recent
أخبار ساخنة

اسكريبت حتى النهاية الفصل التاسع 9 بقلم بسملة محمد

jina
الصفحة الرئيسية

 اسكريبت حتى النهاية الفصل التاسع 9 بقلم بسملة محمد

اسكريبت حتى النهاية الفصل التاسع 9 بقلم بسملة محمد

اسكريبت حتى النهاية الفصل التاسع 9 بقلم بسملة محمد


يوسف بصدمة:هو انتي في مصر يا سيلينا
سيلينا:ايوة يا حبيبي انا جاية في الطريق
يوسف:طب ماقولتيش ليه انك هتيجي يا حبيبتي كنت استقبلتك في المطار
سيلينا:لما نتقابل هحكيلك كل حاجة
يوسف:تمام يا حبيبتي مستنيكي
سيلينا:ok
ملك:مستني مين بقي يا شاطر
يوسف:ااه بصي انا هقولك حاجة بس متتعصبيش
ملك:لا طبعا قول مفيهاش حاجة مش هتعصب خالص
يوسف:سيلينا جاية في الطريق
ملك:اه تما... بتقول ايه مين يا عنيا؟ انت مش قولت كمان اسبوعين كدة ولا حاجة
يوسف:ما انا والله اتفاجأت زيك كدة بالظبط
ملك:ماشي يا يوسف ماشي
"يقاطعهم صوت جرس الباب"
يوسف:اهي جت بصي بقي طول ما هي هنا انا اسمي مالك مش يوسف وتعاملي معاها عادي خالص ابوس ايدك 
ملك:تمام بس تعزمني على ماك لما تمشي
يوسف:مادية حقيرة
ملك:انت اللي جبته لنفسك
يوسف:خلاص خلاص موافق اسكتي انا هروح افتح
"بيفتح يوسف الباب بتدخل بنت شعرها اصفر قصير وعنيها خضراء ولابسة شورت قصير وتيشيرت ابيض وشايلة شنطة سفر" 
سيلينا وهي بتحضن يوسف:Malik I miss you so much
"مالك اشتقت لك كثيرا" 
يوسف:I also miss you so much
"انا ايضا اشتقت لك كثيرا" 
ملك:وانا عاطف معاكوا في الجروب 
سيلينا:مين دي مالك
يوسف:دي تبقي.. 
ملك تقاطعه:انا اخته يا حبيبتي
سيلينا:اه ازيك مالك حكالي عنك كتير اوي
ملك:اه كويس.. انتي بتتكلمي عربي كويس اهو
سيلينا بدلع:مالك حبيبي علمني 
يوسف:طب تعالي بقى يا سيلينا عشان ناكل ملك بتعمل اكل تحفة
ملك بأستفزاز:بس انا مطبختش النهاردة
يوسف بأحراج:اه طب خلاص انا هطلب بيتزا
سيلينا:انا مش جعانة دلوقتي.. مالك عايزة اتكلم معاك شوية لوحدنا
ملك:لو عايزة تقولي حاجة يا سكر قوليها وانا موجودة عادي 
سيلينا:لا يا حبيبتي مش هينفع هنتكلم في حاجات متخصكيش
ملك كانت هترد بس يوسف قاطعها وقال:خلاص يا ملك ادخل اوضتك دلوقتي ونتكلم بعدين
ملك بحزن:تمام
"سيبتهم ودخلت اوضتي وانا دقيقة كمان وهعيط...بقي كوباية الكركادية دي هتاخده مني... طب وسندوتشات الكبدة اللي كلناها سوا دي.. ثانية واحدة انا مالي بيهم ما يولعوا هما الاتنين في بعض... بس يا ترى بيقولوا ايه دلوقتي؟ لا لا مش قادرة انا لازم اعرف بيقولوا ايه... خرجت من الاوضة براحة ووقفت ورا الحيطة عشان اسمع بيقولوا ايه"
سيلينا:مالك الباشا زعلان منك من غير حاجة لما يعرف اللي انت عايز تعمله ده ممكن ينهي شغله معاك وهتخسر كتير ده باعتني مخصوص عشان عارف ان انا اللي هقدر اقنعك
ملك بهمس وهي بتقلد سيلينا:انا الوحيدة اللي هقدر اقنعك نينينيني
يوسف:محدش قاله يشك فيا من الاول واهو اتأكد أن مش انا الخاين يستحمل بقي
سيلينا:الحفلة دي الباشا عاملها مخصوص ليك عشان يرد كرامتك انت عارف دلوقتي انك هتبقى دراعه اليمين في كل حاجة دي فرصة متتعوضش
يوسف:هي الحفلة دي امتي
سيلينا:الخميس الجاي يعني بعد يومين
يوسف:تمام هاجي
سيلينا:انا كنت متأكدة انك مش هترفض
يوسف:انا هروح اشوف ملك اكيد زعلانة
"ملك اول ما بتسمعه بتجري براحة على اوضتها" 
سيلينا:دي بتدلع عليك يا مالك سيبها
يوسف:هروح اشوفها واتأكد انها مش زعلانة
"ملك دخلت الاوضة بسرعة وعملت نفسها بتذاكر وبعدين الباب خبط" 
ملك:ادخل
يوسف:ممكن اتكلم معاكي شوية
ملك بتريقة:اه طبعا لو خلصت كلام مع السنيورة
يوسف:بصي انا عارف انك زعلانة بس كان لازم نتكلم لوحدنا شوية عن الشغل 
ملك:ومين قال اني زعلانة منك اصلا وازعل منك بتاع ايه اساسا.. انت بس روح حفلات مع..... 
يوسف:ااه وانتي عرفتي منين بقي حوار الحفلة ده
ملك:اا اصل انا كنت راحة اشرب وسمعتك بتقول حفلة وكدة بس
يوسف:ملك انا مش هحذرك تاني
ملك:يوه عارفة عارفة بس عايزة اطلب منك طلب 
يوسف:ها عايزة ايه
ملك:انا هاجي معاك الحفلة 
يوسف:اه ان شاء الله 
ملك:مبهزرش على فكرة
يوسف:انتي عبيطة يا ملك حفلة ايه دي اللي عايزة تروحيها 
ملك:بقولك ايه انا هاجي معاك يعني هاجي معاك ومش هقعد في البيت لوحدي انا
يوسف:مش هيحصل يا ملك
____________يوم الحفلة___________
"يوسف واقف تحت العمارة مستني سيلينا وملك يجهزوا وبعد شوية بتنزل سيلينا لابسة فستان ازرق قصير وفاردة شعرها" 
يوسف:طول عمرك جميلة يا سيلينا
سيلينا بدلع: I know
"انا اعلم" 
يوسف:هي فين ملك
سيلينا بقرف:بتجهز فوق حقيقي اختك دي بتدلع كتير
يوسف لسة هيرد عليها لقى ملك نازلة ولابسة فستان اسود طويل وفاردة شعرها البني الطويل.. سيلينا كانت بتكلم يوسف بس مكانش مركز معاها" 
سيلينا بغيرة:اخيرا الهانم شرفت.. يلا يا مالك عشان هنتأخر
يوسف:هاا تمام تمام يلا
________________في الحفلة________________
ادهم:مالك! حقيقي انا مبسوط انك جيت هنا النهاردة مكنتش متخيل ان سيلينا هتقنعك فعلا
سيلينا:عيب يا باشا ده انا سيلينا 
ادهم بيبص لملك ويقول:مين الآنسة الجميلة دي
مالك بيرد عليه بغيرة:دي ملك اختي 
أدهم بيمسك ايد ملك ويبوسها ويقول:تشرفت بمعرفتك يا آنسة ملك حقيقي مكنتش متوقع ان مالك عنده اخت جميلة للدرجة دي
ملك:شكرا
سيلينا وهي بتشد يوسف:مالك تعالي نرقص يلا
"بيروحوا يرقصوا وملك بتبص عليهم من بعيد بحزن وغيرة.. أدهم بيمد ايده لملك ويقول:تسمحيلي بالقصة دي
ملك بتبص ليوسف وسيلينا وترجع تبص لادهم وتقول:موافقة
" بيطلعوا يرقصوا ويوسف بيشوف ملك وهي بترقص مع أدهم ويتضايق وبعدين يقرب منهم ويقول لادهم:يلا نبدل يا باشا
أدهم:مع اني كنت مستمتع بالرقص معاها بس تمام
بيرقص أدهم مع سيلينا اللي بتبص لملك بحقد ويوسف وملك بيرقصوا مع بعض" 
يوسف:ايه اللي انتي عملتيه ده
ملك:عملت ايه
يوسف:انتي عارفة انتي كنتي بترقصي مع مين.. ده تاجر سلاح يا ماما
ملك:طب ما انت كنت بترقص مع سيلينا كنت انا قولتلك حاجة
يوسف:اناي مالك بيا
ملك:وانت مالك بيا 
يوسف:طبعا ليا عشان انا.... 
ملك:عشان انت ايه
يوسف:عشان مصلحتك وعشان متتأذيش والعملية تفشل بس مش اكتر 
ملك بحزن:بس كدة
يوسف بجمود:ايوة 
ملك بحزن:تمام
"في نص الرقصة فجأة يسمعوا صوت ضرب نار و....."
يتبع.....
لقراءة الفصل العاشر والأخير : اضغط هنا
لقراءة باقي فصول الاسكريبت : اضغط هنا
نرشح لك أيضاً رواية حين التقينا للكاتبة شيماء جمعة
google-playkhamsatmostaqltradent