recent
أخبار ساخنة

رواية طفلة ولكن عشقتها الفصل الثامن عشر 18 بقلم شهد محمد

jina
الصفحة الرئيسية

 رواية طفلة ولكن عشقتها الفصل الثامن عشر 18 بقلم شهد محمد

رواية طفلة ولكن عشقتها الفصل الثامن عشر 18 بقلم شهد محمد

رواية طفلة ولكن عشقتها الفصل الثامن عشر 18 بقلم شهد محمد


شهد بغموض:اي عملت اى؟
-كلو تمام يبنتي بس زين مش ممكن يكون عمل كده
شهد بسخريه وحزن:عمل خلاص...المهم تجبلي اعتراف صوت وصوره
-حاضر
__________________________________
زين:الو
زينب:وحشتني
زين:احم..عاوزه حاجه يازينب؟
زينب:عايزه اشوفك...وحشتني اووووى 
زين بتردد:بس يازينب..
زينب:مبسش خلاص انا قررت وبجد انت واحشني اوووى عشان خاطري تعالي
زين:حاضر يازينب مسافه السكه واكون عندك
زينب:اوك باي
كلو تمام كده
=تمام اووى يازينب براڤو عليكي
زينب:صدقيني انا مقبلتش اعمل كده غير لما انتى كلمتيني...وانا فوقت بجد ياشهد..وخلاص مش مستعده ارجع لالي كنت فيه تانى...وبلغى عمر انه كلو تمام خلاص
شهد:انتو معملتوش كده غير لما طلبت كده منكو انا وعمر..غير كده كنتو هتبلغو عنهم
زينب بابتسامه:وانتى كويس انك طلبتي منى كده...صدقيني انا مبقتش احب زين..عشان عمري ماحبيته..انا كنت مجبوره اقرب منو ، وطبعا عشان مليش حد غصبوني
شهد قامت حضنتها بهدوء وحزن:هتتعوضي خير يازينب انا واثقه
زينب :ان شاء الله..المهم يلا قومى ادخلى جوا عشان اما يجيي ميشوفكيش ، ادخلي الاوضه دى عشان تعرفي تسمعي وتشوفي كويس..بقولك انا من رايي اغير اللبس دا
شهد:لالا خليكي لبساه عشان اشوف رد فعله
"زينب كانت لابسه فستان فوق الركبه بحمالات رفيعه وحاطه ميكب خفيف وكانت جميله جدا"
زينب:شهد ...انتى عندك ثبات انفعالى رهيب
شهد بضحك:عادي يبنتي متخديش ف بالك ، الباب ييخبط اهو استنى استخبا وانتى افتحي
زينب:ماشي تمام
"شهد دخلت استخبت وزينب فتحت الباب"
زين اول ماشافها تنح:اى يبنتي دا صاروخ ارضي 
زينب ضحكت بمياعه:عشان تعرف تبقا تسبني وتروح لشهد ازاى
زين:لا هو انا بفكر ابعت اجيب المأذون بقااا
زينب بضحك:ومالو ياحبيبي تعالا اقعد بقا 
"زين راح قعد ع الكرسي وزينب قعدت ع رجلو"
زين بضعف:احم زينب..قومي
زينب وهيا بتلعب ف خصلات شعرو:بتحبني انا اكتر ولا شهد
زين بتنهيده :ولازمته اى السؤال دا بس
زينب بحزن مصطنع :خلاص يبقا بتحبها هيا اكتر
زين بسرعه:لالا بحبك انتى ..بس شهد
زينب:مالها ياحبيبي
زين: منكرش انى انجذبت ليها وحبتها..بس ف نفس الوقت مش قادر ابعد عنك..انا بحبك اوووى يازينب
:كااااات... شكرا اوووى يازينب متحرمش منك ياقلبي
زين بصدمه:شهد
زينب قامت من ع رجلو وراحت عند شهد:انا ف الخدمه دايما
 ياشهد..وتحت امرك ف اى حاجه
شهد بابتسامه:دا عشمي فيكي بردو ياروحي
زينب بابتسامه:طيب انا هطلع الشقه فوق اغير ويدوب الحق طيارتي
شهد حضنتها:توصلي بالسلامه ياروحي...متنسيش تتطمنيني عليكي اول ماتوصلي
زينب بابتسامه:حاضر..يلا سلام
شهد:سلام
"كل دا حصل تحت صدمه زين"
شهد راحت قعدت ف الكرسي ع إلى قدامه بجمود:طبعا انت مش فاهم حاجه..ومع ذلك هحكيلك
Flash Back
شهد:اي رايك ف الفكره؟
عمر : لا طبعا ياشهد مش موافق
شهد ببرود:انا خلاص نفذت ياعمر...وزينب زمانها ف المكتب عندو دلوقتى..كمان كلمت السكرتيره خليتها تكلم آيه وتقولها انه فى ورق مهم لازم يتسلم..وآيه زمانها وصلت هناك وهتيجي تبلغني
عمر: طب وليه كل دا ياشهد
شهد ببرود وهيا بتقرا المجله اللى قدامها:بتاكد هو بيحبني بجد.. ولا كلان ف الهوا..اه ومتقلقش زينب بتقولك انه الموضوع قرب يتم..عرف الضلع التالت وبلغو كل شكري وتقديري ع اللى عملو معانا
عمر بتنهيده: وانتى اى اللى خلاكي واثقه اوى كده ف زينب 
شهد بضحك:ع اساس متعرفش اختك يعني؟
عمر:ما المصيبه انى عارفها..المهم همشي انا دلوقتى عشان الحق اروح لزين وافهمو انك زمانك عارفه
شهد: اشطا تمام..وشوفلي الضلع التالت جاى امتى
عمر:بكره بالكتير يكون وصل..."وكمل بضحك" ، مين يعرف ان كل الخطه دى انتى اللى وراها..دانتى دماغك دى سم
شهد:يلا ياعم القرار امشي
Back
زين:ومين الضلع التالت دا
شهد:متقلقش هتعرفو انهارده...متنساش تيجي الفيله عشان العيله الكريمه تعرف زينو ابنهم عامل ازاى
زين بندم:شهد صدقيني ان...
شهد:شششش مش عايزه كلام كتير...انا ماشيه وياريت تحصلني يازينو عشان تعرف كل حاجه يروحي...عشان انا قررت انه كل حاجه هتتكشف انهارده..اتشاااو ياروحي
وسابتو ومشيت
زين بصدمه:معقوله دى شهد اللى ربيتها !!!!!
ونزل وراها بسرعه لقاها ركبت عربيتها ومشيت
ركب عربيتو بسرعه ومشا وراها ع القصر
__________________________________
آيه: حمدلله ع السلامه ياختي
رودينا:الله يسلمك يا عسل..معلش بقااا قعدت اسبوعين بس..اوعدك المره الجايه اكتر 🌚🌚🌚
آيه:ع فكره جوزي حبيبي هيسفرني العالم
رودينا:ويرجعك بعد ساعتين اه
آيه:دانتى تنحه
نور بضحك: هتفضلو ناقر ونقير كده علطول
مالك:اومال فين شهد وزين؟
عمر بسخريه:متستعجلش ياخويا كلها خمس دقايق والعيله كلها تعرف
فوزى باستغراب:فيه اى ياعمر؟
عمر:هتعرفو دلوقتى ياجدي
"باب القصر فتح ودخلت شهد بقوه وجمود..ووراها زين"
شهد بفرح: روديي وحشتيني
رودينا وهيا بتحضنها:وانتي اوووى...اى كنتو فين
شهد بضحك:هتعرفو حالا...ازيك ياعبدالرحمن
عبدالرحمن: الحمدلله ياشهد
شهد: طيب انا بقول اوفر الحكي وتشوفو  كل حاجه صوت وصوره
"وفتحت شنطتها جابت فلاشه وحطتها ف شاشه التلفزيون وشغلت الفيديو اللى فيه زين وزينب"
شهد:هاا اى رايكو بقا ف الفيلم دا؟
فوزى بصدمه:انت تعمل كده يازين
زين بندم: ياجدي والله ان..
قاطعو صوت قلم نزل ع خدو رج القصر كلو
زين بصدمه:نور
نور بغضب: الظاهر انى مربتكش كفايه يابن السيوفي...ودلعتك كتيير..والظاهر انك محتاج اعاده تربيه تانى
شهد:تؤتؤ اى يانور ياروحي...لسه الفيلم مخلصش...ادخلل
الكل بصدمه: احمد
شهد:تعالى ياعمي..استنو بقا اكملكو بقيت القصه
Flash Back
شهد:ها ياعمى قولت اى؟
احمد:يبنتي انا مستعد اعمل اى حاجه عشانكو وعشانك انتى بالزات..وهكلم زينب واخليها تيجي وتفهميها كل حاجه
شهد:حبيبي ياعمي والله
Back
شهد: اصل عمي حبيبي كان بيساعدنى كل دا...وهو وزينب ليهم كل الشكر... وطبعا منساش اخويا حبيبي..واهم شخص هو الضلع التالت
مالك:مين الضلع التالت دا؟
شهد بابتسامه:اقدملكو الضلع التالت... عبدالرحمن الالفي
الكل بص لعبدالرحمن بصدمه
رودينا بصدمه:انت كنت عارف كل دا من الاول ومقولتش؟
شهد:استني يارودي ياحببتي.. اومال لو عرفتي انه انا الى مدخله بودى العيله وانا اللى اتفقت معاه انه يدخل من ناحيه صفقه؟
رودينا بصدمه:يعني جوازي منو كان تبع الخطه !!؟؟
شهد بضحك:اهو دى الوحيده اللى مكانش مترتبلو والبيه وقع فيكي بجد....ودا سهل عليا الموضوع جامد
آيه بصدمه: عملتى كل دا ليه ياشهد
شهد : اه استنو اما اكملكو الحدوته...عم احمد مدخلش المافيا من نفسو... عمى دخل باتفاق من جدو وانا اما كبرت عرفت بالاتفاق دا انا وعمر... الاتفاق عباره عن أنه يلعب ع المافيا ويدخل معاهم عشان يقعو..وكان بيجبلنا كل خبر فيها ودا السبب ف القبض عليهم...مانا نسيت اقولكو اصل عموري وبودى مش رجال اعمال..تؤتؤ دول ظباط ف المخابرات المصريه
"صدمه تانيه وقعت ع الجميع...وكلو باصص ليهم بذهول ودهشه..وع راسهم زين"
شهد: لالا انتو هتتصدمو من دلوقتى؟..لسه اللى جاي هيصدمكو اكتر..زينب اى دخلها ف الحوار..زينب كانت عايشه ف ملجأ وفيه عيله اتبنتها..والعيله دى من كبار المافيا..وطبعا هما اللى كانو زقينها ع زينو..وكل دا كان بدون رغبتها ، وانا كنت عارفه هيا اتخطبت لزين ليه..عشان زينب فهمتنى كلو من اول يوم انا وعمر ، وهيا اللى كانت بتتعاون معانا ف كلو ، المافيا اللى كانت شغاله معاهم دول كانو ناويين يوقعو عيله  السيوفي..بس طبعا ميعرفوش وقعو مع مين وحاليا زينب حجزتلها تذكره سفر لاسبانيا..وهتستقر هناك عشان زمان المافيا دول بيتقبض عليهم ، عبدالرحمن بقا مدخلش حياتنا صدفه زي ماكنتو فاكرين.. عبدالرحمن صاحب عمر ف المخابرات..وطبعا كان مترتب انو يدخل عيله السيوفي ع اساس انه صاحب شركات..ودا هيسهل المهمه اكتر ف انو يعرف معلومات عن المافيا لان كان فيه ناس كتير منهم مزروعه ف شاريكاتنا...زينب بقا اى اللى رجعها حيات زين تانى...السبب انا ، كنت عايزه اشوف مقدار حبي عند زين..وكملت بسخرية"...وطلع مفيش..ليه عمر مكانش مفهم زين كل حاجه وهو السبب انا بردو... بصراحه كده مبقاش عندى ثقه فيه ومكونتش عايزاه يعرف وقد كان
اصل عموري كنت قايلالو انو يحكي لزين نص الحكايه،بس معرفش ان زينب مظلومه ولا يعرف ان عبدالرحمن ظابط وانه كان معانا ولا حتى يعرف ان عمر ظابط... والحقيقه انه المفروض كان يلعب ع زينب ويفهمها انه بيحبها عشان نعرف نجيب معلومات عن المافيا وكان يعتبر هو الزعيم بتاعهم بس البيه مكانش يعرف ياعيني ان دبه النمله بعرفها
وان اى كلام بينو وبين عمر كنت بعرفو
وعشان طبعا كان يصدق ان زينب مع العصابه عمى احمد كان بيسجل كلامو هو وزينب.. وزينب كانت بتتعمد تشتم ف زين عشان زين يصدق وكمان عمى احمد كان مفهم زين انه معاه بس كلو كان ماشي بترتيبي...بس ياحرام رغم كل دا حبها فعلا وكان فاكر انه هيفضل مستعبطني كده بس لااا..انا شهد السيوفي يازين..شهد السيوفي اللى ممكن تعيشك ف عذاب ليل نهار..مش شهد الطفله اللى بتضحك وتهزر وكلامها طفولى ... بس عايزه اقولك حاجه يازين..مش انا اللى اتخان ، وانا رديتلك القلم قلمين..شاريكاتك زمانها بتتحجز عليها يازين..انا وقعتهالك يابن السيوفي..ودا رد بسيط اووى ع اللى عملتو فيا...وانا بقول كفايه عليك كده..يلا اتشاااوو بقا ياجماعه اسيبكو تتصافو مع بعض...اه رودي انا مخدعتكيش..انا عمري مافكرت انك وعبد الرحمن هتحبو بعض وتتجوزو واما عرفت كنت عايزه اقولك بس خفت تقعى بلسانك.. وعبد الرحمن ملوش زنب ، هو كان نفسو كتير يقولك بس انا اللى كنت بمنعو..متزعليش منى ومنو ومن عمر...احنا مكنش هدفنا نخدعك كان هدفنا نوقع المافيا وبس.ساميحنا يا رودى وانا اوعدكو ان خلاص مفيش مشاكل تانى ولا حزن ف العيله...سلام ياعيله السيوفي
رودينا شدتها من ايديها:راحه فين
شهد ابتسمت:متقلقيش مش هعمل حاجه ف نفسي انا مش هبله للدرجادى..انا بس محتاجه ارتاح..سلاام
زين شدها ليه:شهد استنى مش هسيبك تمشي عشان خاطري اسمعيني
شهد لوت دراعه وزقته:مبقاش ليك عندى خاطر..وابعد عنى انا بقيت بقرف منك..ورقتي توصلني ف اسرع وقت وياريت تبقا تسلمها لرودي عشان مبقتش عايزه اشوف وشك تانى انا بكرهك يازين..بكرهك وبقرف منك وعمري ف حياتي ماهسامحك...وكملت بسخريه..سلام ياقره عيني
وسابتهم ومشيت
يتبع.....
لقراءة الفصل التاسع عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية عنيد غير حياتي للكاتبة لبنى عبدالعزيز
google-playkhamsatmostaqltradent