recent
أخبار ساخنة

رواية حب ضايع الفصل الرابع 4 بقلم هبة محمد الفاقوسي

jina
الصفحة الرئيسية

 رواية حب ضايع الفصل الرابع 4 بقلم هبة محمد الفاقوسي

رواية حب ضايع الفصل الرابع 4 بقلم هبة محمد الفاقوسي

رواية حب ضايع الفصل الرابع 4 بقلم هبة محمد الفاقوسي


_ مش عايزاه ومش هتجوزه
حسام بصدمه_ بتقولى إيه!
ندى_ اللى سمعته..مالك مستغرب؟.. ما ده اللى انت عاوزه
حسام_ بس انا بحبك
ندا_ كداب..انت حبيت اختى محبتنيش.. تقدر تقولي كنت رايح فين قبل الحادثه! ، هقولك انا.. كنت جاى ليا تنهى الخطوبه وتدمر كل حاجه بينا.. قولت لنفسك انا كده حققت هدفى وعلقتها بيا اسيبها بقا زى ما اختها سابتنى.. بدون سبب دخلت حياتى عشان تأذينى وبس.. مشوفتش منى إلا الخير ليه تقابلنى بالشر! .. وعايز تمحى شخصيتى متشوفنيش إلا ب منه اللى انت حبيتها وبس .. كل مذكراتك اللى فى الصندوق وهم انت اللى بنيته..
حسام بألم_ وليه انا اتأذيت ؟ ليه اختك تسيبنى وتعيشنى بقلب حجر وحياه عباره عن غيوم حزن.
ندى بكسره_ اختى مش سابتك.. منه كانت بتحبك بجد وعمرها ما قدرت تنساك
حسام بتنهيده_ مكنتش اتخلت عنى
ندى_ كان لازم تتخلى.. منه كان عندها كانسر وعارفه ومتأكده انه مفيش أمل تتعالج وموتها بيقرب عشان كده محبتش تكسر قلبك بعدها.. كانت خايفه عليك.. منه محبتش غيرك
حسام بندم_ يعنى إيه ! انا ظلمتها..
ندى_ وظلمت نفسك يا حسام.. اخر يوم لأختى طلبت تشوفك وانت رفضت.. فاكر لما تحايلت عليك تيجى بس ولو دقيقه تشوفك من بعيد.. انا منستش اليوم ده.. اختى كانت قدامى بتموت وانا مقدرتش احققلها امنيتها الأخيرة.. ماتت والدموع فى عينيها .. عارف يعنى إيه اللى روحك فيه يموت قدام عينيك ويسيبك لوحدك بدون حيطه تتسند عليها؟ أكيد مش عارف لأنك انانى مبتشوفش إلا نفسك وبس
حسام كان ساكت ودموعه بتتكلم اما ندى حست كأن روحها رجعتلها تانى
بعد وقت قصير..
حسام بيترجى_ انا اسف يا ندى بس متنهيش علاقتنا انا اتعودت على وجودك
ندى بضحكه_ ودا المطلوب.. مبروك عليك الانتقام يا استاذ حسام اللى فى الحقيقه كان ليا انا واخدت حق اختى منك.
حسام_ كل اللى عايزو منك فرصه تانيه صدقينى هصلح فيها كل اللى اتكسر
ندى_ مفيش حاجه اتكسرت واتصلحت وانا فرصه واحده يا تكسبها يا تخسرها وانت خسرت
والد ندى دخل..
_ اطلعى يا بنتى المأذون مستنى
ندى_ لا يا بابا مش هتجوزه
الأب_ انتى اتهبلتى؟ عايزه الناس اللى برا دى تاكل وشنا.. هتتجوزيه يعنى هتتجوزيه
ندى_ يا با....
قاطعها الأب_ قولت اللى عندى
يتبع.....
لقراءة الفصل الخامس والأخير : اضغط هنا
لقراءة باقي فصول الرواية : اضغط هنا
نرشح لك أيضاً رواية عشق الطفولة للكاتبة هنا
google-playkhamsatmostaqltradent