رواية رحلتي من نسيانك لحياة جديدة الفصل الأول 1 بقلم نشوة عادل

رواية رحلتي من نسيانك لحياة جديدة الجزء الأول

رواية رحلتي من نسيانك لحياة جديدة البارت الأول

رواية رحلتي من نسيانك لحياة جديدة الحلقة الأولى

-انا اسف يا عمرو طلبك مرفوض ومعنديش بنات للجواز
عمرو : ليه يا عم وفيق بتقفل الباب فى وشى للمرة العاشرة انا شارى رحمة بحبها بجد ليه عاوز تبعدنى عنها !
-انا بعمل كده عشانك انت افهم بقى
عمرو: افهم ! افهم ايه؟!
وفيق بحزن وعيون مدمعة: لان رحمة عندها سرطان فى الدم وفى المرحلة الاخيرة والدكاترة فاقدين الامل وقالولى بنتك بتقضيها ايام
عمرو بثبات: انا عارف يا عمى
وفيق بدهشة: عارف ! عارف ازاى ومن امتى؟!
عمرو: من رحمة هى اللى قالتلى وكانت مفكرة انى بكده هبعد عنها واسيبها بس انا مصمم ع قرارى وهتجوز رحمة
وفيق: يا ابنى انت بتشفق ع بنتى مش كده؟!
عمرو: بشفق عليها! يا عم وفيق انا بحب بنتك من وهى بضفرتين وكنت باخدها ونروح المدرسة مع بعض سنة ورا سنة تكبر وحبى معاها يكبر كل موقف عدى علينا بحلوه ومره اكبر من اى وصف تيجى حضرتك فى الاخر وتقولى اشفاق
وفيق:طب انت عاوز ايه دلوقتى ؟!
عمرو: تحط ايدك بايدى ونقرأ الفاتحة واخر الاسبوع نكتب الكتاب واخر الاسبوع اللى بعده نعمل الفرح قولت ايه؟
وفيق: ايوة يا ابنى بس بنتى لسه مش جاهزة عشان …..
قاطعه عمرو: وانا عاوزها بشنطة هدومها وخد عليا كل الورق اللى يضمنلك حقها وعندى استعداد امضيلك ع قايمة بمليون جنيه انا شارى يا عمى والله قولت ايه؟!
وفيق: قولت لا اله الا الله اللى تشوفه بس اهلك عارفين بالكلام ده
عمرو: ايوة عارفين ومرحبين كمان والمرة الجاية هيكونوا معايا نقرأ الفاتحة بقى
ابتسم وفيق وهو بيحط ايده فى ايد عمرو وقال: بسم الله الرحمن الرحيم
يمر الاسبوع بسرعة وبالفعل يتم كتب الكتاب وسط فرحة عمرو ورحمة واخيرا حلمهم بيتحقق
رحمة بفرحة: انا مش مصدقة نفسى يا عمرو هو انا بجد بقيت مراتك يعنى انت جوزى وهلبس فستان ابيض وابقى عروسة
عمرو: هتبقى اجمل وارق عروسة واحن واحلى ام وزوجة كمان يا حبيبى
رحمة بدموع: انا مش خايفة من الموت والله بس نفسى اشوف نفسى عروسة يا عمرو
عمرو وهو يحتضنها: هتعيشى يا نور عينى ان شاء الله هتعيشى وهتبقى ام وهتحققى كل اللى بتتمنيه وانا معاكى وجنبك وهيجى اليوم اللى نكبر ونعجز فيه وافكرك بكل الكلام ده
شددت رحمة من حضنه: يارب يا روحى بس هو انت ممكن تكرهنى عشان يعنى شعرى وقع بسبب الكيماوى
عمرو رفع الكاب اللى لابسه واتفاجئت انه حلق راسه وقال: انتى قبلتنى كده وانا متقبلك كده
فى ليلة الفرح وبعد ما رحمة لبست الفستان الابيض كانت فى الكوافير وبتستعد عشان تحط الميك اب لكنها استأذنت تصلى قبل ما تحط الميك اب وبالفعل اعطتها الكوافيرة المصلية واخبرتها باتجاه القبلة وتركتها وحدها وخرجت فتأخرت رحمة كثيرا دخلت عليها الكوافيرة لتصدم عند رؤيتها لرحمة واقعة ع المصلية وينزف انفها بالدم وقاطعة النفس فصرخت بعلو صوتها لتدخل ريماس اخت رحمة وتصدم مسكت فونها ورنت ع عمرو: الحقنى يا عمرو بسرعة رحمة واقعة فى الارض وقاطعة النفس
عمرو حس بنغزة فى قلبه وصرخ وقال: مستنية ايه اتصلى بالاسعاف بسرعة
بالفعل جاءت الاسعاف واخذت رحمة الى المستشفى وعندما وصل عمرو الى هناك سمع صوت صرخات ريماس ووالدة رحمة ووالدها يجلس ع كرسى ويبكى بحرقة اقترب عمرو من وفيق اللى قال: شد حيلك يا ابنى رحمة راحت عند اللى خلقها وووووو…..