recent
أخبار ساخنة

اسكريبت فتاة معذبة الجزء العاشر 10 بقلم محبة الرحمن

jina
الصفحة الرئيسية

 اسكريبت فتاة معذبة الجزء العاشر 10 بقلم محبة الرحمن

اسكريبت فتاة معذبة الجزء العاشر 10 بقلم محبة الرحمن

اسكريبت فتاة معذبة الجزء العاشر 10 بقلم محبة الرحمن


مني ايه هتعمل فيا ايه تاني هتكسرني اكتر من كده ايه
خالد انتي عارفه انا بعمل فيكي كده ليه 
مني بانتباه ياريت اعرف
خالد كل اللي بعمله معاكي ده عشان سببين واحد هقولهولك دلوقت والتاني بعدين
مني طيب عرفني الاولاني 
خالدطيب تعالي نقعد في مكان
قعدوا مع بعد 
مني ممكن بقي اعرف السبب 
خالد بعاقب نفسي
مني ده اللي هو ازاي
خالد مني انتي الحاجه الوحيده الحلوه في حياتي انا شفت امي وهي بتعامل اخويا الكبير احسن مني امي وابويا خلوني اشتغل وانا في ابتدائي أو كانوا هيقعدوني من المدرسه وبرضو هشتغل كنت طفل معنديش وقت العب الصبح المدرسه وبعد الضهر الشغل حتي في الاجازه كنت بطلع شغل من الصبح للمغرب معادا يوم الجمعة كانت تاخد مني الفلوس عشان المصاريف والدروس وتديني أقل القليل مكنتش اعرف اجيب حاجه لنفسي ولاحتي شوكلاته اللي نفسي فيها كنت يادوب اجيب لبان أو بسكوته من ارخص نوع ومصطفى كان يلعب ويخرج ويروح دروس المواد كلها وانا لا مع انها فلوسي مصطفى دخل كليه ماينفعش فيها حول معهد وانا اللي كنت جايب مجموع يدخلني الثانوية العامة بتفوق مارضيوش يودوني واخدت الدبلوم ولحسن حظي واحد صاحب ابويا شغلني في البنك ولمااتجوزنا انا كنت هكسل اخد الكليه لولا تشجيعك ليا (اسفه نسيت احكيلكم أن في الفتره اللي كان خالد كويس معاها شجعته ودخل كلية تجاره جامعه مفتوحه ونجح)المهم لما اشتغلت برضو بقيت ادفع ولو جبت اي حاجه عايزاني اجيب لمصطفي حتي وليد كانت بتعمل معاه زيي تقدري تقولي عقده لاني دلوقت عايز اعمل كل اللي اتحرمت منه وأزيد حتي الغلط عشان كده كنت بعاقبك عشان عايزه تحرميني من ده فهمتي يامني يعني انا مريض
مني بتعيط طيب ذنبي اني عايزاك بني آدم كويس عشان على الأقل تحب نفسك
خالد عارف ممكن بقي تعامليني علي الأساس ده وتحاولي تساعديني اخف
مني تعبت ياخالد ومش قادره
خالد برجاء ارجوكي ساعديني
مني بصتله انا خايفه منك
خالد ساعديني يامني 
مني هحاول
مسك أيدها خافت افتكرت هيضربها 
خالد ماتخافيش ومسك أيدها باسها 
رجعوا البيت وبدأت الحياه تتظبط شويه بس مني برضو بتاخد حظرها منه اتفقت معاه يبطل يتفرج على الافلام اللي مش كويسه تتصل بيه تقوله قول الاستغفار فضلوا فتره كبيره كده طلب منها خالد تفكر تجيب طفل تاني لان عمر كبر وعنده 7سنوات قالتله انها خايفه وكانت سلفتها اللي كان جوزها حكلها مشاكل مني وخالد تقولها ما تحملش عشان المشاكل دي وكانت سلفتها بتعمل مشاكل كتير بينها وبين حماتها لدرجة أن حماتها مابقتش ترضي ولاد مني ينزلوا يقعدوا معاهم وسلفتها بتنزل بناتها الاتنين ويبهدلوا وعايزه مني هي اللي تنزل تنضف لوحدها مع انهم بيمضفوا مع بعض بس مني كانت بتحاول تكبر لهم كلهم بتقول المهم خالد يبقي كويس معايا وحماتها كانت تقف دايما في صف سلفتها لأنها قريبتها ورغم أنها عارفه أن مني بتحاول ترضيهم باي شكل 
مني والدها توفي  هو كان احن عليها من الناس كلها بس مات بعد عذاب مشاكل صحيه كتيير ومستشفيات كتير كانت اوقات تروح وأوقات خالد يقولها مااحبش مراتي تتنطط في المستشفيات وقبل ما يموت بكام يوم ابن خالتها مات وكانت بتروح تعزي وترجع في اخر اليوم كان والدها في عز تعبه يقولها كلي يابابا انتي من الصبح مااكلتيش حاجه واليوم اللي مات فيه راحت كان اليوم اللي هي متعوده تروح عندهم فيه راحت الشغل ورجعت علي بيت باباها اول ما دخلت حضنته وباسته قالها انتي جايه تروحي العزا لخالتك 
مني لا ياحبيبي انا جيالك انت انا عارفه اني مقصره معاك 
باباها ربنا يخليكي ليا
مني ويخليك ليا 
باباها طيب تعالي اعمليلي تمرين لرجليا امك ولا اختك بيعملهولي 
مني من عنيا اطلع اغير واصلي وان لك هوا 
طلعت غيرت وصلت وهي بتقول التحيات سمعت صوات امها نزلت جري لقته مات 
مني تعبت نفسيا جدا وقعدت حزينه فتره كبيره
حملت مني تاني وبعد ما دخلت الشهر الثالث بتصحي قبل الفجر عشان تدخل الحمام لقت صوت رساله علي موبيل خالد وكأن ربنا صحاها مخصوص عشان تشوفها عايزه تشوفها وخايفه لتكون اللي في بالها قربت من التليفون ومسكته لقت رساله كلمني شكرا من هبه الارمله قررت تقلب في التليفون مالقتش حاجه صحي خالد الصبح لقاها صاحيه وباين عليها العياط 
خالد مالك يامنايا انتي تعبانه 
مني بتعيط
خالد في ايه قلقتيني عليكي 
عطته التليفون علي الرساله 
خالد وايه اللي يخليكي تعيطي دي بعتالي كلمني هل ده معناه اني بكلمها 
اتعصب خالد علي الاقل تعالي واساليني مش تدي احكام بمزاجك والا بتدوري علي النكد
لو بصيتي على المكالمات هتلاقيني مش مكانها خالص ورناتها بقفل عليها وانتي عارفه اني لو بكلمها كنت قولتلك انا زهقت بقي من الشك ده
مني وانا ماليش حق اشك بعد اللي حصل ده 
خالد اديلنا شهور كويسين شفتي مني حاجه تخليكي تشكي 
سبها ودخل غير وراح الشغل وهي حست بتنميل في دماغها وتعب في بطنها مارحتش الشغل ونامت لأنها ماكنتش نايمه طول الليل وقامت الضهر عملت الاكل ورجع خالد مكشر ومش بيكلمها هي حطت الاكل وبعد مااكلوا قالتله انا هروح عند الدكتوره قالها روحي من غير مايسالها ليه لبست وراحت الدكتوره انا عايزاكي تعملي اشعه لان انا مش سامعه نبض ليه خالص وهيبان في الاشعه روحت البيت حماتها شافتها وقالتلها كنتي فين كده ومالك وشك اصفر كده ليه قالتلها اللي الدكتوره قالته قالتلها أن شاء الله خير وسلفتها وايه يعني هو انتي اول واحده تنزل عيل (سلفتها نزلت اطفال مرتين)طلعت شقتها من غير ماترد علي سلفتها وهو كان في غرفة النوم قاعد يتفرج علي التلفزيون دخلت وواضح عليها العياط غيرت هدومها وطلعت بره قعد مع الولاد في اوضتهم هو قام يقولها تعمله اكل لقاها قعده بتعيط رجع لانه افتكرها بتعيط علي نفس الموضوع لبس ترنج ونزل لامه يأكل عندها 
خالد امي اعمليلي اكل 
سلفتها ليه مراتك هتدلع ليه وماتعملكش اكل هي أول واحده تنزل عيل 
خالد بصدمه مين اللي هينزل عيل 
أمه مراتك ياابني هي ماقالتلكش 
خالد لا ماقلتليش
سلفتها تلاقيها خايفه منك
خالد بعصبيه مراتي دي اللي شالتك في ولاداتك الاتنين وفي نزول الحمل مرتين وساعة بنتك ماعملت العمليه ماخلتكيش شلتي كوبايه ولولاها بدل المره تلاته مصطفى كان هيوديكي عند اهلك فالمفروض تشيلي جذمتها 
سبها وطلع جري لمني ودخلها بسرعه وقعد تحت رجليها 
خالد ماقولتليش ليه
مني انت ماسالتنيش وشايفني عايطه وسبتني ونزل 
خالد افتكرتك لسه فاكره اني بكلم الزفته دي والله ما بكلمها هي اللي بتحاول تكلمني
ايه اللي حصل عند الدكتوره
حكتله اللي ققالته الدكتوره 
خالد يعني في احتمال يبقي في نبض بس الدكتوره مش سمعاه
مني هي شكلها كانت متاكده
خالد حتي لو حصل هو ربنا مش عايز يحصل دلوقت يلا نروح نعمل الاشاعه 
لبسوا وراحوا عملوا الاشعه وروها للدكتوره للاسف مافيش نبض هنضطر ننزل الطفل
خالد معلش يا دكتوره احنا عايزين نتأكد فهنسال دكتور تاني 
وراحوا عند الدكتورالتاني اللي أكد نفس الكلام 
رجعوا للدكتوره الأولي لأنها صديقة مني وعطتها حجات تنزل الطفل وكانت مني نفسيا متدمره اخدها خالد هي وولادها يقضوا يوم عند خالته اللي بتحب مني ومني بتحبها ومتصاحبه علي مراة ابنها قضوا يوم جميل كله ضحك وهزار 
ولما رجعوا لقوا وليد رجع من الجيش وسأل عليهم وعرف اللي شافتها قالتوهلوا من خالد وأنها حتي ماسعدتهاش في الشقه ولا طلعتلها هي وامه غير مره واحده وليد قعد يزعق في الاتنين هي تستاهل اكتر من كده ماهي لو تندل معاكم زي مابتندلوا معاها كل يبقي احسن 
عدت شهور ومني مش بيحصل معاها حمل وهي مش عايزه لأنها بدأت تحس أن خالد بيتغير  بس بعد مرور سنه بالظبط من نزول الطفل ربنا رزقها بالحمل كان خالد فرحان جدا راحوا للدكتوره وقالت هناخد حقن تثبيت لمدة شهر احتياطي عشان مايتكررش اللي حصل تاني وبعد كده نعمل الاشاعه ونتاكد
خالد أن شاء الله خير 
الحقن كانت غاليه مني جابت  شويه علي حسابها وخالد جاب كام واحده وقال مش معايا  مني اخدت من امها مبلغ تجيب بيه الباقي وبعد الشهر عملت الاشاعه والطفل الحمدلله سليم معافي واول ما وصلت للشهر الثالث 
ياتري ايه اللي حصل
يتبع.....
لقراءة الجزء الحادي عشر : اضغط هنا
لقراءة باقي أجزاء الاسكريبت : اضغط هنا
نرشح لك أيضاً رواية عشق الطفولة للكاتبة هنا
google-playkhamsatmostaqltradent