recent
أخبار ساخنة

رواية عشقي الجزء الثاني الفصل العشرون 20 بقلم ياسمين مصطفى

jina
الصفحة الرئيسية

 رواية عشقي الجزء الثاني الفصل العشرون 20 بقلم ياسمين مصطفى

رواية عشقي الجزء الثاني الفصل العشرون 20 بقلم ياسمين مصطفى

رواية عشقي الجزء الثاني الفصل العشرون 20 بقلم ياسمين مصطفى

قاسم اخد عشق وطلع ع السطح وكان وراهم ولادهم.....
قاسم: شايفين الهوا جاامد ازاي....

كل واحد راح لمكان مختلف وكل واحد دعا بس ف سره عشان الامنيه تتحقق

قاسم: يااارب احفظ لي مراتي وولادي وصاحبي... يارب احفظهم وبارك فيهم... واجعل كل واحد سعيد ف حياته... ونفضل مستورين لحد ما نموت... يارب مشوفش فيهم سوء ابدا..... يااارب..... باركلي ف مالي وف رزقي وابعد عننا ولاد الحرام... وفرح كل واحد من اولادي.....
عشق بتمني: ياارب.... احفظ لي ولادي يارب وابعد عنهم كل سوء.... واحفظ ليا حبيبي.... ومشوفش فيه حاجه وحشه ابدا.... واحفظ لي جاسر.... يااارب وارحم جدتي وامي وجميع المسلمين.....
يزن: يااارب.... اجمع بيني وبين روضه علي خير من غير مشاكل.... انا بحبها ونفسي تكون من نصيبي وحلالي... يارب باركلي فيها وف عيلتي واحفظهم وباركلي ف حياتي الجايه....
ادم: يااارب ريح قلبي... انا حاسس بقلبي طاير علي طول... كل لما بشوفها بحس احساس عجيب... يارب لو فيها خير قربها مني ولو فيها شر ليا ولعيلتي ابعدها عني... واحفظ عيلتي وبارك لي ف اخواتي واسعد قلب توأمي.....
نور بتمني: يااارب.... ريح قلبي... انا كل اما بشوفه قلبي بيفضل يدق كتيير يااااارب بارك لي فيه واحفظه..... وبارك لي ف عيلتي واخواتي.... ووفقهم ف حياتهم ونفضل دايما متجمعين......
مراد ل نفسه: اي دا انا هدعي ب ايه بس.... اااه يااارب انت قادر علي كل شيئ نجحني ف تالته ثانوي... عشان خاطر ابويا الغلبان دا وامي الشقيانه دي... ياارب اعمي نظر المصحح من علي الغلط اللي ل الورقه.... ياارب المدرسه تولع ب اللي فيها... لا حرام يارب المدرسه تولع ب المدير بس.... يااارب المدرس تتهد... لا كدا هضطر اني اروح مدرسه غيرها..... يارب طارق شوقي يموت..... لالأ حرام دا راجل كبير وعنده اولاد.... يارب انا زهقت... يارب اللي فيه الخير قدمهولي.... اللي هو ان انا انجح ان شاء الله......ياارب فيروز تحبني....لا دي بت مغروره.... يااارب البت نورا تحبني....ااه هي نورا....يااارب انا طيب وغلبان......1

يزن:تحبك علي ايه يامعفن...دا انت مبتستحماش يلا....

مراد:انت سمعت من اول فين.....

يزن:من اول نورا يا خفيف
مراد:طيب الحمد لله....

يزن:حاسب كدا عشان اعدي....

مراد:كام الحساب....

يزن بيعض علش شفايفه:عديني....

مراد:البقاء لله....

يزن بصله ب استفهام....

مراد حاوط يزن ب ايده:هقولك يا اخويا....عديني دي علي وزن عزيني فهمت....مبتفهموش ازاي يامتعلمين يابتوع المدارس.....

مراد:كفايه عليك كدا...سلام....ونزل تحت بسرعه....

اما عند عدي ف الجهاز......

عدي:ياارب احمي عيلتي يارب واحفظهم ياارب....واحميهم من شر سيرين.....

اما جسر:يارب احفظ لي حبيبتي وعيلتي ياارب ونفضل دايما ايد واحده......

اما عند رسيل وفرح...
رسيل:يارب احفظ لي عدي وخليه يسامحني.....وبارك ليا ف بناتي.....

فرح:يااارب احفظ ليا جاسر وابعد عنه كل شر ياارب....واحفظ لي عيلتي وحسن العلاقه بيني وبين اختي دي....

_________________________
اما عند روضه.....
روضه:يارب احفظ لي يزن ياارب واجمع بيني وبينه علي خير وبارك لي ف عمر بابا...انا مليش غيره.....

مي:يااارب ريح قلبي يارب انا مضطربه يااارب ريحني....

رضوان:ربنا يريح قلبكوا يا ولادي ياارب....
********
اما عند جمال.....

جمال بتمني:يارب انا بحبها يارب....ياارب انا مش قادر اعيش من غيرها يارب حببها فيا يااارب وعلقها بيا زي ما انا متعلق بيها كدا ياارب....

زينه:ربنا يريح قلبك ياجمال انا عارفه ان الموضوع فيه بنت....
____________
فاارس:بتمني النهارده انها تحبني زي ما بحبها ياارب اجعلها من نصيبي........

________________________
قاسم:يالا ياولاد عشان السحور......مراد...مراد راح فين....

يزن:نزل...

قاسم: نزل.... نور نادي علي رسيل وفرح عشان نتسحر، مع بعض....

نور ببسمه: حاضر يابابا..... ونزلت نور ونزل وراها قاسم وعشق لشقتهم وطبعا معاهم ولادهم
ويزن دخل اوضته اللي مفروض هي اوضه ادم.....
يزن خبط ع الشباك.  .
مي ببسمه: دا اكيد يزن انا هروح اوضتك... سلام....
مشت مي وفتحت روضه الشباك
يزن: اتمنيتي ايه.....
روضه ببسمه: مش لازم نقول الامنيات عشان تحقق....
يزن: خلاص متقوليش....
روضه ببسمه: رمضان خلص معتش غير يومين.....
يزن: كل سنه وانتي طيبه ياروضتي ورمضان الجاي تكوني ف
بيتي....
روضه: ايه الكلام دا يا يزن
يزن: اي الكلام مش عاجبك....
روضه: انا مبحبش الكلام دا....
يزن وهو بيمثل انه هيمشي: خلاص اروح ادور علي واحده بتحب الكلام دا...
روضه بشراسه: عشان اقتلها واقتلك....
يزن بضحكه: اموت فيك يا شرس انت....

روضه قفلت الشباك....
يزن: افوشه اوي روضه... بس عسل يخربيت جمال ابو امها.... هههههه....
مراد:يزونتي حبيبي....
يزن: انجز عايز ايه....
مراد ببراءه: موبايلك....
يزن: ولا وش البراءه دا مش عليا دا انا خابزك وعجنك انجز...

مراد ببراءه: تليفوني اتكسر وعاوز افسفس شويه....
يزن: افسفس.... امسك اهوو....

مراد: شكرا يبيبي......
يزن: دك قرف يقرفك يابعيد.... ومشي وسابه.....
ونور نادت علي رسيل وفرح وفعلا كلهم اتسحروا مع بعض وصلوا الفجر وناموا......
****************★
في صباح يوم جديد......
في فيلا عز الدين نور....
جمال كان نازل ومعاه شنطه هدومه.....
زينه: ايه ياجمال اخد شنطتك ورايح علي فين بدري كدا.....
جمال: خلاص يا امي الشقه جهزت وكل حاجه تمام ناقص بس اني انقل فيها......
زينه: ماشي ياجمال... بس ابقي طمني عليك كل شويه.... وخلي بالك من نفسك ومن اكلك واهتم بنفسك هااا....
جمال باس راس زينه: حاضر يا امي سلام عشان متأخرش علي....
زينه بحذر: علي ايه؟
جمال: اقصد يعني متأخرش ع الكليه وانتي عارفه اني لسه هروح الشقه اول... 
"وطبعا جمال كذب لان مفيش،كليه"

زينه: ماشي يابن بطني.... سلام....
جمال:سلام يا امي....ثواني فين بابا....

عز الدين:انا هنا ياجمال معقول تمشي قبل ما تسلم عليا.....

جمال حضنه:ازاي بس يابابا دا انت الخير كله...

عز:خلي بالك من نفسك ياحبيبي....انا وافقت انك تبعد لانك بقيت راجل وعارف انك مش هتعمل حاحه غلط....

جمال:هعمل اي يعني....سلام
عز:خلي بالك من نفسك...

_____________________________________♕

في شقه قاسم......
نور بحزن: يعني احنا هنمشي من هنا يابابا... مينفعش نقضي العيد هنا....
قاسم: لا ياحبيبي عادي لو موافقين....
يزن بسرعه: انا موافق....
فايم: ماهو  الموضوع ف صالحك....
مراد: وانا موافق مع اني متأكد اني رأيي هو اللي هيحدد....
ادم ببسمه: وانا معنديش مشاكل.....
عشق: المكان اللي فيه عيلتي اكيد هبقي موجوده فيه....واكيد رسيل وفرح معندهمش مشكله.....
قاسم: خلاص خلينا قاعدين اسبوع العيد هنا.....
نور بفرحه: يسس..... ممكن اطلع ع السطح شويه ولا ايه..

قاسم: طبعا ياحبيبي... اطلعي....
نور: طيب لو عزتوا حاجه اندهوا عليا.....
وف نفس الوقت دا....
ووصل جمال لشقته اللي فوق شقه عم رصوان واللي مقابله للسطح بتاع بيت قااسم....

جمال بيبص ف الشقه:لا حلوه.....وبعدين فتح الشباك.....وبيبص كدا لقي واحده قاعده وكذب عنيه......

جمال بصدمه:نور....

نور رفعت عنيها كدا وقالت بصدمه:دكتور جمال احييييه.....

جمال بصدمه:اي دا هو انتي ساكنه ع السطح....وشاور ع الاوضه....

نور:اوضه ايه حضرتك....انا ساكنه تحت بس دا بيتنا ف عادي اطلع علي سطحنا.....

جمال ببسمه:مش مهم...المهم انتي عامله ايه
نور:انا تمام اوي الحمد لله.....

جمال:طيب الحمد لله.....

نور:عن اذنك بقا حد بينادي عليا....

جمال بسرعه:استني خليكي معايا شويه....

نور:نعم...

جمال:اقصد يعني خليكي لو مدايقك ادخل انا....

نور ببسمه:لا عادي انا هنزل لان حقيقي مراد بينادي عليا....

جمال بغيره:مراد مين....

نور:مراد اخ...وانت مالك....

جمال:تؤتؤتؤ عيب في بنت محترمه تكلم دكتورها ب الاسلوب دا.....

نور بشراسه:اولا انا محترمه غصب عن عينك....تاني حاجه بقا ان احنا برا الجامعه يعني انت دلوقتي مش دكتوري فااهم يجدع انت...
جمال:يبنتي ايه اللي حصل مش كنا حلوين مع بعض...

نور:اختار كلامك كويس يا استاذ عضلات....

مراد:اي يبنتي مش بقالي سنه بنادي عليكي اووووه...مين الصاروخ دا يابت يا نور.....

نور:مرررااد....احم دا دكتور جمال.....

مراد بتسبيل:دكتور جمال وهو كله جمال....دكتور ايه دا بقا...لا استني هخمن انا دا دكتور نفسي عشان اول ما بصيت ف عنيه مشاكلي اتحلت علطول....

جمال بضحكه رجوليه دخلت قلب نور:انت مش معقول...سكر اوي....

مراد:سكر ولا شاي
جمال:مش معقول بجد هههه.....

نور بحده:مراد يالا ننزل...وشدته...

مراد:استني بس اسأله سؤال...عيونك دول ولا لينسز ياجميل.....

نور:لما اروح لبابا بس امشي....

مراد:سلام يادكتور....

ونزلت نور ومعاها مراد....

نور:اومال فين ادم.....

عشق:ف اوضته....

راحت نور ل اوضه ادم لقته بيذاكر.....
نور:بتعمل ايه......

ادم.:اوووف دي ماده بارده ودكوورها ارخم منها.....

بصت نور ع اسم الماده...

نور:مش عايزه اصدمك واقولك اني شوفت دكتورها ع السطح،....

ادم:انتي عبيطه هيعمل ايه ع السطح.....

نور:قسما ب الله شوفته ع السطح....كنت قاعده لقيت حد بيقول نور...ببص لقيته هو....وفتحت الشباك...وقالتله
نور:بص فوق كدا.....

بص ادم لفوق لقي فعلا ان الشباك مفتوح.....

ادم:يعني انتي عايزه تعرفيني ان اللي اخد الشقه جمال عز الدين الدكتور بتاعنا.....

جمال برخامه من فوق:اااه انا اللي اخدت الشقه...ازيك يا كابتن ادم.....

ادم ببسمه:الحمد لله كويس.....وحضرتك....

جمال ف نفسه:الواد دا بقا محترم كدا ليه....وقال بصوت عالي انا الحمد لله.....

ادم:حضرتك الماده بتاعتك دي رخمه اووي انا اسف يعني...

جمال ف نفسه:ااااه الواد دا مصلحجي بيكلمني حلو عشان اشرحله الماده...كدا انا فهمت...وقال بصوت....لو فيها اي مشكله تعالالي وانا هشرحهالك....

ادم بفرحه:بجد....طيب ماشي شكرا جدا....

جمال ببسمه:وانتي يانور لو عايزه حاجه بردو....

ادم بمقاطعه:لا نور مش عايزه حاجه ولو عازت انا هفهمها وبعدين هفهمهالها وكمل ببسمه صفرا....

ادم:هدخل انا بقا عن اذنك وقفل الشباك.

نور بضحكه:من امتي القبول دا....

ادم:انتي عارفه ان مادته رخمه اووي وهو شاطر وانا مش هعرف افهمها ومش معقول نبقي كل سنه من اوائل الجمهوريه ونيجي هنا ونخيب ولا ايه.....

نور ببسمه:عندك حق والله....

ادم بتحذير:نور دلوقتي مينفعش تطلعي ع السطح...لانه هيبقا قدامك.....

نور ببراءه:يعني انت عايزني احبس نفسي ف الاوضه يا ادم.....

ادم:لا يانور....بس هنطلع مع بعض ولا حاجه....

نور:بجد...

ادم:ااه والله...

مور:طيب خلاص ماشي.....اي دا تليفوني فين.....

ادم:اوعي تكوني نستيه فوق....

نور:للاسف نسيته.....

ادم:هطلع اجيبه....

نةر بسرعه:هاجي معاك.....

ادم:ليه....

نور:اقصد يعني هاجي معاك عادي انا ملحقتش اقعد فوق.....

ادم:طيب تعالي......

وخرجوا برا ف قال ادم....

ادم:بابا هي الشقه اللي فوق عم رضوان سكنت.....

فاسم بدهشه:ازايي...

ادم:انا بسأل عادي هو فيه حاجه....

قاسم:العمارتين دول بتوعي انا وعمك عدي...اللي احنا عايشين فيها دي واللي عم رضوان عايش فيها بتوعي.....ومحدش يقدر يبيع غير بموافقتي انا او عدي....

يزن:ازاي كدا....

قاسم طلع تليفونه:الو عدي....

عدي:ازيك يا قاسم....

قاسم:انا الحمد لله بخير....كنت عايز اسألك علي حاجه....

عدي:في حاجه حصلت ولا ايه....

قاسم:لا عادي حاجه مش مهمه اووي بس كنت عايز اسألك هو انت بعت الشقه اللي فوق عم رضوان......

عدي:لا ابدا....انا مبعتش حاجه وانا هبيعها ليه هو ايه اللي بيحصل.....

قاسم:فيه واحد ساكن فوق عم رضوان.....مين دا اللي يتجرأ ويبيع شقتي بعقد مزور...

عدي:طيب ياقاسم حل انت الموضوع....انا مش هقدر اجي....

قاسم:طبعا هحله انا عطيت العماره كلها لعم رضوان بس هو رفض ياخد العقد وقال اخليه عندي...سلام يعدي عشان لو وراك شغل.....

عدي:سلام.....

يزن:قالك ايه يابابا.....

قاسم:قال انه مبعش حاجه.....

يزن:ازاي....اومال اللي ساكن فوق دا سكن ازاي من غير ما حد يبيع.....

قاسم:اكيد فيه سوء تفاهم.....يزن تعالي معايا لما نشوف الموضوع دا....

عشق:قاسم هو فيه حاجه وحشه ولا ايه...

قاسم:لا ياقلبي.....هنحل الموضوع وخلاص.....

مراد:بابا اجبلك سلاح....

عشق:ولد...

مراد:يا امي م انا عارف اني ولد.....اجي معاك يابابا...انا صاحبه وهحل الخلاف....

مشي قاسم ووراه يزن فقال مراد....

مراد:وافق...اخيييرا فرصتي جت...وطلع يجري ورا ابوه واخوه......

***************
ف شقه جمال....

جمال:اخيرا شوفتهااا...انا مش مصدق اني لقيتها ب السرعه دي وكمان من حسن حظي انها ساكنه ف الدور الاخير....

سمع جمال صوت الجرس...ف راح يفتح....

جمال:اتفضلوا....

قاسم:انت المستأجر الجديد....

جمال:لا الحقيقه انا مش مستأجر...انا مالك....

مراد:لا انت مش مالك...انت جمال....

يزن:بس يامراد دلوقتي....

قاسم:ايه مش هتقولنا اتفصلوا ولا ايه.....

جمال ببسمه:لا العفو اتفضلوا البيت بيتكوا....

يزن:ما هو فعلا بيتنا.....

جمال ف نفسه:اي البجاحه دي....

قاسم دخل وقعد....وطبعا يزن ومراد....

جمال ببسمه:كان بودي اقلكوا تشربوا ايه بس الدنيا صيام....

قاسم ببسمه:مره تانيه ان شاء الله.....كنت عايز اشوف العقد بتاع حضرتك.....

جمال ببسمه واستغراب:العقد مش معايا....

قاسم:اومال فين....

جمال:ثواني.....ورن علي المساعد بتاعه اللي بينظمله كل حاجه.....

جمال:ثواني وتبقي ف شقتي الجديده... ومعاك كل حاجه خاصه ب الشقه.....
وقفل من قبل ما يسمع الرد.....

جمال ببسمه:هو انا ممكن افهم في ايه....

قاسم:تقريبا كدا اللي عطاك الشقه ضحك عليك.....

جمال قام وقف:يعني ايه انا مستحيل اسيب الشقه دي.....

قاسم:اقعد يا استاذ....

جمال:جمال اسمي جمال....

قاسم:اتفضل يا استاذ جمال....

جمال:ممكن نتناديني ب اسمي علطول من غير استاذ.....ممكن اتشرف  بحضراتكوا....

قاسم:معاك قاسم الجوهري....

جمال حس ان الاسم سمعه قبل كدا:قاسم الجوهري...اووو...رجل الاعمال المعروف قاسم الجوهري....

قاسم:ب الظبط..ودا يزن ابني ودا مراد...

مراد:اعطيني فرصتي يا والدي...وكمل بغرور معاك مراد قاسم....وشغلتي هي فك الاعمال اللي والدي بيعملها....هو رجل اعمال وانا بفكها ههههه

قاسم:مراد..
مراد:حاضر هسكت....

جمال ببسمه:سكر..اووي...ممكن افهم ايه الموضوع بقا....

قاسم:هقولك واوعي تقاطعني.....انا قاسم الجوهري....صاحب العماره دي واللي قصادها....والبيت دا كله ملك ليا...والظاهر ان اللي عطاك البيت مأخدش المعلومات الكامله عن صاحبه....لان تقريبا انا مش باجي هنا غير مره واحد ف السن وهو ف شهر رمضان الكريم.....وتقريبا اللي عطاك البيت دا نصاب واكيدالعقد مزور....وان شاء الله هنحل الموضوع مع بعض من غير اي اجراءات حكوميه...لان البيت دا انا عطيه لواحد...عنده بنات مينفعش شاب يفضل طالع نازل عليهم...

جمتل بحكمه:بص حضرتك.....انا جيت هنا ب اعجوبه لان انا كليتي قريبه من بيتنا...وممكن تسأل علي اخلاقي....ف الوسط بتاعي...اسأل عن اخلاق جمال عز الدين.....عمري ما فكرت ابص لأي واحد...وكمل بحب لأن فيه واحد بس اخدت قلبي كله ومبقاش ملكي....ومفيش اي حد ف الدنيا دي يقدر ياخد مكانها او يملا عنيا...

قاسم:طيب انت راجل محترم وكل حاجه بس متتساش انك شاب...

جمال:انا مستعد ادفع فلوس الدنيا كلها مقابل اني اعيش ف الشقه دي....لان الشقه دي هي اللي بتديني الروح.....

يزن:انت لسه جاي من يومين وبتقول بتديك الروح انت عبيط....

قاسم:يززن...مش كدا....

يزن:مش سامعه بيقول ايه.....

قاسم:ممكن تقولي انت دخلت منين ياجمال.....

جمال:دخلت من الباب الخلفي لان المساعد قالي ان الباب اللي قدام بايظ.....

قاسم:وطبعا الباب الخلفي بيطلع علي هنا علي طول من.غير ما يطلع ع الشقه اللي تحت......

وصف عماره قااسم....
العماره اللي قاسم عايش فيها 4 ادوار......
الدور الاول فيه جراچ...ومخزنين....
الدور التاني فيه شقه قاسم وعدي ومفتوحين ع الدور التالت.....الدور الرابع موجود فيه السطح.....

والعماره اللي ساكن فيها عم رضوان
الدور الاول فيه محلين....

والدور التاني مفتوح ع التالت.....
اما الدور الرابع ساكن فيه جمال واللي قصاد السطح بتاع قاسم.....

اما ب النسبه للسلم ف فيه بابين...الباب الامامي بيطلع علي شقه عم رضوان.....لكن مبيوصلش لشقه جمال....والباب الخلفي بيوصل لشقه جمال لكن مبيوصلش لشقه رضوان....

عوده....

جمال:اديك قولت اهو...ان السلم بيطلعع شقتي علطول من غير ما يعدي علي شقه الجيران....

يزن:ما قولنا هتخرج منها....

قاسم:يزن.....بص يبني....انت المفروض تخرج من الشقه دي....

جمال:انا مستعد ادفع ثروتي مقابل اني اعيش هنا....ورن علي  المساعد...

جمال:انت فين يازفت..

المساعد:انت اللي فين حضرتك.....انا ف الشقه ومحدش موجود فيها.....

جمال:انا ف الشقه انت اللي فين....

المساعد:هو حضرتك فين....

جمال وقف ف الشباك...:انت اللي فين....انا ف شقه قدامها كافيه...

المساعد نزل بسرعه من الشقه:انا واقف عند القهوه حضرتك فين....

جمال:بص فوق يازفت....

بص المساعد لفوق:ايه بس اللي  ودي حضرتك عندك....انا طالع....

وفعلا طلع المساعد وفتح له جمال
دخل المساعد ويدعي احمد....

احمد:حضرتك ايه اللي جابك هنا......

جمال:انا سألت ع الشقه وقالولي هي دي الشقه الوحيده اللي فاضيه ف الحي....

احمد:ازاي كدا بس...اومال الشقه اللي انا شريها لحضرتك.....

جمال:بص انا مليش دعوه الشقه دي عجبتني وانا عايزها.....

احمد:حضرتك بس مش دي الشقه اللي انا جبتهالك....

جمال:انا مليش دخل انا عايز الشقه دي....استاذ قاسم صاحب البيت ممكن تتفق معاه.....وبص لقاسم...انا مستعد ادفع ثروتي كلها مقابل الشقه دي......

قاسم:تدفع لحد كام......

جمال:اي مبلغ حضرتك تطلبه انا موافق.....

قاسم:5 مليون جنيه.....

يزن ومراد واحمد بصدمه:كاااااااااام؟
يتبع .....
لقراءة الفصل الحادي والعشرون : اضغط هنا
لقراءة باقي فصول الرواية : اضغط هنا
google-playkhamsatmostaqltradent