recent
أخبار ساخنة

اسكريبت لماذا الفصل الخامس 5 بقلم حبيبة وليد

jina
الصفحة الرئيسية

 اسكريبت لماذا الفصل الخامس 5 بقلم حبيبة وليد

اسكريبت لماذا الفصل الخامس 5 بقلم حبيبة وليد

اسكريبت لماذا الفصل الخامس 5 بقلم حبيبة وليد


بس أول ما دخلت الاوضة صرخت ما لقيت بنتي مرمية علي الارض و وشها ازرق و رقبتها متكرمشة كأن في حد خفي قاعد بيخنقها رميت التليفون من أيدي و روحتلها بسرعة و أول ما وصلت عندها رقبتها اتصلحت حاولت افوقها بس ماكنتش بتفوق ماكنتش عارفة أعمل إيه ، طلبت الاسعاف بسرعة و اتصلت ب محمد إلي مبطلش رن 
_آلو
~أيوة يا سارة أي إلي حصل ، و مال صوتك آنتي بتعيطي 
_سما ، سما يا محمد 
~مالها سما يا سارة انطقي
_سما قاطعة النفس يا محمد أنا طلبتها الاسعاف
~ إنت بتقول أي ، إزاي كدا أي إلي حصل 
_مش عارفة ، ولله ما عارفة 
~طيب خلاص اهدي ، أنا هتصرف ففلوس تذكرة و اجي علطوول 
_تتصرف ؟! تتصرف يا محمد هو إنت لسة 
~معلش يا سارة مش وقتو أنا هتصرف و متقفيش السكة 
_ ماشي 
، الاسعاف وصلت و رحنا معاهم أنا و حماتي و سلفي ، كنت منهارة من العياط و ماسكة أيد بنتي ، عيني غظب عني جات علي حماتي لقيتها هي و سلفي بيبصو لبعض و بيحاولو يخبو ابتسامتهم في اللحظة دي انهرت آكتر ، وصلنا المستشفى و الدكتور قالي أصعب كلمة ممكن اسمعها
~البقاء لله
محمد جا و العزا خلص و كنت حزينة جدا علي بنتي و محمد بدأ يشتغل لما شاف إن أخوه مكانش بيحوشلو الفلوس زي ما كان فاكر و حتى أنو مسلفو تمن التذكرة ،
_شفت يا محمد كنت قاعد تحول الفلوس و أنا اقولك بيصرفها و إنت مش مصدق اديك شفت بنفسك 
~أكيد يا حبيبتي حصلتلو ظروف ف صرف الفلوس 
_ظروف أي يا محمد ؟ ظروف أي إنت هتضحك علي نفسك مش كفاية قتلو بنتك 
~آنتي بتقولي أي قتلو مين و ازاي الدكتور قال إنها جالها نقص أكسجين 
_لا يا محمد أنا متأكدة إنهم ورا الموضوع دا ، متأكدة إنهم عملوها سحر ، أنا شفت حاجة فوقها و اختفت بسرعة ،كنت بقولك إني خايفة من مامتك و حكيتلك علي الحاجات إلي حصلت بس إنت مصدقتنيش 
~كان بيتهيأ لك من الصدمة ، و بعدين هو آنتي لسة مصدقة الهبل إلي آنتي بتقوليه دا 
صرخت فيه و قلتلو _دا مش هبل يا محمد هي دي الحقيقة إنت لي مش عايز تصدقني ؟إنت شايف إلي بيحصل دا طبيعي ؟ و بعدين أنا مكنش بيتهيأ لي إنت مشفتش منظر رقبة سما و هي مرمية علي الارض ، سما مماتتش موتة طبيعية يا محمد ، أمك هي إلي عاملالها حاجة أنا شوفتها ، و الله أعلم عملالك إيه إنت كمان عشان تبعتلهم المرتب كلو كدا و تشوفهم ملايكة مع إن أخوك أكبر منك و المفروض يصرف علي نفسو أنا مش هقدر استحمل آكتر من كدا يا محمد 
خدت نفس عميق و قلتلو 
_طلقني 
يتبع....
لقراءة الفصل السادس : اضغط هنا
لقراءة باقي فصول الاسكريبت : اضغط هنا
نرشح لك أيضاً رواية المقاس للكاتبة فاطمة الدمرداش
google-playkhamsatmostaqltradent