recent
أخبار ساخنة

اسكريبت فتاة معذبة الجزء الخامس 5 بقلم محبة الرحمن

jina
الصفحة الرئيسية

 اسكريبت فتاة معذبة الجزء الخامس 5 بقلم محبة الرحمن

اسكريبت فتاة معذبة الجزء الخامس 5 بقلم محبة الرحمن

اسكريبت فتاة معذبة الجزء الخامس 5 بقلم محبة الرحمن


استيقظت مني من النوم فرحانه جدا لاول مره تحس أنه بيحبها لاول مره تحس انها زوجه مش آله فضلت تبصله كتير وبتكلم نفسها ياريت مايكونش حلم
استيقظت خالد بابتسامه :بتبصيلي كده ليه مش مصدقه نفسك صح ههههه؟
-مني: فعلا مش مصدقه 
وقرصها صرخت من الوجع
ضحك خالد وقال:دي عشان الغش وقرصتيني امبارح 
مسكت المخده وخبطته في دماغه وضحكت وجريت وقالتله :دي عشان تفوق
استمرت الايام علي نفس الحال وكانت مني سعيده جدا
في يوم اتصل بيها خالد وقالها انا حصلتلي مشكله ومديون بمبلغ ٥٠٠٠جنيه ومش معايا اسدهم وهتحبس لو مادفعتهمش 
قالتلوا:تعالا خد بيع من الدهب اللي يكفي ولا انك تتذل لحد
-خالد: طيب البسي واجهزي عشان اخدك نروح نبيعه
-مني: ماشي
لبست مني وانتظرته ورجع خالد طلعت الدهب بتديهوله خده منها وشاله في الدرج 
-خالد:يلا بينا 
-مني:علي فين مش هناخد الدهب
-خالد:هنروح الأول نشوف سعره عشان نشوف هنبيع قد ايه
خرجوا وراحوا عند الصائغ 
فبادرت مني بتسأل: سعر البيع كام النهارده
-خالد:واحنا مالنا بسعر البيع احنا هنشتري
صدمت مني :انت مش قولت
-خالد: خلاص نتكلم في البيت
لو سمحت عايزين نشتري اعرضلنا اللي عندك بس تكون حاجات قيمه 
قعدوا يتفرجوا واشترت غويشه وخاتم 
بعد ما روحوا
-مني:ممكن افهم بقي
-خالد:تفهمي ايه بالظبط
-مني:خااااالد
-خالد بضحك:هفهمك بصراحه انا قولت اعمل عليكي الفيلم ده عشان اشوف هتقفي جنبي والا هتبعيني بالذات بعد المشاكل اللي كانت بينا وانا اصلا كنت حوشت المبلغ ده ونويت اشتريلك بيه دهب عشان اعوضك جزء من دهبك اللي بعتيه في الشقه
-مني بعياط:بتختبرني وانا كنت امتي قصرت في حقك
-خالد يقبل يديها:عمرك حقك عليا ماكنتش اعرف انك هتضايقي كده
ويميل عليها ليقبلها بحب 
بعد فتره كانت بطاقتها أوشكت على انتهاء صلاحيتها جبلها الاستماره وملاها وقالها هياخدها المحافظة عشان صاحبه هناك يخلصها بسرعه
ذهبوا وبعد الانتهاء
-خالد:مش جعانه
-مني:جدا تعالا نجيب سندوتشات فول وطعميه من مطعم--------
-خالد:فول ايه اميرتي تنقي احسن مطعم نتغدا فيه الضهر قرب يأذن يبقي غدا علي طول
-مني:لا كده تكاليف جامده عليك
-خالد:مالكيش دخل بالتكاليف يلا بقي عصافير بطني بتصوصو ايه رائيك نقضيها فسور وناكل مأكولات بحرية
-مني:لا ياقليل الأدب انا مش بحب المأكولات البحرية ايه رايك ناكل مشاوي
-خالد:يبقي مشاوي نروح مطعم--------
-مني:ايه ده اغلي مطعم هنا
-خالد:وايه يعني كله فدا عيونك
واستمرت الايام علي كده لحد ما بدأ خالد يتغير بدأ يتعصب عليها وعلي الولاد ساعات وأوقات تانيه يكون كويس لكن جه فتره بقي بيتعصب دايما من غير سبب وزي مايكون بيدور على حاجه يتلككلها بيها وهي استحملت وسكتت وبقت تسأله إذا كان في حاجه مضايقه يقولها مافيش لحد مامره سمعته بيكلم واحده
-مني :مين دي اللي بتكلمها ياخالد
-خالد:دي واحده زميلتي في الشغل هي من قريه بعيد وعايزاني احجز لابنها عند الدكتور 
-مني:ماشي
وبعد فتره زميلته دي بقت ترن عليه كل يوم
مني هي زميلتك دي عايزه تحجزلها كل يوم
-خالد: عادي بتتصل نتكلم في الشغل
-مني: والله ده من امتي 
-خالد بزعيق:في أي هو تحقيق انا راجل واعمل اللي انا عايزه
-مني: مافيش كلام من كده مش عشان راجل تغلط
-خالد: انتي مالك
-مني: انا مراتك
-خالد: طظ 
-مني: انت اتجننت
-خالد بعصبية مسك شعرها وقالها :صوتك يعلي تاني والا تغلطي هندمك
-مني: انت ايه اللي جرالك ماانت كنت كويس 
-خالد: ده اللي عندي وان كان عجبك 
-مني: لا مش عجبني وهمشي واسيبلك البيت انت رجعت زي الاول حتي المصاريف بقيت رامي الحمل كله عليا
-خالد: مع السلامه انا اصلا قرفت منك ما بتهتميش بشكلك وبعجرتي والشقه علي طول معفنه
-مني :دي انا انا زي ماانا مازدتش ولا جرام ودايما بلبسلك اشكال والوان أما بالنسبه للشقه انت بتشوف اني كل يوم برجع من الشغل اشتغل في البيت يااما بنضف لمامتك يبقي امتي اهملت في شقتي بس انت اللي مش نضيف وبترمي لبسك في اي حته وبتدخل بالجذمه علي السجاد وتركن أي طبق أو كوب معاك في اي حته والاولاد طبيعي أنهم يبهدلوا وهما بيلعبوا انت عايز ناس روبتات تنفذ اللي انت عايزه بس
لكن كلامك أن دل على حاجه فيدل على أن في واحده في حياتك
-خالد: حتي لو في مالكيش دعوه
اخدت مني ولادها وكانت ماشيه بس أهل جوزها طلعوا عندهم وهي واجهتهم باللي شكه في وهو ماردش ومشي واقنعوها تقعد وتحافظ على جوزها
رجع خالد بالليل نام من غير مايكلمها 
فضل الحال كده وبعد كده مني قررت هتعمل اللي عليها اخدت شور ولبست وحطت مكياج مع أنه قالها مش بحبه وبرفان وهو جه واتفاجأ منها 
خالد بشبه ابتسامه هو في ايه
مني قولت يمكن اكون قصرت معاك مع اني دايما معاك بس يمكن تحب المكياج المره دي 
خالد انتي مش قولي هتمشي
مني رغم أن رده استفزها بس ردت ببرود اهلك مسكوا فيا هعمل ايه ماهما زي أهلي برضو
خالد يعني مش عشاني 
مني عشانك انا اهد الدنيا بحالها وادبح اي واحده تاخدك مني
خالد ده انتي بتحبيني بقي
مني انت شايف ايه
خالد مش شايف
مني يبقي البعيد اعمي
خالد نععععم
مني ماانت مستفز في ردودك انا بحب خالد اللي كان معايا الفتره اللي فاتت مش بحبه بس ده انا بموووووت فيه شفته هو فين اصل اديله فتره مختفي
خالد بضحكه عاليه موجود شبيك لبيك
ضحكت مني وحضنته وتاهوا مع بعض 
بعد شويه نائمه مني علي صدره 
مني ممكن أسأل سؤال 
خالد اسألي
مني ممكن اعرف كان مالك الفتره اللي فاتت
خالد ساكت 
مني مش عايز ترد برا
خالد مقاطعها كنت هتجوز
مني انتفضت بتقول ايه
خالد كان في واحده ارمله ومعاها ولاد  لأن أهل جوزها الميت بيضايقوها وانا كنت هحميها
مني بعياط والله حلوه الحجه دي ماكنت تقدر تجوزها لاخوك اللي مش متجوز وهو يحميها دي حجه فارغه انا قصرت معاك في اي عشان تفكر تتجوز عليا
 كانت هتقوم من جنبه مسك أيدها 
خالد انا كنت قادر اكدب عليكي بس انا بجد بحبك علي العموم اوعدك مش هفكر في الموضوع ده تاني ممكن تسامحيني
تفتكروا هتقدر تسامحه
يتبع.....
لقراءة الجزء السادس : اضغط هنا
لقراءة باقي أجزاء الاسكريبت : اضغط هنا
نرشح لك أيضاً رواية عشق الطفولة للكاتبة هنا
google-playkhamsatmostaqltradent