recent
أخبار ساخنة

رواية أجمل لقاء الفصل الخامس 5 بقلم سلمى محمد

jina
الصفحة الرئيسية

 رواية أجمل لقاء الفصل الخامس 5 بقلم سلمى محمد

رواية أجمل لقاء الفصل الخامس 5 بقلم سلمى محمد

رواية أجمل لقاء الفصل الخامس 5 بقلم سلمى محمد


وقفنا المره اللى فاتت لما تميم كان عاوز ياخد الموبايل من حور.
واحد اتنين وفجأه.......
موبايل حور رن رنه صغيره وفصل .
حور دى سدن .
تميم طب رنى شوفيها عاوزه ايه.
حور هبعتلها واتساب.
تميم نا قولت رنى .
حور ماشى ابقا اكلمها بعدين.
تميم  انا قولت رنى ودلوقتى.
حور اووووف اى التحكم دا يا تميم خد رقمها وكلمها انت.
تميم بزعيق حووووور.
حور حاااضر.
حور الو. 
سدن معلش حبيبتى رنيت من غير مااقصد يارب ما اكون صحيتك من النوم .
حور ولايهمك ياقلبى انا مكنتش نايمه.
حور مال صوتك انتى تعبانه ولا حاجه .
تميم اتضايق وشاور لحور تفتح الاسبيكر .
حور بتأفف فتحته.
سدن لا والله مفيش انا كنت نايمه وحواء صحبتى رنت عليا صحيت على صوت الموبايل جيت ارن عليها رنيت عليكى لما اول الحروف مشابه.
حور ولايهمك . اسيبك تنامى.
سدن لاعادى براحتك انا طالما صحيت مش هعرف انام تانى.
حور ايوا ياماما .
مامت حور بتكلمى مين .
دى سدن ياماما .
مامت سدن والله هاتى اسلم عليها.
حور دى ماما ياسدن عاوزه تكلمك .
سدن بكسوف طبعا ماشى اديهالى .
 اتفضلى ياماما.
ازيك ياحبيبتى عامله ايه .
سدن الحمد لله بخير ..
سدن حضرتك عامله ايه.
بخير يابنتى والله .
سدن دايما يارب.
تسلمى ياحبيبتى ربنا يجعلك من نصيب تميم ان شاء الله ويتمملكم بخير ياحبيبتى حور بتحبك اوووى وبتشكر فيكى وعمو بيشكر فيكم دايما.
تميم بيشاور لمامته ويقولها بصوت واطى وانا وانا  وبيعمل قلب بأيده.
مامت تميم ضحكت بصوت عالى .
سدن فى حاجه ولااى ياطنط .
لا يابنتى دا تميم.
سدن فهمت انه قاعد معاهم واتكسفت،، احممم احم اأاه.  
مامت حور  ،حور معاكى ياحبيبتى.
مامت حور طلعت.
سدن اى ياحور ماما بتضحك ليه ماله تميم.
هو قاعد معاكى وانتى بتكلمينى؟! اوعى تكونى فاتحه الاسبيكر بالله .
حور ضحكت .
سدن بفهم اممممممم شكلى هشيلك الماده السنه دى  .
حور ممكن اطلب طلب واتمنى توافقى .
طبعا اتفضلى.
حور كلمى تميم دقيقه علشان خاطرى.
تميم فرح .
سدن أنا آسفه كل حاجه فى وقتها معلش .
حور ماشى براحتك.
متزعليش منى واتمنى تميم ميزعلش وصليلو أسفى.
تميم قاعد وكل مره بتزيد فى نظره وأعجب بأسلوبها وطريقتها.
حور لا مش زعلان هو حابب راحتك .
سدن ماشى ياقلبى طولت عليكى عاوزه حاجه.
سلامتك ياقلبى.
تميم لسدن يلا بقا افتحى موبايلك دقيقه ومش عاوز نقاش.
حور بغيظ اوووووف اتفضل.
وهو بيقرأ الشات بينهم وفرحان اوووى .
سدن بعتت رساله لحور.
عارفه ياحور هموتك لما اشوفك، مقعده تميم جنبك وانتى بتكلمينى وفاتحه الاسبيكر .انا مكنتش مركزه بقول ايه هو انا عكيت الدنيا ولاحاجه .افترصنا كنت قولت حاجه كدا ولا كدا .
تميم شافه الرساله وقعد يضحك ووراها لحور علشان تردعليها .
حور هههههههههههه والله هو كان عندى من قبل ما ترنى .
 وحاجة  زى ايه مثلا .
سدن لا دا كتير الحمد لله ان متكلمتش .
حور ههههههههههههههه قوليلى زى ايه بس .
سدن ياكسفتى الحمد لله ربنا بيحبنى .
حور قعدت تضحك عليها.
سدن انا كان ممكن وانا بكلمك اقولك اخوكى قمر واقعد اعاكس فيه ليكى.
طبعا وانت  كنتى هتسبيتى اهبل فى الكلام صح .
حور صح أنا أحب افرح اخويا.
سدن يابت لا انا كدا اخدت قرارى وهشيلك الماده .
حور اسفه دكتورتى العزيزه .
تميم فرحان اووووى وقاعد مركز اووووى وقلبه بيدق جامد من الفرحه . 
حور يلا بقا ياتميم عاوزه انام شويه قبل اذان العشا.
تميم لسه قاعد.
حور. ياتميم احنا مش هنتكلم تانى على فكرا .
عدى وقت وكانت سدن فى اوضتها بتعيط افتكرت مالك اللى كان نفسها تتزوجه   .قعدت تكلم نفسها انا خلاص قررت اوافق على تميم بفكر فى مالك ليه وانا عارفه ان مستحيل نكون لبعض  انا مش عارفه الخير فين اختيار ربنا افضل ليا وقعدت اصبر نفسى وانا بعيط .قومت غسلت وشى وقررت اطلع اعرف بابا انى وافقت علشان يرن عليهم يعرفهم .
والد سدن اهلا يا حبيبتى تعالى عامله ايه النهارده .
سدن الحمد لله يابابا.
والد سدن ها يابنتى اخدت قرارك وفكرتى وصليتى استخاره  
سدن ايوا يابابا .
والد سدن واخر كلام.
سدن انا موافقه يابابا .
والد سدن الحمد لله ياحبيبتى انت كنت خايف انك متوافقيش بس خفت اضغط عليكى علشان مبقاش سبب ان اجوزك حد مش عوزاه تميم دا اللى هيحافظ عليكى ويسعدك .
سدن وهيا بتعيط ان شاء الله يابابا .
 بتعيطى ليه بقا ياحبيبتى .
لا يابابا مفيش كله دخل فى بعضه .
فرحانه وزعلانه وخايفه ومتوتره همشى بعد عشرين يوم من البيت هتوحشونى اوووى.
 هو مينفعش يسافر ويجى نتجوز نكون اتعرفنا اكتر على بعض واكون استعديت .
والد سدن ياحبيبتى دا مجهز كل حاجه ومش هينفع نلغبط ترتيبات الناس .
سدن ماشى يابابا اللى تعرفوه .
والد سدن هرن عليك اعرفهم .
سدن اتفصل يابابا.
والد سدن رن على والد تميم وقاله انهم موافقين ومستنينهم بكرا .
والد تميم فرح اوى ونده على تميم عرفه انهم هيروحوا بكرا عند سدن .
تميم كان هيطير من الفرحه وحور اكتر .
تميم عارفه ياحور حاسس انى عاوز اكلمها اووى نفسى اكلمها دلوقتى.
حور ايه ياواد انت مستعجل ليه كدا بكرا هنروح عندهم مش قادر تستنا .
تميم لا بصراحه ممكن تبعتيلها رساله😊.
حور كنت لسه هكلمها.
طب ابعتى .
حور سوسو حبيبتى انتى مش عارفه احنا فرحانين قد اى دلوقتى انك وافقتى وبالاخص تميم هيطير من الفرحه.
حور  الف الف مبروك ياقلبى وربنا يتمم بخير يارب .
سدن وانا فرحانه انكم فرحانين حبيبتى .الله يبارك فيكى .ويارب دايما تكونو فرحانين.
حور خلاص كلها عشرين يوم وتبقى معانا.
سدن ان شاء الله دعواتك بقا.
اوعى متجيش بكرا ، هزعل .
حور لامتخافيش هاجى .
سدن طيب الحمد لله علشان عاوزه اقعد معاكى .
وكمان تلطفى الجو لما نقعد انا وتميم مع بعض .
حور ماشى ياست.
سدن تميم بيسلم عليكى اووووى وبيقولك الف مبروك ياعروسه.😹😹
سدن الله يسلمه ويبارك فيه وبعدين انتى كل حاجه بتضحكك يابنتى .بتضحكى ليه.
حور مفيش حاجه والله بس تميم مستعجل اوووووى على ايه بكرا ماكنتو تخلوها النهارده .😹😹😹😹
سدن اممممم بكرا ياحور بعيده من رأيك يعنى والله مفيش حد بالسرعه دى بيرد ولافى حد بالسرعه بيتجوز ربنا يستر بقا انا  متوتره اوى اصلا.
حور لا متخافيش خير إن شاء الله .
سدن إن شاء الله . 
عدى باقى اليوم عادى وكله نام.
تانى يوم.
جت الساعه٧ .
سدن يالهوى ياماما الساعه ٧ باقى ساعه ويجو هروح البس.
مامت سدن ماشى ياحبيبتى .
جهزت سدن نفسها كانت لابسه فستان بترولى ساده وطرحه لونها ابيض فى بترولى وكوتش ابيض وحطت ميكآب خفيف وصلوا الساعه ٨ ونص  .
استقبلوهم وقعد يسلموا على بعض.  
مامت سدن انا متأكده ان سدن مكسوفه تدخل هروح اشوفها لسه هتقوم.
 سدن طلعت بس كانت متوتره اوى كان قاعد تميم ومامته وحور اخته ومامتى انا .لاكن بابا وعمو واخويا قعدوا برا .
اول ما دخلت بصيت من تحت لتحت لقيت تميم مركز معايا اوووى اتوترت اكتر .
سدن السلام عليكم .
كلهم ردوا السلام .
سدن لمامت تميم ازى حضرتك عامله ايه وحضنتها .
الحمد لله ياحبيبتى انتى عامله ايه .
الحمد لله بخير.
 مامت تميم اى العسل دا قمر ماشاء الله عرفت تختار ياتميم🥰.
سدن بكسوف ربنا يبارك فى حضرتك.
سدن بإبتسامه حوووور عامله ايه ياحبيبتى وحشتييييييينى.
 حور الحمد لله ياقلبى تمام وانتى كمان وحشتيييييينى اوووووووى.
تميم انتو كنتو مع بعض امبارح على فكره لحقتو توحشوا بعض دا كله.
حور لا والله وانت مش كنت هتطير وتيجى وبعدين خف غيره.
كلهم قعدوا يضحكو.
سدن مدت ايدها بخجل سلمت على تميم عامل ايه.
تميم بخير الحمد لله انتى اخبارك ايه .
سدن تمام الحمد لله وقعدت .
مامت تميم ماشاء الله عليكى اى القمر دا ربنا يحميكى ويتمملكم بخير ياحبيبتى .
سدن شكرا لحضرتك ربنا ميحرمناش منك .شرفتونا ونورتوتا.
مامت تميم بنورك ياحبيبتى .وبلاش حضرتك دى قوليلى ماما .
سدن ماشى ياماما.
قامت مامتى ومامت تميم وسابونا انا وتميم وحور قاعدين مع بعض.
تميم عشرين يوم يكفى انك تستعدى فيهم وتجهزى نفسك.
سدن ضحكت ضحكه خفيفه بصراحه لا .
تميم ضحكلها انا آسف والله بس انتى عارفه الظروف احنا المفروض كنا خلصنا فى عشره ايام علشان  اقعد معاكى اكتر فتره ممكنه.
سدن بكسوف اممم  لا بئا انت مصمم تكروتنى .
لا والله مش كروته خالص.ان شاء الله بعد عشرين يوم وهقعد بعد الفرح شهر واسافر وبعدها بأقل من شهر هبعتلك .
سدن خير إن شاء الله .
حور قاعده تعلب فى الموبايل ومش مركزه معاهم خالص.
تميم ممكن تيجى هنا جنبى.
سدن احم احم.
قامت قعدت جنبه بس بعيد شويه .
تميم قرب منها وقالها عارف انك مكسوفه منى بس انتى قمر اووووى النهارده والفستان هياكل منك حته .
سدن اتكسف اكتر وكانت بتترعش وقاعده تفرك فى ايديها جامد.
تميم لاحظ فمسك ايديها كانت متلجه وبتترعش.
تميم بصوت واطى اهدى ليه دا كله اهدى .
سدن اتفاجأت لما مسك ايدها بس حست بإطمئنان.
تميم مالك .
سدن........
سدن نسيت نفسها وكانت مركزه اووى.
بعد كدا لاحظت انها نسيت نفسها  كحت جامد .
حور مالك فى اى خدى ميه بسرعه .
حور بصت لتميم وغمزتله ومش عارفه ايه اللى حصل قالت فى سرها عملت اى ياتميم يخربيتك.
فضلو قاعدين وسدن مكسوفه .
جت  مامت تميم يلا بقا ياتميم اتأخرنا اطلع انده على بابا.
سدن ياماما ليه خليكم شويه كمان علشان خاطرى معلش لسه بدرى.
معلش يا حبيبتى هنيجى تانى.
سدن وكمان انا مقعدتش مع حضرتك.
تميم لاحظ انها  مصممه وعوزاهم يقعدوا.غمز لمامته ففهمت وسكتت.
قعدت مامت تميم وسدن يتكلمو.
سدن  بتبص لتميم معلش كنت عاوزه اعرف حاجه بس .
تميم طبعاا اتفضلى.
بالنسبه للجامعه ايه اللى هيحصل فيها.
تميم كل خير ان شاء الله هنعمل تحويل وهتبقى زى ماانتى متخافيش ان عمرى ماهضيع مستقبلك .
سدن فرحت اوى ان تميم عامل حساب النقطه دى.
سدن شكرا بجد دى حاجه مهمه بالنسبالى.
تميم هو فى شكر بينا هنكسر حاجز الكسوف امتا بئا.
سدن ضحكت وقالتله الله أعلم.
جت الساعه ١١ والد تميم يلا ياجماعه بقا الوقت اتأخر .
قاموا كلهم.
سدن لمامت تميم شرفتينا ياماما كان نفسى تقعدوا معانا تانى .
مامت تميم ان شاء الله نيجى تانى وانتى خلاص كلها عشرين يوم وتكونى وسطينا .
سدن ان شاء الله.
حور بهزار هتوحشينى يادكتوره لغايه مااشوفك بكرا.
سدن وانتى هتوحشينى ياقلب الدكتوره .
تميم لسدن خلى بالك من نفسك❤.
سدن بفرحه حاضر.
مشيو وهما بيركبو للعربيه تميم شاف سدن للمره التانيه بتبص عليه من الشباك فرح اوى وغمزلها اتسكفت ورجعت لورا بسرعه .
سدن انا غبيه اووى اقسم بالله.
فى العربيه ركبت حور جنب تميم قربت عليه وقالتله انت عملت اى فى الدكتوره خليتها شنقت جامد .
تميم ضحك بصوت عالى والله ولا حاجه .
حور هتكدب عليا ماشى براحتك ابقا تعالا اقرأ الشات كدا ولا قولى افتحى الاسبيكر علشان تسمع صوتها.
تميم بصوت واطى يابنتى  هتفضحينا الله يخربيتك. والله انا مسكت ايديها يدوب بس .
حور اه منك انتى اللى يسبك هتخربها.
تميم احترمى نفسك ماما وبابا ورا .
والد تميم بتتوشوشو فى ايه .
تميم ولا حاجه يابابا مفيش.
عليا ياتميم المهم اتبسطت النهاره.
تميم اه الحمد لله .
روحوا البيت وبعد وقت طويل.
تميم راح لسدن اوضتها.
حور متكلمتيش انتى وسوسو.
حور لا متكلمتش انا وسوسو.
حور جتلها رساله.
بتفتح لقيتها من سدن.
حور شوف سبحان الله بتيجى عالسيره.
سدن حور حبيبتى شرفتونا ونورتونا النهارده بجد والله انا ارتحتلكم  وحبيتكم اووووى وكأنى اعرفكم من زمان ربنا ميحرمنيش منكم ومن كلامكم الحلو واشكريلى ماما.
حور دا بنورك ياقلبى انا مستعجله اوى بصراحه كأنى انا اللى هتزوجك عاوزه الايام تجرى بسرعه.
لا بصراحه كتر خير تميم انا مستعجله فهو بئا اكيد هيطير.
سدن اى دا كله مش للدرجه يعنى.
حور والله واكتر.
سدن هو تميم عامل ايه 🙈.
حور😹😹😹.
سدن ياحيوانه بتضحكى على ايه.
خلاص مفيش احترام للدكتوره كدا خلاص.
حور تميم كان معاكى من ساعتين ، كويس ياقلب تميم.
سدن يخربيييييييك😳 يابنت انتى خلاص كدا ماشى ياحور .
تميم قاعد جنب حور وهو فرحان لمجرد بس بيقرأ الكلام اللى بتبعته.
عدت 
الايام كانت سدن بتكلم حور وتتطمن منها على تميم لانهم مكانوش بيتكلمو فى الموبايل علشان حرام تميم كان نفسه يكلمها بس هيا رفضت.مع انها كان نفسها تكلمه علشان تتعود عليه وتعرف شخصيته أكتر .
عدت الايام باقى كام يوم ويتجوزوا.
كانت سدن بتكلم حور دايما وتميم بيقعد جنبها والاسبيكر مفتوح  تميم كان بيبقا عاوز يكلم سدن وهيا بترفض وتميم كان بيزعل  لانه عاوز يكلمها بس كان بيخلى حور بتفتح الاسبيكر .
حور رنت على سدن
حور عامله ايه ياقلبى.
سدن الحمد لله تمام انتى عامله ايه وماما وبابا وتميم .
حور كلنا كويسين بيسلمو عليكى وتميم بيسلم عليكى اوووى.
سدن الله يسلمه.
حور مالك حاسه صوتك متغير.
 سدن والله مش عارفه ياحور انا خايفه اوووى ومتوتره بقالى كام يوم مش عارفه انام ولا آكل من التوتر مش عارفه اركز فى اي حاجه.
تميم زعلان نفسه يكلمها ويطمنها.
حور يابنتى متخافيش خير ان شاء الله لازم تتغذى كويس علشان متتعبيش مننا يادكتوره 😹.
مع ان اكلك قليل اووى بس تميم هيوكلك ويحشيكى.
سدن ضحكت ربنا يستر ومنتخانقش على حكايه الاكل دى .
حور لحظه بس ياسدن
 ماشى ياحبيبتى براحتك ووقفت المكالمه .
حور فى ايه ياتميم مالك لازق ليه مش عارفه اتكلم منك عاوز ايه قاعد تشاورلى وانا مش فاهمه منك حاجه وافترضنا هنقول كلام مينفعش تسمعه .
تميم عادى يومين تلاته وهتبقا مراتى وانتى اختى عادى اسمع اى حاجه .
تميم وبعدين ماتتعدلى يابت بتعلى صوتك عليا.
حور عاوز ايه يعنى.
تميم عاوز اكلمها.
حور وانا مالى ماانت عارف اللى فيها .
تميم علشان خاطرى قوليلها تميم عاوز يكلمك دقيقتين بس .
سدن طيب متتكلمش .
تميم ماشى يازباله بتأمرينى ماشى.
حور اصلا انت متلزق فيا علشان مصلحتك بس .
تميم طب يلا كلميها. 
حور معلش ياسدن اتأخرت عليكى .
سدن لا ولايهمك فى حاجه قلقتينى .
تميم.
سدن بخضه ماله يابت تميم سيبتى أعصابى فى ايه.
حور اهدى مفيش حاجه حبيب القلب كويس.
سدن بكسوف أحم احم .احترمى نفسك يابت انتى بتكلمى الدكتوره بتاعتك.
حور قعدت تضحك .
سدن  مقولتيش ماله تميم .
حور تميم عاوز يكلمك دقيقتين بس .
سدن حور هو كان قاعد جنبك وانا بتكلم اوعى تكونى فاتحه الاسبيكر هزعل منك .
حور متخافيش ها بقولك تميم عاوز يكلمك دقيقين .
سدن مش عارفه والله لحظه هستأذن من ماما الاول.
وقفت المكالمه وراحت قالت لمامتها حور بتكلمنى وبتقولى تميم عاوز يكلمك دقيقتين بس ينفع ياماما.
ماشى ياحبيبتى انتى مكلمتهوش خالص اصلا.
شكرا ياماما عن اذنك.
سدن حور ماما وافقت .
حور ماشى تميم اهو معاكى .تميم أخد موبايل وطالع. 
حور رايح فين .
تميم رايح اوضتى.
حور والله يعنى وانا بتكلم تتلزق وتقعد جنبى لكن انت  وبموبايلى بتاخدو وتمشى.
كل دا وسدن سامعه وبتضحك.
تميم بس اسكتى سلام .
 ومشى راح اوضته.
حور شوف الواد انا يخلينى افتح الاسبيكر ويقعد فوق راسى وانا بتكلم  وهو اخد الموبايل ومشى والله ماشى..
سدن الووووو.
تميم أحلى ألو سمعتها فى حياتى والله.
سدن عامل ايه.
تميم بقيت كويس لما سمعت صوتك.
سدن احم احم .
تميم مش هنبطل كسوف.
سدن اعمل اي   اول مره نتكلم عاوزنى اعمل ايه وبعدين انا لسه يدوب قولت عامل ايه بس انتى مصمم توترنى.
تميم لا والله مش بوترك.
 عامله ايه.
سدن انا كويسه الحمد لله تمام. 
تميم بتاخدى العلاج كويس وبتاكلى كويس..
سدن اممم باخده بانتظام والله بس مع التوتر مش قادره آكل خالص.
تميم عارف انك متوتره وخايفه دا طبيعى لانك داخله حياه جديده  بس عاوزك تطمنى خالص وكلى كويس علشان الاكل القليل بيتعب بعد كدا وبيأثر على الجسم.
سدن خير إن شاء الله.
تميم وبعدين ليه التوتر دا كله .
سدن مااعرفش .
تميم  مواظبه عالصلاه .
سدن اه الحمد لله طبعا وانت.
تميم الحمد لله.
ماما وبابا عاملين ايه.
تميم كويسين الحمد لله.
سدن حور فين. فى اوضتها. 
وانت فين.
 انا فى اوضتى .
سدن امممم افكرك انت معاها .
تميم لا أنا رحت اوضتى علشان اعرف اكلمك .
سدن اممممممم ماشى سلملى على ماما وبابا .
تميم حاضر يوصل .
تميم خلى بالك من نفسك وكلى كويس.
سدن ماشى.
تميم بفرحه وحب خلى بالك من نفسك ولو احتاجتى حاجه عرفى حور وهيا تقولى ماشى.
سدن ماشى .
تميم خلى بالك من نفسك 
سدن تانى ....
تميم تانى وتالت وعاشر❤.
سدن حاضر.
تميم سلام.
سدن استودعك الله الذى لا تضيع ودائعه.
سدن قفلت وكانت فرحانه ومطمنه من كلامه .
تميم خدى ياحور فونك.
حور اممم اتكلمت اه منك انت مش سهل خلى بالك.
 مشيت هناك كنت بتقولها اى.
ضربها على قفاها ماتحترمى نفسك يابت .
قعدوايضحكوا
يتبع.....
لقراءة الفصل السادس : اضغط هنا
لقراءة باقي فصول الرواية : اضغط هنا
نرشح لك أيضاً رواية غيث ومرام للكاتبة منار رضا
google-playkhamsatmostaqltradent