رواية قلب وكبد الفصل الثامن 8 بقلم حور طه

رواية قلب وكبد الجزء الثامن

رواية قلب وكبد البارت الثامن

رواية قلب وكبد الحلقة الثامنة

يعقوب_____
انت ايه اللي دخلك المكتب
ساره بتوتر _____
انا كنت جايه لحضرتك علشان عايزه اتكلم معاك في موضوع مهم بس ما لقيتكش
يعقوب ياخد الملف اللي على الارض ويحطه على المكتب_____
طيب اقعدي انا سامعك
ساره______
انا عارفه ان حضرتك عايز ياسين يسيب المطعم ويشتغل معاك وانا كمان عايزاه يشتغل معاك في النهايه هو اللي لازم يمسك كل الشركات دي
يعقوب ينظر لها بتركيز ______
جوزك دماغه ناشفه وما بيسمعش الكلام
ساره_______
انا هقنعها ياسين انه ينزل مع حضرتك الشغل
يعقوب______
وانت ايه اللي يخليك تعملي كده ايه مصلحتك
ساره______
انا مش عايزه الاملاك دي تروح بعيد عن ابني
يعقوب بابتسامه_______
ما كنتش اعرف انك ذكيه تمام اقنعي ياسين ينزل الشركه وانا هخلف نظر عن موضوع الجواز ويبقى كل ده بتاعك انت وابنك
ساره______
اتفقنا يا عمي ياسين في اقرب وقت هينزل معاك الشركه انا مش هخلي ثروه ابني تروح لحد غيره
يعقوب بابتسامه______
ماشي يا مرات ابني تقدري تتفضلي وانا هستنى اسمع اخبار حلوه
ساره بابتسامه_______
بس اكيد حضرتك هتقدر تعبي ولا ايه يا عمي
يعقوب افتح الخزنه ويخرج منها علبه بداخلها طوق الماظ _______
ده هيكون ليكي اول ما ياسين ينزل الشغل
ساره كانت مركزه في ارقام الخزنه وقالت بابتسامه____ هينزل وفي اقرب وقت كمان
تنهي كلامها وتخرج من المكتب وتفكر ازاي هتقنع ياسين ينزل الشركه مع يعقوب
ثم يرن هاتفها برقم مجهول_______
ااااالو؟؟
الشخص المجهول______
الاسبوع عدى وما جبتيش الملف قولي لي لو كنت مستغنيه عن ابنك اريحك منه
ساره بخوف______
حاضر والله العظيم هجيب لك الملف يومين والملف هيبقى معاك
الشخص المجهول ________
قدامك يوم لو الملف ما جاش عايزك تبقى تشيلي ابنك وتبصي في عينيه وتحضنيه وتشم ريحته وتودعيه الوداع الاخير
🖤🥀🖤🥀ف بيت عبدالرحمن🖤🥀🖤🥀
ازهار تقف في المطبخ وتحضر الاكل_______
اسبوعين يا فريده لا تيجي ولا حتى تتصلي
فريده وهي تجلس وتارض في الملوخيه لامها ______
كنت مضغوطه في المستشفى وكمان يونس ولا كنت بعرف اتلفت جنبي والله يا ماما
ازهار تاخد منها الملوخيه وتضربها على ايدها ______
قلت لك كم مره ما تسيبيش العصايه الصغيره دي في ورق الملوخيه
فريده بهزار ________
تحبي يقطعها لك بالمشروط
ازهار تضربها بعصايه الملوخيه_____
وخضريها كمان لتصحى منك في الحله والله ما انت نافعه هو خلاص بقى كل اهتمامك ووقتك للمريض ده نسيتي اهلك
فريده بحب _____
معلش يا حبيبتي انا عارفه ان انشغلت عنكم اليومين اللي فاتوا بس والله غصب عني انتم على طول في بالي
ازهار_______
كفايه عليك سبع البرمبه اللي طلع لنا في البخت
فريده ترغب في تغيير الموضوع ______
المحشي بالشيت يا ماما هبص عليه
ازهار تفهم حركات بنتها ______
لا اقعدي انا موطيه عليه ثم تكمل بتركيز او هيكون حصل بينكم حاجه
فريده بداخلها______
يا ترى يونس ممكن يتقبل ان احنا متجوزين ولا هو بيحاول يقرب مني علشان في حاجه في دماغه والله ما بقيت قادر افهمك يا يونس
ازهار تضرب على صدرها بفزع وتشدها من شعرها بدون اي مقدمات_______
ينهارك اسود قرب منك ضيعت مستقبلك خالص وارتحت يا فريده
فريده بتعجب من تصرف ازهار الغير متوقع وبوجع_____ ايه اللي انت بتعمليه ده سيبي شعري يا ماما اه
ازهار وما زالت تمسك شعرها_____
هو ده الجواز اللي على الورق مش انا اللي احب مريض يا ماما يونس مجرد حاله وبعالجها ياااماما وانا ازاي المغفله صدقتك
.فريده بوجع وتوضح لازهار قبل ان تطلع شعرها في ايدها __________
جوازنا لسه على الورق يونس ما لمسنيش ولا حصل بينا حاجه هاااااا اهدي بقى يا ماما هاااااا
اثار تترك شعرها وتبلع ريقها ______
وقعت قلبي خفت لما سكتي وما ردتيش كنت هقول ايه لياسر ابن خالتك وهو قاعد مستنيك
فريده تقاطعه بانفعال وهي ترتب شعرها _____
انت بتقولي ايه يا ماما انا بجد مش مصدقاك وهو ماله بيا اصلا
ازهار________
لا ماله ونص ده ابن خالتك وبيحبك وانا هطمن عليك معاه
فريده بهدوء________
بصي يا ماما يا حبيبتي عشان نخلص من الموال ده انا مش هتجوز ياسر حتى لو ما كملتش مع يونس برده مش هتجوزه
ازهار _______
ليه ناقصه ايه علشان ما تتجوزهوش
فريده تتمالك اعصابها ______
السبب بسيط جدا
ازهار بتفحص _______
اللي هو ايه
فريده بصبر _______
هو بالنسبه لي مش اكتر من اخ مش هيتنقل لحاجه ثانيه
يا ماما انا لسه من سنه كنت بقول له يا ابيه
فيا ريت يا ماما عشان خاطري بلاش تعشميه على الفاضي
ازهار بشك_______
يعني لو اتقدم لك حد ثاني غيره هتوافقي عليه
فريده بارتباك ______
انا ما بفكرش في الموضوع ده حاليا
ازهار ترفع حاجبها_______
ومع ذلك رحت اتجوزتي يونس
فريده ________
يونس مجرد حاله بالنسبه لي يا ماما وانا اتجوزته علشان اصعب يخف
ازهار________
نفسي اصدقك يا بنت بطني
فريده_______
لا صدقي يا ماما واطمني يونس مريض عندي وانا بساعده يتحالك وبس مش هيبقى حاجه ثانيه
وبعد انتهاء الغداء
عبد الرحمن___________
ها يا حبيبتي جوزك هيجي ياخدك ولا اوصلك انا في طريقي
ازهار__________
اللي هيجي ياخدها ولا انت هتوصلها هتبات معايا النهارده
فريده________
معلش يا ماما مش هقدر ابات معاكي النهارده يونس جاي ياخذني
عبد الرحمن_________
خلاص يا زهر سيب البنت على راحتها يلا نستناه تحت على ما يوصل عارف ان هو مش هيرضى يطلع
عبد الرحمن وفريده ينزلوا
عبد الرحمن__________
انا قلت لك ننزل نستنى يونس علشان عايزه اتكلم معاكي كلمتين مش عايز امك تسمعهم
فريده بتركيز________
طبعا يا بابا اتفضل
عبد الرحمن_______
قولي لي يا بنتي انت بتحبي يونس
فريده بارتباك_________
بابا انا سبق وقلت لكم ان يونس بالنسبه لي مجرد حاله وبساعده ان هو يتعالج
عبد الرحمن_________
شوف يا حبيبتي انا لما وافقت انك تتجوزي انت ويونس كان غردي انك تساعديه يتعالج ويرجع لحياته من تاني لكن امك معاها حق يونس مش هو الشخص المناسب ليكي
فريده بوجع_________
اطمن يا بابا يونس بالنسبه لي مش اكتر من مريض بساعده يتعالج ومش هيكون اكثر من كده مش هو ده اللي انا احبه يابابا
عبد الرحمن بابتسامه _________
انا عارف يا بنتي انك عاقله وعارفه مصلحتك علشان كده انا دعمتك لما اخذتي قرار انك تتجوزي يونس عشان تساعديه
فريده _________
اطمن يا بابا الدكتوره ما بتحبش المريض بتاعها لكن بتحب تعالجه ويسترد حياته من جديد وده كل دوري مع يونس دكتوره وبس
وبعد دقائق جه يونس وكان ينظر لهم بنظرات غير مفهومه وقال بهدوء ________
جاهزه علشان نمشي
فريده ودعت عبد الرحمن وركبت معاه العربيه ومشيوا كان يونس يسوق العربيه وهو ينظر لها بين الحين والاخر ولكن صامت ولا يتكلم ما جعل فريده ان تشك في ان يكون سماع حديثها مع والدها ولكن التزمت الصمت هي الثانيه
🖤🥀🖤🥀ف بيت بدر النحاس🖤🥀🖤🥀
سيف _______
ما تتعبيش نفسك يا ماما انا خلاص اخذت قراري انا مش هسافر
ماجده بخوف_______
يا حبيبي هو احنا مش اتكلمنا في الموضوع ده قبل كده وانت وافقت انك تسافر خلاص لو عايز تاجل سفرك شويه انا هحاول اقنع بابا انه ياجله شويه
سيف ______
يا ماما بقول لك مش هسافر نهائي لا دلوقتي ولا بعدين
ماجده تشعر باقتراب النار الذي تقترب من بيتها_______
يا حبيبي انا مش عايزاك تقف قدام ابوك هو في النهايه خايف على مصلحتك عايزك تدرس بره
سيف بضحكه سخريه__________
انت مصدقي كلامك ده يا ماما مصدقه ان هو خايف عليا وعلى مصلحتي اسراره على سفري ده ان هو عايز يبعدني وانا مش هبعد عن هنا
ماجده________
يا ابني انا مش قادره افهم بس انت غيرت رايك ليه فجاه
سيف بانفعال _________
علشان انا بشر يا ماما ومن ابسط حقوق اني اعيش في المكان اللي ارتاح فيه مش قطعه شطرنج عند بدر النحاس يحطها في المكان اللي يعجبه
بدر يخرج من غرفه مكتبه على صوت سيف العالي _____ صوتك ما يعلاش في بيتي
سيف يضحك ويلوح بايديها على البيت________
ومن امتى وكان ده بيتك طول عمره الفندق بتاع بدر بيه النحاس
ماجده مستغربه من رد فعل سيف اول مره يتكلم مع بدر بالشكل ده _______
سيف ما ينفعش تتكلم مع باباك بالاسلوب ده
سيف البركان الذي بداخله اخذ قرار الانفجار واخيرا_____
لا انت غلطانه ده مش بابا ده بدري بيه النحاس اللي طول الوقت يصدر في اوامر واحنا لازم ننفذ حتى لو مش عاجبنا لكن يغلط مره ويمارس دوره كاب لا لان الابوه مش على مقاسه ما تناسبوش
بدر بنرفزه _______
بص حواليك وانت تعرف انك مش ناقصك حاجه ساكن في بيت طول بعرض بتاكل وتشرب وتلبس وتروح افخم جامعات الكل بيحسدك على العيشه اللي مش عاجباك انا اللي وفرت لك كل ده انا
ماجده محتاره بين الاثنين مش عارفه تقف مع مين ضد مين
سيف بحزن _______
عمري ما كنت محتاج بيتك الكبير ده ولا فلوسك قد ما كنت محتاج اب يفهمني ويحس بيا ويكون معايا زي اي اب كنت بشوفه مع ابنه وانا وحيد وكانك مش موجود
بدر بعصبيه __________
انا اتغربت عشان انت تعرف تعيش عشان تقدر تكون في المستوى ده وتكون قوي ما حدش يقدر يدوس عليك امك ماتت وراحت في الرجلين لاني كنت فقير وما كانش معايا ثمن العلاج اللي ينجيها من الموت جاي انت بعد كل ده تحاسبني
سيف بوجع _________
امي ماتت عشان ده كان عمرها ولو كان معاك ملايين كانت برده هتموت انت دفنت امي تحت التراب ودفنتني معاها وانا لسه بتنفس
بدر هنا يفقد كل اعصابه يضرب سيف بالقلم
وبزعيق_______
خدي ابنك يا ماجده وامشي من وشي حالا
ماجده بصدمه ________
انا مش هسمح لك تضيع مستقبل ابني؟؟ سيف مش هيسافر
بدر يقاطعها بقسوه ________
ده مش ابنك يا هانم علشان تعصي عليا
امشي من وشي انتوا الاتنين بدل ما ارتكب جنايه دلوقتي
بدر ينهي كلامه ويسيبهم ويمشي
سيف يحضن ماجده بحب ويبوس ايدها_______
انا عمري ما اعتبرتك مرات اب انا كبرت في حجرك انت صدقيني انا ما اعرفش ام غيرك
ماجده تبتسم من وسط دموعها______
وانت ابني اللي ما جبتوش من بطني لكن ربيته بقلبي حتى لو هو قال انك مش ابني فانت برده هتفضل ابني اللي هفضل احبه وادافع عنه
سيف يمسح دموعها بحنان________
العيشه مع بدر النحاس هتكون بس وجع وانا لاول مره هحطك في الاختيار ده هتختاري ابنك ولا جوزك يا ماما؟
ماجده هنا تقع في حيره ما بين ابنها الذي اخذته طفل صغير وربته كابنها واحبته وبين زوجها الذي برغم قسوته عليها دائم الا انها تحب ولا ترغب في الافتراق عنه؟؟؟؟