recent
أخبار ساخنة

اسكريبت حوريتي الفصل الأول 1 بقلم آمنة آدم

jina
الصفحة الرئيسية

 اسكريبت حوريتي الفصل الأول 1 بقلم آمنة آدم

اسكريبت حوريتي الفصل الأول 1 بقلم آمنة آدم

اسكريبت حوريتي الفصل الأول 1 بقلم آمنة آدم


حور بغضب مكتوم وبدموع بدأت تطلع:لا يا بابا ارجوك متعملش كده فيا
ابو حور بغضب:انا قولت كلمه ومش هرجع فيها وهتتجوزيه يعني هتتجوزيه
حور بدموع:يا بابا ده أنا معرفوش ولا عمري شوفته
أبو حور: ما قولتلك أبن عمك وأسمه يونس يبقى متعرفيهوش إزاي بقا
حور بدموع:كل اللي أعرفه عنه إنه ابن عمي وأسمه يونس لكن طبعه أيه شغله أيه معرفش حاجه
(نتعرف وبعدين نروح نعيط جامد اوي: حور عندها ٢٣ سنه في كلية طب السنه اللي قبل الأخيره وعنيها خضرا لونها فاتح وبشرتها بيضه ومختمره وقمر كده قمررر) 
(يونس أبن عم ليل عينه زرقا وابيضاني وعنده جسم وبِنيه وعنده شركات في جميع أنحاء العالم يعتبر وسافر هو وباباه ومامته لأمريكا لما كان عنده ٩ سنين وكبر هناك وكَبٌر نفسه وبقا ليه أسمه ومركزه ) 
أبو حور: كل ده هتعرفيه لما تتجوزيه وأنا قولت كلمه ومش هتنزل الأرض أبدااا وسواء وافقتي أو لا هتتجوزيه غصباً عنك 
*حور سابته وجريت على اوضتها وهي بتعيط *
مامتها دخلتلها وقعدت جمبها على السرير: يابنتي وافقي وخلاص أنتي متعرفيش الخير فين وبعدين أبوكي انتي عارفاه عمره ما هيرجع في كلمته ابدا ده غير يا بنتي عاداتنا وتقاليدنا البنت لإبن عمها منا كمان أبوكي يبقا أبن عمي
حور بدموع:يا ماما أنا بس كان نفسي اتجوز زي بقيت البنات عادات وتقاليد أيه اللي تقيد البنت وتجبرها بالطريقه دي
مامتها  بحزن على حالها:معلش يا بنتي بس أهم حاجه أنتي توافقي الواد هيتقدم هو وأهله بكره 
حور بسخريه: وجاي على نفسه ليه يعني ما ييجي دلوقتي أحسن،أصل أنا بقيت سلعه 
مامتها بحده:أتكلمي كويس يا حور ده مهما كان إبن عمك برضو
حور إتنهدت وأبتسمت بسخريه:تصبحي على خير يا ماما
مامتها بخيبة امل :وانتي من أهله يا بنتي
*حور غطت نفسها لحد راسها وقعدت تعيط لحد ما نامت*
~تاني يوم~
مامة حور :قومي يا بت قومي عشان نروق قبل ما  يونس أبن عمك يطلع
حور بنوم وإستغراب:يطلع فين يا ماما
مامة حور:يا بت ماهو رجع من السفر هو واهله وابوكي قرر انهم يرجعو بيت عيله زي زمان وأحنا هناخد الدور اللي فوق وهما الدور اللي تحت وانتِ ويونس لما هتتجوزو هتاخدو أوضه كبيره لوحدكو
*حور أتضايقت انها هتبقى معاه في اوضه واحده لكن سلمت أمرها لربنا وقامت أتوضت وصلت وراحت تساعد مامتها في الترويق*
*حور خلصت ونزلت تاخد شاور في الحمام اللي تحت علشان في معظم حاجاتها اللي بتنسى تطلعها حمامها فوق *
هي ونازله على السلم لقت واحد قاعد على الكنبه وماسك موبايله و سألته بإستغراب:مين حضرتك؟
هو ببساطه:أنا يونس
حور:آاااه هو انت بقا ابن عمي؟
يونس بإستغراب:جديده دي،في حد ميعرفش أبن عمه؟
حور:هو أنا يعني كنت شوفتك قبل كده عشان أعرفك
يونس:تصدقي عندك حق 
حور:طول عمري
يونس قام وقرب عليها ووقف قدامها:بس معقول أنا بنت عمي قمر كده؟
حور أحمرت وبصتله بصدمه:ااا..أيه اللي أنت بتقوله ده يا أستاذ
يونس بإبتسامه:أستاذ أيه بقا ده احنا هنبقا أهل،مش كده ولا أيه
حور بتوتر:لا مش كده،آا..عن إذنك
يونس بإبتسامه:إذنك معاكي 
"حور مشيت وسابته وهي شبه الطماطم كدهو"
~بالليل~
"جه الوقت اللي يونس هيتقدم فيه لحور،حور قاعده في أوضتها متوتره ويونس طالع هو واهله"
والد حور بيستقبلهم على السلم:أهلا أهلا ده احنا زارنا النبي
عم حور بإبتسامه:الله يخليك يا أخويا،ليك وحشه والله
والد حور: أنت اكتر والله أيه الغيبه الطويله
عم حور:معلش بقا أنت عارف المشاغل
والد حور:أتفضلو أتفضلو 
عم حور:يزيد فضلك يا حج
*دخلو وقعدو وعم حور بدأ بالكلام*
عم حور:أحنا يشرفنا نطلب أيد حور لإبني يونس
والد حور:والله وانا مش هلاقي لحور بنتي أحسن من يونس،لكن المهم رأي العروسه،أندهيلها يا أم حور
"مامتها قامت تندهلها"
مامة حور بإبتسامه وسعاده:بسم الله ماشاء الله قمر يا حبيبتي
حور أبتسمت إبتسامة مجامله
مامة حور:خدي يا حبيبتي العصير وأخرجي يلا
حور أتنهدت:حاضر يا ماما
"خرجت حور وهي لابسه دريس أزرق غامق وعليه خمار سماوي فاتح وحطت العصير وقعدت جمب باباها"
والد حور قام وقف:طب نسيبهم لوحدهم بقا وتعالي يا حج نقعد في البلكونة نتكلم متكلمناش بقالنا كتير
عم حور:يلا يا حج
"مشيو ولسه حور موطيه راسها ف الأرض وعامله مكسوفه يعني وكده"
يونس:لو عاجبك الكوتش هجيبلك زيه والله بس بصيلي،دحنا في الرؤيه الشرعيه حتى
حور رفعت راسها براحه: طيب،عندك أي أسئله 
يونس:والله انا معنديش،أنتي عندك؟
حور أتنهدت: لا
يونس:طب موافقه؟
حور:آه
"يونس أبتسم ونده لاهله والامهات خارجين يزغرطو"
يتبع....
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي
google-playkhamsatmostaqltradent