recent
أخبار ساخنة

رواية حب صدفة الفصل الثالث 3 بقلم بسنت قاسم

jina
الصفحة الرئيسية

 رواية حب صدفة الفصل الثالث 3 بقلم بسنت قاسم

رواية حب صدفة الفصل الثالث 3 بقلم بسنت قاسم

رواية حب صدفة الفصل الثالث 3 بقلم بسنت قاسم


كان عندي أمل يكون هو و لما طلعت كان شخص تاني خالص أول مرة أشوفه محسيتش غير و دموعي بتنزل مني فوقت من وجعي على صوت بابا..
الأب: يلا يا حبيبتي ادخلي قدمي العصير
ضي بدموع: بابا مش هقدر 
الأب: مش فاهم حاجة 
ضي بعياط و شهقة: أ....أنا م..مش ع..ااوزة ده ..أنا
الأب بغضب: بطلي عياط و قولي عاوزة إيه الناس جوة
ضي بعياط: مش هقدر أقولك أنا عاوزة إيه بس أنا مش موافقة 
الأب بزعيق و عصبية: اللي أنا أقوله هو اللي هيمشي هتوافقي غصب عنك 
ضي بعياط: بابا افهمني مش هقدر أخونه أنا بح...
الأب بغضب: كلمة تانية و هتلاقي إيدي سابقة بوقي ...أنا شكلي اتهاونت معاكي خالص ...امسحي دموعك و ادخلي متفتحيش بوقك خالص فاهمة هيا كلمة واحدة بس اللي هتقوليها ..موافقة 
بصيت بوجع على إنه مفهمنيش يمكن لو ماما كانت هنا كانت ساعدتني الأم برضو بتهوّن كتير دخلت سلمت عليهم و أنا حقيقي جسمي مش شايلني خلصت و قعدت مع وجع قلبي لقيت صوت بيقطع سرحاني صوت غريب عليا ....
_أنا براء حابة تعرفي حاجة معينة
ضي:.......
براء: بتفكري فيه مش كده 
ضي بصدمة: ه..هو م..مين
براء: مراد
ضي بتوتر: انت تعرفه منين 
براء: أعز اصحابي 
ضي: هو فين 
براء: عرف إن في عريس متقدملك و هو لسة مش جاهز ف بما إن أنا جاهز و كده طلب مني أخطبك لحد ما يجهز
ضي بفرحة:بجد
براء بخبث: حبتيه 
ضي بكسوف: م..مش عارفة 
براء بخبث:يبقى متعرفيش لإني مش هسيبك ليه
ضي بخوف: يعني إيه
براء بغمزة: يعني عجبتيني و مش هسيبك
ضي: انت قليل الادب ..أنا..أنا مش موافقة
براء: و ده كلام والدك برضو تحبي أروح أقوله بنتك كانت بتروح البحر علشان مقضياها حب و لافلافة مع واحد و....
قطع كلامه كف من ضي : اخرس مش علشان انت قذر و بتبيع أعز الناس ليك زي ما بتقول يبقى كل الناس زيك احنا حبينا بعض بس كل واحد كتم حبه في قلبه علشان ربنا يبارك في الحب ده مش مقضياها زي ما بتقول يا محترم
براء بغضب : هدفعك تمن القلم ده 
ضي: أعلى ما في خيالك اعمله أنا مش بتهدد
براء: هنشوف 
الأب: ها إيه الأخبار
براء بيبص لضي بخبث: موافقة يا عمي يلا نقرأ الفاتحة
ضي بصدمة: لأ مش مو....
الأب بنظرة أخرستها: مبروك يا حبيبتي 
سيبتهم و خرجت من البيت كله مش قادرة الوجع بيزيد على قلبي أنا عملت إيه لكل ده روحت أشكيله الوحيد اللي بيسمعني كالعادة 
ضي: بص يا بحري الوجع اللي في قلبي أنا حتى مش عندي ماما تاخدني في حضنها و بابا رجع يجرحني تاني بقالي فترة حاسة بوجع في قلبي و حاجات غريبة بتحصلي يمكن لو ماما كانت هنا كانت هتاخد بالها... يا بحري أنا بحب مراد أنا مش عاوزة الوحش التاني ده أنااا....
محسيتش غير و جسمي بيفقد توازنه و بقع في إيد مسكتني مخدتش بالي مين بس حسيت بأمان فاستسلمت....
_ضيييي
يتبع....
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي
google-playkhamsatmostaqltradent