recent
أخبار ساخنة

رواية الصقر المنتقب والقناص الفصل التاسع عشر 19 بقلم هند حارس

jina
الصفحة الرئيسية

 رواية الصقر المنتقب والقناص الفصل التاسع عشر 19 بقلم هند حارس

رواية الصقر المنتقب والقناص الفصل التاسع عشر 19 بقلم هند حارس

رواية الصقر المنتقب والقناص الفصل التاسع عشر 19 بقلم هند حارس


رودينا بإبتسامه:ايوه ينفع منتطلقش
ريان:احلفي 
رودينا بضحك:اي عاوزني ارجع في كلامي ولا اي 
ريان بضحك:لا خلاص صدقتك 
رودينا برفعة حاجب:لا والله
ريان بفرحه:اه والله 
رودينا بإبتسامه:طب ياسيدي يلا نتوضا عشان مش فاضل كتير علي الفجر 
عند أريج ومراد بعد ما دخلوا الأوضه بتاعتهم 
أريج:بقولك اشبح 
مراد بإستنكار:شبح اتفضلي يختي
أريج:انت هتنام علي الكنبه وانا هنام علي السرير 
مراد:وليه انا منامش علي السرير وانتي علي الكنبه
أريج:والله عيبه في حقك اجدع 
مراد:هي اي دي 
أريج:مش عيب عليك لما واحده ستات تنام علي الكنبه وواحد رجاله ينام علي السرير
مراد وهو بيحك في راسه :انتي بتقولي اي 
أريج:زي ما سمعت كدا اهو 
مراد بعد ما راسه قربت تتلغبط منها:بقولك اي نامي وسبيني وانا هنام علي الكنبه يخربيت اللي يتكلم معاكي
الساعه 1باليل مراد صحي علي صوت عياط أريج قام من مكانه مفزوع 
مراد يخضع:في اي مالك 
أريج:أصل أصل
مراد:أصل اي حد عملك حاجه طب حلمتي بحاجه وحشه
أريج وهي بتنفجر تاني في العياط:أصل انا جعانه اوي 
مراد فضل دقيقه يستوعب اللي قالته وبعدين اتعصب:ياشيخه عابو معرفتك 
أريج وهي بتعيط:عاااااا وكمان بتزعقلي وكملت عياط بصوت اعلي
مراد:طب أهدي طب انتي عاوزه اي دلوقتي 
أريج:عاوزه اكل هاتلي اكل   
مراد:وانا اجبلك منين دلوقتي بقا 
أريج كملت عياط:هو انت مش مفروض من هنا اتصرف 
مراد بنرفزه: استغفرالله العظيم يا رب انتي شايفه الساعه كام 
أريج:عااااا انت بتتعصب عليا اه وبعدين كملت بحزن وخبث خلاص انا اسفه اني صحيتك من نومك بسبب جوعي مش مهم اكل بقا شالله اموت من الجوع مش هتفرق اتفضل روح نام 
مراد بحزن :خلاص طب ما تزعليش وانا هروح اشوفلك اي مكان فاتح اجبلك منه اكل 
أريج:لا متتعبش نفسك انا هنام جعانه عادي بس يارب يجيلي نوم 
مراد:خلاص انا قولت كلمه هنزل اشوف واجبلك حاجه وارجع عاوزه اي 
أريج بحماس:ياريت لو كريب أو بيتزا أو حواوشي أو شاورما ولو جبتهم كلهم مش مشكله و عصير دايت عشان الريجيم ميبوظش 
مراد وهو مش مستوعب:عصير اي ؟ ودايت ؟ هما اخترعوا دايت جديد ولا اي 
أريج وهي بترمش:لا هو هو 
مراد:طب بصي استني هنزل ادور على مطعم فاتح قبل ما يجيلي شلل
نزل مراد وراح يدرو علي مطعم فاتح ولاقي بصعوبه لانه في الصعيد وبعد ساعتين رجع 
مراد:اي دا كله 
أريج وفي شيكولاته في بوقها :ها في اي 
مراد بتعجب:اي اكياس الشيبسي والشيكولاتات دي اومال نزلتيني ليه 
أريج بإبتسامه مستفزه:لا دا تصبيره بس علي ما تجيب الاكل اصلك أتأخر 
مراد مسك رأسه:بصي خدي اهو الاكل كله ومش عاوزه اسمع صوتك 
أريج:جبت اي 
مراد:مالقتش غير محل بيتزا فجبتلك اتنين 
أريج: شالله تسلم يالا روح نام بقا
مراد:مش مفروض وتعزمي عليا وكدا
أريج:ما انت لو جعان كنت هتعمل حسابك اي الذكاء دا 
مراد بغيظ:وانتي من أهله وانتي من اهله يا أريج
في اليوم التاني عند رودينا وريان في الاوضه ريان ورودينا بعد ما صلوا الفجر قعدوا هما الاتنين يقولوا الاذكار بعدين ناموا وصحيت رودينا الساعه 7 ونص صلت الشروق محبتش تصحي ريان وتقوله يصلي الشروق عشان ما يملش من الصلاه من الاول حبت تاخدها واحده واحده معاه بعد ما خلصت صلاه لاقت تليفونها بيرن برقم اعتكاف
رودينا:اوبسسس انا نسيت أكلمها من ساعة ما رجعت اكيد زعلت 
رودينا وهي بترد: طبعا لو حلفتلك اني انشغلت وحصل حاجات كتير من ساعة ما رجعت هتصدقيني صح
أعتكاف:طب قولي السلام عليكم الاول 
رودينا: السلام عليكم ورحمة الله وبركاته
أعتكاف:وعليكم السلام ورحمة الله وبركاته
طمنيني عملتي اي 
رودينا: الحمدالله كل حاجه تمام وانا دلوقتي في مهمه تانيه المهم انتي اخبارك اي ورجعتي القاهره ولا لسه 
أعتكاف:رجعت ياستي ورجعت المستشفى وانا دلوقتي في القطر رايحه الصعيد علشان في نقص في الدكاتره هناك وفي حالة اطفال كتير 
رودينا:اي دا بجد رايحه فين في الصعيد 
أعتكاف:اه والله رايحه قنا 
رودينا:بجد اي الصدفه دي انا في قنا 
أعتكاف:احلفي بتعملي اي هناك
رودينا:المهمه يابنتي المهم انتي هتقعدي فين
أعتكاف:مش عارفه هلاقي فندق ولا حاجه في المحافظه وابقي انزل القريه علي الشغل علي طول 
رودينا بفتكير:انتي شغلك في قرية اي 
أعتكاف:في قرية........
رودينا:لا كدا كتير معايا في نفس القريه وتقعدي في فندق دا انا ازعل 
اعتكاف:بجد يابنتي مش بتقولي في مهمه 
رودينا:ايوه بس قاعده في بيت عيلة جوزي 
أعتكاف :اه ثانيه ثانيه جوز مين 
رودينا بضحكه:هو انا مقولتلكيش 
أعتكاف:لا مقولتليش
رودينا:يقطعني مش انا اتجوزت بصي هحكيلك كل حاجه أما تيجي اشطا 
أعتكاف:اشطا بس اجي فين 
رودينا:هتيجي هنا طبعا أنا لا يمكن اسمحلك تقعدي في فندق ومن غير نقاش
أعتكاف:يابنتي افهمي ما ينفعش ممكن اعملكم ازعاج 
رودينا:والله ما ينفع وما تخفيش دا بيت عيله وانتي ضفتي 
أعتكاف:يابنتي سبيني علي راحتي 
رودينا:هي كلمه واحده قوليلي بس هتوصلي الساعه كام عشان اخلي غيث ينزل يجيبك 
أعتكاف:هوصل الساعه ٩ بلاش الاستاذ غيث علشان ما ازعجهوش قوليلي العنوان وهخلي اي حد يوصلني
رودينا:يابنتشي بقا هي كلمه ومش هكررها خليكي عندك بس وغيث هيجي ياخدك
رودينا قفلت مع أعتكاف بصت وراها لاقت ريان بيبصلها 
ريان بإبتسامه:كنتي بتكلمي مين
رودينا:دي أعتكاف صحبتي اللي كنت قاعده معاها طول السنه اللي فاتت وزي اختي 
ريان:سمعتك بتقولي غيث ماله؟
رودينا:اصل أعتكاف عرفت منها بالصدفه إنها جايه هنا لأنها دكتوره وفي نقص في الدكاتره فعزمت عليها تيجي هنا وكملت بإعتذار اسفه لو مخدتش إذنك بس
ريان بمقاطعة:تاخدي إذني ليه البيت بيت جدي وجدي اعتبرك حفيدته يعني بيتك 
رودينا:طب انا هرن علي غيث علشان ويروح يجبها من محطة القطار
ريان:تمام وانا هدخل اغسل وشي علشان ننزل
رودينا فضلت ١٠دقايق ترن علي تليفون غيث الاول رن كذا مره بعد كدا قفل 
ريان بعد ما خرج :ها رد عليكي 
رودينا:يخربيت نومه دا حيوان الكوالا ما بينامش كدا
ريان بضحك:للدرجادي نومه كتير 
رودينا:واكتر كمان وكمان بخبث هو انا ينفع اروح اصحيه دا بعد إذنك طبعاً
ريان:دا اخوكي يعني من حقك 
رودينا:اه بس انت جوزي دلوقتي يعني مينفعش اعمل حاجه من غير إذنك 
ريان بإبتسامه:وانا بديكي الأذن ياستي 
رودينا بخبث:اشطا معندكوش تلج هنا
ريان بضحك بعد ما فهم هي عاوزه اي:معرفش بس استني اتصل بسرين خدت رقمها امبارح عشان لو احتجت أو احتاجت حاجه  وبالمره تقولنا اوضته فين
اتصل بسرين وجبتله كوبية تلج ووصلتهم لاوضة غيث وكانت هتمشي
ريان:سرين متزعليش من اللي حصل امبارح وعدي بيحبك  انا بس عاوز أعلمه الدرس إنما عدي انا عارفه من زمان وياما حكالي عن حبه ليكي فمتزعليش منه اشطا
سرين بإبتسامه :اشطا
ريان رجع عند رودينا لاقاها بتبص عليه بإبتسامه ولسه ما دخلت 
ريان:واقفه ليه مدخلتيش 
رودينا بضحك:مستنياك تدخلي معايا عشان تشوف رقصة الهنود الحمر
رودينا دخلت بهدوء لاقيت غيث نايم نفس النوم من صغره قربت منه وحطت التلج في قفاه وبعدت عنه ثانيتين وغيث كان بيتنطط زي القرد قدامهم وهما فطسانين ضحك 
غيث:بغرق بغرق ااااااه بعدين لاحظ اصوات الضحك لاقي رودينا وريان 
غيث:ياشيخه عا ابو شكلك انتي مش هتحرمي ما تلم مراتك اعم 
ريان:وانا مالي الله مش اختك 
غيث:ولا اعرفها اصلا 
رودينا:أخس علي الاخوه 
غيث:خلصتي خد مراتك اعم خلوني اكمل نوم الساعه 7 ونص 
رودينا:احم غيثو 
غيث:بدل قولتي كدا يبقي عاوزه حاجه اتفضلي 
رودينا:بصراحه عاوزاك تروح تجيب صحبتي من محطة القطار 
غيث:صحبتك مين دي انتي تعرفي غير سدره وجودي
رودينا:انت ناسي اني بعدت سنه وكمان البنت دي اللي قعدت عندها وصحبتي واختي كمان ها هتروح تحبها ولا هترفضلي طلبي 
غيث:تمام هلبس وانزل اجبها هي هتوصل الساعه كام
رودينا:هتوصل الساعه ٩ تعالي ننزل نفطر الاول بعدين انزل جبها
غيث تمام 
نزلوا كلهم لاقوا العيله متجمعه ومستنياهم كل واحد قعد في مكانه 
ريان:عدي فين
عاصم:مخابرش من امبارح مرجعش 
ريان لسه هيتكلم لاقي عدي داخل وحالته صعبه وكان طالع اوضته 
ريان:عدي 
عدي بضيق:نعم 
ريان راح وضربه بوكس والعائله كلها اتخضت وكانت هتقوم بس هو شاورلهم إنهم يرجعوا مكانهم 
عدي بعصبيه:انت بتعمل اي 
ريان:لما الاقي صحبي بيضيع نفسه وبدل ما يتعلم من اللي حصل امبارح ويدافع عن حبه الاقيه بالحاله دي يبقي لازم اتصرف كدا واه فرحك علي سرين كان هيبقي بعد شهر بس بعد المنظر دا رجعت في كلامي 
عدي بصدمه:احلف امال اي اللي حصل امبارح دا
ريان:فرصة ودن عشان تحاول تدافع عن حبك بس انت ما اتعلمتش 
عدي بضحك وفرح:احلف والله دافعت حتي بصي الدفاع باين عليا اهو بس وحياة امك جوزني اختك 
ريان بضحك:لا باين اهو روح غير هدومك وانزل افطر ولو شوفتك بالمنظر دا تاني انسي الجوازه 
عدي:عيب عليك ثواني واكون جاهز وبص ناحية سرين بحب لاقاها مبتسمه بخجل وطلع 
العيله كلها فطرت في جو عائلي جميل وكان بينهم عادل وابنه حازم اللي مش راضين عن اللي بيحصل دا 
في محطة القطار أعتكاف نزلت من القطر وفضلت مستنيه 
شويه ووصل غيث كان بيدور علي البنت اللي رودينا قالت عليها 
غيث:وانا هعرفها منين دلوقتي فكر ياغيث فكر رودينا كانت قاعده عندها ورجعت التزمت يبقي اكيد بنت ملتزمه 
غيث فضل يبص حوليه لحد ما لاقي بنت منتقبه بتبص حوليها 
غيث:شكلها هي 
غيث راح ناحيتها :لو سمحتي 
أعتكاف:نعم 
غيث:هو حضرتك صحبة رودينا 
أعتكاف بصتله في عينها جات في عينه من غير قصد:ايوه 
غيث قلبه دق فجأه:طب اتفضلي معايا 
بعد شويه غيث وأعتكاف وصلوا البيت واعتكاف سلمت علي الكل والكل حبها لأنها تدخل القلب بسرعه وقعدت معاهم تتكلم لحد الساعه 5المغرب فشغلها هيبدأ من بكرا  بعدين طلعت الاوضه مع رودينا وفضلت ترغي معاها اكتر من 4ساعات
أعتكاف:اي بقا ياستي اللي حصل وازاي اتجوزتي 
رودينا:دي حكايه طويله ياستي بصي................
أعتكاف:يعني عاوزه تفهميني إنك وافقتي علي غيث علشان المهمه بس 
رودينا بخجل:مانتي عارفه بقا
أعتكاف بضحك:ايوه عارفه إنك بتحبيه من يوم ...
رودينا:بس بقا انا هقوم امشي اكلمهم عشان عاوزاهم انتي ارتاحي
رودينا اتصلت بغيث واريج ومراد علشان يتقبلوا في اوضة غيث وحاولت توصل لريان بس معرفتش 
بعد10دقايق أتجمعوا كلهم بعد الكل ما نام 
غيث:ها يارودينا جمعتينا ليه 
رودينا:انا عرفت بطرقي ازرع جهاز تصنت في لبس حازم 
مراد برفع حاجب:نعم  
رودينا:خليت عدي يساعدني بعد ما قولتله هيعرف كل حاجه قريب 
غيث:إذا كان كدا ماشي المهم 
رودينا:سمعته إنه هيتكلم مع حد من اللي بيتواصلوا مع ديفيد انهارده وقامت مشغله التسجيل وسمعوا 
عادل:اومال فينه أتأخر كدا ليه مش قال هيوصل من نص ساعه 
حازم:مش عارف 
وليه بيتكلموا لاقوا صوت بيقول 
الصوت:انا جيت 
عادل وحازم:ريااااان 
ريان :ايوه مستغربين ليه انا اللي شغال مع ديفيد 
غيث بصدمه :معقووول 
أريج:لا لا اخويا مش خاين مستحيل
رودينا بصدمه:........
يتبع......
لقراءة الفصل العشرون والأخير : اضغط هنا
لقراءة باقي فصول الرواية : اضغط هنا
نرشح لك أيضاً رواية حين التقينا للكاتبة شيماء جمعة
google-playkhamsatmostaqltradent