recent
أخبار ساخنة

رواية ليل الفصل الثلاثون 30 بقلم ياسمين خالد

jina
الصفحة الرئيسية

 رواية ليل الفصل الثلاثون 30 بقلم ياسمين خالد

رواية ليل الفصل الثلاثون 30 بقلم ياسمين خالد

رواية ليل الفصل الثلاثون 30 بقلم ياسمين خالد


بعد محاولات تهديد من الرَجُل الشرير وشكله المرعب اللي سببلهُ توتر انس فتح نور الاوضه، بقي بيدور عليه ف الاوضه كلها لكن مبقاش ليِه أثر.. ازاي انا شوفته بالوضوح ده والنور كان مطفي! هل ده كابوس! ولا فعلا انا شوفته حقيقي،معقول هو مستني بعد 13 سنه عشان ينتقم، طب هو انا عملت إيه! ولا حتي أذيتهُ فِ ايه! طب دلوقتي هو اللي عمل كده ولا مازن! ولا هو اللي وجهه مازن انه يعمل كده!ومازن ما هيصدق انه يعمل كده فيا 
'دفن وشه بين كفوفهُ'.. 
يارب أنا تعبت، اللهم اني لا أسالك رد القضاء ولإني أسألك اللطف في 
__________
علي الجانب الأخر سهيله بتصلي الفجر وبتقعد تدعي وتتوسل لله انه ربنا ميإذيهاش فـ عيالها، شعور جالها ان أنس فِ حاجة تعباه 
'كانت ف حيره ما بين انها تكلموا الصبح ولا تطمن عليه دلوقتي لحد ما قررت تتصل ف نفس الوقت أنس فتح تليفونه بدون سبب شئ ألهمهُ انه يفتح تليفونه.. 
'اتنفض لما سمع ان الموبايل بيرن.. إتعدل فِ قعدته.. رد فِ خوف علي والدته'ماما انتي كويسه. 
_اه ياحبيبي متقلقش انا اللي بتصل بيك عشان اطمن عليك انت كويس ياأنس 
='عيونه أتجمع فيها الدموع حاول يتماسك ويبين انه كويس' بقي كده تخضيني عليكي!،  انا زي الفل. 
_لا يابني انت فيك حاجه، احكيلي ونحل كل حاجه سوا.. قلب الام يابني عمروا ما كِدب ف إحساسوا، احكي ياابني. 
=انا كويس ياماما، انتي بس خوفك علينا دايما هو اللي بيوصلِك ان فينا حاجه لكن احنا تمام. 
_بنبره تحذير: هتحكيلي ولا أتصل ب رودينا اعرف منها! 
=لا لا كلهم نايمين دلوقتي مينفعش تكلميهم.
_طب إحكي يلا سمعاك 
'بيحكيلها كل حاجه حتي موقف الراجل الشرير'
=ياحبيبي يابني كل ده جواك ومتجيش تقولي 
_كل ده حصل النهارده ياماما، لكن الراجل ده جالي زمان وافتكرت انه خلاص عادي حاجه طلعتلي ف وقت كنت ماشي فيه متأخر. 
=طب خلاص بكره نروح لشيخ. 
_انا مش ملبوس ياماما، انا بسمع القران عادي وبقرأوا عادي وده شرير لو كان لابسني مكنتش هقدر اسمع حرف من القرآن 
=طب هنتصرف ازاي. 
_مش عارف ياأمي عاوز أفصل عن الدنيا كلها بجد. 
=طب تيجي نقضي يومين نخرج فيهم نغير جو! إيه رأيك! 
_لأ عشان تيتا خليكي معاها متقلقيش عليا. 
=تيتا متقلقش عليها انا هوديها لخالك حسام وانت عارف ندى كويس وهتعاملها كويس 
_لا، بس لو مصممه نخرج تعالي هخرجكك بكره. 
=خلاص وانا هكلم رودينا هقولها. 
_لأ، انا وانتي وبس انا مش عاوز حد يعرف مكاني وخصوصا بابا 
=ليه؟ 
_عشان موضوع السجاير 
=طب ليه متتكلمش معاه براحه وتعتذرله 
_مش قادر ادخل ف مناهده وخناقات ومشاكل ياماما 
=خلاص ياحبيبي هنخرج انا وانت وبس، وهخلي حسام وندى يجوا بكره وهقولهم خارجه مع صاحبتي. 
-ماشي ياماما.. ينفع تقرأيلي قرآن. 
=هقرألك حاضر غمض عينك وحط الموبايل علي المخده. 
_حاضر
'بيعمل كده'.. 
'بسم الله الرحمن الرحيم'
الله لا إله إلا هو الحي القيوم لا تأخذهُ سنةُ ولا نوم له ما في السموات وما في الارض من ذا الذي يشفع عندهُ إلا بإذنه يعلم ما بين أيديهم وما خلفهم ولا يحيطون بشئٍ من علمه إلا بما شاء وسع كرسيه السموات والاض ولا يوؤدهُ حفظهما وهو العلي العظيم. 
'كان وقتها انس بيردد معاها لحد ما راح ف النوم سهيله فضلت معاه شويه علي الموبايل لحد ما سمعت انفاسه قالت بصوت خافت: أنس! 
'مردش عليها وقتها اتاكدت انه نام ف إطمنت، قفلت معاه وهي بالها مشغول'. 
قالت بتوسل: يارب انا اذيت مؤمن وليل كتير وعارفه ان 10 سنين اكون سبب ف اني امنعهم من الخلفه ده عمر كبير بس يارب انا توبت يارب لو انت مش مسامحني وزعلان مني ردها فيا انا مش ف عيالي،يارب انا مش عارفه مين بيحاول يإذي عيالي بس يارب احفهم بحفظك وكرمك ولطفك هما ميستاهلوش يتأذوا انا اللي استاهل.. 
'دموعها نزلت بـ استسلام':-يارب انا ثقتي فيك يارب كبيره وعمرك ما خذلتني، يارب مش هعرف اعيش يوم واحد وهما فيهم حاجه 
'فضلت تتكلم مع ربنا لحد ما راحت ف النوم'
___________
'تاني يوم'
الساعه 1 الضهر 
____________
_ساره: ياليل لو عارفه مكانهُ قولي، يوسف خارب الدنيا. 
=يوسف يخرب الدنيا علي نفسه ياساره انتو عاوزين منه ايه؟ فهمي يوسف ان انس كويس وانه ابني زي ما هو ابنه ويومين وهيرجع البيت. 
_انتي بتتكلمي كده ليه؟ 
=ساره انا بجد اعصابي بايظه ومش مستحمله أي حاجة ارجوكي قوليله الكلمتين دول 
'يوسف كان سامع المكالمه، نزل علي تحت بغضب وبعصبيه.. ليل كانت سامعه ساره وهي بتمنعوا من النزول. 
_استني ياايوسف. 
=بعصبيه: بقولك اوعي ياساره 
_ساره: ليل يوسف نازل ومتعصب هدي الدنيا عشان خاطري. 
=ينزل يشرف والله. 
_______
يوسف بيخبط علي الباب جامد وكانت وراه ساره بتجري وراه مؤمن صحى علي صوت الخبطات مفزوع وعائشه ورحيم.. لكن تيتا فاطمه كانت لسه ف اوضتها مطلعتش.
=يوسف ب انفعال: انس فين ياليل! 
_ليل ب هدوء: ليه يايوسف محسسني اني خطفاه!او هو ولد صغير مش عارف مصلحتهُ! 
=بلغه سخريه: مصلحته اه، مصلحته ف انه يشرب سجاير! ده كده خايف علي مصلحته! مصلحته انه يسيب البيت ويقفل التليفون وميعرفنيش. 
-مؤمن: لولا اني مقدر خوفك علي ابنك انا كنت اتصرفت تصرف تاني خالص علي الخضه اللي كلنا خدناها دي،ايه وانت شاب مكنتش بتغلط؟ كنت معصوم من الغلط! ابنك ف مشاكل ف حياته ومش راضي يحكيها لحد حب يفصل شويه وهيرجع تاني البيت. 
-ومالهوش أب يرجعله يقوله كده! 
=هو غلطان، وف دي عندك حق، اقعد بقي وصلي النبي كده ياراجل ده انا هبهدله اما يرجع، اعملي لعمك لمون ياعائشه بسرعه. 
_حاضر. 
'ساره خد نفس طويل بمعني انها ارتاحت لما مؤمن هداه' 
=هاتي طرحه من عندك ياليل نزلت بسرعه من غير ماالبس حاجه علي شعري. 
-خشي خدي اللي انتي عايزاه من جوا. 
_ماشي. 
=رحيم بمشاكسه: وانا اللي فاكرك نازل مكسر الدنيا كده عشان تطمن عليا، لا لا انا زعلان. 
_يوسف ب ابتسامه: انت حبيبي انا هاخدك انت بدل انس الجزمه ده. 
=بعد ايه بقي ما خلاص 
_طب عامل ايه النهارده! 
=دايخ والله 
-معلش هتقعد كام يوم كده واشرب عصاير ولبن وهتكون كويس. 
=ان شاء الله. 
_يوسف بعاطفه الاب:يعني هو انس كويس يامؤمن
=يابني زي الفل متقلقش عليه ابنك راجل يعتمد عليه. 
_خايف عليه، السن ده خطر لو اتلم علي شباب بتشرب وعمل زيهم ابني ضاع. 
=انس مش صغير عشان يجري ورا أي كلمه بتتقال.. ولو علي موضوع السجاير هو حلف انه اول مره يجربها وحلف انها مش هتتكرر تاني. 
_عائشه بـ ابتسامه: اللمون ياعمو.. والله انا قولت داعش اقتحموا علينا البيت. 
='بيضحك' ماشي ياستي. 
_ليل: جهزي الفطار ياعائشه 
=ما انا شغلت الكاتيل هدخل أغسل وشي واطلع اجهزوا. 
=ساره: متغلبيش نفسك، هنطلع نفطر فوق. 
_ولا غلبه ولا حاجه ياخالتو كلنا هنفطر سوا 
=ماشي ياحبيبتي. 
_يوسف: اتصلي ب انس كده ياليل وافتحي الإسبيكر
=ليل اتوترت خافت إن انس يقول علي مكانه او يسالها هو حد عرف مكانه ولا لا ووقتها هيطلعوا كدابين قدام يوسف انهم يعرفوا مكانه قالت ب ارتباك:نفطر بس الاول وبعدين اكلموا. 
_لا كلميه دلوقتي، وانا مش هتكلم كانك بتطمني عليه عادي. 
=حاضر
'بترن عليه'. 
-الو ياليل. 
=يوسف: افتحي الاسبيكر. 
-يابني اصبر لما يرد الاول'ليل عرفت ان انس فتح الموبايل بس عاوزه تسمعوا انه يوسف موجود'. 
=انس: ليل فهمت افتحي الاسبيكر..
_ليل بصوت خافت لـ يوسف: ششش فتح اصبر. 
'بتفتح الاسبيكر'
_صباح الخير ياانس 
=صباح النور. 
-عامل ايه النهارده! 
=كويس الحمدلله، انتو عاملين ايه وبابا وطنط ساره ورودينا ومروان وكلكم. 
-كلنا كويسين المهم إنت 
=الحمدلله 
_مش ناوي تيجي! 
=هغير جو يومين وهرجع. 
_طب كلمت باباك! 
=لا هكلموا النهارده وهعتذرلهُ علي غيابي من البيت، وموضوع السجاير. 
'ليل بصوت خافت لـ يوسف' شوفت كان هيعمل ايه!، طب ياحبيبي كلموا عشان هو قلقان عليك وكلمني كذا مره يطمن عليك. 
-هقفل معاكي وهكلموا. 
=طب فطرت! 
_هنزل افطر برا. 
=ماشي ياحبيبي، خلي بالك من نفسك. 
-حاضر، صحيح رحيم عامل ايه! 
=رحيم كويس الحمدلله. 
_خليه ياكل كويس ومتزعلهوش. 
'انس بغرور بيرفع التيشرت'.. 
'ليل بتضحك علي شكل رحيم وهو تِنك وإتغر ف نفسهُ'حاضر مش هنكلموا 
-ماشي هقفل انا عشان هكلم بابا. 
=ماشي ياحبيبي 
'بيقفلوا'. 
_شوفت اهو كان هيتصل بيك. 
=الفطار جاي. 
-ليل:انا قولت انك شغاله قهواجيه محدش صدقني. 
-قد ايه انتي ام عظيمه، هروح أصحي تيتا فاطمه تفطر معانا. 
=ماشي. 
'بتخبط علي أوضتها، بتدخلها' 
_تيتا، يلا عشان تفطري،  يلا ياتيتا. 
=....... 
_عائشه بخوف:تيتا!!،تيتا!!!
'بصوت عالي' تيتــــا!!!!!
-----------
_ألو ياماما، صباح الخير. 
_صباح النور ياحبيبي، صوتك رايق عن إمبارح 
=علشان هشوفك بس 
_اووه ايه الرد القمر ده، علي فكره بقي انا صاحيه من بدري وفطرت تيتا، وحسام وندي برا ولبست كمان. 
=ماما نشيطه اوي اوي. 
-شوفت،حاسه إني رايحه أقابل خطيبي ومجهزه نفسي من بدري. 
=طب ياحبيبتي، انا نازل كمان 5 دقايق كده. 
-ما انت نشيط زيي أهو وجهزت نفسك. 
=طبعا أومااال. 
_طب ياحبيبي هنتقابل فين؟ 
=اختاري مكان علي زوقك. 
_هوديك الكافيه اللي بروح فيه دايما. 
_اللي ف الدور التاني اللي بيبص علي البحر؟ 
=اه 
_خلاص هجيلك علي هناك. 
=اوعي تكون فطرت؟ 
_لا ياجميل انا معاكي من اول اليوم لأخرهُ
=ماشي ياحبيبي، باي. 
_باي.
'بيحط البرفيوم بتاعه بيلبس الساعه وبيسرح شعروا بيلبس جزمته وبيخرج'
_عبدالله:أووه الطقم شياكه عليك أكتر مني.
= أنس بثقه: ياأبني انا بحلى أي حاجة أنا بلبسها.
-ياباشا ماشي،'بيغمزلوا' رايح تقابل عائشه مش كده!
='اختفت ابتسامة انس' رايح أقابل أمى وياريت من فضلك متجيبش سيرتها.
-أمك ومتشيك كده؟ بتخبي عني!
=والله أمى ياعم 
_طيب هعمل نفسي مصدق اما اروح اخد شاور والبس عشان اقابل امي انا كمان.
=ده انت عيل بارد يالا.
_بتعلم منك ياصاحبي.
=مش هشتمك عشان مامتك  ست محترمه..
_طب امشي ياانس الله يكرمك،هو انا ناقص ياربي عتهه وتخلف شوف ياأخى النصيب يجمعني بيك فـ شغل واحد.
_قدرك بقي معلش،سلام ياعم العبيط.
=سلام ياعم 
'انس بيسيبوا وبينزل،بيرن علي يوسف مبيردش إستغرب إنه مردش عليه رغم ان سمع صوته عند ليل،سأل نفسه بحيره: هو زعل مني عشان كده مبيردش!هبقي أكلموا كمان شويه.
_____________
علي الجانب الأخر.
'الكل ف توتر وقلق'
- طمنا يادكتور! 
=متقلقوش، هي بس كانت غيبوبه سكر، لازم ياحجه تاخدي الدوا بـ إنتظام وتقللي سُكريات وكمان الأكل بإنتظام وكميات محدده مش بقولك امنعي نفسك من الأكل بس منإذيش نفسنا. 
_ليل بخوف: بس هي يادكتور ماكلتش غير كحكه واحده بس 
_ردت تيتا فاطمه بالنفي بصوت مُنهمك:لأ..لأ يـ يـابنتـي أنا..أنا كلت كذا واحده..كنت مشتاقه أوي لـ كحك العيد ونسيت أخد الدوا،خدت دوا القلب بس
=الدكتور: بالهنا والشفا يا حَجه بس انتي عارفه انه غلط وكده بتإذي نفسك خصوصا إن حضرتك ف سن كبير يعني مفيش العاب رياضيه هتلعبيها ولا جري ولا هتحرقي الدهون والسعرات الحراريه اللي دخلت عن طريق الكحك،وانتي عارفه ان احنا ماشين علي نظام معين وكمان مقولتش انك تدوقي بس لا عادي قولتلك كلي علي الاقل واحده وواحده بسكويت وبعدها علي طول الدوا ولازم كنتي تاكلي خضار او ثمره فاكهه،علشان متوصلش للغيبوبه عمتا الحمدلله حصل خير المهم انا زودتلها دوا تاني يابشمهندس مؤمن وكمان الدوا ده تاخدوا للازمات بس لما تحس بالغثيان اتفقنا، الف سلامه علي حضرتك ياحَجه. 
=الله يسلمك من كل شر يابني، يارب يستر طريقك 
_امين يارب، سلام عليكم. 
=وعليكم السلام. 
'مؤمن ويوسف خرجوا يوصلوا الدكتور ويجيبوا الدوا'. 
'ساره و ليل وعائشه ورحيم كانوا محاوطين تيتا فاطمه والخوف باين علي ملامحهم وكلامهم. 
=تيتا فاطمه لـ عائشة: خلاص عينك من العياط بقت شبه الكيس الدهني يابت ما انا كويسه أهو. 
_بصوت شهتفه من العياط: متخضنيش عليكي تاني، انتي متعرفيش أنا كان هيجرالي إيه لما لاقيتك مش بتردي عليا. 
=بمشاكسه: متخافيش مش هموت غير لما تتجوزي وتجيبي فاطمه صغيره. 
_بعد الشر عليكي متجيبيش سيره الموت تاني'بتبوس كف ايديها'. 
=متحرمش منك ياحبيبتي، روحي اغسلي وشك يلا عشان مزعلش منك. 
_حاضر ياتيتا .
______
_حتي انت يارحيم بتعيط ده انا كنت فاكراك شبح كده مش بتعيط .
=رحيم بكبرياء: لا مش بعيط عيني إطرفت بس .
-تيتا فاطمه بنظره مكر : اه يالئيم ماشي ماشي ..متعيطش انا زي الفل ..
= خدي الدوا ياتيتا  .
_حاضر ياروح تيتا ،هات بوسه وحضن كبير اوي اوي .
'بيحضنها وبيبوس جبهتها' ..
_بيقول بمشاكسه ل ليل: انا هروح انام تاني ولو تعبت تاني متصحنيش .
=تيتا فاطمه: اه ياجزمه ياخساره حضن المطارات إللي اديتهولك دلوقتي .
_قال ب ابتسامه : بحبك .
=وانا كمان ياقلب تيتا ،شوفي الواد بيثبتني بكلمه .
_ليل بتطبطب علي ايديها: ربنا يباركلنا فيكي ياست الكل .
=دايما يابنتي قلقاكوا معايا كده ومبهدلاكوا .
_متقوليش كده ياتيتا ده انا فداكي روحي وكل حاجه فيا انتي جمايلك مغرقاني والله العظيم .
_ولا عملت نص اللي عملتوه معايا .
= قومي ياساره نطلع برا عشان تيتا فاطمه بتقول كلام يزعل .
'بينيموها علي السرير وبيغطوا الجزء السفلي منها وبيشغلوا المروحه علي البطئ علشان متتعبش ..
_ليل ب اهتمام: نامي وكمان شويه هصحيكي تاخدي الدوا .
_ماشي يابنتي .
____________
ساره: قلبي وجعني عليها وخصوصا لما عائشه صوتت ولاقيناها مستسلمه خالص كده .
=ليل: انا قلبي خرج من مكانه ياساره حقيقي اتفزعت اتسمرت ف مكاني معرفتش اتحرك غير بعد ما الدكتور جيه وفوقها ..كنت حاسه اني مقيده حد رابطني مش عارفه اتحرك .
_ربنا ما يعودها تاني الخضه دي .
=يارب.
_طب انا هطلع عشان احضر الغدا كمان شويه يوسف هيجعر ويقولي عاوز اكل ..
=لو سمعك هينفخك .
_'بتضحك'ايوه عارفه
___________
'ساره بتطلع شقتها ' 
___________
_"رودينا بصوت غالبه النعاس وشعر مبعثر وهدوم مش مرتبه":صباح الخير .
=صباح النور ،خشي علي الحمام بسرعه لو شوفتي نفسك هتتخضي.
_افهم من كده انك بتتريقي!
=ساره بتحاول تداري ضحكتها:لا خالص 
_ماشي ،المهم انس جيه؟
=لا 
_محدش يعرف هو فين؟
=لا
=ماشي هبقي اكلموا.
_ماشي ،احضرلك الفطار ولا هتاكلي كمان شويه.
=لا كمان شويه.
_ماشي.
____________
_يوسف: لازم تخلوها تمشي علي الدوا .
=هخلي ليل عينيها عليها اكتر من كده .
_ان شاء الله تخف ..علي فكره مامتك تعبانه ابقي عدى عليها .
=كنت هعمل كده والله النهارده ..ايه ده استني مش ده ابو الواد اللي خبط رحيم ؟
_اه هو .
=تمام تعالي نروحله .
_يلا .
_مؤمن ب هدوء :سلام عليكم ،كل سنه وانت طيب.
=هو حضرتك بتكلمني انا!
_مؤمن ب تعجب : ايوه انت ؟
= بشمهندس مؤمن يسلم عليا انا !
_مؤمن ب ابتسامه:ياعم مالك ف ايه كلنا واحد محدش فينا أقل من حد 
= ربنا يباركلك يارب ،وحضرتك طيب وبالصحه والسلامه .
_كنت عاوز اشتكيلك من علاء ابنك.
=بنفاذ صبر: والله تعبت منهُ من غير ما تكمل شباب الحاره قالولي انه اتخانق مع ابن حضرتك وكنت هاجي بنفسي اعتذر والله تعبت ف تربيته بس هو في عيل كده بيطلع عاق حقك عليا وقولي تكاليف الدوا ايه وهديهالك.
_عيب عليك متقولش كده ،انا جيت اشتكيتلك بالأدب كان ممكن اعمل محضر تعدي واروح ب رحيم القسم وراسه بالغرز اللي فيها اثبات وعندي شهود، بس انا عارف انه شاب وحرام يتبهدل ف الاقسام .
=كتر الف خيرك يامحترم ،والله لو حد غيرك ما كان هيعمل كده اوعدك مش هيتعرض لابن حضرتك تاني .
_ماشي ياراجل ياطيب ،سلام عليكم .
=وعليكم السلام .
___________
_يوسف: ما الراجل شكله غلبان اهو وبيتكلم عادي امال بيقولوا بيشرب ليه وعشان كده ابنه بايظ زيو .
=يابني الناس مورهاش حاجه غير الكلام،الكلام وبس 
_والله عندك حق ..استني التليفون بيرن ..ده انس
=رد عليه .
_الو .
=الو إذيك يابابا .
_لسه فاكر بابا ؟.
=حقك عليا 
_انت فين ياأنس؟
=بفطر برا 
_وكنت فين امبارح ونمت عند مين .
=عند صاحبي ،بابا بعد اذنك انا والله تعبان ومتصل اقولك حقك عليا علشان انا غلطان فعلا 
_طب مالك يابني هو انا مش ابوك!
=انا هبقي كويس متقلقش عليا .
_راحتك ف انك متجيش البيت يابني؟
=راحتي ف اني مشوفهاش يابابا 
'يوسف فهم ان قصدوا علي عائشه وحاول يتوهه ف الموضوع علشان انس يفهم :مؤمن حاسب الواد كان هيدخل الخرز ف عينك
_انس:هو عمي مؤمن معاك؟
=اه .
_ماشي انا هقفل ومتزعلش.
=مش زعلان ياحبيبي .
_سلام يابابا .
=سلام ياأنس.
_________
يوسف بزعل: انس صوته مش مطمني .
=متقلقش عليه هيكون كويس ..
_هي عائشه مبتحبهوش يامؤمن .
=مؤمن ف دهشه وارتباك: ايه اللي بتقوله ده !ليه بتقول كده بس!
_مش ممكن يكون سبب تعبه هو عائشه؟
=هتزعلني منك يايوسف .
_وعلي ايه ، علي اي حال هي بنتي وربنا يسعدها ويسعد ابني .
_____
'مؤمن بعدم رد علي يوسف لإن عارف إن كلامه صح ،الكل ملاحظ ان تعب انس بسبب عائشه لان الكل متاكد من حب عائشه ف قلب أنس ،لكن ميقدرش يغصب بنته علي أي حاجه .
_________
_مؤمن: ايه ياست الكل عامله ايه ؟
=الحمدلله ياحبيبي .
_مالك سلامتك؟
=الضغط واطي .
_ابو مؤمن بمشاكسه : ايوه انا اللي وطيتهولها .
=انت بتقول فيها ايوه انت اللي هتجلطني ..
_مؤمن وهو بيضحك: بعد الشر عليكي ياست الكل هو بيحب ينكشك بس .
=ينكشني ايه بس ده تعبني ولا كانه عندو سنتين لسه طفل بيسنن .
_ابو مؤمن ببرود: ياريت اكون بسنن ياحجه بدل ما انا مخلع كله كده .
=اهو شايف اللي انا فيه .
_مؤمن: والله ابويا ده راجل سُكره .
=اه محدش هيفقعلي مرارتي غيركم .
'بيبوس كف ايديها ' بعد الشر عنك ياامي .
_طب استني هعملك شاي بلبن وطبق بسكويت وكحك اتلاقيك لسه مفطرتش..
=ياسلام وحشني الشاي بلبن بتاعك .
_الشاي بلبن بتاع ليل احلي يابكاش .
=نَفسِك فِ أي حاجه حتي لو بسيطه ف بيحليها ياامي .
_ربنا يستر طريقك يابني ويفرحك ويجبر بخاطرك ويوسع رزقك قادر ياكريم .
=يارب ياامي .
_هقوم اعمل الشاي بلبن ، "بتبص لابو مؤمن" معندكش سِنه واحده حتي عشان تاكل الترمس ده كله ادي لإبنك شويه حتي .
=تعالي يابني كل معايا ،فضلت تقر عليا لحد ما طقم سناني كله وقع ياساتر عليكي .
_انا داخله المطبخ من وشك احسن..
=ف رعايه الله ياحَجه ،اضربيلي واحد شاي مع ابنك ويوسف.
_مش هعملك قوم اعمل لنفسك.
=شايف الحب امك بتموت فيا يامؤمن .
_ما انا خدت بالي ياحَج.
'بيضحكوا '.
____________
_الجو جميل اوي 
=اوي ،عشان تعرف امك مش بتجيبك ف اي مكان ..
=والاكل كمان تحفه بجد .
_بالهنا والشفا ياحبيبي ، ها احكيلي وانت بتاكل بتحب عائشه للدرجادي .
=بلاش سيرتها عشان اعرف اكل .
=سوء التفاهم اللي حصل بينكم ميدكش الحق تكرها الكرهه ده ولا تتقفل مجرد ما يجى اسمها .
_لسه شايف قدامي نظراتها اللي بتبصهالي ب استحقار .
=غصب عنها ياأنس .
_مفروض تكون حفظاني اكتر من نفسها .
=بردو غصب عنها واحده شافت بالدليل كل حاجه عاوزها تعمل ايه .!
_مش قادر بجد تعبان من التفكير،مش عارف فعلا هل انا هقدر انساها واتعامل طبيعي واعيش من غيرها ،ولا هحنلها تاني !
=انت لازم تحِن عشان قسيت عليها .
_هي اللي بدأت القسوه.
=بس كان ردها ،رد فعل علي اللي شافته..
_وانا كنت رد فعل ياأمى ، جت عليا عشان عارفه اني بحبها ولما انفجرت وقولت كلام يزعلها سكتت ، زي ما يكون مكنتش مستنيه مني ده !بس انا هفضل لحد امتي ساكت انا عمري ضاع علي حبها وهي مش حاسه ..عائشه كل مره كانت بتقولي فيها بحبك زي اخويا كان قلبك زي اللي ماسكوا اتنين وعمالين يشدوا فيه لحد م اتنسل ومبقاش ليه وجود بالنسبالها الكلام بسيط وعادي لكن لو حطت نفسها مكاني مكنتش هتقولوا ..عائشه بتعاملني علي اني صخره ثابته وصامده قدامها مهما حدفتيها بالطوب ف مش هتتهز ..بتعاملني علي اني صخره وسط بحر مهما الموج خبط فيه يمين وشمال ف هي صامده وسط البحر 
'بتقرب عليه بنت جميله ..لابسه دريس اسود علي طرحه حمرا لون عيونها سماوي حاطه ميكاب خفيف يبرز ملامحها الهاديه قربت ب ابتسامه علي انس وقالت برِقه : إذيك ياانس .
يتبع..
لقراءة الفصل الحادي والثلاثون : اضغط هنا
لقراءة باقي فصول الرواية : اضغط هنا
نرشح لك أيضاً رواية وقعت أسيرة في حبك للكاتبة غفران
google-playkhamsatmostaqltradent