recent
أخبار ساخنة

اسكريبت مجنونتي الجزء الأول 1 بقلم هدير ابراهيم

jina
الصفحة الرئيسية

 اسكريبت مجنونتي الجزء الأول 1 بقلم هدير ابراهيم

اسكريبت مجنونتي الجزء الأول 1 بقلم هدير ابراهيم

اسكريبت مجنونتي الجزء الأول 1 بقلم هدير ابراهيم

.....  : ااااه ياحيوانة ياغبية ياحمارة يابنت الحمار
...... : أفندممممم ده مين ده !؟
......... بألم: اييه ده أنت واحد مش واحدة !؟ طب آسفة نعيد تانى ياحيوان ياغبى ياحمار يابن الحمارة 
.........بذهول  : أنت عندك خال أهبل يابت !؟
..........بتفاجأ :  اه والله خالو فى المصحة أنت عرفت ازااى !؟
......... بسخرية : ما هو باين عليكى أهو انك لامؤاخذه يعنى مجنونة 
.......بفخر : ولامؤاخذة ليه ما أنا فعلا كده ثم أكملت بذهول انت عرفت الحاجات دى ازاى أنت دجال صح !؟ 
.........بنفاذ صبر : دجااال اييييه ياحلاوتهم انتى
...........بنفس الذهول : طب وعز جلالة الله أنت دجال يعنى عرفت اسمى من غير ما أقول أهو يبقى ايه 
..........بضحك : لا لا لا أوعى تقولى إنك أسمك حلاوتهم أموت والله 
........... : اسمى حلا بس بيقولولى حلاوتهم وأنت اسمك ايه بقى يا حليوة أنت !؟
....... : أسد 
حلا بخوف : أعااااااااااااا هو فين هو فين 
أسد بدهشة : هو ايه اللى فين ياا غبية بقولك أنا اسمى أسد وبعدين يامتخلفة إنتى هو فى أسد على الدائرى !؟ 
حلا بغضب : بقولك ايييه يانمر أنت احترم نفسك ومتشتمش أنا كيوتة أه بس لما بقلب هخلى راسك مكان رجلك أنا مجنونة وخالو أهبل فى المصحة وأمى مجنونة ودماغها طقه هربانة منهااا يا برووو  فلم نفسك وشلح وإجرى 
أسد بعصبية : ألم نفسى ليه شايفانى متبعتر 
حلا : هو أنت يابنى مخلوق عشان تعاند متعرفش تسيرنى يعنى أنا قولتك شلح وإجرى تقولى وتعالى على حجرى يا رمان ده انا حجرى حنين يا رمان ياخدك وينيم مش تقولى ألم نفسى ليه 
أسد بضحك وهو يضرب كف على كف : يارب صبرنى ده ايه البلوة اللى على الصبح دى ثم نظر إلى صديقه الذى يضحك بشدة أنا مش فاهم اضحك على كلامها الاهبل ولا أعيط على البلوة اللى أنا فيها دى
حلا وهى تحرك يدها بطريقة مسرحية : اناا عارفة إنى دمى سكر محطوط على كريمة مش لازم تقول ثم نظرت إلى الواقف بجانب أسد يضحك وأنت بقى ياللى شبه مهند اسمك ايه 
.......هو بيحاول السيطرة على ضحكاته :
اسمى فهد 
حلا بضحك : ايه ده هو انتوا عايشين فى حديقة حيوان ولا ايه 
فهد بضحك : لا وهتنبهرى بقى إن مامته اسمها غزال 
حلا وهى تضحك بشدة : بتهزرررر  طب انا نفسى أشوف عيلة الحيوانات دى 
أسد بغضب : ما تلمى نفسك يابت انتى 
حلا وهى تقف : ياعم أنا سيبهالك وماشية 
فهد : تعالى نوصلك فى طريقنا 
أسد بغضب : تيجى فين أنت أهبل ولا ايه 
حلا بعصبية : ايه ياعم أنت متعصب كده ليه وبعدين مين قالك انى هركب معاك اصلا على أخر الزمن هركب مع اسود وفهود ده انا بخاف من الكلاب 
فهد بضحك : ياستى أولاً اهدى ثانياً العربية بتاعتى مش بتاعته يعنى هتركبى معايا مش هتركبى معاه 
حلا بخجل مصطنع : بس لو مكنتش تحلف بس 
فهد بضحك : طب يلا يا لمضة عشان متأخرش على الشغل 
ركب فهد وأسد بالسيارة من الأمام وحلا من الخلف 
....................................
فى السيارة تجلس حلا تعبث بفونها فنظر لها فهد من خلال المرآة
فهد : ألا قوليلى يا حلا انتى ركبتى كده من غير ما تقولى انتى راحة فين عشان أوصلك 
حلا : عندى انترڤيو فى شركة 
فهد بإهتمام : شركة ايه دى 
حلا بضحك : هتصدقنى لو قولتلك معرفش 
فهد باستغراب :ازاى يعنى راحة انترڤيو وانتى مش عارفة شركة ايه 
حلا : بص هقولك المختصر كنت فى حفلة عيد ميلاد واحدة صاحبتى فغنيت فيها وكده ومعرفش انها بتصور فنشرت الفيديو وطلع تريند فلاقيت شركة اتصلت بيا وطلبت انها تقابلنى النهاردة فالموضوع كله صدفة فأنا راحة يمكن ألاقى حاجة اجيب بيها عيش وحلاوة ههههه
أسد بتفكير : ثانية ثانية انتى حلا محمد كهربا !!
حلا بضحك : لا شد الكوبس 
أسد بغضب : ياابنتى اتكلمى جد شوية بقى 
حلا : ايه ده ياعم أنت قموصة كده ليه 
أسد بتأفف : يااااااااربى 
حلا : خلاص متتعصبش ايوا أنا 
يتبع.....
لقراءة الجزء الثاني : اضغط هنا
لقراءة باقي أجزاء الاسكريبت : اضغط هنا
نرشح لك أيضاً رواية نبض السيف للكاتبة سارة محمد
google-playkhamsatmostaqltradent