رواية حكاية نسب الفصل السابع 7 بقلم بسنت حسين

رواية حكاية نسب الجزء السابع

رواية حكاية نسب البارت السابع

رواية حكاية نسب الحلقة السابعة

في القسم
ممدوح اتصل علي جسور يجي ياخد اخته وداليدا يرجعهم البيت عشان داليدا ابتدت تنعس ومش هتقدر تسوق
سحر: ممدوح بيه انت ليه قولتلي يا حبيبتي اول ما شوفتني انت تعرفني اصلا؟
ممدوح في نفسه: طب هي دلوقت نفسيتها تعبا نة لو اتكلمت ممكن يجرالها حاجة، انا هستني شوية وبعدين افهمها
ممدوح: انا اسف يا انسة سحر حقك عليا اصلي تخيلت اختي مكانك ومشاعري انجرفت شوية، اصلي كنت مع جسور قبل ما اجيلك وحالته اثرت عليا من زعله عليكي هو ووالدتك
سحر: اه تمام حصل خير مش مشكلة
داليدا: جسور والله زمان عنه
ممدوح: ايوا ما الهانم شغالة مدربة قتا لية وكل شوية تنط من بلد لبلد في بطولات، هتشوفي وش حد مننا فين اصلا
داليدا: قعدالك يا حبيبي لحد ما تطق ما تخافش واخدة عقد تدريب ممثل هنا في فيلم ا كشن وهنبدأ تدريب قريب
سحر: داليدا انا عايزاكي تدربيني، مش عايزة اتحط في موقف زي النهاردة معرفش ادافع فيه عن نفسي او اللي بحبهم
داليدا: غالي والطلب رخيص
ممدوح: خطوة حلوة قوي يا انسة سحر بجد انا بشجعك عليها
الباب خبط وجسور دخل عليهم وسحر جريت عليه اول ما دخل
سحر: كنت خا يفة مشفكوش تاني يا جسور، ماما عاملة ايه
جسور: ماما كويسة متقلقيش، المهم انتي بخير
سحر: الحمد لله الفضل لربنا اولا وبعدين داليدا هي اللي نجدتني
جسورا: داليدا يا صاحبي
داليدا: صاحبي اها، جسور يا صديقي
جسور: حمد الله علي السلامة يا كابتن والله نورتي
داليدا ده بنورك يا بشمهندس والله
ممدوح: صاحبي وصديقي ايه ياض انت وهي معندناش احنا بنات تصاحب ولاد اتلموا
داليدا: خلاص يا عم جوزهولي
الكل بصولها
وقاطع محادثتهم دخول العسكري
ممدوح بيه المت هم اللي جاي جديد المسا جين تحت روقوا عليه ومحتاج يروح المستشفي
ممدوح: انهو س جين يا عسكري!!!!!
…….
في الحجز
كان مرعي متلقح علي الارض هدومة متقطعة وشعره واقف وشنبه منتوف ورقبته مش قادر يحركها ومش شايف غير السقف فوقيه وبيعيط من وجع جسمه وخصوصا ضهره، دخل عليه ممدوح واتصدم بشكله
ممدوح: مين عمل كده!!!!!
احد المجرمين: محدش قرب منه يا باشا ده هو قعد يشد في شعره ويقول خرجوني وحاول يتشعبط في حديد الشباك اتشقلب وو قع علي ضهره زي مانت شايف كده
ممدوح: هصدقك بمزاجي عارف يعني ايه مزاجي يا زيكو والا قسما بالله كان زماني ماسح بيكوا كلكوا بلاط الزنز انة، يا عسكري انت وهو تعالوا شيلوه طلعوه للاسعاف برا
…..
جسور وسحر وداليدا كانوا واقفين في ممر القسم مستنيين يشوفوا مرعي حصله ايه، في موقف زي ده المفروض كانوا يزعلوا بس محسوش غير بالشفقة عليه من اللي وصله للحال ده، بصوا عليه وهو مقدرش يحرك عينه ناحيتهم
ممدوح: جسور تحب تركب معاه الاسعاف ولا لا، لو عايز تطمن يعني وكده
جسور: انا بالنسباله مش موجود وهو كمان، ابقي انت اعرف حالته وقولي
سحر: يا جسور ده مهما كان ابوك لو مش عشانه ولا عشان اي حاجة حلوة عملهالك يبقي عشان ربنا عشان بر الوالدين، خليك احسن منه
جسور: مش قادر يا سحر
سحر: معلش مش بقولك حبه وعيط عليه بس اعمل اللي عليك
جسور: امري لله هروح معاه
داليدا: قدرك بقي يا ممدوح ميبقاش وراك غيرنا النهاردة تعالي وصلنا
ممدوح: لا مش هينفع لازم ابقي في المستشفي برضو عشان انا مسئول عنه، خدوا اوبر وهبقي ابعتلك عربيتك بطريقتي
داليدا: امرنا لله يلا يا سحر
….
جواد كان نايم في اوضته بيشوف كوابيس ان سحر بتتخطف وهو مش بيلحقها فبيقوم مخضوض من نومه ويستعيذ من الش يطان ويبص علي الشباك يلاقي النهار قرب يطلع فيقرر يكمل نوم
…..
عند مرعي في المستشفي
بعد ما الدكتور فحصه خرج يقول حالته لممدوح وجسور
ممدوح: خير يا دكتور ايه الاخبار
الدكتور: المريض عنده نز يف داخلي وك سر في الحوض وفقرات الضهر، ابسط حاجة فيه هي رقبته اتشدت بس شوية
جسور: لا حول ولا قوة إلا بالله
ممدوح: المطلوب يا دكتور مننا ايه
الدكتور: احنا دلوقت هندخله العمليات وهنشوف فصيلة دمه لو احتجنا هنبلغكوا، انتوا عارفين فصايل دمكوا ايه؟
ممدوح: اه انا A
جسور: انا B سالب واكيد هو زيي مانا ابنه
تمام خمس دقايق والممرضة هتبلغكوا بعد ما نتأكد
ممدوح: هعمل مكالمة وارجعلك يا جسور استني انت هنا
فضل جسور مستني لوحده لحد ما جات الممرضة وقالت
احنا محتاجين دم للمريض والدكتور بلغني اقولكوا ان فصايل دمكوا مش مناسبة فياريت تتصرفوا