recent
أخبار ساخنة

اسكريبت فتاة معذبة الجزء السادس 6 بقلم محبة الرحمن

الصفحة الرئيسية

 اسكريبت فتاة معذبة الجزء السادس 6 بقلم محبة الرحمن

اسكريبت فتاة معذبة الجزء السادس 6 بقلم محبة الرحمن

اسكريبت فتاة معذبة الجزء السادس 6 بقلم محبة الرحمن


-مني: مش هقدر سامحك
-خالد: ارجوكي يا منايا انا حتي لو كنت اتجوزت ماكنتش عمري هسيبك ولا كنت هقبل انك تسبيني
-مني: انت مريض حب ايه اللي بتتكلم عنه اي حب ده اللي اول لاقيت وحده تاني بدات تهيني وتعذبني يعني لو نفترض انك هتتجوز عليا وانا هقبل هتفضل تعاملني كده كمكافأه علي حبي ليك لا ومتوقع اصلا انك لو اتجوزت انا هعيش معاك ثانيه واحده 
-خالد: انا فعلا مااقدرش استغني عنك خلاص اوعدك مش هفكر في كده تاني
-مني بتبكي بشده: المفروض دلوقت اني اسيبك وامشي بس انت الفتره اللي قبل كده كنت زوج كويس وبجد حبيتك يعني ده جزاتي عشان حبيتك
-خالد يقبل رأسها ارجوكي يا منايا 
ونظر إليها بحب ورجاء ومسح دموعها 
وأخذها في حضنه قبلت مني أن تستمر في حياتها معه وتعطيه فرصه ثانيه واستمرت في إعطائه كل الاهتمام والتجديد الدائم لاجله
بعد مده زمنيه قصيره حوالي شهرين عادت معاملة خالد السيئة مره اخري وفي أحد الأيام وبينما هم جالسون للعشاء اتصلت بيه الارمله 
خالد بنت حلال كنت لسه هكلمك عشان تكلميها وتتعرفي عليها
-مني :في حالة صدمه رهيبه 
-خالد :خدي يامني اتعرفي علي هبه
-مني: تنظر لخالد بعيون دامعه وهو ينظر لها بأستهزاء
-مني :انت يستحيل تكون بني آدم
دخلت غرفة اولادها وقفلت عليهم الباب وفضلت تعيط بوجع وحرقة قلب
خبط خالد علي الباب صرخت مني ابعد عني منك لله انا بكرهك 
غضب خالد وفضل يخبط على الباب بقوه صعد أهله لهم عندما سمعوا أصواتهم 
خرجت مني على أصواتهم
-مني :تعالوا شوفوا ابنكم المحترم بيعمل فيا ايه
وحكتلهم من اول ما قالها أنه كان هيتجوز لحد اللي حصل دلوقت
-والده: انت ايه اللي بتعمله ده مراتك محترمه وبنت أصول انها ماسبتكش لحد دلوقتي وانت مش محترم 
-والدته :هو انت عشان ماعندكش اخت بنت تعمل كده في بنات الناس
-خالد: دي حياتي وانا حر فيها وانا مش هعمل حاجه حرام هتجوز علي سنة الله ورسوله
-مني :وانت تعرف ربنا اصلا عشان تطبق الشرع طيب ماتطبق الشرع وبلاش ألفاظ قذره وسب دين طيب ماتطبق الشرع واتعامل مع مراتك بموده ورحمه طيب ماتطبق الشرع وتنزل تصلي الصلوات كلها في الجامع ماتخدش الشرع حجه لشهواتك
حاول خالد يضربها بس أمه وأبوه وقفوا قدامه 
مني :انا مش هقعدلك فيها 
-والده: لا لو هيعمل كده دي شقتك وشقة ولادك يطلع بره البيت ولا هو ابني ولا اعرفه
خرج خالد من المنزل
-مني قعدت تعيط حماها وحماتها ماتعيطيش انتي زي بنتنا واحنا بنحبك وان فكر يعمل كده مش هيدخل البيت ده تاني
-مني: انا مايرضنيش تقاطع ابنك بسببي انا هخرج من حياتكم 
-حماتها بهزار: لا قولي بقي انك بتهربي عشان ما تساعدنيش في فرح اخوه 
-مني: لا طبعا ده اخويا ومااتأخرش عليه
رجع خالد لقي مني نائمه مع الولاد في اوضتهم دخل اوضته وغير ونام 
فضل فتور بينهم لحد ماقرب موعد فرح اخوه وهي كانت كل يوم تنزل تساعد حماتها في توضيب شقته
قبل يوم الفرح بكام يوم دخل خالد اوضة الاولاد شال مني من علي السرير واخدها اوضة النوم 
-مني: انت بتعمل ايه
-خالد: ايه مراتي وانا حر فيها
-مني: دي لما تكون جاريه مش زوجه 
-خالد :والله والله قطعت علاقتي بيها ومسحت رقمها من عندي 
-مني: وانا المفروض افرح والا اقوم ارقص
-خالد: ياريت
-مني: حاولت تسيبه وتمشي شدها ليه وكتفها بدراعاته 
-مني: سيبني مابقاش ينفع مش كل ماتجرح هينفع تداوي مش كل الجروح بتخف
-خالد: باس راسها وايدها حقك عليا ياست الناس انا مش عارف ليه انا بعمل كده والله انا بحبك ومش ببقي عايز ازعلك أو اعمل حاجه تجرحك مش عارف إذا كان الشيطان والا ايه
-مني: ده شيطان نفسك 
-خالد :طيب قوليلي اعمل ايه عشان اصالحك
-مني: ماهو مش زرار ادوس عليه الوجع يروح سبني ولما احس اني هقدر اسامحك هقولك 
تركته ودخلت اوضة الاولاد تاني
يوم الفرح كانت مني ترتدي درس جميل جدا عليها مع الخمار كانت متأنقه جدا خالد كان لابس بدله طلعت علي الاستدج عشان تهنئ العروسين وقفت تهزر مع العريس فهي تعتبر اخ 
-مني :ايه القمر ده ياعريس 
-مصطفى: اخو خالد ايه رايك انا حلو في البدله دي
-مني :انا مش بقول عليك بقول علي العروسه
-مصطفى: ايه الرخامه دي
-مني: من بعض ما عندكم 
-مصطفى: بس ايه الحلاوه دي انتي
صعد خالد ومصطفى بيقول كده
-خالد: ماتحترم نفسك بدل ما اضربك يوم فرحك
-مصطفى: هتضرب اخوك الكبير ويوم فرحه 
-خالد: اه ادام مش هتحترم نفسك دي مراتي
-مصطفى: ياابني دي اختي 
-خالد: برضو احترم نفسك
وليد اخوهم الأصغر من خالد ب٤سنين صعد معاهم الاستيدج 
-وليد :لمني اوعي ايه المزه دي ايه منمن ده انتي احلي من العروسه صحيح مش حطه مكياج بس قمر 
-خالد: بغضب جرا ايه ياحيوان انت وهو والله اقلب الفرح نكد على دماغكم
-خالد :لمني عجبك كده
-مني: اه عجبني اخواتي وبيمدحوا فيا ازعل ليه
-خالد: طيب يلي انزلي ولينا كلام لما نروح
-مني: طيب اسلم علي العروسه وابوسها
-خالد: ابقي بوسيها في البيت ماهي مروح معانا 
-مني: خالد البنت تزعل مني انا سلمت علي اخوك ماينفعش ما اسلمش عليه 
-خالد: طيب أنجز بدل ما اصورلكم قتيل النهارده
سلمت مني علي هبه عروسة مصطفى وقررت تجعلها اخت ليها رغم كرهها للاسم
بعد الفرح ذهب كل واحد لشقته 
دخل خالد الشقه وهو شايط دخلت مني نيمت الولاد في مكانهم وذهبت لتغيير ملابسها بغرفة النوم
-خالد: اقدر اعرف ايه اللي كان بيحصل هناك ده
-مني :ايه اللي حصل
-خالد: بتستعبطي
-مني :خالد وطي صوتك الناس نامت 
-خالد: ماهو انتي لو 
-مني :قاطعته لو فكرت تغلط فيا وعزة وجلال الله ماهتشوف وشي بعد النهارده
خالد تفاجأ من قوتها في الرد عليا وسكت 
-كملت مني: بالنسبة للي حصل مش كل الناس وسخه اخواتك بعتبرهم اخواتي وانا ماتمديتش في الهزار معاهم كله كلام بنغتت علي بعض ومش معني أنهم جاملوني بكلمه يبقي هما مش كويسين أو انا مش كويسه بس اللي شاف واحده وسخه بيفتكر كل الستات زيها مش بعيد حتي أمه
كانت هتخرج بس خالد شدها لحضنه 
-خالد: بعياط اول مره مني تشوفه بيعيط انا اسف سامحيني غيرتي عليكي عامتني انا عارف انكم محترمين بس انا بغير عليكي من الهوا وماتقوليش تاني تمشي انتي الهوا اللي بتنفسه
-مني: نعم ده اللي هو ازاي وبالنسبة للجوازه عليا  ماخوفتش تخسرني ليه وقتها لما تحرق دمي كل ماخوفتش انا مااقومش وتخسرني للابد
-حط أيده علي بؤها وقالها بعياط :بعد الشر ده انا اموت فيها ارجوكي يا منايا ماتسبنيش ساعديني اتغير
صعب علي مني عياطه اخدته في حضنها وطبطت عليه لحد ما هدي ونام علي رجلها
مني في نفسها طيب نام علي المخده رجلي نملت وهفضل كده طول الليل 
فضلت تبصله وتلعب فى شعره بعد ساعتين حبت تقوم عشان رجلها وجعتها والفجر قرب يأذن اول ما حاولت تتحرك قام خالد مفزوع بيصرخ مني ماتسبنيش حضنته مني وبصوت حنين
-مني: ماتخافش انا هنا مش همشي 
-فاق خالد انا نمت على رجلك 
-مني: اه
-خالد :اكيد رجلك وجعتك مش اوي 
-خالد بابتسامه: مابتعرفيش تكدبي
-مني: الله بقي ماانا ماهنش عليا اصحيك 
قرب خالد منها وسألها لسه بتحبيني يامنايا
-مني :اللي تحب مش سهل تكره ياخالد
باسها خالد من خدها 
-مني: شالله تسلم
-خالد: بضحك حلوه شالله تسلم دي جبتيها من فين يابتاعت بابا وماما
-مني: سمعت ست قالتها في الفرح النهارده
-خالد :بقولك ايه انتي مش غيرانه 
-مني: من ايه 
-خالد: من العروسه 
-مني: وحطت أيدها في وسطها اغير منها ليه كانت احلي مني والا احلي مني ايوه هي اطول مني وابيض مني بس انا احلي يااخويا
-خالد: انتي قلبتي كده ليه علي راجل انتي قعدتي مع مين
-مني: ست قربيتكوا اسمها وداد وشكلي لقت منها كلام
-خالد: مالقتيش الا وداد وتقعدي معاها وبعدين مين قال العروسه احلي منك ده انتي القمر نفسه انا بتكلم علي اللي هيحصل معاها 
مني ضربته علي كتفه انت قليل الادب ومعدوم التربيه
-خالد: بضحك يابت انا جوزك 
-مني: جوزي بس سافل
طيب تعالي اوريكي بقي
وعادت الايام الورديه الا من بعض المناكافات البسيطه كأي زوجين
 في أحد الأيام اتصل خالد بمني في منتصف الليل 
-خالد: مني البسي لبس يناسب السفر ولبسي الولاد 
-مني: ليه وانت ماجيتش ليه لدلوقت
-خالد :هنطلع رحله للسخنه مع صاحبي ومراته واولاده ونرجع بكره المغرب
-مني: هييييه ده بجد حبيبي ياخلودي هنمشي امتي
-خالد :في الفجر جهزي بقي حاجات واكل وعصير وانا جاي دلوقت اساعدك
-مني: مااتحرمش منك ابدا هنادي علي ماماتك واقولها احسن تقلق علينا
-خالد: زمانهم ناموا ماتقلقهمش الصبح نتصل بيهم
-مني: ماشي
راحو السخنه واتفسحوا واتصلوا بأهله.الصبح وكانت سلفتها هتتجن من الغيره
وادي مشاكلها زادت وحده 
ياتري مخبيلها ايه الايام
يتبع.....
لقراءة الجزء السابع : اضغط هنا
لقراءة باقي أجزاء الاسكريبت : اضغط هنا
نرشح لك أيضاً رواية عشق الطفولة للكاتبة هنا
google-playkhamsatmostaqltradent