recent
أخبار ساخنة

رواية عشقت ضابط مخابرات الفصل الثامن والعشرون 28 بقلم رقية محمود

jina
الصفحة الرئيسية

 رواية عشقت ضابط مخابرات الفصل الثامن والعشرون 28 بقلم رقية محمود

رواية عشقت ضابط مخابرات الفصل الثامن والعشرون 28 بقلم رقية محمود

رواية عشقت ضابط مخابرات الفصل الثامن والعشرون 28 بقلم رقية محمود


وواقفين قدام الغرفه التى بها سليمان بعد وقت خرج الدكتور ذهبوا اليه
جورى: هو فاق يادكتور
الدكتور: اه فاق
جورى : طب هو حصله ايه
الدكتور بأسف: للاسف المريض تعرض لصدمه ادت الى شلل يعنى ميقدرش يتكلم ولايمشى تانى
جورى ببكاء: يعنى مفيش امل يادكتور ان هو يمشى تانى
الدكتور بيأس : دى حاجه بتاعت ربنا ياانسه
ادم نظر له بحده وقال له بغضب مكتوم: مدام يااستاذ واتفضل على شغلك
هرب الدكتور من امامه وحمد ربنا انه هرب من امام هذا الوحش
عند ادم وجورى وهاجر وحمزه
كانت جورى واقفه تبكى
ادم نظر الى جورى وجدها تبكى
ادم بحده: ممكن اعرف انتى بتعيطى ليه انتى المفروض تكونى فرحانه جدا ان ربنا جاب حقك
نظرت له جورى والدموع تهبط على وجنتيها وقالت له بصوت مختنق : علشان هو مهما كان اللى ربانى وأكلنى وبعدين انا عمرى ما افرح فى حد ربنا بلاه بحاجه فى صحته
ادم : بس دا عقاب ربنا على اللى هو عمله
جورى: بس دا عقاب صعب اوى انت متخيل ان هو يفضل قاعد على كرسى على طول وكمان ميقدرش يتكلم وان هو يقول عايز اكل او اشرب
ادم بحده: بس دا واحد مش يستاهل ان حد يعيط عليه دا بالعكس سليمان دا شيطان انتى متعرفيش انا فرحان فيه ازاى
نظرت له جورى وقالت بحده : انت ازاى فرحان فيه حرام عليك المفروض تتدعى ان هو يقوم بالسلامه مش معنى انى انا بكرهوا يبقا انكر اللى هو عمله
ضحك ادم بسخريه وقال: اه تقصدى التعذيب اللى عذبه ليكى
هبطت دموع جورى بغزاره وقالت : هو اه عذبنى كتير و اوى كمان وانا بكرهوا فوق مما تتخيل بس مش معنى انى افرح او اشمت فى حد تعبان
تدخلت هاجر قائله: ايه يابنى انت وهى بطلوا خناق وبعدين ياادم جورى معاها حق مهما سليمان عمل بس هو دلوقتى فى ازمه وانا وجورى بنكرهوا و اوى كمان بس انا علمت جورى من وهى صغيره ان هى عمرها ماتفرح او تشمت فى حد تعبان
نظر لها ادم ولاول مره يحس بالانكسار وقال لها بصوت مختنق: انتى تقصدى ان امى معلمتنيش وانا صغير انى عمرى ما افرح او اشمت فى حد تعبان
هاجر بحنان: حبيبى انت فهمت غلط انا مش قصدى كدا خالص انت عندى زى جورى بالظبط
جورى : انا هدخل اشوفه
ادم نظر لها وقال: الله هما طولك ياروح انا مش عارف انتى ازاى يجيلك قلب انك تتدخلى وتشوفيه بعد اللى عمله معاكى
جورى بقوه : علشان انا عمرى ما انكر الجميل مين هيدخل معايا
هاجر : انا هاجى معاكى
نظرت جورى الى حمزه
حمزه : انا هدخل
نظرت جورى الى ادم
ادم : ايه مالك بتبصى كدا ليه
جورى: مش هتدخل
ادم بخبث: يعنى انا اللى هطلع وحش مابينكم يلا
ودخلوا جميعهم عند سليمان الغرفه
"بقلم رقيه محمود"*روكا*
***************************
عند احمد فى المستشفى فى الغرفه كانت الممرضه واقفه تغير له على الجرح
احمد: هى البنت اللى اسمها ريهام مش هتيجى انهارده
الممرضه : والله يااستاذ احمد انا معرفش هتيجى وال لا
صمت احمد مره اخرى وانتهت الممرضه من التغير على الجرح وخرجت من الغرفه
عند احمد
احمد يحدث نفسه : انا مش عارف البنت دى شدانى اوى ليه ممكن علشان وقفت جمبى ونادر اما نلاقى حد يقف جمب شخص محتاج مساعده
"بقلم رقيه محمود"*روكا*
****************************
عند ريم خارجه من الامتحان تبكى وجدت الفون بيرن وكان المتصل زياد
زياد بابتسامه: ايه عملتى ايه فى الامتحان
ريم ببكاء: فى سؤال معرفتش اجاوب عليه
زياد كشر: ليه هو انا مش فهمتك امبارح الماده وانتى قولتى فهمتى
ريم ببكاء: والله فهمت وكويس بس السؤال كان ملغبط اوى
زياد باستغراب: ملغبط ازاى
ريم : ملغبط يعنى ليه كذا إجابه
زياد بغيظ: طب طالما انتى عارفه ان هو ليه كذا اجابه معملتيش ليه السؤال
ريم بغيظ: هو انا بقولك علشان تقعد تقولى عملتى وال معملتيش
زياد بغيظ: يابت مش بشوفك عملتى ايه المهم باقى الامتحان عملتى فيه ايه
ريم مسحت دموعها وتكلمت بفرحه: لا الحمدلله باقى الامتحان صح
زياد ابتسم : طب شاطره انتى عندك بكره امتحان
ريم : لا
زياد : عندك امتى
ريم : بعد يومين
زياد : طب ايه رايك نتغدا بره
ريم بحماس: اشطا يازيزو
زياد ضحك عليها وقال: اشطا ياريرى خليكى عندك وانا هاجى اخدك
ريم بغباء: وانت عارف مكان المدرسه اصلا
زياد ابتسم : دا انا زياد المنشاوى اكيد يعنى عارف المكان
ريم بابتسامه : ياواثق انت
زياد ضحك وقال: طيب خليكى عندك وانا مسافه السكه واكون عندك
ريم بحماس: اشطا
قفل معاها زياد وقام واخد الچاكت وخرج من الشركه وركب عربيته وذهب عند ريم
"بقلم رقيه محمود"*روكا*
**************************
عند ريهام خرجت من الامتحان وهى مبسوطه وركبت العربيه وبعد وقت قليل كانت فى البيت
محمد : ايه ريهام عملتى ايه
ريهام بفرحه : الحمدلله الامتحان كان حلو
سيدرا : السؤال اللى انا شرحته امبارح جالك
ردت عليها ريهام ببرود وقالت : لا
سيدرا : طب جاوبتى حلو
ريهام : اه
سيدرا بفضول : بس انا برضو ياريهام معرفتش انتى عايزه تتدخلى ايه
نظرت لها ريم وقالت بقوه : قولتلك انتى مالكيش الحق انك تعرفى انا عايزه ادخل ايه ومش عايزه ادخل ايه وياريت متتدخليش فى حياتى
محمد بغضب: ريهام التزمى حدودك الا قسما بالله اقوم اكسر دماغك
سيدرا بحده : انت مالكش دعوه انا وبنتى متتدخلش انت
ريهام بصراخ: دلوقتى افتكرتى ان انتى عندك بنت
سيدرا بحنان: حبيبتى انا طول عمرى فكراكى انتى وادم ومفيش ام ممكن تنسى اولادها
ريهام بغضب : بس ممكن فى ام تمشى وتسيب عيالها عادى جدا هى دى الام بالنسبه ليكى ياسيدرا هانم
سيدرا بهدوء: حبيبتى انتى عارفه انا مشيت ليه
ريهام ضحكت بسخريه وقالت: علشان انتى واحده انانيه مش بتحب غير نفسها انا معرفش انتى ازاى جالك قلب انك تمشى وتسيبى عيالك كدا بجد انتى مستحيل تكونى ام وجرت من امامها على غرفتها
عند سيدرا ومحمد
محمد بحزن : سامحينى ياسيدرا
سيدرا بأمل: إن شاء الله ادم وريهام يسامحونى
محمد : إن شاء الله
"بقلم رقيه محمود"*روكا*
**************************
عند اسر وشهد
اسر قام ولبس ملابسه واخد دليل حبس عاصم
شهد وهى تمسك دماغها: انت رايح فين
اسر بجمود: رايح احبس ابوكى
شهد بتعب: اسر حرام عليك متعملش كدا علشان خاطرى
اسر بلا اهتمام : انا قولت اللى عندى سلام
وخرج من البيت وتركها
عند شهد قاعده تبكى فى صمت
شهد تحدث نفسها وتبكى: يارب صبرنى يارب وقعدت تتالم من وجع راسها وقالت لا انا مش قادره ومسكت الفون واتصلت على الدكتور الخاص بالعيله وهو من كان يعالج امها قبل ان تتوفى
شهد بتعب : الو يادكتور
الدكتور: ازيك يااستاذه شهد عامله ايه
شهد بتعب : مش كويسه خالص يادكتور
الدكتور بقلق: ليه مالك
شهد ببكاء: مش قادره صداع جامد اوى
الدكتور: بقاله قد ايه
شهد ببكاء: شهر كامل
الدكتور: طب اهدى وتعالى عندى فى العياده
شهد : حاضر
وقامت شهد ولبست ملابسها وخرجت من البيت وركبت تاكسى وذهبت الى عياده الدكتور
"بقلم رقيه محمود"*روكا*
******************************
عند سليمان فى الغرفه
كان ادم وجورى وهاجر وحمزه واقفين
جورى بشفقه: الف سلامه عليك
ادم بخبث: ياريتها كانت جت ساكته قلبيه وخلصنا منك وكنت انت ياسليمان استريحت بدل ماتفضل قاعد على كرسى متحرك
نظر له سليمان بغل وكره
ادم ضحك بسخريه وقال: اه شمتان فيك وفرحان فيك وعارف النظره دى بتقول ايه انك مغلول منى وبتكرهنى بس هنقول ايه دا عقاب ربنا علشان شرك واللى عملته
فهو ضابط فى المخابرات ويعرف نظرات الناس بتقول ايه
جورى بحده : ادم كفايه كدا وبعدين احنا مش هنسيبه احنا هناخده معانا البيت
ادم بغضب: نعععععم تاخدى مين ليه هو عيل صغير هتاخديه تربيه هو مش عنده اهله يبقوا هما ياخدوه ويعالجوه إن شاءلله يولعوا فيه احنا مش لينا دعوه لان اللى زيه ميستاهلش يتعامل كويس وانا والله معرفش انتى ازاى كدا حقيقى انا مش فاهم انتى بتحبيه وال بتكرهيه
جورى بكره : سليمان دا اكتر واحد بكرهوا بس
قاطعها ادم بحده : اومال ازاى عايزه تاخديه وتساعديه
جورى : اديك قولت تساعديه انا عايزه اعمل كدا كأنى برد الجميل اللى هو عمله
ادم محاولا السيطره على اعصابه قال: انا مش عارف هو عمل جميل ايه علشان ترديه إن هو كان بيعذبك وان هو كان بيخليكى تنامى معيطه
جورى بقوه : لا ياادم الجميل اللى هو عمله ان هو ربانى وأكلنى وشربنى انا مش وحشه علشان انكر اللى هو عمله
ادم بتفكير : خلاص ماشى انا موافق نرد الجميل بطريقه تانيه
جورى باستغراب: ازاى يعنى
ادم : بصى احنا هنتصل بعيلته وهنقولهم على اللى حصل ان هو اتشل وهما ياخدوه واحنا ندفع مصاريف العلاج
جورى: وهما بقا مش هيقولوا طب ما مراته هى اللى تراعيه
ادم : عادى هنقول ان هو طلقها قبل اما يتشل
جورى : هيقولوا اتشل من ايه
ادم : عادى قداء ربنا حد يقدر يعترض
جورى : ونعمه بالله
ادم : انا قولت اللى عندى
جورى بحيره : مش عارفه كدا صح وال غلط
ادم : اولا هو صح ثانيا هو دلوقتى مالهوش اى علاقه بيكى او امك لان هو طلق امك قبل اما يتشل وكمان انتى مش بنته يبقا كدا خلاص انتى مش مجبوره انك تاخديه وتراعيه عايزه ياستى تردى الجميل انا قولتلك ندفع كل مصاريف العلاج
هاجر بخوف: بس كدا هيعوفوا ان جورى مش بنته
ادم باستغراب: طب وفيها ايه
هاجر بخوف: لا فيها كتير ان كدا اهلى هيعرفوا وكدا انا قاطعتها جورى
جورى بغضب: انتى لسه بتعملى حساب لاهلك اهلك دول اللى جوزوكى غصب عنك اهلك اللى رموكى ومرفعوش حتى سماعه التلفون يشفوا انتى عامله دول كإنهم اما صدقوا انك اتجوزتى
نظرت لها هاجر ودموعها تهبط على وجنتيها وقالت : عندك حق ومسحت دموعها واكملت كلامها انا هبقا قويه ومش هخاف منهم تانى
اكتفت جورى بالابتسامه لها
وصمتوا بعض الوقت حتى قطع الصمت صوت جورى
جورى : انا موافقه ياادم على اللى انت قولته
ادم : تمام هاتى رقم اى حد من اخواته
جورى : انا معايا رقم اخوه الكبير عمو صلاح
ادم : طيب هاتى الرقم
اخد الرقم من جورى واتصل على اخوه الكبير
ادم : سلام عليكم
صلاح بصوت رجولى: وعليكم السلام ورحمه اللى وبركاته
ادم : الاستاذ سليمان اخو حضرتك
صلاح : مالوا اخويا سليمان
ادم : للاسف اخو حضرتك اتشل
صلاح : بتقول ايه اخويا اتشل
ادم : اه
صلاح : وفين مراته وبنته
ادم : موجودين
صلاح بعدم اهتمام: وانت عاوز ايه
ادم : عاوزك تيجى تاخد اخوك وتاخد بالك منه وتراعيه وانا هدفع مصاريف العلاج
صلاح : وانت هتدفع مصاريف العلاج ليه
ادم بجمود: علشان ارد الجميل اللى هو عمله مع جورى
صلاح باستغراب: جميل ايه وتعرف جورى منين
ادم بنفس الجمود: جورى تبقا مراتى والجميل اللى هو عمله ان هو ربى جورى وهى مش بنته
صلاح بغضب: ايه جورى اتجوزت من غير ماهو يقول لينا ولاحتى نعرف حاجه
ادم : هو دا كل اللى هامك مش هامك اخوك اللى اتشل وبعدين بقولك جورى مش بنته يعنى انت مالكش اى حقوق فهمت وال لا
صلاح بعصبيه : ازاى مش بنته
ادم ببرود: اخوك مش بيخلف
صلاح باستغراب: ولما هو مش بيخلف جورى يبقا ابوها مين
ادم بجمود: بقولك ايه ياراجل انت انت مالكش الحق تعرف اى حاجه ويلا اخلص تعال خد الزفت اخوك
صلاح : وانا مالى مراته عنده
ادم ضحك بسخريه : لا ماهو طلقها قبل اما يتشل
صلاح : وايه المطلوب منى
ادم : انك تيجى تاخد الزفت اخوك
صلاح : ماليش دعوه انت مش بتقول هتدفع مصاريف العلاج يبقا خليه عندك مش ناقصه هى قرف داهيه تاخدك انت وهو وقفل الخط
عند ادم كان ينظر لسليمان بشماته
جورى : قالك ايه
ضحك ادم بسخريه وقال: قال طالما هدفع مصاريف العلاج يبقا خليه عندى وقال مش ناقصه قرف
جورى بشفقه : لا حول ولاقوه الا بالله انا مش عارفه الاهل جايبين القسوه دى كلها منين والجبروت دا كله
هاجر بحزن : فى اهل كدا يابنتى
وضع حمزه ايده على كتف هاجر نظرت له هاجر وابتسمت
جورى :طب هنعمل ايه
ادم : ولا اى حاجه عادى هيفضل قاعد هنا فى المستشفى او نوديه دار مسنين
جورى بحده خفيفه: ازاى يعنى لازم ياادم حد يراعيه
ادم : عادى المستشفى هتراعيه او دار المسنين وبعدين طالما بندفع فلوس هيعملوا شغلهم كويس
حمزه: تمام يلا بينا
خرجوا كلهم وتركوا سليمان وحيد فى عالمه الجديد
وذهبوا الى البيت
"بقلم رقيه محمود"*روكا*
**************************
عند ريم وزياد كانوا راكبين العربيه وفى طريقهم الى المطعم
ريم : بقولك ايه ماتيجى نعمل حاجه مجنونه
زياد بمرح : يابنتى احنا مجانين لوحدنا هنعمل ايه يعنى
ريم : يعنى انت مثلا هتروح مطعم شيك وفخم والكلام الاهبل دا
ضحك زياد وقال: كلام اهبل اومال عايزه نروح نأكل فين
ريم : لا بص بقا انت انهارده تسيب نفسك ليا خالص
زياد : يبقا هتجنن اكتر
ريم : اسمع منى بس هرجعك طفل عندك ١٠سنين
زياد بمرح : ليه الساحره
ريم بغيظ : ساحره
زياد بمرح : اه وساحره الشريره كمان
ريم : طب اتصدق ان انا كنت عايزه اخلى يومك فيه حاجه جديده يعنى اطلعك من مود الشركات والكلام دا
زياد بحماس: بجد ياريرى
ريم بابتسامه : بجد يازيزو هخلى يومك انهارده احلى يوم فى حياتك
نظر لها زياد وابتسم
ريم : بص ادخل فى الشارع دا
وبعد وقت دخل فى كذا شارع قالت عليهم ريم ووقفوا عند مكان
ريم بابتسامه : يلا ننزل
زياد بقرف: هنعمل ايه هنا
ريم كشرت : انت مقروف من المكان وال ايه
زياد :بصراحه اه
ريم ابتسمت وقالت : انا كنت زيك فى الاول بس الاكل هنا تحفه
زياد بابتسامه: طب يلا يامصيبه خلينا ننزل
ريم ببراءه : والله انا احلى مصيبه
زياد بمغازله: طبعا احلى واجمل مصيبه
ريم بمرح : دا انت بتعاكس بقا
زياد :يابت يلا مش قادر هموت من الجوع
ريم : يلا
ونزلوا وقعدوا على ترابيزه وبعد وقت كان الطعام امامهم
ريم بحماس: يلا كل
زياد بقرف:ريم انا مقروف اوى
ريم : والله هيعجبك اوى دا كشرى مصرى حلو اوى
زياد : متأكده
ريم بابتسامه : ايوه يازيزو حلو اوى
زياد بدا ياكل وعجبه اوى
ريم وهى تاكل: ايه رايك
زياد وهو ياكل: فعلا طعمه تحفه ياريرى
ريم : اول مره جيت هنا كنت مقروفه بطريقه غبيه
زياد : انتى لما جيتى كنتى مع مين
ريم : مع اصحابى البنات
زياد :صح هو اسم المحل ايه
ريم :بلاش تعرف لانك هتموت على نفسك من الضحك
زياد بفضول :لا قولى ياريرى
ريم ضحكت وقالت : اسمه دلع كرشك
زياد ترك الطعام ونظر الى ريم
ريم باستغراب : فى ايه
وفجاءه وجدت زياد بيضحك جامد وانضمت معه وضحكت ايضا
زياد عينه دمعت من الضحك وقال وهو يضحك :ههههههههههه اسمه دلع كرشك ههههههههههههههههه فى محل اسمه دلع كرشك هههههه
ريم وهى تضحك: كنت زيك كدا اول اما عرفت الاسم بس حصل معايا موقف كل اللى فى المحل واصحابى قعدوا يضحكوا عليا
زياد توقف عن الضحك وقال:ليه ايه اللى حصل
ريم :بقول لواحده صحبتى المحل اسمه ايه قالتلى دلع كرشك انا سمعت الاسم من هنا وفضلت اضحك زى المجنونه اقوم اضحك واقعد واضحك وقومت تانى وانا بضحك جيت قعدت لاقيت الكرسى اتكسر واخدنى ووقعت على الارض لو قولتلك كان منظرى زباله انا بقيت قاعده على الارض مش عارفه اضحك وال اعمل ايه
ضحك عليها زياد وقال: كان نفسى اشوفك اوى وانتى واقعه على الارض
ريم ضحكت : كان حته دين يوم ومن ساعتها وانا مش باجى هنا كتير
زياد : ههههههه بس انتى عرفتى المكان دا ازاى
ريم : انا واصحابى كنا فى مره خارجين قالوا عايزين اى حاجه بلدى واحده من البنات قالت انا اعرف وجينا على هنا
زياد: امممممم
ريم : انا خلصت تعال انا عايزه اكل ايس كريم
زياد :يلا
وقام زياد ودفع الحساب وذهبوا الى ماكينه الايس كريم وجابوا اتنين ايس كريم واتمشوا
ريم : حلو اوى الايس كريم
زياد : بتحبيه
ريم : اوى
وتمشوا فى صمت حتى قطع الصوت صوت ريم
ريم بفرحه : عااااااااااااااااااااا
اتفزع زياد وقال بقلق: فى ايه مالك معدتك بتوجعك من الكشرى
ريم بفرحه: عجل عجل عجل
زياد : عجل ايه يامجنونه
ريم :بص فى عجل عجل عجل
نظر زياد ماكان ماهى تنظر اليه وجد يوجد فى عجل ونظر اليها مره اخرى
زياد باستغراب: وايه يعنى
ريم بفرحه: تعال نعمل اجن حركه تعال نركب عجل
اتصدم زياد وقال: انتى مجنونه
ريم : وفيها ايه
زياد: لا مينفعش انا برستيچى هيبوظ ازاى يعنى زياد المنشاوى يركب عجل لا لا مستحيل الناس تقول ايه
ريم برجاء: علشان خاطرى يازياد نفسى نركب عجل انا وانت وبعدين كدا كدا فى الشارع دا الناس متعرفش رجال الاعمال المشهوره وكدا
زياد : مينفعش
ريم : والنبى يازيزو
زياد ابتسم وقال: ماشى قدامى يامجنونه
ريم بحماس: يلا
وذهبوا واخدوا عجلتين زياد اخد واحده وريم اخدت واحده
ريم : تعال نتسابق
زياد : لا علشان العربيات
ريم : لا مش هنروح عند العربيات يلا
وبدوا يتسابقوا وكانت ريم شاطره فى سواقه العجل وزياد حاول يسوق ومشى بالعجله شويه ووقع بها
زياد وهو على الارض: الله ياخربيت اللى عايز يركب عجل
نظرت ريم وراها وجدت زياد واقع على الارض رجعت اليه بسرعه
ريم بضحك : انت وقعت
زياد وهو على الارض: انتى شايفه ايه
ريم : طب مش تقول انك مش بتعرف تسوق عجل
زياد : ما انا قولت اجرب
ريم مدت ايديها: هات ايدك
مد ايده زياد لكى يقوم لكن ريم لم تستطع ان تساعده على القيام
ريم : الله ياخربيت كدا نفسى افهم بتاكل ايه انا مش عارفه اقومك
زياد : مش انا وقعت بسببك
ريم : وانا مالى انت ركبت علشان تجرب
وبعد وقت قام زياد من على الارض
ريم باستفزاز: طالما مش قد سواقه العجل ماتسوقش
زياد بغيظ: اصدقى ان انتى بت بارده
ريم باستفزاز: شكرا
زياد: بصراحه انتى عملتى حاجه انا مكنتش اعرف اعملها انتى غيرتى اليوم كدا ازاى
ريم بابتسامه : لما تكون عايز تغير حاجه غيرها بس لما تغيرها غيرها للاحسن
زياد بابتسامه : عندك حق انا مبسوط اوى
ريم : انا اكتر منك
زياد : تعالى ناخد صوره
ريم : يلا
اخرج زياد فونه وجاب الكاميرا
زياد : تعالى جمبى
ريم : ماشى
وقفت جمب زياد ووضع زياد ايده على كتفها لكى تتوتر وتنظر له
وبالفعل توترت ريم ونظرت له واخد زياد الصوره وهى تنظر له
زياد بابتسامه : اخدت الصوره
ريم انتبهت : فين
زياد جاب الصوره وادى الفون لريم
ريم : الله حلوه اوى اوى الصوره دى زى اللى فى الافلام
زياد : افلام ايه اللى عملت دماغك خالص
ريم بمرح : ياعم انا مالى هما بياخدوا الصور كدا بس حلوه اوى اوى يازيزو
زياد بابتسامه : يعنى عجبتك ياريرى
ريم : اوى
زياد : طب يلا علشان تعبت
ريم : يلا
وذهبوا وركبوا العربيه واتجهوا بها الى بيتهم
"بقلم رقيه محمود"*روكا*
****************************
عند صلاح فى بيت ابوه
صلاح : يابا يابا
سيد : ايه ياصلاح
صلاح : ابنك سليمان اتشل
سيد بعدم اهتمام : وانا مالى قولت لاخواتك
صلاح : اه محدش اهتم
سيد : احسن
صلاح بفضول: بابا انت ازاى مزعلتش على سليمان
سيد : عادى اصل انا ازعل ليه إن شاءلله يولع انا مالى وبعدين يعنى انت زعلت
صلاح : وانا ازعل ليه انت عارف من ساعت ما امى ماتت وانا قلبى بقا حجر مش بيزعل على حد
سيد : الله يرحمها كانت ست الستات
صلاح : يلا خليه يغور احنا مالنا بس انت عارف طلق مراته قبل مايتشل وكمان جورى طلعت مش بنته
سيد باهتمام : اومال ايه بنت مين
صلاح : مش عارف وبعدين احنا مالنا
سيد : عندك حق
"بقلم رقيه محمود"*روكا*
****************************
عند اسر ذهب الى بيت عاصم ومعه القوات وخبط على الباب وفتحت لهم الداده
الداده : خير يابنى
اسر: عاصم جوه
الداده :اه قاعد فى مكتبه
دخل اسر والقوات الى البيت وفتحوا باب المكتب
عاصم بفزع : ايه فى ايه
اسر: ايه فاكر هسيبك ومش هتتعاقب ووجه حديثه الى القوات هاتوه
واخدوا عاصم وركبوا العربيه وذهبوا
"بقلم رقيه محمود"*روكا*
*****************************
عند سليمان كان وحيد حتى اهله اتخلوا عنه حس هذه المره بالانكسار والحزن
سليمان يحدث نفسه بانكسار: حتى اهلك اللى هما اقرب الناس ليك اتخلوا عنك ومبقاش ليك حد فى الدنيا دى هو دا عقاب ليا فى اللى عملته فى هاجر وبنتها بس انا لسه حاسس انى لسه عايز انتقم اكتر واكتر انا عمرى ماكرهت حد قد هاجر وبنتها
واخد يدعى على هاجر وجورى
"بقلم رقيه محمود"*روكا*
**************************
عند شهد كانت فى عياده الدكتور وقاعده منتظره دورها وبعد وقت جاء دورها ودخلت للدكتور
الدكتور بابتسامه : عامله ايه يااستاذه شهد
شهد بتعب: مش كويسه خالص يادكتور
الدكتور: ليه بس
شهد : مش قادره دماغى وجعانى بطريقه فظيعه وبحس لما دماغى بتصدع ان كأن فى حاجه سوده على عنيا
الدكتور : تعالى لازم نعمل اشعه على المخ علشان نعرف دا من ايه
شهد : ماشى
وبعد وقت كانت انتهت شهد من عمل الاشعه
شهد بتعب: الاشعه هتطلع امتى يادكتور
الدكتور : بكره إن شاء الله
قامت شهد ونزلت من عند الدكتور وركبت تاكسى وذهبت الى البيت بعد وقت قليل وصلت ودخلت وجدت اسر قاعد يشاهد التلفاز
اسر: كنتى فين
شهد بكذب لكى لاتقلق اسر: كنت بشم شويه هواء
اسر: ماشى
شهد : عملت اللى دماغك خلاص
اسر: اه خلاص
نظرت له شهد بضيق وقامت دخلت غرفتها وجلست على السرير تبكى حتى نامت من التعب
"بقلم رقيه محمود"*روكا*
**************************
فى صباح يوم جديد
عند شهد قامت من النوم ولم تجد اسر بجانبها علمت انه راح الشغل قامت ودلفت الى المرحاض واخدت شاور واتوضت وخرجت وادت فرضها وقامت جلست على السرير وجدت الفون بيرن وكان المتصل الدكتور
شهد : الو
الدكتور: ايوه يااستاذه شهد
شهد بتعب: الاشعه طلعت يادكتور
الدكتور: اه
شهد بتعب: وطلع فيها ايه
الدكتور: لا مش هينفع فى التلفون تعالى العياده
شهد بقلق: ليه يادكتور فى حاجه
الدكتور: لما تيجى هتعرفى
شهد : ماشى
وقفلت معه وقامت لبست ملابسها وخرجت من البيت وركبت تاكسى وبعد وقت وصلت ونزلت من التاكسى ودخلت الى العياده وبعد ذلك اتجهت الى غرفه الدكتور وخبطت ودخلت
شهد بقلق : فى ايه يادكتور
الدكتور بيأس: استاذه شهد انتى لازم تكونى مؤمنه بالله
شهد بخوف : ونعمه بالله بس الاشعه طلع فيها ايه
الدكتور : للاسف انتى عندك كانسر فى المخ. 😳
يتبع....
لقراءة الفصل التاسع والعشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية توأمان وقلب واحد للكاتبة إيمان المهدي
google-playkhamsatmostaqltradent