recent
أخبار ساخنة

اسكريبت فتاة معذبة الجزء الرابع 4 بقلم محبة الرحمن

jina
الصفحة الرئيسية

 اسكريبت فتاة معذبة الجزء الرابع 4 بقلم محبة الرحمن

اسكريبت فتاة معذبة الجزء الرابع 4 بقلم محبة الرحمن

اسكريبت فتاة معذبة الجزء الرابع 4 بقلم محبة الرحمن


-مني :انا تعبت ياماما طلقوني منه
-والدتها:ليه ايه اللي حصل ماانتوا زي السمن علي العسل
-مني بعياط:لا ياماما لا سمن ولاعسل ده انا عايشه اسوء عيشه استحملت عشان كلمتك ليا بناتي مش عايزه حد يقول عليهم مش بيعمروا استحملت عشان ابني اللي هو مايعتبرش اب ليه وسمعت كلامك وكلامه واديني حامل في الشهر الثالث بيصرف ملليم وانا اللي بصرف فلوسي كلها ومعامله قاسيه انا تعبت
-والدتها:اصبري لما نشوف رأي ابوكي
-والدة مني:رأي ابوها في ايه
-مني : جوزي يابابا معيشني اسوء عيشه وحكت لوالدها علي اللي بيحصل 
-والد مني لوالدتها:عجبك كده انا مش قولتلك بلاش الناس دي وانتي قولتي ماله ماهو شب زي الفل اهه
-مني بصدمه:يعني انتي ياماما كنتي عارفه انهم مش كويسين انتي وبابا ورغم كده جوزتهولي
-والد مني: والله يابنتي ماعرفت الا بعد كتب الكتاب وكنت عايز اطلقك منه بس أمك اقنعتني أنه هيتغير
مني بعياط:اتاريه شايفني رخيصه واللي عرفته كمان أن ماما ساعدته في حاجات الجواز عشان كده كان كل شويه يقولي اخرتك القايمه اللي انتي برضو سهلتي فيها رخصتيني ياأمي
دخلت اوضتها 
-والد مني لوالدتها: الكلام ده صحيح؟
-والدة مني :ايوه خفت لماتتجوزش وتقعد جمبي 
-والد مني :ده بناء علي ايه لما بنتك اتقدملها كتير وهي رفضت ناس وانا رفضت ناس دي متجوزه عندها 20سنه يعني حتي مابلغتش سن الرشد
-والدة مني :المهم هنعمل ايه
-والد مني:لما نشوف الاستاذ هيعمل ايه
في اخر النهار اتصل خالد بمني وماردتش عليه 
فاتصل بوالدتها
-والدة مني:ايوه ياخالد ياابني كده تزعل مني منك 
-خالد:بنتك اللي متدلعه ده انا معيشها احسن عيشه
-والدة مني: طيب بص هي أعصابها تعبانه يومين كده وتعالا نتكلم 
-خالد:بدل ماتقولي انا هربيها انا ماليش كلام معاكي ليا كلام مع راجل البيت وقفل في وجهها السكه 
راح خالد لوالد مني في شغله 
-خالد:عجبك اللي عملته بنتك ده يعني ايه تروح عندكم من غير ماتقولي
-والد مني:وطي صوتك واتفضل لينا بيت نتكلم فيه مش قدام الناس 
-خالد بزعيق وخبط علي المكتب:ناس مين ياابو ناس انت بنتك مش متربيه
-والد مني بزعيق:انت واحد مش محترم بنتي متربيه غصب عنك انت اللي بتعاملها وحش ومش بتصرف علي بيتك
-خالد:انت اتجننت والا ايه انت عبيط 
-والد مني بعصبيه:احترم نفسك انت اللي مش متربي وقليل الادب اتفضل مع السلامه وانا بنتي عندي 
-خالد: في ستين داهيه بس ابني مش هسيبهولها
-والد مني:مالكش عندنا ولاد بالقانون الحضانه عند الأم واعلي ما فخيلك اركبه
مشي خالد متغاظ كان فاكر والدها هيضربها ويرجعهاله غصب عنها وشايف نفسه مش غلطان
عدي 6شهور كان في ناس بتروح عشان تحاول ترجعها ولكن كانت بترفض ووالدتها نفس الكلام لأنها كانت متغاظه منه أنه رد عليها بوقاحه مش عشان بنتها وكانت كل شويه تقول لبنتها انتي السبب انتي اللي سكتي وكانت دايماهي واختها يضايقوها بالكلام لحد ما مره واحده قالت لوالدتها كده هتوقفوا حال اختها محدش هيرضي يتجوزها
بدأت تخاف علي بنتها التانيه وفضلت تزن عليها انها توافق ترجع
ولدت مني ولد تاني(عمر) راح جوزها الولاده ودفع الفلوس عشان يبان أنه بقي كويس وبعد ماروحت في السبوع اخد هو وأهله طيور وخضار  ولبن كتير عشان يعملوا رز بلبن للنونو وعطوها فلوس قرب منها وبنظره حب وقالها بنبره حنينه مش متعوده عليها مش هترجعي بقي 
بصتله باستغراب 
-خالد:عارف انك مش متعوده اني اكون حنين بس انتي بجد وحشتيني
😲😲😲😲😲نظرة مني ليه باستغراب شديد 
-خالد:هههههههه خلاص بقي قلبك أبيض
بعد ماكملت مني 45يوم بعد الولادة كلم والد خالد والد مني عشان ييجوا عشان يرجعوها ووينفذولهم كل طلباتهم
كانت والدة مني تحاول تقنعها مع استغراب مني من سبب التغيير 
- مني: لا انا عايزه اتطلق منه انا مش واثقه فيه
-والدة مني:يابنتي وانا مش هيعجبني قعدتك جنبي
-مني بصدمه: خلاص لو تقيله عليكي اشوف مكان اقعد فيه انا واولادي
-والدتها:لا يابنتي ده بيت ابوكي بس انتي يرضيكي أن اختك ماتتجوزش  بسببك 
-مني:ايه وانا دخلي ايه فأختي تتجوز أو لا
-والدتها:ماهو الكل هيقول إذا كانت اختها مطلقة يبقي هي مش هتعمر
-مني بحزن : خلاص يا ماما أنا موافقة ارجعله
حضر خالد ورجاله من أقاربه وجلس معاهم خالد وخال مني وعمها 
واتفقوا علي أنه يحترمها وماتصرفش من مرتبها الا نصفه ورغم اعتراض مني ووالدها إلا أن خالها اقنعه 
عادت مني مع خالد وولداها
حماة مني: حمدالله على سلامتك نورتي بيتك
-مني:شكرا ياماما
صعدوا لشقتهم بعد أن نام الاولاد اخدت حمام دافئ ودخلت لتنام بجوار اولادها تفاجأت بخالد يحملها الي غرفة نومهم 
-خالد : انتي لسه زعلانه مني
-مني باستغراب:تفتكر ايه 
-خالد: والله وحشتيني
-مني بعياط:مش قادره اصدقك
-خالد:لا مافيش عياط مش بحب اشوفك بتعيطي 
-مني: متأكد انك خالد جوزي مش حلم
-خالد بضحكه عاليه:اه والله خالد حتي اقرصي نفسك عشان تصدقي
قامت بقرصه لسببين عشان القرصه ماتوجعهاش وعشان تشوف رد فعله
-خالد:اي ايه ده انا قولت اقرصي نفسك مش تقرصيني انا طبعا انتي فاكره اني هتعصب عليكي بس لا (ووطي صوته بحنيه) و ح ش ت ي ن ي
وقف من مكانه خافت مني ظنت أنه هيزعق أو يضرب لقته طلع حاجه من جيب بنطلونه ونزل علي ركبته قدامها وفتح ولقت خاتم دهب 
مني مصدومه ومبرقه وبقها مفتوح 
-خالد بضحك:طيب اقفلي بؤك ليدخل فيه حاجه
-مني قفلت بؤها: الله يقرفك ضيعت اللحظه الرومانسيه وده مابتحصلش غير كل خمس سنين مره 
-خالد بضحكه عاليه :بقي انا معايا العسل ده وكنت بنكد عليه بحبك والله يامني 
-مني رجعت لوضع الصدمه تاني:انت مين خالد جوزي فين 
-خالد:موجود بس كنت فاهم الجواز والحب غلط ولما بعدتي عني حسيت بقيمتك بحبك يامنايا
وعاشوا لحظات رومانسيه لم تعهدها مني من قبل
ياتري هيستمر الحال كده
يتبع.....
لقراءة الجزء الخامس : اضغط هنا
لقراءة باقي أجزاء الاسكريبت : اضغط هنا
نرشح لك أيضاً رواية عشق الطفولة للكاتبة هنا
google-playkhamsatmostaqltradent