاسر…طب قولي بتعمل ايه

ليل…اكيد اي عك

نوح…اهو قالك وربنا انا عن نفسي معرفش بعمل ايه

ادم…إلهي يوجع بطنك يا شيخ

نوح…طب انا جعان الوقت

ليل…اتنيل اطلبلنا اكل مش ناقصه وجع بطن ومستشفيات اخر الليل

نوح….ايوه بس علي حسابك

ليل…طب ردوا انتوا عشان لو رديت هزعله

جاسر….اتنيل اسكت متجبلناش الكلام بقي هو انت عمرك اتنيلت دفعت حاجه

نوح…تصدق اه طب ايه هتاكلوا ايه

ليل…اللي تطلبه انجز بقي

نوح…طب براحه عليا مش كده بلاش قساوه

ضحك…ليل غصب عنه ياض هضريك

ادم…بضحك ما تخلص يا نوح بقي انا كمان جعان

طلب نوح الاكل واعدو مع بعض

جاسر…ايه الحكايه عملت ايه

ابتدا ليل يحكيلهم لاكن مش كل حاجه وللحظه حس ان ليل كان معاها حق  وحب هو كمان يعمل زيها وما يقولش كل حاجه وافتكر كلام عشق لما سألها فلاش بااااك

ليل…يعني انتي عايزه تقنعيني ان تمارا وزهره ونور ميعرفوش ان من ضمن حلمك انهم هيرتبطوا بادم ونوح وجاسر

عشق….هما ميعرفوش اصلا اي حاجه ولما جيت وقولت اللي قولته فالشركه وسألوني بعدها قولت ان الحلم اللي شوفته ان بابا هيتخبط بعربيه وبس ميعرفوش اي تفاصيل

ليل…وليه مقولتلهمش؟

عشق….عشان ديما القلب بينفذ اللي العقل بيقوله بمعني لما اقول مثلا لتمارا انها هتحب جاسر هي مش هتعمل اي حاجه غير ان عقلها وقلبها يفكروا فيه وهتحبه فعلا بس مش حب بجد ده حب عشان هتصدق حلمي لانها بتثق في احلامي وهتمشي ورايا لو فعلا الحلم ده مكتوب فانا اتمني انهم يحبو بعض من نفسهم مش عشان كلام انا قولته

ليل…وايه اللي ضمنك ان حد من الشباب يحبهم يعني ده اولهم جاسر انتي نسيتي انه خاطب

عشق….الست هي اللي بتخلي الراجل يحبها يا ليل باشا مش العكس صدقني ولو همشي معاك علي كلامك يمكن ده سبب تاني خلاني مقولش خصوصا لو مش كل حلمي هيتحقق…

بااااك

بعد فتره بسيطه….سكت وبصلهم

ليل…بس هو ده كل اللي حصل

جاسر….حلم كل ده بسبب حلم طيب لوهي بتكدب ووراها حد زي ما قولت كل ده مترتب وهي عرفاه عرفت منين طيب مكان شقتي ده حتي حاج محمد ميعرفش كنا قولنا عرفت منه ده امي وابويا نفسهم ميعرفوش انت بتقول وصقتلك الشقه بتاعتك حته حته وانت شاكك انها جايه تبع ريما…وريما نفسها ياليل مدخلتش الشقه دي ولا عمرها راحتها..ومحدش دخلها غيرنا احنا الاربعه وامك وابويا…وامك وابويا ما بيروحوهاش اصلا طيب ازاي ايه حد مننا اللي متفق معاها مش معقول بردو

ادم…طب السؤال بقي الاهم انت ليه ياليل قولتلها ان مفيش شقه فالزمالك وان مفيش اي مكان غير الڤيلا دي اللي بتعيش فيها…ده انت المفروض كنت اتأكدت من كلامها.

نوح…صحيح ليه عملت كده

ليل…مش عارف كل حاجه قالتها صح ومع ذلك مش قادر اقتنع لان مفيش كده مش فاهم هي بتحاول توهمني عشان اتصدم واصدقها ومره واحده انفذ اللي قالت انها حلمت بيه واشغلهم كلهم معايا واوديهم كلهم شقه الزمالك وادخلهم فينا وفي حياتنا اكتر وانا مش ضامنهم اصلا

جاسر…..طب ناوي علي ايه انت بتقول ان هي قالت ان في ناس هيتهجموا عليهم من الحته اكيد مش هنسبهم

ليل…وايه اللي ضمنا اصلا ان دي مش لعبه يا جاسر مايمكن متفقين علي كل حاجه بتحكيها

ادم….بص انا معاك ياليل وفنفس الوقت مستغرب طيب لو متفقين مع الناس اللي فالحته وهيتفقوا مع جارت نور كمان طيب ازاي وليه…وبعدين يا ليل متنساش انها قالت كل كلمه بالحرف انت ونور قولتوها….يعني الدكتور هقول يمكن معاه وعارفه هيقول ايه…طب هتدخل عقلك انت ونور ازاي.. ده حتي مقابلت هادي مع جاسر انهرده هي عرفاها هتتفق مع هادي كمان طيب تمام عرفت ازاي اللي هيحصل من جاسر

ليل…ده اللي هيجنني يا ادم في حجات مصدقها بس مصمم اني اكدبها لان بالمنطق صعب اني اصدق

نوح..طب وبعدين

ليل…انا خليت حد من الرجاله هناك واجروا شقه يعني هيكونو معاهم 24ساعه هناك وعشق مش هتبعد عن عينهم لحظه هي والبنات واي مكان هيروحوه او اي حد يقابلوه هيبلغوني بيه فورا

جاسر….تمام وعندي فكره تانيه بردو

ليل.. ايه هي

جاسر…بص هو احنا عشان نرتاح ونلاقي حد يرد علي كل الاسئله دي مكنش في غير عم محمد وطبعا هو حاليا في غيبوبه فا احنا حلنا الوحيد الوقت في ايد نور…هي اللي هتقول كل حرف وتأكده وتعرفنا عرفوهم ازاي وكل حاجه..

ليل….ابتسم طول عمرك عارف دماغي يا جاسر ده فعلا اللي فكرت فيه وبعت لنور رساله انها تكلمني بس من غير ما حد يعرف لازم اقابلها وأسالها كام سؤال هي عايشه معاهم بقالهم شهرين ونص اكيد في تفاصيل كتير ممكن تفيدنا..

نوح…بغيره واضحه طيب وتقابلها لوحدكم اقصد يعني ما تقولها فالموبايل وخلاص.

سرح ليل في كلام عشق وسكت..ازاي فالتليفون اكيد مش هينفع

جاسر…الله هي الحلوه بتبص لغيري ولا ايه

نوح…بارتباك حس باللي قاله انا لا تقصد ايه خالص علي فكره انا اقصد يعني عشان ابوها فالمستشفي وكده يعني

جاسر…لا يا شيخ

ادم….????????????????

نوح….اه انتوا عايزين تتسلوا عليا صح شكلها كده فيه حفله انا قايم وسايبكم خالص

جاسر..مسكه وهو بيضحك استني بس بهزر ياعم اعد بقي

ليل…خلونا فالمهم الوقت انا هستني نور تكلمني والرجاله انا معرفهم ان اي وقت يحصل اي حاجه يبلغوني ولو في اي مشكله او مش عارفين يوصلولي يكلموا اي حد فيكم عشان كده خلوا بالكم ديما من تليفوناتكم

جاسر…اطمن بس معني كلامها ان اللي حصل ده هيحصل واحنا مسافرين صح

ليل…اه هي قالت كده

جاسر…تمام

وفوسط ماهما بيتكلموا اتصلت نور علي ليل.

ليل…دي نور

ادم…طب رد عليها

ليل…الووو

نور….ايوه يا مستر ليل انا نور اسفه اني اتصلت بحضرتك الوقت

ليل…اهلا يا نور لا متقوليش كده انا قولتلك اتصلي اي وقت

نور….انا مصدقت انهم نامو قولت اكلم حضرتك لاني بصراحه مش قادره استني لبكره

ليل…ولا يهمك عموما هي حاجه متخصش حاج محمد هي تخص البنات شويه اسئله محتاج اعرفها منك عنهم.

نور….في حاجه طيب

ليل…خالص والله اسئله بسيطه لان حاج محمد كان عايزني اشغل عشق وزهره كمان ومحتاج اعرف شويه حجات عنهم بس مش عايزهم يعرفو عشان الموضوع ميبقاش محرج اني بسأل عليهم وكده فهمتي.

نور…اه فهمت تحت امر حضرتك طبعا

ليل…هو اكيد مش هينفع فالتليفون ينفع اشوفك بره

نور…ينفع اكيد بس مش عارفه هقولهم ايه خصوصا اني بروح لبابا معاهم وبرجع معاهم

ليل…بسيطه قوليلهم راحه الجامعه قوليلهم اعصابك تعبانه محتاجه تتمشي كده يعني

نور….فكره كويسه خلاص تمام هشوف حضرتك بكره

ليل…وانا مستني مكالمتك

نور…ماشي تصبح علي خير

ليل…وانتي من اهل الخير

قفل ليل معاها…

جاسر…????????كده تمام

نوح…بقول ايه انا فصلت هطلع انام

نوح كان غيران علي نور من غير ما يحس فا قرر انه يبعد عشان محدش يشك فيه لكن مقدرش يداري وكان ظاهر عليه جدا..

جاسر…هو ايه شكله واقع ولا ايه

ليل…تقريبا كده بس سيبك منه الوقت خلينا فالاحنا فيه ده

جاسر…طب بقول ايه انا هخلع بقي انا كمان عشان مش قادر

ليل…طيب تمام

جاسر..تصبحوا علي خير

ليل..ادم…وانت من اهل الخير

مشي جاسر وطلع ليل وادم يناموا…..

في صباح يوم جديد كل حاجه كانت ماشيه طبيعيه

الشباب في الشغل

والبنات فالمستشفي معاهم سواق ليل بعته معاهم واتنين من الجارد

عشق. كانت مضايقه انها مشافتوش بس حاولت تبان افضل.

بعد ما خلصوا زيارتهم

عشق…يلا يا بنات

نور…عشق روحي انتي وزهره انا هتمشي شويه

عشق…طيب انا معاكي

نور…معلش يا عشق محتاجه امشي مع نفسي

عشق…حاضر يا حبيبتي طيب لو احتجتي حاجه كلميني

نور….حاضر

خرجوا من المستشفي مع بعض سابتهم نور ومشيت وهما ركبوا ورجعوا.

نور….ايوه مستر ليل انا نزلت من المستشفي وهما مشيوا حضرتك فين…

ليل……نوووور اركبي

بصت نور لقيته ليل ركبت

نور…هو حضرتك كنت هنا ولا ايه

ليل…اه وقفت بعيد واستنيت يمشوا

نور…تمام

ليل…مشي بالعربيه وصلوا كافيه مع بعض..

نور.. .خير يا مستر ليل

ليل…………..????????????????

يتبع…..