recent
أخبار ساخنة

رواية كنت لا أبالي الفصل الأول 1 بقلم رحمة عصام

jina
الصفحة الرئيسية

 رواية كنت لا أبالي الفصل الأول 1 بقلم رحمة عصام

رواية كنت لا أبالي الفصل الأول 1 بقلم رحمة عصام

رواية كنت لا أبالي الفصل الأول 1 بقلم رحمة عصام


_بسخريه: انتِ فاكره أن بشكلك ده ممكن يحبك وتخطفيه مني!!! شوفيني و شوفِ نفسك في المرايه واعرفِ الفرق وبعدين تبقى تفكرِ
=وانا شكلي مالوا عشان ميحبنيش؟؟!
_بأستهزاء: شكلك مقرف وهدومك مقرفه وكلك على بعضك مقرفه والواحد يقرف يبُصلك اصلًا
=ببرود وابتسامه: بكره الأيام هتدور وهتكوني خدمتي وهقولك نفس الكلام وهندمك عليه.....
________________________________
_قلبي ومُفتاحه دول ملك ايديك ومسا وصباحه بيسألني عليك
=الله الله عالجمال
بصيت ورايا لقيته واقف بهيبته المُعتاده وابتسامته الـ تخطف القلب...."
_ملك بأبتسامه: صباح الخير يـ بيه عامل ايه
=عُدي بأبتسامه: انا بخير يـ ملك انتِ عامله ايه
_الحمدلله يـ بيه اتفضل اقعد، العربيه فيها مُشكله ولا ايه
=الكوتش نايم بس
_هخلصهولك حالًا يـ بيه
" انا ملك محمد الجمال بنت الأُسطا محمد الجمال احسن ميكانيكي في منطقتنا والناس كلها تشهد بشطارته، عندي 17 سنه، ماما اتوفت بعد ما ولدتني وبابا سماني ملك وبيناديني بـ مفتاح، ايوه مفتاح متستغربوش وانا حابه الاسم جدا وبفرح بيه رغم المشاكل والتريقه الـ بتقابلني إلا أنه الأسم الأقرب لـ قلبي"
_الأب بسعاده: عدي بيه هنا نورت والله
=عدي بإبتسامه: ازيك يـ اسطا محمد
_انا بخير والله يـ بيه، في مُشكله ولا حاجه؟؟ 
=الكوتش نايم وملك بتعمله اهي
_مفتاح.....انتِ يـ بت يـ مفتاح انجزي البيه مستعجل
=عدي بضحكه: لالا خليها براحتها بس معلش عايز أسألك سؤال
_اؤمر يـ بيه
=الأمر لله، من صُغرها وانت بتقولها يـ مفتاح اشمعنا بتقولها كده
الأب بأبتسامه: عشان المفتاح اهم شئ في حياه الواحد يـ بيه، يعني مفيش حد بيعرف يخش البيت منغير مفتاح، ولا بيعرف ياخد فلوسه من الخزنه منغير مفتاح، ولا بيعرف يركب العربيه منغير مفتاح ولا بيعرف يستخدم اي حاجه منغير مفتاح، عشان كده بناديها بالأسم ده....هي أغلى حاجه ليا بعد امها اللي يرحمها ومبعرفش اعمل حاجه منغيرها. هي الـ شيلاني ولو كنت جبت ولد مكنش عمل الـ هي بتعمله عشاني، كفايه انها من صغرها ملعبتش زي كل الأطفال وجت وقفت معايا في الورشه واتعلمت الصنعه وبقت هي ايدي ورجلي دلوقتى، ولو مُت هكون مطمن على اسمي واسم ورشتي الـ هتفضل مشغلاها ومش هتقفلها ابدًا
_ملك بأبتسامه: بعد الشر عليك يابا متقولش كده دانا حتى بفكر اجوزك 
=الأب بضحكه: بس يـ بت وبطلي لماضه وخلصي الشغل يلا البيه مستعجل
=عدي بأبتسامه: ربنا يخليهالك يـ اسطا محمد وتفرح بيها وتشيل عيالها
_يارب يـ بيه، هستأذنك همشي انا عشان عليا شغل بره
=ربنا معاك يـ اسطا محمد
_انا خلصت يـ عدي بيه وكله تمام
=شكرًا يـ ملك حسابك كام بقا
_ملك بأبتسامه: خلي يـ بيه
=قولي بس يلا
_طيب بص يـ بيه انا الهانم طلبتني اظبط شويه حاجات في عربيتها، هروح اعملها وهقولك الحساب كله
=ماشي يـ ملك ومتنسيش تبلغيني عشان عارفك بتمشي منغير مـ تاخدي حسابك
_ملك بأبتسامه: جمايلكوا مغرقانا والله يـ بيه
=مينفعش برضوا ده تعبك
_حاضر يـ بيه
=يلا سلام يـ قمرايه
_ملك لـ نفسها: والله مـ في حد قمر غيرك
=الأب بأستغراب: سرحانه في أي يـ بت
_ملك بسرحان: يخربيت جماله
=الأب بحده: مفتاااح
_ملك بقلق: انت جيت امتى يـابا
=الأب بسخريه: من ساعه مـ كنتِ بتتغزلي فيه يـ روح ابوكِ
_احم احم، انت جيت بسرعه يعني
=مروحتش لسه، طلعت اكل لقمه ورايح
_ماشي يابا وانا هقفل الورشه وهروح لـ فيلا عدي بيه عشان الهانم طلبتني
=ماشي متتأخريش ومتعمليش دوشه هناك عشان عارفك لمضه
_ماشي يابا
قفلت الورشه وطلعت استحميت وكلت لقمه عشان مكلتش طول النهار ولبست هدمه نضيفه وخدت هدوم الشغل في أيدي ونازله رايحه الفيلا عشان اخلص الـ ورايا، وانا في طريقي للفيلا وفرحانه اني هشوفه تاني النهارده وقفني الحرس وباين أن اليوم مش هيعدي النهارده..."
_اي يـ حلوه رايحه فين كده
=ملك بزهق: الهانم طلبتني في حاجه؟؟
_مجالناش أوامر بـأنك هتيجي استنى دقيقتين هسأل الهانم
=ملك ببرود: اتفضل يـخويا
After 2 minutes
_اتفضلِ
=مـ كان من الأول يـ عسل
دخلت اتمشيت في الجنينه الأول اتفرج عـ الورد وشكله الجميل وألوانه الهاديه وريحته الـ بتسحر اي حد يشمها، وانا بتفرج لفت انتباهي ورده حمره موجوده بين ورد لونه اسود وشكلها جميل جدا، نزلت وقربت عليها عشان اشمها وفضلت بصالها وعجباني جدا بس لو ينفع اخُدها، سمعت صوته من ورايا وهو بيقول....."
_عدي بأبتسامه: عجباكِ اووي كده؟
=ملك بأرتباك: عدي بيه اا ا انت هنا من امتي
حط ايده في جيبه وقرب عليا وقف قدامي وانا من توتري رجعت ورا علطول..."
_عدي بأبتسامه: من ساعه مـ شوفتِ الورده
=ملك بتوتر: اا ا انا ا انا اسفه والله هي بس عجبتني
_بتتأسفِ ليه مش هي عجباكِ خُديها
=ملك بخوف: لالا متقطفهاش سيبها
_عدي بأستغراب: لي؟؟
=ملك بأبتسامه: لو قطفتها هتفضل معايا يومين وهتدبل وتموت، فـ خليها وانا لما اجـ.
_عدي حبيبي مين دي
وانا بكلمه سمعت صوت انوثي في سنة دلع جاي من ورايا بصيت لمصدر الصوت لقيت بنت رفيعه لابسه هوت شورت وتيشرت كت وبتقرب علينا وحضنت عدي وباسته وبتبصلي بصه استهزاء وبتقول...."
_انتِ مين يشاطره
=ملك بتوتر: انا...انا
_عدي بمقاطعه: دي ملك بنت عم محمد الميكانيكي يا جني
=جني بسخريه: اه اول مره اشوفها، معلش يـ حبيبتي لسه متجوزه جديد وجيت من يومين، اعرفك بنفسي...انا جني هانم مرات عدي
_ملك بصدمه: مـ.. مـ.. مراااته!!! 
ووووو
يتبع.....
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية اغتصبت خطيبة أخي للكاتبة مهرائيل ماجد
google-playkhamsatmostaqltradent