recent
أخبار ساخنة

قصة فرصة ثانية الفصل الثاني 2 بقلم منى عبد الغني

jina
الصفحة الرئيسية

 قصة فرصة ثانية الفصل الثاني 2 بقلم منى عبد الغني

قصة فرصة ثانية الفصل الثاني 2 بقلم منى عبد الغني

قصة فرصة ثانية الفصل الثاني 2 بقلم منى عبد الغني


_...... عمر تتجوزني؟! 
*ايه انتي بتقولي ايه يا ياسمين؟؟، كنت فرحان باللي قالتوا ومش مصدق في نفس الوقت ومستغرب ازاي عايزه تتجوزني وهي قالت انها مش عايزه تتجوز تاني دلوقتي 
_قولتلك تتجوزني؟ 
*هو انتي قاصده اللي بتقوليه؟ انتي اكيد مش في وعيك 
_يا عمر انا مش بهزر انا بتكلم جد زياد مش هيسيبني في حالي ولو اتجوزنا هبقي على اسمك ومش هيقدر يتحكم فيا تاني ولا حتى يجوزني حد معرفهوش ومبحبهوش وكمان هيبقى كدا احسن بدل ما الناس بتتكلم علينا وان ازاي بنت وشاب يعيشوا مع بعض وساعتها هيبقى جواز على الورق بس واعتبرني صحبتك او أختك
*ياسمين انتي بتخرفي انا مش هينفع اعمل كدا وبعدين انتي لسه فاضل 3شهور على عدتك
_عمر انا عارفه اني بعمل حاجه مش في صالحك وانك اكيد مش عايز تتجوز واحده مطلقه بس اعملها كاخدمه لصحبتك واختك وللايام اللي كانت بينا زمان يا عمر وعارفه ان عدتي مخلصتش بس زياد مش فارق معاه حاجه زي كده وهيجوزني بالغصب 
*مش هعرف يا ياسمين مش هينفع اعمل اللي بتقوليه دا، مكنتش حابب اتجوزها كدا يبقى جواز بس مصلحه انا كنت عايز انها تتجوزني وهي بتحبني ولو مش هتتجوزني انا تتجوز حد هي بتحبه وحد هي عيزاه بجد وحسيت اني مش هقدر اعيش معاها كا اخ او صاحب زي ما هي بتقول مش هقدر 
_تمام يا عمر انا اسفه لو دايقتك ممكن نروح بقى 
*ياسمين انا مش قص..... 
_عايزه اروح يا عمر لو سمحت
*حاضر 
^انتوا جيتوا يا ولاد 
_سيبتهم ودخلت اوضتي من غير ما اتكلم 
^في ايه يا عمر مالها ياسمين!
*مفيش يا ماما 
^اخلص يا واد وقولي في ايه 
*ياسمين عايزه تتجوزني 
^ايه!...طب وفيها ايه مش دي امنيه حياتك انك تتجوزها 
*بس يا ماما دي عايزه تتجوزني بس عشان زياد ميجوزهاش حد تاني وهي مش بتحبني حتى ولو مش عشاني عشان نفسها هي مش من حقها تختار الشخص اللي هتحبه وتتمناه وكمان يا أمي دي عايزانا نعيش مع بعض زي الأخوات ازاي يعني اعمل كدا وهو انا شايفها اخت دلوقتي لما اشوفها اخت بعد الجواز 
^ضحكت، والله انت اهبل يا واد يا عمر انت فاكر يا اهبل انها بجد مش بتحبك وهو انت فاكرني معرفش من زمان انك كنت بتحبها وهي كانت بتحبك وانتوا الاتنين اصلا هبل ولسه بتحبوا بعض وكمان لو هي مكنتش عارفه انك كويس وهتصونها مكنش عمرها هتطلب منك تتجوزها مش سهل علي اي بنت انها تطلب الجواز من راجل يا عمر فا لما لقت الرفض منك هي مش بس ادايقت هي حست انك كارهها
*بس والله يا امي انا مش بكرها انا بس كنت عايزها تتجوز اللي هي تتمناه وانها متبقاش بتعمل كدا خوفا من اخوها مش اكتر 
^عادي يا ابني اتجوزها وحتى لو هي مش بتحبك زي ما بتقول فا من اهتمامك وحبك ليها هيخليها تحبك 
*حاضر يا أمي 
^ربنا يهديكوا يارب يا ولاد
*صباح الخير يا ماما صباح الخير يا ياسمين 
^صباح النور يا ابني 
_...... 
*مش هتردي عليا يا ياسمين 
_صباح النور 
*كان بترد أكن مغصوب عليها انها تكلمني وكان باين علي عنيها العياط، انا موافق يا ياسمين 
_؟؟؟... 
*انا موافق اتجوزك 
_بجد يا عمر يعني خلاص مش هتخلي زياد يجوزني حد معرفهوش تاني؟! 
*اه خلاص مش هيقدر يقرب منك 
_شكرا يا عمر شكرا اوي بجد 
^مبروك يا ولاد وربنا يتمملكم على خير يا حبايبي 
*ربنا يخليكي لينا يا أمي 
_تسلميلي يا عمتي، هنكتب كتاب امتى 
*وهو انتي مش هتعملي فرح كمان؟ 
_فرح ايه يا عمر وهو احنا هنلحق نعمل حاجه ولا هنعرف نعمل حاجه وبعدين هو دا جواز حقيقي يعني
*الكلمه دايقتني يعني هي بجد شايفه ان اصلا كل دا مش جواز حقيقي يعني هو فعلا بالنسبالها وسيله للهرب من تحكمات اخوها بس، تمام يا ياسمين بكرا ان شاء الله نبقى نروح للمئذون
_تمام. 
*سيبتهم ونزلت اروح شغلي وانا عمال افكر وخايف ان الخطوه اللي بخودها دي تكون غلط وان هي أو انا نندم عليها.
_كنت فرحانه جدا أن عمر وافق واني اخيرا هخلص من اخويا وانوا عايز يجوزني واحد معرفهوش اه كنت مدايقه ان هتجوز تاني وانا لسه مطلقه بس منكرش ان طول عمري كنت بحب عمر بس لما اتجوزت شيلت التفكير دا من دماغي ومبقتش احاول أفكر فيه عشان مكونش خاينه وبفكر في واحد غير اللي اتجوزته واه دلوقتي مش بحبه زي زمان بس لسه برتاح معاه لسه بحس بالأمان وهو جمبي وكمان هو ابن عمتي واكيد مش هيعمل فيا حاجه وحشه... 
^ياسمين هننزل النهارده نجبلك فستان
_لا يا عمتي انا مش عايزه ح... 
^اسكتي انتي بس لو انتي مش عايزه تفرحي فا انا عايزه افرح يإبني وبنتي 
_حاضر يا عمتي، فعلا نزلنا انا وعمتي وجبت فستان حلو اوي وكنت فرحانه بيه اكني اول مره اتجوز بس هي فعلا هتبقى اول مره لأن انا اللي هختار شريك حياتي وهختار فيها الفستان وهختار كل حاجه نفسي فيها الجوازه اللي قبل كدا متتحسبش اصلا لاني معملتش فيها أي حاجه بمزاجي. 
*يلا يا ياسمين يلا يا ماما
^حاضر اهو انا خلصت 
_وانا كمان خلصت 
*خرجت بفستان ابيض منفوش بسيط وكانت حاطه مكياج وشكلها كان ملاك بس انا فرحان اني هتجوزها حتى لو مش بتحبني فا انا بحبها اوي وفرحان بيها اوي ومش عايز أفكر في حاجه تانيه النهارده غير انها هتبقى بتاعتي انا وبس 
_مش يلا 
*اه اه يلا بينا  قربت من ودنها وهمست، بس شكلك قمر اوي 
_اتكسفت جدا ومردتش ومشيت قدامه 
+بارك الله لكما وبارك عليكما وجمع بينكما في خير 
*الجمله اللي كنت مستنيها النهارده بفارغ الصبر واه مكنتش موافق في الأول بس دلوقتي قلبي فرحان وبيرقص جريت عليها وحضنتها.. 
_اتكسفت لما لقيته مره واحده بيحضني، احم احم عمر ممكن تبعد.. 
*يا ستي اسكتي شويه بقى 
_حاضر ، بعديها بثواني سابني وكنت مبسوطه ومتوتره بس حاسه اني اخيرا اتجوزت حد انا اختارته حتى لو مش بنحب بعض بس على الاقل اعرفه وبيفهمني وبفهمه ودا غير انوا حب الطفوله فا دي بالنسبالي اكبر فرحه. 
*خلصنا كتب الكتاب وروحنا وامي خلعت مننا وراحت قعدت عند واحده صاحبتها امي دي عليها حركات مش فاهم بتفكر في ايه بس. ، هنعمل ايه؟ 
_هو ايه انت عايز ايه 
*يا بنتي مش عايز حاجه هنغير 
_اه اه ادخل اوضتك وانا هدخل اوضتي 
*مش واخده بالك اننا متجوزين والمفروض نقعد في نفس الاوضه وتسيبي امي تنام لوحدها شويه بقى 
_ان.. انت عايز ايه على فكره عمتي مشتكتش وهي لو ادايقت مني هبقي انام على الكنبه 
*يا بنتي مش دا اللي ق... 
_انا هدخل اغير دخلت الاوضه وانا قلبي بيتنفض من الخوف انا فهمت هو عايز ايه بس اكيد مش هينفع انا وهو ننام في أوضه واحده يعني 
*يا ياسمين لو خلصتي تعالي ناكل حاجه 
_حاضر هلبس الطرحه واجي 
*يا بنتي بقى ابوس ايدك انا بقيت جوزك يعني ملهاش لازمه 
_روح يا عمر وانا هبقي اجي 
*حاضر 
_لبست الطرحه بردوا وطلعت ازاي يعني اقلع طرحتي قدامه اهبل دا ولا ايه. 
*بردوا عملتي اللي في دماغك 
_لا الاكل حلو تسلم ايد عمتي 
*يا بنتي 
_هي عمتي فين صحيح مش هترجع بقى الوقت اتأخر. 
*الساعه 8 على فكره وكدا كدا هي مش هترجع النهارده وبعدين متفضليش تتوهي في الكلام 
_ماشي.. ايه ثانيه مش هترجع مش هترجع لييه يعني ازاي يعني تسيبني انا وانت في الشقه لوحدنا 
*يا ياسمين يا حبيبتي انا جوزك يا ماما فوقي بقى 
_هاا...لا بردوا مينفعش بص انا هدخل انام وايه... 
  كنت قومت ولسه هتحرك وامشي على الاوضه لقيته مسك ايدي وشدني لدرجه اني بقيت في حضنه يعتبر 
*هو انتي ايه مش بتسكتي شويه 
_ابعد يا عمر 
*ولو مبعدتش 
_هزعلك وهقول لعمتي 
*عمتك هتفرح والله مش هتزعل 
_انت قليل الادب على فكره، كنت بحاول اخرج من ايده اللي محوطاني وفجأه لقيته بيشد الطرحه وبيشيلها وقلعني التوكه فا شعري اتفك ونزل على ظهري
*اهو عشان تبقى تسمعي الكلام ولما اقولك متلبسيش الطرحه متلبسهاش، غمزت وبعدين ما انتي حلوه بشعرك اهو مخبياه ليه بقى 
_يا عمر ابعد والله هدايق منك ابعد بقى وهات الطرحه، اخدت منه الطرحه والتوكه ودخلت الاوضه بسرعه وانا خايفه وللأسف كانت ذكرياتي مع محمد بتيجي في دماغي تاني ومسكته ليا غصب عني وكل حاجه كان بيخدها مني بالغصب لحد ما بقيت اتعود اني مليش رأي وانوا وقت ما يعوز يلمسني هيلمسني ووقت ما يكتفى هيسيبني قعدت على السرير وانا عماله افتكر واعيط لدرجه ان صوت عياطي كان عالي جدا 
*ياسمين انا اسف يا ياسمين افتحي طيب والله مش هعمل كده تاني افتحي بس وبطلي عياط.. يا ياسمين افتحي لو سمحت 
_ممكن تسيبني لوحدي يا عمر 
*لا مش هسيبك وافتحي يا إما هكسر الباب وادخل وساعتها عمتك هتطردني انا وانتي برا البيت دا 
_ابتسمت وقومت فتحت الباب وانا لسه بعيط 
*بتعيطي ليه في ايه انا عملت كدا والله وانا بهزر معاكي ومكنتش اعرف انك هتدايقي كدا 
_متعتذرش انت معملتش حاجه غلط انا...انا بس افتكرت...افتكرت ايام مكملتش الجمله وفضلت اعيط 
*يا ياسمين خلاص ووالله انا مش زيوا ولا يمكن اعمل فيكي حاجه وحشه صدقيني ووالله مش ههزر الهزار دا تاني بس بطلي عياط ممكن 
_حاضر 
*خلاص بقى انسى واستريحي ونامي شويه وانا هدخل انام انا كمان تصبحي على خير 
_وانت من اهله، فضلت قاعده بفتكر شويه وبحاول اطمن نفسي ان اكيد عمر مش هيبقى زيه وان هو احسن وان انا اعرفه من زمان وكمان هو قريبي.. لحد ما نمت. 
^ايه يا ولاد كل دا نوم 
*وايه يا أمي كل دا تخبيط 
^طمني بس الاول عملتوا ايه 
*اسكتي يا ماما هتسمعك وبعدين مفيش حاجه حصلت من اللي في دماغك هي نامت في أوضه وانا نمت في اوضتي 
^ياخساره بياتي بره والله دا انت وهي مش نافعين 
*اسكتي يا أمي كفايه فضايح 
_ازيك يا عمتي 
^الحمدلله يا ختي. 
_ايه يا عمتي في ايه 
^بقى مش... 
*امي ابوس ايدك تسكتي عشان خاطري 
^انا هدخل اوضتي بلا نيله عليكوا 
_مالها عمتي 
*ولا حاجه هتلاقيها بتهلوس بس 
_ضحكت، تمام 
*عامله ايه النهارده 
_كويسه الحمدلله، انا هدخل البس عشان اروح الشغل 
*النهارده هتروحي الشغل النهارده 
_اه يا عمر فيها ايه 
*لا ولا حاجه براحتك بس هوصلك 
_تمام، فعلا لبست ونزلنا ووصلني المكان ومشي. 
خلصت شغلي وخرجت وكنت عايزه اشتري هدوم وكده  فا روحت محلات وفضلت اتفرج واقيس ونسيت اصلا اني اكلم عمر ولسه مكنش في دماغي انوا بقى جوزي اصلا 
*الو يا ياسمين انتي فين جتلك على الشغل قالوا انتي روحتي وسألت عمتك قالت انك مروحتيش انتي فين 
_معلش يا عمر والله نسيت اكلمك انا بس روحت اشتري هدوم وكده عشان زهقانه 
*تاني يا ياسمين تاني تروحي في حته من غير ما تقولي طب في اول مره مردتش ازود في الكلام عشان مكنتيش مراتي لكن دلوقتي المفروض تقولي حتي عشان مقلقش عليكي 
_كان باين انوا مدايق بس كان بيتكلم بهدوء عشان ميحسسنيش انوا بيتحكم فيا او انه متعصب، اسفه والله يا عمر مفتكرتش اني لازم اكلمك وروحت على طول على المكان 
*تمام انتي فين وانا هاجي اخدك 
_انا في مول..... 
*تمام سلام 
_كملت لف لحد ما رن عليا وقال انوا وصل ونزلتله 
*جبتي كل حاجه ولا عايزه تلفي كمان 
_لا خلاص جبت 
*تمام 
_كان باين انوا مدايق بس متحكم في اعصابه وبيحاول يبين انوا عادي، عمر انا اسفه والله هو انا بس نسيت اقولك ومكنش لسه في دماغي اننا اتجوزنا وكدا 
*خلاص تمام مش مدايق المهم تقولي بعد كدا لما تروحي في حته 
_حاضر والله، روحنا وطلعنا اكلنا وكل واحد دخل اوضته
^انتي قاعده هنا ليه يا بت 
_ايه يا عمتي في حاجه 
^اطلعي برا 
_عمتي في ايه انا عملت حاجه 
^اه قاعده في اوضتي ليه روحي اقعدي في أوضه جوزك 
_حرام عليكي يا عمتوا خضتيني وبعدين ما تسيبيني هنا انا مستريحه جمبك يا قمر 
^يا بنت الهبله انا مش مستريحه روحي نامي جمب جوزك 
_يوه يا عمتي مش هنام هناك ولو مش عايزانى هطلع انام على الكنبه عادي جدا
^اطلعي 
_بقى كدا يا عمتي طب ماشي، كنت عارفه انها بتهزر وانا بتعمل كدا عشان عايزانى انا وعمر نقرب اكتر لبعض بس انا مش عايزه كدا وهي كدا بدايقني اكتر.. اخدت مخده وبطانيه وطلعت قعدت على الكنبه 
*ايه دا انتي قعده كدا ليه 
_امك طردتني 
*فضلت اضحك، مش انا قولتلك انها زهقت منك 
_ادايقت من كلمته وحسيت منها انهم شايفيني حمل عليهم فا فضلت اعيط 
*بطلت ضحك لما لقيتها بتعيط وانا مش فاهم مالها، انتي بتعيطي ليه 
_.... 
*في ايه يا ياسمين بتعيطي ليه هو انا قولت حاجه تدايقك! 
_هو انتوا زهقتوا مني لو زهقتوا انا ممكن امشي و... 
*انتي بجد بتعيطي على كده انتي هبله يا ياسمين هو ايه اللي زهقنا منك انا اولا كنت بهزر ثانيا امي بتعمل كدا عشان تقربنا لبعض وانتي عارفه دا كويس ومفيش حد فينا انا وهي زهقان منك انتي مراتي وكمان بنت خالي 
_بطلت عياط شويه وبصتلوا، بجد؟ 
*اه والله وبطلي عياط بقى مش كل حاجه تعيطي عليها كدا وتعالي معايا يلا 
_لا انت واخدني فين! 
*اظن كفايه على امي كدا نمتي في حضنها كتير ممكن تيجي بقى تنامي في حضني انا الباقي من حياتك 
_شديت ايدي من ايده، لا عمر انت قولتلي انك مش هتغصبني 
*بردوا يا ياسمين تمام اعملي اللي انتي عيزاه انا هنام 
_دخل وقفل الباب جامد وانا قعدت على الكنبه وانا مدايقه عشان خليته يزعل انا مش عيزاه يزعل بس انا لسه مش مستعده لدا كله دلوقتي 
*كنت نايم وصحيت على صوت زعيق ماما و ياسمين مع حد برا فا طلعت بسرعه اشوف في ايه، هو في ايه بتزعقوا ل.... زياد انت بتعمل ايه سيب ايدها 
+مش هسيب ايدها اظن اني اديتها وقتها وقولتلها انها لو مجتش هجيلها انا وعريسها واحنا جاهزين خلاص ويلا تعالي معايا 
_سيبني بقى يا زياد مش هاجي معاك انا مش همشي تحت امرك تاني، كنت بحاول أشد ايدي منه بس كان ماسكها جامد جدا 
+انتي تخرسي خالص مش هتسمعي كلام مين انتي اختي وانا اللي اقول تعملي ايه ويلا معايا... يلا بقولك 
_لا مش هنزل، ضربني بالقلم 
+هو انا مش قولتلك يلا 
*ضربته بالبونيه، انت بتمد ايدك عليها يا***انت فاكر نفسك عشان ابن خالي هحترمك لا انت زباله واللي يمد ايده على ست يبقى واحد مترباش وبعدين انت خلاص ملكش حكم عليها ومينفعش تجوزها لحد تاني لأنها بقت مراتي 
+مرات مين انت اهبل يا عمر دي اختي وهتتجوز دلوقتي وبلاش تدخل اكتر من كده عشان منخسرش القرابه اللي بينا 
*لا انا عايز نخسرها ودي مراتي على سنه الله ورسوله (عليه افضل الصلاه والسلام؛ خدوا ثواب بالمره 😂 ) وانت ملكش حكم عليها بعد النهارده سامعني 
+لا يا عمر انا مش راضي بالجوازه دي وطلقها حالا 
*اطلق مين انت اهبل دي مراتي وانا مش هطلقها عشان انت تاخدها تجوزها لواحد من الزباله اللي معاهم فلوس اللي تعرفهم دي اختك يا اخي ايه مبتفهمش شايفها سلعه بس قدامك 
+طلقها يا عمر احسنلك 
*اعمل اللي تعمله دي مراتي ومش هطلقها
_انا بقولك طلقها حالاً... 
_كفااايه بقى انت ايه انت بجد ليه بتعمل كدا فيا انت ليه عمرك ما خوفت عليا زي اي اخ ليه مخلتنيش حتى على الاقل اكمل تعليمي ليه تجوزني لواحد بيصبحني ويمسيني بعلقه ليه تجوزني لواحد بياخد كل حاجه مني بالغصب ليه جوزتني واحد مكنش بيسيبني حتى اروح ازورك ليه كل دا عشان الفلوس يعلن ابو الفلوس اللي تخليك تعمل كدا في اختك هي دي وصيه بابا وماما ليك انا مش هسامحك ابدا يا زياد انا مش مسامحاك، وقعت في الأرض وفضلت اعيط وهو مشي وسابنا من غير اي كلمه. 
*حضنتها وفضلت اطبطب عليها، اهدي اهدي وبطلي عياط مفيش حاجه خلاص كل اللي جاي هيبقى احسن ان شاء الله بطلي عياط بس 
_هديت واستوعبت انوا حاضني فا بعدت بسرعه عنه، تمام انا كويسه انا هدخل اوضتي 
^دي مش اوضتك يا ياسمين خشي اوضتك اللي بجد 
_عمتي وقفتني من الجمله دي وهي بتبص على اوضه عمر وهي لسه عيزاني برضوا ادخولها واتعود ان عمر جوزي بس انا لسه مش مستعده وهي مش قادره تفهم دا 
*سيبيها يا ماما بلاش تدايقها دلوقتي 
^وهو ينفع اللي انتوا بتعملوه دا يعني تبقوا متجوزين بقالكوا كام يوم لسه وحتى مش بتقعدوا من بعض دا جواز ايه دا هو جواز على ورق بس 
*امي لو سمحت هي مش مستحمله 
^متدايقيش مني يا ياسمين بس زي ما انتي بنتي فا هو ابني وبردوا عايزه افرح بيه واشوف عياله قبل ما اموت 
_فاهمه يا عمتي حاضر، مكنتش عارفه اقول ايه وانا عارفه ان بردوا عمتي متكلمتش لما اتجوزنا انا وعمر برغم انها اول جوازه ليه وان انا مطلقه ولسه مش عيزاه يلمسني وبرغم كده هما متكلموش ولا حتى عايروني 
دخلت خدت حاجتي وهدومي من اوضه عمتي وحطتها في أوضه عمر علي الأرض لحد ما اشوف هعمل ايه 
*مكنش ليه لازمه خالص الكلام اللي قولتيه دا يا ماما وكمان ما انتي لسه شايفه اللي حصل مع زياد ليه تزودي عليها 
^احنا لو فضلنا ساكتين يا عمر فا هي عمرها ما هتنسي اللي حصلها انا مش بدايقها انا بس عايزها تفهم انك غير اللي كانت متجوزاه وانها لازم تتعود عليك وان الحياه مش بتقف على حد انا اكيد مش عايزه أئذى بنتي يعني ويلا ادخل اقعد معاها واتكلموا وحاول تقنعها 
*بوست ايدها، حاضر يا أمي 
ينفع ادخل 
_اه يا عمر اتفضل 
*متدايقيش من كلام ماما هي بتعمل دا عشان تعدي القديم وتعيشي حياتك عادي 
_تمام يا عمر 
*لو مش عايزانى انام هنا ولسه مش عايزانى اقربلك هبقي اخرج انام برا 
_عادي يا عمر دي اوضتك وانت بردوا جوزي واكيد لازم اتعود ممكن تقولي بس احط هدومي فين 
*مسكت ايدها وقعدتها على طرف السرير وقعدت جمبها، ياسمين انا مش هغصبك على اي حاجه ومش معنى اني جوزك انك تسكتي لو مش راضيه من حاجه اتكلمي وقوليلي وانا معنديش مانع اصبر لحد ما تبقى كويسه وكل جرح فيكي يبقى كويس 
_اوعدني انك مش هتبقى زيوا بس 
*اوعدك والله وبعدين انا مقدرش اعمل فيكي حاجه وحشه انا بحبك يا ياسمين من زمان 
_وانا كمان بحبك والله 
عدي 4سنين على اليوم دا و انا وعمر اتجوزنا تاني بعدها بتلت شهور وبقينا زي اي اتنين متجوزين ويمكن حتى بنحب بعض اكتر من اي اتنين تانين وعمر فعلا وفي بوعده واي حاجه وحشه شفتها مع محمد هو كان بيردها بالحلو وفضل دايما جمبي حتى ساعه ولادتي الأولى كان واقف خايف عليا وعمال يقرأ قرآن ويدعيلي وطلع احلى اب في الدنيا أما زياد بعد اللي قولتهوله حس انوا غلط وضميره صحي وجه اعتذرلي وكان بيحاول يعوضني عن اللي عمله بوقفته دايما جمبي وحبه لابني. 
عايزه اقول ان مش لازم نسود الدنيا كلها في عنينا بسبب تجربه واحده فاشله مش شرط كله يبقى زي بعض في الوحش وفى الحلو وربنا مش بيسيب حد يتعذب وحزين طول حياته ومسيره في يوم هيعوضك إذا كان العوض دا بأيه بقي. 
"أنت كُنت الدواء لكل جرح في قلبي فا أصبحت أدمنك وأُحب كل جرح دوايتُه"💌✨ 
#النهايه 

لقراءة باقي فصول القصة : اضغط هنا
نرشح لك أيضاً رواية عشق الطفولة للكاتبة هنا
google-playkhamsatmostaqltradent