recent
أخبار ساخنة

رواية توأمان وقلب واحد الحلقة الثانية عشر 12 بقلم إيمان المهدي

jina
الصفحة الرئيسية

 رواية توأمان وقلب واحد الحلقة الثانية عشر 12 بقلم إيمان المهدي 

رواية توأمان وقلب واحد الحلقة الثانية عشر 12 بقلم إيمان المهدي 

رواية توأمان وقلب واحد الحلقة الثانية عشر 12 بقلم إيمان المهدي 


حمزة. ارجوك اسمعنى أنا كل يوم بجيلك وافضل اترجاك. وانت ولا كأنك سامعنى 
شاكر انت اتجوزتها.غصب عنى عايز إيه تانى. 
حمزة عايز رضاك عن جوازنا وتسامح رنا 
شاكر وليه بقا عشان محرمهاش من فلوسى وانت تاخدهم  مش كدا
حمزة. أولا انت عارف تربيتى كويس. وعارف ان ابن محمود الهاشمى ميعملش كدا. وكمان انت عارف ن أعرف اصون بنتك واخاف عليها وعمرى ما اطمع ف فلوسها دا انت حتى مربينى زى رنا 
شاكر.  امشى ياحمزة ومتجيش تانى. 
حمزة مش همشى ولازم تفهم ان لو كنت عايز بنتك وبس ومش مهم رأيك. مكنتش وقفت كل يوم قدام بيتك واترجيتك 
شاكر. مش يفرق كتير هى ف بيتك ومراتك. دلوقتى 
حمزة. ف بيتى ومراتى.  بس والله ما لمستها ووعدتها ان هيجمعنا مكان واحد الا وانت راضى عن جوازنا. وسلمتهالى بنفسك  
شاكر بإستغراب. بس انت وهى  فضحتونى 
حمزة. لأ. كل الموجودين يومها. كانت عيلتى واخوك وولاده ال هما اصلا طمعانين فيك وبس وانت عارف دا كويس. عارف ان ابن اخوك بنتك هتعيش معاه ف عذاب. وكنت مصمم على جوازها كل دا عشان فلوسك متروحيش لحد غريب 
شاكر  حتى لو كلامك هو الحقيقة. بس على الأقل شقى السنين ميضعيش ويروح لحد مش من دمى
حمزة. ولو قلتلك. ان رنا هتتنازل عن أى فلوس ولو عايز تكتب كل املاكك لأخوك واولاده ف سبيل أنك ترضى عننا. وتسامحنا. وننسى كل حاجة. 
شاكر.  ف نفسه. هو انا فعلا ممكن اكون ظلمت حمزة. وبنتى.  
حمزة. مش رديت عليا 
شاكر. سيبنى دلوقتى يا حمزة. 
ف فيلا خالد يسرى. 
تتملل رحمه من الفراش لتجد خالد ينظر لها  بحب 
رحمه صباح الخير ياحبيبى. 
خالد. صباح النور يا قلب ونور حياته خالد 
رحمه بخجل.  انت ال بوجودك نورت كل حياتى أنا بحبك اوووى ياخالد 
خالد.  واخيرا نطقتى يارحمه احتضنها بشدة 
انت أجمل حاجة حصلتلى ربنا يخليكى ليا  
####
حبيبه صباح الخير يارنا 
رنا بدموع. صباح النور. 
حبيبه فيه ايه ياحبيبتى مالك 
رنا. ولا حاجة انا كويسه 
حبيبه  أنا آسفه يارنا أنا قصرت معاكى الفترة ال فاتت بس والله كان غصب عنى سامحينى. 
رنا متقوليش كدا الله يكون ف عونك ال حصل كان صعب عليكى 
حبيبه. طيب قوليلى بقا مالك 
رنا. أنا مخنوقه اوووى يا حبيبه أنا لا إبنه بارة ولا حتى زوجه صالحة 
حبيبه ليه بتقولى كدا
رنا. ابويا وقاطع علاقته بيا ومش عايز يسامحنى. وحمزة. متجوز ومش عارف يعيش معايا حياه مستقرة. 
حبيبه. انت أجمل إبنه وافضل زوجه وال بيحصل هينتهى. صدقينى عمر شاكر مش هيقدر. يبعد عنك اكتر. انت بنته الوحيدة  وأكيد هيسامحك 
رنا يارب يابيبه 
حبيبه طيب فرفشى بقا ويالا ننزل  نفطر. 
بعد تناول الفطار
أمير. بيبه ممكن نتكلم شويه 
حبيبه. تمام هعمل قهوة ونشربها ف الجنينه
هاله. مش ملاحظة ان أمير بيحاول يتقرب من حبيبه 
يسرا  فعلا والكام يوم ال فاتوا كانوا قريبين اووى  من بعض وبيتناقشوا وأغلب الوقت ضحك وهزار ربنا ينديلهم الحال
حبيبه. أحلى فنجان قهوة من إيد الأستاذة حبيبه الهاشمى 
أمير يا عينى على الغرور 
حبيبه مش غرور دى ثقه يابنى 
أمير ماشى ياستى اقعدى بقا وبطلى تنطيط  خيلتينى 
حبيبه. كدا يا أمير ماشى مردودالك  
أمير كان تايه مع حبيبه وشقاوتها وطريقتها الطفوليه
حبيبه. أمير. روحت فين يابنى هااا كنت عايز تقول إليه
أمير. بحبك 
حبيبه  نعم بتقول ايه 
أمير حس بإستعجاله ف الكلام  حبيبه. أنا عايز حياتنا تاخد مجرى تانى 
حبيبه. ازاى يعنى 
أمير ممكن لو ندى لبعض فرصة نكون مع بعض ونبقى زوجين طبيعين 
حبيبه بس اناااا
أمير. افهمينى بس أنا عايز نتقرب من بعض ونتفاهم نطور علاقتنا بالتدريج  وتكون أكبر من إنها صداقه
حبيبه.  للأسف يا أمير حور هتفضل بينا لا هقدر. ولا انت نتخطى دا
أمير عارف بس أنا بجد تعبت من كل دا تعبت من كونى بشوفك كل يوم. وكأنك حور. ولما أقرب منك بعرف أنك مختلفة. طباعك اسلوبك كلامك كله شبه حور قبل ما انزل مصر. حور اتغيرت. كتير بعد ما نزلت. أنا حبيبت حور ال كانت معايا طول 15 سنه. وانت شبها كتير
حبيبه كان صعبان عليها أمير وحيرته وعارفة انها بتظلمه بس هيا خايفة من ردت فعله لو عرف. 
انت حبيت حور وانت دلوقتى مشتاق لها وشايفنى أنا هيا لو طاوعتك يا أمير ابقى بضحك عليك لان انا مش حور
 هكون ليك بس يوم ما احس انك عايزنى أنا  كحبيبه 
أمير. انا مش عارف عايز إيه بس حاليا عايزك تفضلى جمبى مش تبعدى وقرب منها واحتضنها  أنا محتاجلك اوووى 
حبيبه.بإرتباك أنا جمبك يا أمير وقدرنا مرتبط ببعضه 
عند خالد كان قاعد هو ووالده ورحمه على القطار 
يسرى ألف مبروووك يارحمه يابنتى نورت بيتنا 
رحمه الله يبارك فيك يا عمى البيت منور بوجودك
مبروووك يا عروسه مبرووووك عليك. البواقى ال رميتها يا خالد 
كان دا صوت أحمد 
خالد. بغضب  أنت ايه ال جابك هنا 
أحمد. أنا جاى ابارك واهنى. واقول لعمى ان ابنك زين ما اختار.  وانا اشهد بكدا بصراحة البت تستاهل. بس ما كنش فيه داعى للجواز كان ممكن تجربها زي مجربتها قبلك  من غير جواز. بس يالا ما انت طيب. والبت صعبت عليك 
خالد. اياك تقول كلمه تانية ف حق مراتى وإلا والله هدفنك هنا  إنت أقذر انسان شوفته ف حياتى انت إليه شيطان  
يسرى بصوت مرتفع  خاااالد.   الكلام ال سمعته دا حصل
أحمد. للأسف يا عمى. رحمه هانم مش بنت دى كانت مقضياها  وانا من ضمن الناس ال قضيت معاها وقت ممتع 
خالد. كان وصل لقمه غضبه بيضرب احمد بجنون. لولا يسرى ال بعد بينهم. 
يسرى. انت بتضربه عشان بيقولى حقيقة ست هانم القذرة 
خالد. لو سمحت يابابا. رحمه مش كدا
يسرى اوومال ازاى.  هسالك سؤال واحد. وتجاولنى بصدق واياك تكدب ياخالد.  البنت دى. بنت فعلا ولا لأ
خالد لوسمحت يابابا مينفعش الكلام كدا من فضلك عافينى 
يسرى بقولك. كلمه واحدة. مراتك. كانت بنت ولا لأ
خالد. لأ بس لازم تسمعنى الأول 
يسرى بغضب.  أحمد لمسها قبل كدا ولا لأ
خالد. يابابا افهمنى. ارجوك 
يسرى بصوت مرتفع جاوبنى وبس
خالد.  أيوا يابابا. بس والله رحمه محترمه جدا مش زى ما انت فاهم
يسرى من غير نقاش. طلقها. فورا 
خالد انت بتقول ايه. ...... 
تفتكروا ايه ال هيحصل وخالد هيطلق رحمه فعلا 
وايه الجديد ف حكايه أمير وحبيبه 

يتبع..

لقراءة الحلقة الثالثة عشر : اضغط هنا

لقراءة باقي حلقات الرواية : اضغط هنا

نرشح لك أيضاً رواية القوية إذا أحبت للكاتبة ندى الشريف.

google-playkhamsatmostaqltradent