Uncategorized

رواية لعنة الانتقام (أحببتها ولكن 2) الفصل الثامن 8 بقلم بيسو وليد

 رواية لعنة الانتقام (أحببتها ولكن 2) الفصل الثامن 8 بقلم بيسو وليد

رواية لعنة الانتقام (أحببتها ولكن 2) الفصل الثامن 8 بقلم بيسو وليد

رواية لعنة الانتقام (أحببتها ولكن 2) الفصل الثامن 8 بقلم بيسو وليد

نظرت سيلا لكوثر بحقد وقالت:حابه أعترف على كوثر هانم،، الست دى ساحره وبتعمل سحر لروز وليل كل يوم بشكل مستمر عشان تأذيهم وتنتقم منهم،، اللى أنتوا فيه دا بسببها هى وألحقوا نفسكوا قبل ما يحصل حاجه تانيه،، انا حبيت أقول كدا عشان محسش بتأنيب الضمير وعشان أكون مرتاحه ومشوفكيش تعبانه كدا وانا عارفه السبب وساكته وكمان هى السبب فى أنك يجيلك سكته قلبيه هى اللى مكلفه واحد يبعتلك الصور دى،، ألحقى نفسك وفكيه،، وأتمنى متكونيش كرهتينى للدرجه اللى هى وربنا يسعدك وسامحينى مهما كان اللى حصل انا فى الأول والأخر أختك وبريئه ولله العظيم بريئه وهى اللى مجرمه
كانت روز مصدومه وكان ليل مذهول وكان يعلم بأنها وراء كل ذلك ولكن كان يكذب نفسه كى لا تحزن روز أكثر من ذلك ولكن ها هى قد أنكشفت الحقيقه وكوثر هى المتهمه بدأت الناس تتهامس وهم لا يصدقون بأنها من فعلت كل تلك الجرائم
القاضى:سكوت
صمت الجميع وروز وسيلا بأنتظار النطق بالحكم بفارغ الصبر 
القاضى:بعد الأطلاع على الأوراق وسماع التلخيص وبعد مداوله حكمت المحكمة حضوريا وبإجماع الآراء بمعاقبة المتهمه كوثر الدهشان بالسجن المؤبد ومعاقبه المتهمه سيلا خالد الدهشان بالسجن سته أشهر رفعت الجلسة
نهضت روز وهى تنظر لها بسعادة فها هى أخذت حقها منها وبالقانون نظرت لها كوثر بشر وذهبت أحتضنتها سيدرا بسعاده وقالت:مبروك يا حبيبتى حقك رجعلك تانى
جليله:حقك كان هيرجعلك عاجلاً أم أجلاً يا بنتى
ليل:ربنا مبيرضاش بالظلم يا خاله،، يلا خلينا نخرج
خرجوا جميعهم وذهبوا الى الحديقه وجلسوا
بهاء:مبروك يا مراه أخويا حقك رجعلك تانى والمره دى مش هتأذيكى تانى خلاص
روز:الحمدلله
ليل:روز كنت عاوز أقولك حاجه 
روز:حاجه ايه دى
ليل:سامحى سيلا
نهضت روز بدهشه وقالت:مين دى اللى أسامحها انتَ بتقول ايه
أجلسها ليل مره أخرى وقال:ممكن تقعدى وتسمعينى وياريت متقاطعنيش
جلست روز مره أخرى وقال:سيلا أتظلمت فى الموضوع دا وضحت عشانك 
روز:يا سلام وانا المفروض أصدق مش كدا زيها زى أمها
ليل:لا يا روز مش زى أمها،، سيلا جازفت عشانك وضيعت من عمرها عشان خاطرك انتِ
روز:وانا المفروض أصدق مش كدا،، وبعدين ست شهور ليه قليل 
ليل:يا بنت الناس أسمعينى للأخر وأفهمى
روز بأنفعال:أفهم ايه يا ليل انتَ هتجننى
ليل بحده:أهدى عشان أحنا فى مكان عام
جليله:أسمعيه الأول يا روز يا بنتى وبعد كدا أبقى أحكمى
صمتت روز وأردف هو قائلاً:انا اللى خليت سيلا تعمل كدا وتجازف عشانك وهى معترضتش بالعكس كانت مرحبه بالفكره،، انا خلتها تراقب كوثر وتوهمها أنها بتساعدها ومعاها ويوم عمليتك هى اللى أتصلت بيا وقالتلى أن أمها عملت سحر عشان تموتى وانتِ جوه يعنى لولاها كنتى زمانك ميته دلوقتى،، سيلا بتحبك ومستحيل تاكل حقك وضحت بنفسها وطلعت نفسها زباله قدام تامر عشان خاطرك انتِ،، سيلا لو مكانتش بتحبك مكانتش ضحت بحياتها ومستقبلها عشانك،، فهمتى ولا لسه أنها مظلومه 
نظرت لهُ روز بعينين دامعتين وقالت:سيلا لسه بتحبنى
ليل:أيوه،، وعمرها مكرهتك أفتكرى هى عملت ايه عشان خاطر ترجعك تانى
روز بعينين دامعتين:روحنى يا ليل
جليله:أستهدى بالله يا ابنى وأهدى
ليل:لا عشان متحكمش على الناس بسرعه
تحدثت روز بصوتٍ عالٍ قائله:ليل لو سمحت متضغطش عليا أكتر من كدا انتَ عارف انا مريت بأيه كويس
ليل:تمام أتفضلى قدامى
نهضت روز وذهبت بغضب وورأها سيدرا كى تهدئها 
جليله:ليل حاول متديش للزعل أكبر من حجموا وراضيها بكلمتين معلش هى مصدومه
ليل:روز بتنفعل وبتقول كلام هى مش قده يا خاله
جليله:معلش يا ابنى أستحملها أديك عرفت الدنيا ماشيه أزاى شوفت ربك ليه حكمة
ليل:الحمدلله،، يلا عشان نلحق المجنونه دى
ذهبوا وركبوا السياره وذهبوا 
فى الصعيد
صفيه:عملت ايه يا أشرف
أشرف بأبتسامه:مجوش معايا بالذوق جبتهم بقله الأدب 
فريده:أيوه يعنى عملت ايه
أشرف:أتحبسوا أربع أيام على ذمه التحقيق
صفيه:الحمدلله،، أعبال ما يرجعوا ورثى وياخدوا جزاتهم عشان كل واحد يتأدب وميمشيش فى الطريق دا تانى
أشرف:الحمدلله،، ليل مكلمكوش
صفيه:لسه متكلمش،، خليه لما يروح ويرتاح عشان يكون فايق
باسم:بابى انا عاوز أروح لعمو ليل
أشرف:هنروحلوا بس مش دلوقتى
باسم:لا انا عاوز أروحلوا دلوقتى يا بابى بقى
أشرف:خلاص أبقى كلمه وخليه ييجى ياخدك 
ضحكت فريده وقالت:لحقت تتعلق بيه يا باسم 
باسم:أه بس عشان فى مصلحه ليا
نظر لهُ أشرف بشك وقال:قصدك ايه ياض انتَ
باسم:عاوز الصراحه 
أشرف:أيوه طبعاً 
باسم:مراته حلوه أوى 
نظرت لهُ فريده وصفيه وغاده بصدمه وكذلك أشرف وسامح وحمزه الذين كانت صدمتهم لا تقل عن صدمه أشرف
أشرف بصدمه:دا انتَ نهارك أسود انتَ عارف لو ليل سمعك هيعمل فيك ايه
باسم باللامبالاه:مش هتفرق 
أمسكه أشرف من تيشرته ورفعه لمستواه وقال:ولا انتَ اتعلمت الكلام دا فين،، انتَ بتكلم بنات من ورايا ياض
باسم:يا بابا صلى على النبى بس هو انا معايا تليفون حتى هكلم بنات منين
أشرف:وجهه نظر برضوا
باسم بطفوله:دايماً ظالمنى
نظر لهُ أشرف بحاجب مرفوع وهو يقول:والله؟
ضحك باسم وضحكت صفيه وقالت:يا شقى أوعى تقول على خالتو روز كدا عشان ليل بيغير ومبيحبش حد يقرب منها 
باسم بكبرياء:عادى انا راجل زيوا ومبخافش
لوت غاده شفتيها وقالت:أتوكس انتَ مشوفتش حاجه،، هى ديتها شخطه منوا والله مهتقدر تقولوا بخ حتى
فريده:ياه للدرجادى
غاده:وأكتر وحياتك مسيرها الأيام تثبتلك
أشرف:هروح أتصل بيه وأشوفوا عمل ايه
خرج أشرف وجلس الجميع يتبادلون أطراف الحديث
فى النيابه
سمير:عاجبك أكده يا كمال،، على أخر الزمن ولاد الدمنهورى يدخلونا السجن
كمال بتوعد:صبرك عليا يا أبن صفيه أن ما ربيتك مبقاش كمال
سمير:يا عمى أحنا فى ايه وانتَ فى ايه بنجولك روحنا فى داهيه 
كمال:وهو مين السبب مش أبن صفيه
سمير:هنخرج منِها كيف بجى 
كمال:يا ريتها جت على الحبس بس دول فضحونا،، نخلص من ليل وجرفه يطلعلنا أشرف وعفرتو،، إن ما وريتك يا أشرف انتَ وليل 
سمير:نخرج من هنا بس ونشوف هنبجى نعملوا ايه 
كمال:أما نشوف أخرتها ايه مع عيله الدمنهورى
فى منزل غيث
وصل ليل وروز الى منزل غيث وجلس بتعب ودلفت روز مع روزان الى غرفتها وجلسوا 
غيث:ها عملت ايه يا ليل
ليل:كوثر خدت مؤبد وسيلا خدت ست شهور 
غيث:ليه هى مش زيها 
ليل:لا مش زيها سيلا بريئه
غيث بتعجب:أزاى
ليل:هحكيلك 
بدء ليل بقص كل شئ لغيث بينما جلست روز على غير عادتها ولاحظتها روزان وجلست بجانبها وقالت:مالك يا روز
زفرت روز والدموع ألتمعت بعينيها وقالت:مفيش حاجه
نظرت لها روزان بعدم تصديق ولمحت تلك الدمعه التى فرت منها ومسحتها سريعاً:مالك يا روز أحكيلى مش انا زى أختك 
نظرت لها روز وأمأت بنعم ولم تتحدث بينما أردفت روزان قائله:أحكيلى طيب ايه اللى مزعلك أوى كدا ومخليكى تعيطى
تحدثت روز بصوتٍ مهزوز قائله:زعلانه أوى من نفسى يا روزان،، زعلانه من نفسى أوى ومش طايقه نفسى 
روزان:ليه بس يا حبيبتى
روز:انا ظلمت سيلا،، سيلا جازفت بحياتها ومستقبلها وخسرت تامر حب عمرها بسببى
أحتضنتها روزان وقالت:بس أهدى ومتعيطيش 
روز ببكاء:مش متحمله يا روزان،، انا تعبت مش قادره خلاص واللى زاد وغطى ليل مش طايقنى وكل شويه يتعصب عليا ويزعق
روزان:ما هو مش ليل لوحدوا،، غيث برضوا كدا
نظرت لها روز وقالت:ليه يا روزان 
زفرت روزان وقالت:اللى عرفته أن عندهم مأموريه كبيره وعشان كدا مش طايقين نفسهم عشان خاطر أحتمال يعنى
أسرعت روز وقالت:عشان أحتمال يروحوا وميرجعوش تانى صح
نظرت لها روزان قليلاً ثم قالت:بالظبط كدا 
ضربت روز بقبضتها على فراشها بغضب وقالت:كنت حاسه أنه مخبى عليا حاجه 
روزان:أهدى يا روز عشان خاطرى مينفعش تتعصبى خالص فى توقيت زى دا 
روز بأنفعال:ولو متعصبتش دلوقتى هتعصب أمتى يا روزان 
زفرت روز وقالت:أعمل ايه انا دلوقتى مش هفضل كاتمه غيظى منه كدا كتير
روزان:طيب عاوزه تعملى ايه
نظرت لها روز قليلاً ثم نهضت وخرجت وهى تقول:انا عارفه انا هعمل ايه
خرجت روزان ورأها وذهبت روز الى ليل ووقفت أمامه وتحاول أن تتحكم فى نفسها نظر ليل لها بتعجب وقال:مالك فى ايه 
روز:دراعك
ليل بتعجب:نعم!
روز بغيظ:ناولنى دراعك وانتَ ساكت 
نظر ليل لغيث ونضال وبهاء بتعجب وحرك غيث شفتيه يميناً ويساراً وهو يقول:ما بلاش
ليل:عاوزه دراعى ليه برضوا مش فاهم
روز بغضب:هتناولنى دراعك بالذوق ولا أتجنن عليك 
خاف ليل منها لأول مره وتراجع للخلف قليلاً وهو يقول:طيب ممكن تهدى الأول
روز بأنفعال:أخلص عشان انا على أخرى منك وهقتلك 
ليل:خلاص بس أهدى
مد ليل ذراعه لها وأمسكته هى بكل غل وغضب وعضته بقوه فزع ليل من عملتها تلك وحاول إبعادها وقال بألم:أه أوعى يا مجنونه،، يا بنت العضاضه يابنت المفجوعه كل دى بوقين فى بوق واحد
ضحك غيث بقوه وكذلك نضال وبهاء ولم تستطع روزان كبح ضحكتها أكثر من ذلك وضحكت أيضاً 
غيث:أفتكر أنى قولتلك بلاش 
ليل:ايه يا روز انتِ أتصعرتى
روز براحه:بس انا كدا مرتاحه  ثم أقتربت منه وتفحصت ذراعه وقالت:معلش يا حبيبى سلامتك أستحمل يا ليل باشا
قالت جملتها وذهبت الى الغرفه مره أخرى وكان ليل ينظر لأثرها بصدمه ودهشه وهو يقول:مش معقول دى أتجننت رسمى
ضحكت روزان وقالت:معلش معرفتش تطلع غلها منك أزاى فأضطرت أنها تعضك 
ليل:ليه طيب ما انا مش فاهم 
روزان:شوف انتَ مخبى عليها ايه وعرفته من برا
تركته وذهبت وهو واقف مكانه ولا يستطيع أن يصدق ما حدث
بهاء:انا هخاف عليك يا صاحبى بعد اللى شوفته دا
ليل:والله مش أكتر منى
ضحك نضال وقال:أستحمل يا صاحبى،، أستحمل يا ليل المخابرات 
ليل:يا نهار أسود دا انا لو مجوعها مش هتعمل فيا كدا
ضحك غيث وقال:هتستلم من دا كتير وبعدين انتَ اللى غلطان عشان ناولتلها دراعك من الأول
ليل:هو كف أيدى لا وعضتنى بضمير 
بهاء:أصيله 
ليل:هات يا ابنى حته تلج أحطها على أيدى مش قادر 
بهاء:لا انتَ تحطها تحت المايه الأول وبعد كدا تمشى عليها التلجه عشان متوجعكش
نهض ليل وذهب الى المرحاض وخلفه غيث كى يحضر لهُ قطعه الثلج وضع ليل يده تحت المياه وهو يتألم خرج وأعطى لهُ غيث قطعه الثلج ووضعها ليل على يده وقال:نار قايده فى أيدى
بهاء:تعيش وتاخد غيرها 
سمع صوت هاتفه يعلنه عن أتصال من أشرف فقال:رد وأفتح الأسبيكر 
فتح غيث الأسبيكر وقال ليل:أيوه يا أشرف
أشرف:عامل ايه طمنى
ليل بألم:انا تمام
غيث:يا ابن الكدابه 
نظر لهُ ليل بحده فقال أشرف:انتَ حد جنبك ولا ايه؟
ليل:صحابى
أشرف:طيب عملتوا ايه فى الجلسه
ليل:مفيش أتحكم على مراه أبوها بمؤبد وأختها ست شهور 
أشرف:طب كويس
ليل:وانتَ عملت ايه 
أشرف:روحتلهم انا وداوود وأخواتك ومجاش معايا بالذوق فروحت مدخل البوليس وخدوهم غريب قام بالواجب وخدوا أربع أيام على ذمه التحقيق 
ليل:أه انا كنت مكلم غريب فى الموضوع دا من فتره فعلاً،، يعنى كلوا تمام
أشرف:لسه حقها هيرجعلها فى الميراث وهما أتفضحوا 
ليل:أحسن،، زمانهم مولعين
أشرف:لو حطيت شويه بنزين هتلاقيهم ولعوا
ليل:ربنا على كل ظالم،، خلاص شوف كدا هتعمل ايه وعرفنى أول بأول
أشرف:حاضر،، مالك انتَ تعبان
ليل:أيدى وجعانى
أشرف بتعجب:ليه 
ليل:المجنونه أتجننت عليا راحت عاضه أيدى بضمير ومش قادر من ساعتها 
ضحك أشرف وقال:يا عينى عليك يا ابنى لسه صغير على العض
ليل:والله صعرانه انا لو بعذبها مش هتعمل كدا 
ضحك أشرف وقال:تعيش وتاخد غيرها ياخويا
ليل:ماشى يا أشرف فرحان فيا ها
أشرف:لا طبعاً وانا أقدر،، هسيبك بقى مع أيدك وصحابك وأقفل
ليل:طيب متتأخروش ها خلصوا بسرعه وتعالوا
أشرف:حاضر وقت ما نخلص هنيجى
ليل:تيجوا بالسلامه،، يلا وسلملى على الكل
أشرف:يوصل يا باشا
أغلق معه وظل ليل يتحدث معهم لوقت طويل حتى جاء الليل وقال:انا ماشى بقى
بهاء:على فين كدا
ليل:هروح القصر أشوف ايه الجديد
غيث:طيب هاجى معاك
ليل:وروزان؟
غيث:مش روز هتقعد معاها؟
ليل:أيوه
بهاء:طيب نجيب الست وبنتها ونقعد الحريم مع بعضها هنا ونبات هناك معاك نشوف هيحصل ايه 
ليل:تمام،، أسبقونى وانا هعرف روز وأنزل 
غيث:طيب ماشى،، يلا يا شباب 
ذهب ليل الى غرفه كمال ووقف بعيداً عن الغرفه وقال بصوتٍ عالٍ قليلاً:روز تعالى عاوزك لو سمحتى
ثوانِ وكانت روز أمامه:نعم
ليل:انا رايح القصر وهبعت خاله جليله وسيدرا يقعدوا معاكوا عشان انا والشباب هنبات فى القصر النهارده
روز:ماشى
ليل:تمام،، عن أذنك
ألتفت ليل وكان سيتحرك أوقفته روز قائله:ليل أستنى
وقف ليل وألتفتت هى لهُ وقالت:أيدك عامله ايه 
ليل:تمام
روز بأبتسامه خفيفه:متزعلش منى
ليل:مش وقته يا روز 
روز:عشان خاطرى يا ليل بس انا زعلت منك عشان خبيت عليا حاجه كدا 
ليل بتعجب:خبيت ايه انا مبخبيش عنك حاجه
روز:متأكد
ليل بحيره:بجد مش عارف مخبى ايه
روز:مأموريتك الخطيره اللى مخلياك على أخرك
ليل:بعدين 
روز:شوفت عشان تعرف أنك كنت مخبى
ليل:مش مخبى يا روز انتِ شايفه أن الوقت كان سامح لحاجه زى كدا
روز بأبتسامه خفيفه:طيب متزعلش من روزتك حبيبتك
ليل:لا زعلان،، شايفه أيدى عامله أزاى
أبتسمت روز وقبلت خده بلطف وقالت:خلاص بقى قلبك أبيض
زفر ليل ونظر لها بأبتسامه وقال:ماشى يا ست روز مش زعلان
أحتضنته روز بسعاده وهى تقول:أحلى ليل فى الدنيا كلها
ليل بأبتسامه:طيب ممكن أنزل بقى عشان أشوف هعمل ايه
روز:مين هيجيب طنط جليله وسيدرا
ليل:هخلى الحرس يجيبوهم عشان همشى الخدم كلهم دلوقتى لحد ما نخلص من الليله دى وكل حاجه ترجع زى ما كانت
روز:انتَ عرفتهم فى البلد بحاجه زى كدا
ليل:لا محبتش أقلقهم خلينى أخلص الموضوع دا فى هدوء
روز:بس مش هيخلص بسهوله يا ليل مش من يوم وليله 
ليل:مش عارف بقى وقت ما نخلص نخلص 
روز:طيب شوف كدا هتعمل ايه النهارده وخلى بالك من نفسك وهبقى أجيلك بكرا الصبح
ليل:تمام هبقى أبعتلك الحرس ياخدوكى
روز:ماشى يلا روح عشان أتأخرت عليهم
ليل:ماشى خلى بالك من نفسك ومن روزان 
روز:حاضر
قبل رأسها وذهب وذهبت هى مره أخرى الى روزان،، نزل ليل وركب بالخلف وقال غيث بسخريه:مش وقتك يا عم الحبيب 
ليل بأغاظه:لا وقتى ووقت ما أحب فيها هحب فيها يا غيث
بهاء:كلوا ألا ليل ياض دا يقتلك
ليل:حبيبى اللى فاهمنى 
ضحك بهاء وقال:طب خلاص عضت مراتك أصرت عليك ولا ايه 
نضال:تقريباً عشنا وشوفنا ليل بيتعض
ليل بأستفزاز:مراتى تعضنى براحتها وفى الوقت اللى هى عوزاه
غيث:ولا انتَ أتحولت ولا ايه انا أبتديت أخاف عليك
ليل:لا ياخويا انا كويس متخافش
وصلوا الى القصر ودلفوا كانت جليله وسيدرا جالستان وتتحدثان قاطعهم دلوف ليل
جليله:نورت يا ابنى
أبتسم ليل وقال:بنورك يا خاله،، يلا هتروحوا تقعدوا مع روز فى شقه غيث صاحبى
جليله:ليه يا ابنى خير
ليل:مفيش بس هبات هنا انا والشباب عشان نخلص من اللى هنا
جليله:حاضر يا ابنى
ليل:حافظ
ذهب حافظ إليه وقال:أوامرك يا باشا
ليل:وصل طنط جليله والأنسه سيدرا لشقه غيث وأطمن أنهم دخلوا الشقه والباب أتقفل
حافظ:تحت أمرك يا باشا
ذهبت جليله وسيدرا مع حافظ بعدما ودعهم ليل 
بهاء:هنعمل ايه بقى
ليل:هندور فى كل حته فى القصر على أى حاجه متغيره أو مكانتش موجوده وظهرت فاهمين حاجه؟
غيث:فاهمك
دلف محمد ويامن ويعقوب ورحب بهم ليل ونضال وبهاء
محمد:بايتين معاك 
ليل:أنتوا تعبانين من سفر ايه اللى جابكوا 
يعقوب:مينفعش نسيبك كدا وانتَ متمرمط وأحنا قاعدين 
يامن:فقولنا نيجى نقف جنبك وقت شدتك مهما كان اللى فينا 
أبتسم ليل وقال:ربنا يخليكوا ليا،، بجد انا مبسوط أنكوا صحابى
يامن:ها يا باشا ناوى على ايه 
ليل:هندور على أى حاجه متغيره أو مش موجوده أو اللى كانت موجوده بس أختفت 
محمد:تمام يلا بينا
ليل:أتفرقوا واللى يلاقى حاجه يقولى
فجأه أنقطعت الكهرباء فأردف ليل قائلاً:أه أبتدينا
محمد:مش مشكله كل واحد معاه كشافه يتحرك 
تفرقوا بأرجاء القصر وبدأو بالبحث عن أى شئ غريب بالقصر
تحرك محمد الى غرفه من غرف القصر وظل يبحث عن أى شئ ولم يترك جزء صغير بالغرفه ولكن لم يجد شئ
بينما على الجهه الأخرى كان غيث يبحث بمكتب ليل عن أى شئ حتى وجد قميص لهُ مُلطخ بالدماء صُدم غيث وهذا أعطى لهُ الدافع فى الأستمرار بالبحث وكام ليل بغرفتهم يبحث بين ملابسه وملابس روز خصيصاً فهو يعلم بأنه سيجد شيئاً ما وجد كيس صغير مُحكم الغلق تعجب ولكن وجد كلام غير مفهوم وعلم بأنه عمل أخذ الكيس وظل بالأستمرار فى البحث وهو كله أمل بأنه سيتخلص من كل ذلك قريباً وستعود الحياه طبيعيه كما كانت بالسابق وجد صورته هو وروز وعليها علامه الأكس باللون الأحمر،، تفحص ثيابها بتدقيق وأيضاً كل الغرفه كل ما وجده هو ذلك الكيس وصورتهم الملطخه بالدماء،، كان يعقوب يبحث فى المطبخ ووجد كل شئ كما هو وفتح صنبور المياه وبدلاً ان تنزل مياه نزلت دماء فزع يعقوب وظل ينادى عليهم 
ذهب إليه الشباب ما عدا ليل
محمد:فى ايه يا يعقوب 
يامن:لقيت ايه خلاك تتخض كدا 
نضال:رد يا ابنى
ذهب إليهم ليل وقال:فى ايه يا يعقوب مالك
يعقوب:شوف كدا
فتح يعقوب صنبور المياه وكانت تنزل دماء صُعق ليل وشُل من الحركه
بمنزل غيث
كانت روز بالمطبخ مع سيدرا وروزان وجليله تتحدثان بعدما تعرفت عليهم 
شعرت روز بدوار خفيف ولكن لم تعير للأمر أى أهميه ولكن عاد لها مجدداً وتلك المره أشد حتى لاحظت سيدرا فقالت:مالك يا روز انتِ كويسه
تمالكت روز نفسها وقالت بأبتسامه خفيفه:أه انا زى الفل مفيش حاجه بس دوخت شويه مش عارفه ليه 
سيدرا:ممكن يكون أرهاق عشان منمتيش كويس
روز:ممكن برضوا
نظرت لها سيدرا قليلاً ثم قالت:روز
ألتفتت إليها روز وقالت:نعم
سيدرا:ما تعملى أختبار حمل
روز بتعجب:أشمعنى يعنى! 
سيدرا:ممكن تكونى حامل
روز:لا لا مش حامل 
سيدرا بضيق:هو بمزاجك ما تعملى وخلاص هتخسرى حاجه
نظرت لها روز وقالت:حاضر يا سيدرا أرتحتى؟
سيدرا:طيب يلا قدامى
فى القصر
ليل:طب حد لقى حاجه؟
غيث:أيوه انا لقيت قميص ليك فى المكتب وعليه دم
ليل:وانا لاقيت الكيس دا بين هدومى انا وروز والصوره دى عليها أكس بالأحمر 
ليل:طب وبعدين
يامن:دا عمل معمولكوا 
ليل:ما انا قولت كدا برضوا 
محمد:ناوى على ايه يا ابن سالم
ليل:هشغل قرآن وهشوف طول ما هو شغال ايه اللى هيحصل
سمعوا صوت بالأعلى فركض ليل سريعاً والشباب ورأه وحاول تتبع الصوت حتى وصل إليه وعندما دلف لم يجد شئ
ليل:لا كدا كتير
محمد:فى حاجه بتشتتنا يا ليل فى حاجه بتحصل ودى بتشتتنا عشان مناخدش بالنا
نضال:أتفق جداً
ليل:طيب بقولكوا ايه أحنا هننزل وهشغل القرآن على تليفونى وأى حد منكوا عندوا قرآن على تليفونه يشغله ويقعد بيه فى الدور دا 
محمد:انا عندى قرآن هشغله ويعقوب هيقعد معايا
ليل:حلو وانا هنزل تحت انا والشباب أوزعهم فى القصر وخليكوا مفتحين
يعقوب:متقلقش روح انتَ
أمأ ليل ونزلوا وجلس يعقوب ومحمد يتابعان كل كبيره وصغيره بينما وزعهم ليل فى أماكن معينه وجلس هو فى الليفنج وشغل القرآن وجلس يراقب ما الذى سيحدث
بمنزل غيث
كان الغاز منبعث بجميع أنحاء المطبخ ولم يشعروا بشئ وكان كمال يلعب فى غرفته
بينما خرجت روز وهى لا تتحدث ودموعها تهبط بغزاره على وجنتيها رأتها سيدرا فنهضت سريعاً وذهبت إليها وقالت بلهفه:ها طمنينى
نظرت لها روز وقالت بصوتٍ مهزوز وباكِ:حامل
يتبع…..
لقراءة الفصل التاسع : اضغط هنا
لقراءة باقي فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى