recent
أخبار ساخنة

اسكريبت حوريتي الفصل الثاني 2 بقلم آمنة آدم

jina
الصفحة الرئيسية

 اسكريبت حوريتي الفصل الثاني 2 بقلم آمنة آدم

اسكريبت حوريتي الفصل الثاني 2 بقلم آمنة آدم

اسكريبت حوريتي الفصل الثاني 2 بقلم آمنة آدم


"يونس أبتسم ونده لأهله والأمهات خارجين يزغرطو" 
والد حور بإبتسامه: ها يا بنتي موافقه؟ 
حور بإبتسامه مزيفه: آه يا بابا
والد حور بسعاده: يبقا على بركة الله
عم حور بإبتسامه : يبقى كتب الكتاب بعد أسبوعين
يونس: أنا موافق 
حور بتوتر: مش بدري شويه يا عمي؟ 
عم حور: بدري ليه يا بنتي
حور: يعني يونس بقالو كتير مسافر وانا كنت لسه صغيره جدا ف معرفهوش كويس ف بقول نعمل فترة خطوبه نتعرف فيها
والد حور: بصراحه يا حور يا بنتي انا مش شايف أي لازمه لفترة الخطوبه دي، انا وامك عملنا كتب كتاب على طول ونفس الموضوع مع عمك ومراته
حور بخيبة أمل: خلاص يا بابا ماشي
"الأمهات زغرطو وقعدو يحضنو في حور ويباركولها وحور الوحيده اللي مكانتش مبسوطه، ويونس الموضوع كان على هواه شويه لأن لما كان عنده ٦ سنين حور أتولدت وهو كان بيشلها على طول وكان متعلق بيها وهو صغير" 
*قبل كتب الكتاب بيومين حور نزلت هي ويونس يشترو الفستان*
''في محل الفساتين''
حور بسعاده أطفال: الله بص يا يونس ده حلو أزاي، شكله جميل أوي
يونس بإبتسامه: خلاص روحي قيسيه وانا هستناكي هنا
حور بسعاده: ماشي ~راحت تقيسه~
حور بتلف بالفستان: ها أيه رأيك؟{الفستان كان ضيق من فوق لحد الوسط ونازل على واسع ومن تحت معمول على كذا طبقه وآخر طبقه منقوش عليها ورد أبيض} 
يونس بإنبهار وعدم وعي: أيه القمر ده! 
حور بكسوف: أحم، شكرا
يونس فاق: آااا... أحم، يلا غيريه بقا عشان نشتريه
حور: ماشي 
~حور غيرت وخرجت وأشترو الفستان ويونس روّح حور ~
حور هي ونازله من العربيه: سلام 
يونس: آااا.. حور
حور بصتله: نعم
يونس بإبتسامه: كان شكلك حلو أوي إنهارده
حور بكسوف وصدمه ومكانتش متوقعه انه يقول كده: ششكرا، عن إذنك •وطلعت تجري•
"يونس ضحك ومشي"
"عدو اليومين على حور من غير أي أحداث مميزه غير أن يونس دايما ناططلهم في الدور اللي فوق"
♕يوم كتب الكتاب♕
"حور في أوضتها لبست الفستان ولفت خمار أبيض ومحطتش ميكب خالص" 
مامتها دخلت عشان تندهلها تخرج عشان تمضي: بسم الله ماشاء الله ~عيطت~ عشت وشوفتك عروسه يا حبيبتي ~وحضنتها~ألف مبروك يا حبيبتي
حور بإبتسامة شبه سخريه: الله يبارك فيكي يا ماما  
"حور خرجت علشان تمضي ويونس شافها وأنبهر بجمالها ورقتها في الفستان وراح أخدها علشان تمضي،،،،وحور مضت"
مامة حور ببكاء وهي بتحضنها:مع السلامه يا بنتي هتوحشيني
أوي
حور عيطت: وانتي هتوحشيني أوي يا ماما 
والد حور جه وقف قدامهم:خلاص يا حجه سيبيها عشان تروح مع جوزها ده انتي هتشوفيها كل يوم دي هتبقى في الدور اللي تحت
•حور أتعصبت من معاملته جدا وسابتهم ومشت ليونس•
حور نزلت الدور اللي تحت لقت يونس قاعد على الكنبه مستنيها 
حور:هو فين أوضتي؟
يونس بصدمه:أوضتك؟؟
حور ببراءه وهي بترفع كتافها:آه
يونس:ليه ياختي وانتي متعرفيش أن أحنا هنام في اوضه ولا أيه
حور:نععععممممم!
يونس حط أيده على بقها:بس بس في أيه،مينفعش ولا أهلي ولا أهلك يعرفو أنك في أوضه وانا في أوضه لازم نبقى في أوضه واحده،وبعدين متخافيش أنا مش هقربلك أصلا وانا مغصوب زيي زيك
حور نزلت أيده:متقدرش تقربلي أصلا
يونس بيزقها قدامه بخفه:طب يلا ياختي قدامي
*حور راحت الأوضه هي ويونس*
حور بتأفف: هنام فين أنا بقا 
يونس ببساطه:على السرير
حور بإستغراب:وانت هتنام فين 
يونس بنفس البساطه:على السرير برضو
حور:لا والنبي!
يونس:تخيلي
حور:انا هخش أغير وهنام على الكنبه 
يونس:آه طبعا وماله 
"حور تجاهلت كلامه وراحت تغير هدومها"
*حور خرجت ببجامه بينك ومسيبه شعرها الطويل اللي واخد ضهرها كله،ويونس باصصلها كل ده ومصدوم،وهي ماشيه لحد ما وصلت للسرير وخدت لحاف ومخده وراحا على الكنبه وفرشت *
يونس بتوتر:هو..هو انتي هتنامي
حور من غير ما تبصله: آه 
يونس:بقولك يا حور
حور من غير ما تبصله برضو:امم
يونس:يا بنتي بصيلي عشان أعرف أتكلم يا بنتي
حور قامت قعدت وبصتله: نعمم 
يونس:أنا بقول أن احنا نقعد مع بعض سنه أو 6شهور وبعدين نتطلق وفي الفتره دي نقعد صحاب،ها موافقه؟
حور: أمممم،ماشي مفيش مشكله
يونس:طب بقولك
حور:ايه
يونس: هو انتي هتنامي على الكنبه يعني؟
حور:آه 
يونس:طب بصي نامي انتي على السرير وانا هنام على الكنبه 
حور: أيه ده بجد 
يونس بضحك:آه والله تخيلي
"حور قامت تجري تنام على السرير ويونس قام يغير هدومه وخرج نام على الكنبه"
يتبع....
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي
google-playkhamsatmostaqltradent