recent
أخبار ساخنة

اسكريبت حوريتي الفصل الثالث 3 بقلم آمنة آدم

jina
الصفحة الرئيسية

 اسكريبت حوريتي الفصل الثالث 3 بقلم آمنة آدم

اسكريبت حوريتي الفصل الثالث 3 بقلم آمنة آدم

اسكريبت حوريتي الفصل الثالث 3 بقلم آمنة آدم


"تاني يوم الصبح" 
"يونس صحي على صوت تخبيط وقام يفتح من غير ما ياخد باله انه كان نايم على الكنبه ولازم محدش ياخد باله"
يونس بنوم ولقاها مامته: أيوه يا ماما في ايه
والدة يونس بإبتسامه: جيت أصبح عليكو يا عرسان،" كشرت" أيه ده يا يونس انت كنت نايم على الكنبه؟؟ أنت اتجننت ليلة دخلتكو تنام على الكنبه؟ 
يونس بإستوعاب وتوتر: يا ماما مكنتش نايم على الكنبه ولا حاجه ده انا بس مبعرفش انام على مخده وكمان البطانيه دي كانت على السرير زياده ف ف ركناهم على الكنبه يعني
والدة يونس بتفهم: آه آه، طيب ماشي يا حبايبي، ما تصحي حور بقا عشان تنزل تفطر معانا 
يونس وهو بيتاوب: حاضر يا ماما، بس ممكن تسيبينا خمسه كده ننام حبه وبعدين ننزل
والدة يونس: يوه يا ولاا الساعه 7 هتنامو تاني! 
يونس: مااا هووو المشكلهه انا السااعه 7 أنا عمري ما صحيت الساعه سبعه، ده الشغل نفسه بنزله الساعه 10 
والدة يونس: خلاص يا حبيبي على 10كده هاجي أصحيكو
يونس: معلش يا أمي تعالي على نفسك وصحينا 12 
والدة يونس:يا واااد متأخررر أوييي
يونس:معلش يا ماما بالله ما قادر أقف،تصبحي على خير
والدة يونس وهي بتمشي:وانت من اهله يابني
"يونس قفل الباب وبص على حور وسرح فيها شويه وفي شعرها اللي واخد نص المخده جنبها ومغطي على وشها وخدودها اللي حمرا من غير سبب ورموشها التقيله،وبعدين فاق وراح نام جمبها"
"بعدها بساعتين"
حور صحيت لقت يونس جمبها ف صرخت: عاااااعععع، أحيييهه انت ايه اللي جابك جنباااااايييي عملت فييااا أيههههههه
يونس فاق على صوتها وقام مفزوع وبيحط ايده على بوقها:بااااسس باااسس فييي أيههه وربنا ما عملتلك حاجه
حور:اومال ايه اللي جابك جنبيي؟؟؟
يونس:جيت جمبك عشان من شويه امي جت ولقت المخده والبطانيه على الكنبه ف خوفت تكتشف ف قولت لما تيجي تصحينا هتخش وتعرف اني كنت نايم جمبك عادي
حور: خلاص هنام انا على الكنبه
يونس شدها من دراعها رجعها على السرير:يا بت بقولك لازم نبان عاديين قدامهم
حور بحزن: انا مش مجبوره استحمل كل ده، "عيطت" ليه يا بابا تعمل فيا كده،عارف يا يونس؟بابا عمره ما غصبني على حاجه ومعرفش أيه السبب انه يغصبني على جوازي منك،مع انه طول عمره بيقولي انا عاوزك انتي اللي تختاري شريك حياتك ،تختاري اللي بتحبيه وتختاري اللي شايفاه مناسب يكمل معاكي بقيت العمر،بس ف يوم وليله كلامه ده كله اتغير
يونس بدون مقدمات حضنها وبيطبطب عليها: بالله عليكي اهدي متعيطيش "كمل بهزار" صدق اللي قال ان الجواز نكد صحيح
حور رجعت لورا وهي خدودها حُمر ومناخيرها حمرا من العياط:انا.نكد يا يونس!
يونس بضحك:لا انتي قمر خلاص ولا تزعلي،وبعدين انتي بتقلبي طماطم الصبح ولا ايه
حور بإستغراب:ليه يعني؟
يونس:بصي في المرايه كده
"حور بصت على نفسها في المرايا لقت نفسها محمره جامد ف شهقت"
يونس بهيام:   شكلك  بيبقا حلو اوي وانتي بتعيطي 
حور بكسوف واحمرت اكتر: ش... شكرا
يونس فاق: بنهار اسود خلاص خلاص خشي خدي دش كده احسن حاسك هتنفجري 
"حور جرت على الحمام وقفلت على نفسها وقلبها عمال يدق"
*حور خرجت وهي لفه على نفسها الروب وبتنشف شعرها بالفوطه*
يونس:يختااااااااايييي
حور بضحك:في أيه 
يونس وهو بيبعد عينه عنها:بااااسس باااس متضحكيش مش ناقصه حلاوه "وهو بيوسعها عشان يدخل الحمام"حاسبي كده كتك القمر
يتبع....
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي
google-playkhamsatmostaqltradent