recent
أخبار ساخنة

رواية مصائر مجهولة الفصل الرابع 4 بقلم سما محمد

jina
الصفحة الرئيسية

 رواية مصائر مجهولة الفصل الرابع 4 بقلم سما محمد

رواية مصائر مجهولة الفصل الرابع 4 بقلم سما محمد

رواية مصائر مجهولة الفصل الرابع 4 بقلم سما محمد


الجد:زين اختارك انتي يا فريدة
فريدة اتصدمت وقالت:ايييه؟
جليلة اتفرست وقالت:هو لعب عيال ولا اية مش قولنا يختار واحدة من عيالي ولا اية
الجد:مش عاوز صوت 
فريدة اتخضت اول مرة جدها يزعق كدة
جدها بص وقال: فريدة و زين معايا في المكتب بسرعة
فريدة قامت وهي خايفة 
دخلوا وقفلوا الباب 
الجد :اقعدوا 
فريدة قعدت وهي لسة خايفة لأنها بتخاف من الصوت العالي
ف جدها راح مقرب منها وحضنها وقال: متزعليش مني انا اسف كان لازم ازعق عشان يسكتوا يا قلب جدو
فريدة مسحت دموعها وقالت: خلاص ياجدو مش زعلانه 
جدها:اكيد
فريدة ابتسمت:اكيد مش هزعل منك 
وزين عرف انها بتخاف من الصوت العالي فقالها:مكنتش اعرف انك بتخافي من الصوت العالي
فريدة:ملكش دعوه بيا
زين:الاه وانا مالي يالمبي 
فريدة: ابتسمت
زين قال في نفسه: فعلا قلبك رقيق وصافي زي ما جدو قال
الجد بص لفريدة وقال:انتي رافضة زين لية؟ في قلبك حد تاني؟
زين حس نفسه بيشيط من الفكرة دي
فريدة ردت:لا يا جدو بس انا مش عاوزة اتجوز دلوقتي
زين ارتاح لما قالت لا
الجد:اعتقد أن كل البنات في سنك بيتجوزوا دلوقتي أنا عاوز أسأل عن سبب رفضك لزين مش للجواز عموماً
فريدة:مش عارفه بس انا مش عاوزة
زين بصلها وقلبه بيتقطع وقال: خلاص يا جدو سيبها براحتها
فريدة زعلت من اللي عملته 
زين كان هيطلع
ف الجد قال:مكانك انا مخلصتش كلامي 
بص لفريدة وقال:بصي عندي اقتراح هتتخطبوا فترة ولو حسيتي انك موافقة علي زين تتجوزوا ولو مش موافقة محدش هيجبرك علي حاجة بس تبقي اتعرفتي عليه وقربتوا من بعض شوية
فريدة :ماشي 
زين:يعني موافقة ولا بتراضينا وبس 
فريدة:انت رخم علي فكرة متتكلمش معايا 
زين:الاه امال الخطوبة دي هقعد اشاورلك فيها ولا اية
فريدة ضحكت وقالت:اه
زين:شوف بقي يا جدو 
الجد:جدو موافق 
زين:انتوا كلكوا عليا ولا اية 
فريدة ابتسمت وقالت:اه عندك مانع 
زين ابتسم وقال: مقدرش يكون عندي مانع
الجد : الحمدلله أنكوا عقلتوا هنطلع برا نقولهم انكم موافقين ويومين وزين يجيب الدبل وتلبسوها وهتتخطبوا فترة لحد ما تحسوا أنكوا فعلا موافقين
فريدة: ماشي
طلعوا كلهم برا 
جليلة في نفسها:انا مش هسكت علي اللي بيحصل ده جليلة يتعمل فيها كدة هوريكوا كلكوا
الجد دخل وقعد مع العيله وقال: فريدة وافقت وان شاء الله زين وفريدة هيتخطبوا وعاوز اقول كلمه لعلا وملك الشخص المناسب ربنا شايلهولكوا مش تقلقوا مش عاوز زعل
ملك اتكلمت بجدية وقالت: اساسا ياجدو فريدة دي اختنا وزين يبقي زي اخونا الكبير انا لما وافقت علي الكلام ده كان عشان حضرتك شوفت الموضوع مناسب مش اكتر انما هما الاتنين مكانتهم محفوظة عندي ومش هتتهز بالحوار التافه ده 
الجد:ربنا يبارك فيكي يا ملك طلعتي عاقلة
علا بتذمر طفولي:وانا ياجدو عاقلة بردو 
الجد:وانتي ياقلب جدو كلكوا عاقلين جدا
زين بص لفريدة وقال وهو بيضحك:حضرتك مش محتاج تقول عن العقل يا جدو 
فريدة بصتله بعصبيه وقالت في سرها:تحب اوريك الجنان؟
فضلت العيله تتكلم وكل واحد فيهم مرتاح إلا واحدة اعتقد كلكم عرفتوها
جليلة في نفسها بغل:مش هسكت عن اللي بيحصل ده لو مجاش لبناتي واحد احسن منه
الجد قال:انا بقول نسيب العرسان يتعرفوا علي بعض حبه لأنهم مكانوش بيتكلموا
كل العيلة قامت
فضلوا هما الاتنين
عند الشاب اللي أتقدم لفريدة واتضرب للاسف(عمر)
عمر بحزن:كل حاجة بحلم بيها بلاقيها في ثواني بتتبخر قدام عنيا حلمت اني اكون وسط عيله تضمني لقيت نفسي في وسط عيلة شبه مفككه وكلهم مشيوا وسابوني هنا،حلمت بالكلية اللي بحبها ودخلت كليه تانية مكانتش من اختياري، ويوم لما قلبي دق وحبيت وقولت هتجوزها يمكن تكون عوض ربنا ليا اكتشفت انها اتخطبت واكتشفت ان في الاخر الاحلام متخلقتش ليا ولا عمرها هتكون ليا الحمدلله علي كل حال اقوم اصلي عشان ارتاح من اللي أنا فيه
عند فريدة وزين
فريدة افتكرت وقالت:زين هو أنت قولت ل عمر انك خطبتني
زين اتعصب وقال:وانتي عرفتي اسمه منين أن شاء الله؟
فريدة حست انها خلاص هتعيط:بعد اذنك مش تزعقلي ماشي؟
زين هدي وقالها:انا اسف مكانش قصدي ازعقلك والله
فريدة:خلاص متزعقليش تاني لو سمحت 
زين:خلاص مش هزعق بس قوليلي عرفتي اسمه منين عشان أنا معدل الغيرة عندي بيطلع للمليون دلوقتي تمام 
فريدة:معدل ال اية؟
زين: مفيش كملي
فريدة:هو من أوائل الدفعة زيي ف اسمه معروف في الكلية وكل الطلبة عارفينه ولقيته النهارده جاي يقولي مبروك علي الخطوبة وربنا يعوضك ويعوضني وصراحة حسيت أنه مكسور اوي 
زين بغيرة:اجوزهولك احسن قولي بس 
فريدة:انا مقولتش حاجة بس فهمني كلمته ازاي
زين: مفيش قالي انه عاوز يتجوزك ضربته 
فريدة:حرام عليك هو غلط في اية هو مكانش يعرف كنت قوله براحة انك هتخطبني اية العنف ده معني كدة انك ممكن تمد ايدك عليا
زين: فريدة اهدي انا مقدرتش اتحكم في عصبيتي لما سمعته بيقولي كدة وبعدين انا مستحيل امد ايدي عليكي ايدي تتقطع قبل ما تأذيكي 
فريدة:طيب بعد اذنك كلمه وجيبه هنا واعتذرله لأن اللي عملته مش يرضي ربنا انت ضربته من غير ما يعمل حاجه
زين:وانا موافق بس هكلمه ازاي
فريدة:استني هتصرف واجيب رقمه
زين:نعممممم؟
فريدة:اولا انا مبكلمش ولاد ولا ممكن اقبل علي نفسي حاجة تغضب ربنا وبلاش الاسلوب ده وطريقة الشك الغريبة دي أنا كل اللي هعمله هدور في جروب الدفعة اللي عامله دكتور مصطفي عن رقمه وهعرف الرقم من صورته وبس
زين:بصي يافريدة انا عارف انك محترمه وبتتقي ربنا بس انا غيرتي صعبه واصعب ما يكون مش ممكن اتحمل أن مراتي تتكلم عن راجل غيري أو تجيب سيرته 
فريدة:بس انا مش مراتك دلوقتي حضرتك تقدر تنهي اي حاجه لو أنا مضيقاك 
زين:بصي يافريدة من الاخر انا بحبك وفكرة ابعد عنك دي تبقي بموتي ماشي وحبي ليكي ده من واحنا لسة عيال صغيرة مش تيجي دلوقتي بعد ما خلاص هتبقي مراتي تقوليلي نبعد لأن انا لا هقدر ابعد ولا هستحمل البعد
فريدة اتكسفت وقالتله بتوتر:بعد اذنك غلط اللي بتقوله ده احنا مش متجوزين دلوقتي والكلام ده مش ينفع 
زين ابتسم وقال: خلاص مش هقوله تاني
فريدة بصت وقالت بسعادة:اهو لقيت الرقم 
زين:وريني 
خد رقمه ورن عليه
:الو مين معايا ؟
زين:احم كان في شخص انت قابلته النهارده وضربك مش كدة؟
عمر افتكر وزعل وقال:اه حضرتك بتسأل لية
زين:للاسف انا الشخص ده وعاوز حضرتك تنورنا في البيت اعتذر منك ونأكل سوا ممكن نبقي صحاب
عمر: خلاص مش لازم انا مش عاوز اعتذار
زين:تمام العنوان اهو ....
عمر:بس انا مش هاجي 
زين: النهارده بليل بعد المغرب كدة تنورني ولو مجتش هروحلك البيت 
عمر: خلاص خلاص جاي 
زين قفل معاه وبصلها:هيجي بعد المغرب 
فريدة:طيب كويس ،وعلي فكرة لازم تتعود تكلم الناس بهدوء وبإحترام وتكون اخلاقك زي اخلاق الرسول عليه الصلاة والسلام ومش تعمل كدة تاني
زين ابتسم وقال:عليه الصلاة والسلام
بعدين قال:هو أنا ناقصني حاجات كتير وعاوز اقرب من ربنا ومش عارف
فريدة:سيب الموضوع ده عليا أن شاء الله هحاول معاك 
زين : بجد؟
فريدة:اه بجد
زين:طب يلا نبدأ دلوقتي
فريدة: خلاص ماشي يلا بس هروح اجيب حاجات الاول 
زين:ماشي 
فريدة دخلت جابت حبه كتب ومصحف وسجادة صلاة 
وقعدت وبعدين قالتله:اول حاجه لازم تتأكد انك عاوز تقرب من ربنا فعلا لانك حابب كدة مش لانك مجبر أو عشان تظهر تدينك فاهمني
زين:مش تخافي انا عاوز اقرب من ربنا لاني حاسس اني علي الطريق الغلط ومش مرتاح 
فريدة:تمام كدة ربنا يهديك ويهدينا المهم بقي قولي انت بتصلي ومش فيها كسوف 
زين:احم هو صراحة بقطع شوية 
فريدة:بص الصلاه هي عماد الدين وركن أساسي في الاسلام وفرض علي كل مسلم ولما تبدأ تصلي لازم تستشعر الصلاة وتعرف انك لما بتصلي بتبقي بين يدي الله وأنك بتصلي للي خلقك وبتعظمه وأنك لما بتتوضئ بس بتُغسل ذنوب منك ولما بتصلي وانت بتركع أو تسجد بتتناثر الذنوب منك ف أول حاجة لازم تنتظم في الصلاه وتعرف أن الاذان لما بيتقال فيه الله اكبر لازم تعرف أن ربنا أكبر وأعظم من اي حاجه في ايدك وأنك لازم تقوم تستجيب لنداء ربنا واهم حاجه تصلي علي قد ما تقدر في المسجد وبالذات الجمعه ولو انت جاهز دلوقتي قومي صلي كل اللي فاتك النهارده ولما تخلص ناديني 
زين فرح وقال: ماشي
زين راح يصلي بحماس وهو حاسس ان هو خلاص هيقرب من ربنا 
خلص الفروض اللي عليه وطلع يشوف فريدة لقي موبايله بيرن 
زين:الو
عمر:انا قدام البيت اهو 
زين:طيب ادخل انا مستنيك جوا 
عمر:ماشي
زين قفل معاه وراح لفريدة: فريدة
فريدة: نعم
زين:عمر وصل 
عمر دخل ولقي صدمه عمره:فريده؟!
يتبع.....
لقراءة الفصل الخامس : اضغط هنا
لقراءة باقي فصول الرواية : اضغط هنا
نرشح لك أيضاً رواية نبض السيف للكاتبة سارة محمد
google-playkhamsatmostaqltradent