رواية ذات الوجهين الفصل التاسع والعشرون 29 بقلم منة محمد

رواية ذات الوجهين البارت التاسع والعشرون

رواية ذات الوجهين الجزء التاسع والعشرون

رواية ذات الوجهين الحلقة التاسعة والعشرون

ضحي سابت هبه مع ياسمين واخدت شنطتها وطلعت وقفت قدام الباب لمحته داخل عليها بالعربيه نزل منها وابتسملها
ضحي مبتسماله: جيت في الوقت المناسب وثانكيو عشان هتوصلني
محمد قرب منها: ياستي المهم ياسمين عامله ايه؟
ضحي: لسه حزينه ومش مبطله عياط بس هبه معاها جات تشوفها
محمد: هي انسه هبه هنا
ضحي: ايوه قاعده معاها تواسيها وخصوصا بابا وماما مش هنا وكنت قلقانه اسيبها تحب تدخل تشوفها
محمد: مش الاول تسأليها لو تحب تشوفني!
ضحي: ياعم محمد انت هنا يله شوفها_زقته من ضهره_ يله تعال انا هزقك
ضحي وهي بتزق محمد لمحته جاي عليهم قالت لمحمد: محمد انت ادخل الاول
محمد لف وبصلها بستغراب: ليه؟
ضحي: انا هحصلك انت ادخلها الاول
محمد: اوكيه
ضحي جريت ع نور: نور انت هتعمل ايه
نور: انا عايز اشوف مراتي وسعي ياضحي وخليني اشوفها
ضحي بتدفعه من صدره: انت شايف حالتك ارجع يانور هي مش عايزه تتكلم معاك
نور غمض عيونه واخد نفس عميق قبل ما يتهور واتك ع سنانه: مش متحرك غير لما اتكلم معاها
ضحي: وانا بقولك متصعبهاش هي مش هتتكلم
نور شاور ع العربيات: ودول الي جاين يشوفوها محمد هنا يعني هي قادره تتكلم اشمعني عندي مش هتقدر تتكلم
ضحي نفخت بزهق: لانك صاحب المشكله يانور
………….قصص منه محمد كاتب………..
هبه استقبلته بترحاب لطيف: اهلا يا استاذ محمد اتفضل
محمد حمحم: السلام عليكم
هبه وياسمين ردوا عليه السلام
محمد بص لياسمين بحرج: الصراحه انا متردد ادخل لاني عرفت انك مش عايزه تتكلمي بس دخلت لاني قلقان بجد عليكي
ياسمين: متشكره
نور دخل بسرعه: ياسمين
ياسمين اول ما شافته قامت من مكانها مفزوعه: نور ليه ياضحي دخلتيه
ضحي: هو عايز يتكلم معاكي وطردته وهو صمم يدخل
نور: ياسمين لازم نتكلم _بصلهم برجاء_ محمد هبه ممكن اتكلم انا وهي ع انفراد
ياسمين هزت راسها برفض: مفيش حاجه عشان نتكلم فيها اخرج حالا من بيتي ضحي زي ما دخلتيه خرجيه وبسرعه
نور: لاء ياسمين_مسكها من كتافها_ لازم نتكلم ولازم تسمعيني خليني اوضحلك
ياسمين بكت بحرقه ودموعها سيل على خدودها: قولتلك هطلق منك
نور جن جنونه مسكها بقوه: مش هطلقك انتي عايزه تطلقي وانا مش هطلقك
ياسمين بتضربه بجنون: سبني يا خاين ياكداب
نور بصوت مخنوق: هبه ساعديني اتكلم معاها
هبه بتشدها منه: سيبها الاول كدا مينفعش اي كلام وهي مش جاهزه وبضغطك عليها هتتعصب اكتر من فضلك امشي
نور بتصميم وأصرار: مش همشي ياسمين ذات مشت وسابت الشقه
ياسمين فضلت تنط في مكانها بصراخ هستيري من ذكره اسمها : متقولش اسمها قدامي انا بكرها
نورخاف عليها وبلع ريقه ومسك ايدها: حاضر بس لله اهدي واسمعيني
ياسمين صرخت بأعلى صوتها وغرقت عيونها دموع: بقولك سبني محمد ارجوك ساعدني
محمد قرب حاول ياخدها من ايده: نور ابعد واظن كدا كفايه
نور بلهجه حاده وهو ضاغط اسنانه : من فضلك ده امر بيني وبين مراتي متدخلش
نور شدها له تاني وياسمين بتصرخ في ايده بنهيار
محمد زقه: نور بقولك ابعد لانك كل ما هتعمل كدا هي هتكرهك زياده
نور شاط وولع: انت ملكش علاقه بالموضوع_ وبيسحب فيها بالقوه_
محمد ما حسش بنفسه الا موجه لكمه في وش نور وكانت عنيفه ونور اخدها ووقع بيها علارض ونور هنا وصل لقمه غضبه واتعصب وقام وداخل يضرب محمد لكمه ومسكوا في خناق بعض ,,ياسمين شافت كدا عيطت وشافت الدنيا سوده طلعت تجري ع الشارع لانها ما تحملتش الضغط منه اكتر من كدا!!!!
ومحمد ضرب نور في معدته عشان يبعده عنها وطلع يجري وراها وهبه وضحي اتلخموا في نور الي بدء يتقئ ومسك معدته وينادي عليها ويقولها انه مش هيطلقها
…………..قصص منه محمد كاتب……..
محمد مسكها: ياسمين رايحه فين؟
ياسمين بتعيط بجنون: اي مكان بس مكنش هنا
محمد مقدر حالتها : تمام انا هاخدك اركبي العربيه
ياسمين ركبت جنبه ودموعها زي السيل الجارف ومحمد مضايق عشانها ومش عارف يعمل ايه ناولها مناديل كتير وياسمين اخدتها منه ومسحت فيضان دموعها
محمد: ممكن تهدي
ياسمين بشهقات متتاليه: ليه مصمم يحاصرني كدا مش هقدر أأعد هنا
محمد صوت بكاها كسر قلبه وحقيقي خايف عليها ومحتار : ياسمين اهدي العصبيه مش هتحل المشكله
ياسمين: انت واخدني ع فين
محمد: اي مكان تحبي تروحيله هاخدك عليه
ياسمين بحيره: معرفش مبقتش عارفه حاجه
محمد: ايه رايك نروح عندي نئعد ع البحر
ياسمين هزتله دماغها ورجعتها لوري ع الكرسي وغمضت عيونها وتسيل دموعها
بعد شويات وصلوا الفندق هي قعدت ومسحت دموعها ومحمد طلب من عمته كاس ليمون واخد الصنيه وراحلها حطها قدامها: تحبي تئعدي لوحدك ولا تحبي اكون معاكي
ياسمين هدت شوي: لاء اقعد معايا
محمد قعد: اوك
ياسمين اخدت نفس وحاولت ترسم ابتسامه : منظر البحر هداني كتير
محمد ابتسملها: طب الحمد لله
ياسمين: بيتك خلاص هيبقي فندق زي ما بتحلم بيه
محمد ابتسملها بمغزي: ايوه و البركه في نور لانه باشمهندس شاطر جدا وفهم انا عايز ايه
ياسمين بصت لبعيد : ياتري هو فهم الي هو عايزه
محمد: وانتي فاهمه الي انتي عيزاه
ياسمين: الطلاق انا عايزه الطلاق والحقيقه انه مكنش ينفع نتجوز من الاول كان لازم افهم انه حبها وانه عمره ما هينساها ابدا
محمد: بس الحب والنسيان مش متشابهين مش معني اننا منسناش اننا بنحبهم والحقيقه انا كنت نفس نور خنت مراتي ومش بحاميله ولا بدافع عنه عشان راجل زيه بس احيانا بنعمل تصرفات احنا مش مدركين عواقبها وننسي كل حاجه زي صح وغلط بنحب ومنحبش
ياسمين: شكرا يا محمد لانك بتتكلم بصراحه ووضوح بس انا غير ذات معاك وطبعا انت راجل فدايما بتلاقوا العذر كمبرر ودافع للخيانه واول رد منكم الست مقصره او خنتها عشان مشاعر مهمله المفروض الزوجه تعمل ايه تتقبل الامر عادي كعذر يملكه الزوج بس اسفه ده مش عدل ولا انصاف
محمد بهدوء: عندك حق
ضحي قربت عليهم بعد ما سلمت ع عمته وأأعدت وهي خايفه ومتردده لانها شافت في عيونها نظرة عتاب :ياسمين عامله ايه؟!
ياسمين : احسن ولو سمحتي اتوسل اليكي متدخليش نور للبيت تاني
ضحي: بس انا فعلا عايزاكم تتصالحوا
ياسمين بعصبيه ونرفزه: انتي عارفه بعد الي عمله مفيش حاجه نتصالح عليها
ضحي: بس انا مش معاكي خالص انك تطلقي مش عايزاكي تستسلمي لذات هي عملت كل ده عشان تاخد نور منك وانتي بطلاقك بتقدمهولها بسهوله وهي هتفرح فرجاء اديلو فرصه
ياسمين بحده: اظن قولتلي خليكي ايجابيه وشوفي الحقيقه وانا شوفتها وقررت بناء عليها_ قامت لدرجه الكرسي وقع ع وري_ محمد انا اسفه لازم امشي
محمد قام بسرعه معاها: ياسمين اقعدي معانا
ياسمين بنظرات غضب لضحي: لاء هتصل بهبه ترجعني انا ماشيه
محمد : استني طيب انا اوصلك_ وبص لضحي بعتاب وسابها وراح وري ياسمين
…………قصص منه محمد كاتب………….
رفعت بحده عليه: انت معندكش صبر ولا عقل ازاي هتقنعها
نورهان بشده : ماهو كله بسببك انت الي ولا بتديلو نصيحه مفيده
رفعت بنرفزه: يعني ده وقته
نورهان: زي ما هو مش وقته كمان انه يطلق ياسمين يابني ده انت لو لفيت الدنيا كلها مش هتلاقي واحده زيها
نوركتف ايديه: لكن هي رافضه تلين ومصممه ع الطلاق بس انا مصمم مطلقهاش
رفعت: ولو فضلت مصممه
نور: وقتها هخطفها واخدها بالعافيه
رفعت: ولو قدمت فيك شكوي وسجنتك
نور بحزن: اعمل ايه مقدميش اي طريقه لكن محتاج اقف واسيب الامر لحد ما توضحه حضرتك
رفعت ضحك اوي: انت قولت ايه حضرتك الي هو انا
نور بصله اوي و كرمش ملامحه بزهق: يوه يا بابا هو انا عندي اب غيرك ولو مش انت هيكون مين انت ابويا الوحيد ولازم تساعدني وتتكلم مع ياسمين عشان خاطري
نورهان: بتتحايل عليه هو دوره يكلمها ويقنعها تتكلم معاك
رفعت:مستحيل ادخل لاني دلعتك بزياده بس بعد كدا مش هدلعك
نور باس دماغه وايده وبرجاء وتوسل: عشان خاطري يابابا ساعدني بس المره دي اني اتكلم معاها بهدوء وبعد كدا اضربني بالجزمه
رفعت هب فيه : قلت لاء مشكله كبيره زي دي انت سبب فيها تبقي تحلها بنفسك انا مش هساعدك ابدا يستحيل
نور اتك ع شفايفه ونورهان غمزتله وبهمس: سيبه هيروحلها
…….قصص منه محمد كاتب…………
ضحي أأعدت مكانها وتعيط وتمسح في دموعها وتاكل الفراوله من فوق الكيكه!
جالها صوت من فوق راسها بتريقه: اه اظاهر اختك هزقتك شويه حلوين
ضحي لفت عليها وبصتلها وكشرت مره تانيه: والله العظيم كانت نيتي خير معرفش انها هتزعل مني كدا
عمته لفت وشافته جاي عليهم: الحقني يا محمد أأعدت تعيط وخلصت كل الفراوله الي ع الكيكه انا هسبهالك
محمد ضرب كفه بكف عمته: اوكيه سبهالي
ضحي بصتله ومسحت دموعها وحطت الطبق
محمد اقعد ع الكرسي الهزاز وبص لقدام: الجو ربيع بس عارفه جزاء الي بيتحشر في شؤن غيره
ضحي: متكملش عليا انا مش ناقصه ماشي
محمد ضحك بصوته كله: انا مش بكمل انا بواسيكي
ضحي اتعصبت بجد ضحكته عليها تنرفز : بأسلوبك ده بتسميه مواساه
محمد: طبعا مواساه وليه مش هواسيكي وع فكره اختك قويه اكتر ما بتتخيلي وهي هتلاقي حل
ضحي كشرت بستياء: الطلاق هو حلها من وجهه نظرها وطبعا ذات دي هتفرح وتاخدها مقشره ,,بس الي مجنني هي فعلا عايزه نور ولا عايزه تؤذي ياسمين
محمد: الي زيها عايزه حاجه واحده مصلحتها الشخصيه والباقي يولع بالجاز اما بالنسبه لنور انا فاهمه جدا ومتفهم موقفه وصدقيني لو جاتلي فرصته كنت هنتقم منها زيه لاني بسببها خسرت كل حاجه وست واحده بس هي الي بصتلي بحب واهتمت بيا ودعمتني وعشان كدا ضعفت وخونت مراتي معاها يمكن عشان هي الشخص الوحيد الي وقف جانبي
ضحي بغيره مخفيه: الست دي ماهي مش كدا
محمد انبسط من غيرتها وابتسم: ايوه ماهي
ضحي مدت شفايفها لقدام: طيب ليه انفصلت عنها طالما بتحبك
محمد: لاني محبتهاش وعشان كدا محبتش استغلها واستغل حبها ليا لان ده اسمه استغلال سئ عشان كدا سبتها وناويت اقف ع رجلي من تاني
ضحي بنظرات أعجاب واضحه: بجد انت جميل اوي يامحمد لانك رفضت تستغلها وانا معجبه بيك
محمد انبسط من مدحها وبص اوي في عيونها: والمكان ده خلاني القي نفسي واعرف قيمته كويس واظن مش وحش وشغال
ضحي لفت وشها عن عيونه: هو بس مش كويس هو جميل جدا ومتأكده وواثقه انه هيبقي سلسله مطاعم
محمد قرص خدها وهو بيضحك : انشاء الله وعارفه ايه اكتر حاجه تريحي بيها اختك انك تديها مساحه خليها تفكر وسبيها تقرر بنفسها وانتي بس تشجعيها من بعيد لبعيد ده المطلوب منك تمام
ضحي حطت ايدها ع خدها وبصتلوا وسكتت
محمد اتنهد: اه كالعاده مفيش اجابه( ضربها ع دماغها بكف ايده ) لسه برضو بلم وساكته
ضحي: بطل ضرب يا رخم
محمد بصلها و رافع حاجب : ماشي هبطل
ضحي بتحيه : شكرا ياريس
محمد بص للطبق ووسع عيونه : الله فين الكيكه بتاعتي انتي اكلتيها كلها لوحدك
ضحي مثلت البراءه: هي خلصت لوحدها بس فيه حته فاضله تاكلها
محمد ضحك عليها من جواها كأنها طفله وكتف ايده: ياتري حد هيأكلهالي
ضحي مسكت الطبق والشوكه: انا هأكلهالك
محمد فتح بؤه وهي اكلتها ومحمد كشر
ضحي اخدت حته تانيه ومدتهاله: لاء خلاص هأكلهالك
محمد لقفها: اكل حته احسن من مفيش يا مفجوعه
…………….قصص منه محمد كاتب……………
في بيت اهل ياسمين
رفعت حط الفنجان بهدوء ع التربيزه: عارف ان ابني ارتكب غلطه كبيره بس انا طالب منك تفكري لو له معزه وحب في قلبك تغفريله وتبدؤا من الاول ع صفحه بيضه
ياسمين: انا فعلا فكرت وفكرت كتير لقيت الطلاق هو الحل الانسب
رفعت: الانسب لمين ليكي ولا لنور ولا لذات
ياسمين بدئت دقات قلبها تدق بخوف لمجرد انه يبقي مع ذات لكن حاولت تكون هاديه ومتحكمه في نفسها لحد ما تسمع باقي كلامه!
رفعت: شوفي انا مش عايزك تتسرعي وتاخدي قرار لانك حاليا مجروحه ايه رايك تاخدي شويه وقت لحد ما تهدي خالص وبعدها عيدي التفكير ولو فضلتي شايفه ان الطلاق هو انسب حل خلاص براحتك بس انا عايز احذرك من نقطه واحده اياكي تحسي بالذنب ناحيه ذات نور اختارك انتي مش لسبب انتقام او خلاكي بديله ليها ده ملوش علاقه هو اخدك عشان حبك بجد وانتي لازم تعرفي عشان ماتكونيش مشوشه
ياسمين بتحاول تمسك نفسها وما تعيطش قدامه
رفعت:والكلام المهم انك سمحتي لصديقتك تيجي وتعيش في بيتك ورغم كله نصحك وانتي سديتي ودانك وقفلتي عيونك والنار الي حرقت بيتك السبب الحقيقي فيها انتي ليك يد فيها وهي جابت راس نور وهددته بيكي عشان كدا اياك تبقي اداه ليها وتخربي حياتك
ياسمين كلام رفعت صحاه فيها امور كتير جواها دق قلبها..واعترفت لنفسها انها بتعشق نور وانها اشتاقت له وكتير كمان

ياسمين بعد ما رفعت مشي من عندها دخلت عليها زبيده غرفتها: ها احسن دلوقت يا قلب ماما
ياسمين: الحمد لله بس محتاجه اقعد لوحدي
زبيده: تمام بس فكري واتكلمي عشان توصلي لحل وتقفلي البيبان المفتوحه
ياسمين: حاضر يا ماما حاضر
زبيده خرجت وياسمين فتحت صفحتها بالصدفه لقت اغنيه مياده وكأنها بتوصف حالتهم قولي ياللى كنت أغلى الناس عليا ريحني قولي حكايتك إيه جرحت قلب حبيبك ليه…قسيت عليا ليه .. ليه غدرت بيا ليه .. ليه قسيت عليا غدرت بيا ….قولي ياللى كنت أغلى الناس عليا جبت قلب منين يطاوعك على الأسيه
ياسمين شاركت الاغنيه ع صفحتها ونور كان فاتح صفحته بالصدفه شافها شيرت الاغنيه كتب تعليق عليها ((نادم ع الي جري مني) ودخلها خاص كمحاوله وشاف ان الاغنيه مؤشر منها لبدايه كلام !!
نور كتبلها: ياسمين لازم نتكلم ومحتاج منك فرصه ربما تسامحيني لما تسمعيني
ياسمين شافت الرساله لكن مكتبتش اي رد ونور منتظر ونفسه ترد عليه وابتسم لما لقاه نقط بتجيلوا معني كدا انها لانت وبتكتب بس غابت قصاد لهفته
ياسمين كتبتلو: اسامحك عارف امتي لما تموت هسامحك
نور: انا بالفعل ميت من غيرك لان انتي ليا الحياه نفسها وانا بحبك
ياسمين ردت: وانا بكرهك بكرهك خلتني بكرهك ع اد ما حبيتك كنت شيفاك في عيوني راجل مثالي كنت عندي بكل رجاله العالم الراجل الي اخد كل صفه في اي راجل ع البشريه و كنت سعيده بيك وفكرت اني عايشه في الجنه وفي غمضه عين اخدت مني كل ده واكتشف ان كل ده وهم وطلعت بتخدعني
نور كتبلها: اسمعيني يا ياسمين لو انتي شايفه اني كداب وغشاش وخداع بس وري كل ده حقيقه واحده حبي الصادق والكبير
ياسمين ايموشن بيبكي: ازاي عاوزني اصدقك
نور: لازم تصدقيني لاني فعلا بحبك ودي مشاعري ناحيتك ورودي وقوليلي ايوه انا حاسه بالصدق في كلامك
ياسمين سكتت ومكتبتش حرف
نور: مش عايزه تردي عليا بس الايام كفيله تثبتلك صدقي بس طالب فرصه تانيه وسامحيني
ياسمين ساكته بتستقبل وبس!!
نور: ليه مش بتردي عليا ياسمين الحب الي في قلبك ليا مش كفيل تغفريلي غلطتي قدام حبي الكبير ميغفرليش الكدب الي كدبته عليكي
ياسمين: كدب طلع كله كدب
نور: لاء متقوليش كدا قولي انك لسه بتحبيني
ياسمين: لو كنت صادق معايا من البدايه يمكن كنت سامحتك يمكن هي لو مقلتليش كنت هتفضل تخدع فيا
نور كتب بسرعه لدرجه الحروف طلعت متوتره: سامحيني ارجوكي ومستعد اتحمل اي عقاب منك غير اننا نفترق
ياسمين: ليه كدبت عليا
نور: صدقيني مش كدب انا خبيت الامر عنك كان خوف واد ايه كان ضميري بيعذبني
ياسمين: تفتكر هصدقك
نور😔: لازم تصدقيني انتي اغلي حاجه عندي وعارف اني كدبت والي عملته فيكي كان مؤذي بس والله ما كنت اقصده ارجعي وننهي سوي الكابوس المخيف ده
ياسمين: مقدرش اعمل ده
نور: ارجوكي انسي الي عملته واوعدك عمري ما هكدب عليكي تاني
ياسمين: انا محتاجه ابعد شويه
نور : ومالو ابعدي بس في بيتك الي انا مدخلتهوش من يوم ما مشيتي منه وغضبان زيك وقاعد عند ابويا 😁
ياسمين عايزه تضحك ع اسلوبه وخفه دمه بس مسكت نفسها وحبت تنهي الحوار: خلاص لاني بجد صدعت
نور: تمام فكري وانا هفضل مستني رجوعك وغفرانك الي هيصفي بينا اي خصام
ياسمين طلعت اوف لاين ونور اتنهد وهو كمان خرج بس عنده امل ان قلبها يلين ويحن ويمن عليه بالرجوع
……………قصص منه محمد كاتب………..
تاني يوم ياسمين ركبت عربيتها وطلعت ع بيتها هي ونور الي حرفيا وحشها لمحتها ذات الي مبقتش لقيه اللقمه وكانت بتدور ع نور ملقتهوش لمحت عربيه ياسمين امرت سواق التاكسي يلف ويروح وراها
عزه سمعت صوت فرامل عربيه طلعت جري من المطبخ وبفرحه كبيره: ست ياسمين عامله ايه انتي والباشمهندس اختفيتوا واتصلت بست نورهان قالتلي متعرفش وانتي راجعه البيت خلاص
ياسمين بتتكلم بديناميكا : لاء انا جايه اخد هدومي
عزه :تاخدي هدومك ورايحه فين
ياسمين :هفضل عند اهلي فتره
عزه: تفضلي عند اهلك ايه الي حصل
ياسمين مردتش عليها ودخلت ع جوه كأنها روبورت
عزه بعجاله: لاء هتصل بالباشمهندس اوه تلفوني في المطبخ
ذات وقفت التاكسي ونزلت منه وناويه ع الشر والانتقام
عزه اخدت الموبيل واتصلت: ياباشمهندس ست ياسمين رجعت البيت بس جايه تلم هدومها وبتقول هتفضل في بيت اهلها
نور اتوتر وابتسم مشاعر ملخبطه وقال: ايه ياسمين في البيت
عزه هرشت في دماغها : ايوه عاوزني اعمل ايه وانا اعمله
نور: اعملي كل حاجه المهم ياسمين متسبش البيت انا مش بعيد جايلك حالا انا تقريبا وصلت واسمعيني لو ذات دي جات البيت اياك تدخليها ابدا سامعه
عزه: اطمن مش هخليها تعتبها يله سلام انت يا هندسه
…………..قصص منه محمد كاتب…………..
ياسمين دخلت سحبت شنطه من غرفه المعيشه وخارجه لقتها قاعده قدامها ودموع التمثيل مغرقه وشها وجريت عليها تضمها لحضنها: انا اسفه ياياسمين عامله ايه نور رفض اني ابلغك انا مكنتش عايزه اخبي الموضوع عليكي بس خفت تعرفي وتتأذي وانا مش عايزاكي تتأذي_ضمتها بدموع مصطنعه_ انا اسفه يا ياسمين اسفه
ياسمين : بقالك قد ايه بتعملي كدا
ذات اللهجه القاسيه صدمتها وخرجت من حضنها: قصدك نور وانا
ياسمين نبره هاديه للغايه: لاء قصدي التمثيل والادعاء بأنك صديقه كويسه لكن انتي دايما بتضربي في الضهر نفس دلوقت وعشان كدا بسألك بقالك اد ايه بتمثلي عليا كدا
ذات ساكته وعيونها بتشع بكل حقد وغضب
ياسمين: ياتري عملتي ده لما فلستي ولا ده طبعك من واحنا اطفال
ذات نظرات شرسه: ليه بتسألي السؤال ده
ياسمين: لو كنتي عملتي ده عشان تاكلي وتشربي يمكن اقدر اسامح يمكن الجوع يخلينا نعمل اي حاجه بس لو ده طبعك من الطفوله عمري ما هسامح وهقطع الصداقه لانك دلوقت ناضجه ولسه بتعملي كدا وهتفضلي تعملي كدا لحد ما تموتي
ذات بعدت كام خطوه وبصتلها بحقيقتها ووشها الحقيقي: دي انا ذات الحقيقيه وياسمين الفاضله راحت فين
ياسمين: ياسمين الفاضله لسه هنا لكن ياسمين الغبيه الي قدمتلك ايدها بالخير والمعروف وانتي ردتهولها شر بالمقابل ماتت وانتهت
ذات ابتسمت بخبث: مصدقه ان ياسمين الغبيه ماتت بس ياسمين الذكيه بتلم هدومها عشان تفضل في بيت اهلها بس ده كويس حتي عشان منزعجش الباشمهندس ويفضل رايح جاي عليا لانه بجد كان صعبان عليا اوي بس كدا خلاص انا بس الي هبقي موجوده في حياته وكدا مش هتتعبي ولا تغضبي منه
ياسمين بغيره عليه وكرهه عليها : خديه اشبعي بيه عشان متسرقيش عشان تاكلي
ذات: طالما عارفه كل حاجه بوضوح ده هيخليني اتكلم بصراحه اكتر انا عايزه نور وعايزه اكون مراته وع ذمته لانك مش عايزه تربطي نفسك براجل مبيحبكيش انتي لوحدك وانا عامله عليكي وطالما هتسبيه وتخلعيه كدا افضل هتنهي كل المشاكل
ياسمين قربت منها كأنها بترجعها من طريقها ولمست خدها الشمال وملست عليه بضهر كفها : الكريم مخلي وشك ناعم بس للاسف متبلد طخين
ذات ضربت ايدها نزلتها بعنف وعطاتها نظره قويه: هنيني واجرحيني زي ما تحبي طز انا ولا ههتم انا بتكلم علشانك مش عايزاكي تتمسكي بورقه جواز زيك زي اي ست ما بيصدقوا يتجوزه من راجل بس هما في الحقيقه مش مبسوطين ولا سعداء
ياسمين تابعت باسلوب بارد: انا كمان مش هبقي سعيده ولا مبسوطه لما افضل هنا
عزه الي سمعت كل حاجه رجعت اتصلت بنور: الحق يا باشمهندس فيه مشكله
نور: خير يا عزه
عزه: ذات الشر هنا
نور اخد بريك مفاجئ: ايه ذات في البيت خلاص اقفلي انا وصلت تقريبا
نور قفل وجز ع سنانه بغيظ :ياصبر ايوب بجد امتي اخلص من البلوه دي!
………….قصص منه محمد كاتب…………..
ياسمين تابعت كلامها بنفس التماسك والجمود: الطلاق انا مصممه عليه بس دلوقت غيرت راي ونورغلط وحاول يصلح واستخدم معايا كل الطرق وحاول يشرح حاول يقولي كل حاجه حصلت وانا دلوقت مصدقه انه عمل الي عمله لانه اتسكر والعلاقه تمت غلطه هو متعمدش حدوثها والي حصل محصلش بدافع الحب ابدا
ذات بنفعال:بتكدبي ع نفسك
ياسمين بهدوء وثقه: مين فينا الي بيكدب ع نفسه لو نور فعلا بيحبك هو كرر العلاقه معاكي تاني
ذات بصتلها نظرات ناريه وسكتت
ياسمين رجعت اتكلمت بحده اكتر : كررها او حتي اتصل بيكي في غيابي
ذات مازالت ساكته وملامح وشها كلها اتغيرت
ياسمين بثقه : محصلش اظن كدا انتي عارفه اختار مين انا سمحتلك تفضلي قاعده في بيتي لان مكنش حلتك حاجه وده هعتبره رديت ديني لما ساعدتيني لما كان بابا عيان ومن دلوقت ورايح احنا الاتنين مبقاش فيه دين في رقبه التاني _ابتسمت بغرور_ ومستحيل اسيب نور يتجوزك ابدا واسمك يتحط جنب اسمه لاني مش هطلق منه
ذات بصتلها بكره وحقد ياسمين زاحت الشنطه لبعيد وبصتلها بنفس النظرات الكره والحقد ومشت
ذات اتعصبت جدا وراحت تجري وراها: ياسمين
ياسمين مكمله طريقها ع برا ومش بترد اطلاقا وذات رايحه وراها بغضبها
ذات جريت ووقفت قدامها: ياسمين متروحيش اي مكان كلميني الاول – شدت منها مفتاح العربيه_وهاتي المفتاح ده
ياسمين بتشده منها: اوعي
في نفس اللحظه دخل نور زقها عنها بعنف واخد ياسمين في حضنه وعطاها نظرات ناريه واتكلم من بين سنانه : بتعملي ايه ابعدي عنها يامتوحشه
ذات بعصبيه: انا معملتلهاش حاجه
نور: وبتعملي ايه هنا وليه انتي اصلا هنا اخرجي برا يله برا
ذات صرخت في وشه:مش همشي انا في حكم مراتك زيها ولو هي هنا انا كمان هنا
نور عقد حواجبه بقرف : انتي عبيطه ياسمين هنا لانها مراتي _شاور عليها بكل احتقار_ بس انتي مين
ذات انفعلت وحدفته بالخدايات وتصرخ فيه بجنون: اسأل نفسك انا ابقي مين
ياسمين جسمها كله بيرجف ونزلت دموعها ع المشهد الجنوني الي قدامها وسندت ع الكنبه بصعوبه
نور : بطلي جنان_كتفها وبيسحب فيها ع برا _ عزه اهتمي بياسمين ع ما اخد المجنونه دي من هنا
ذات بتصرخ فيه بهستريا: انا ايه بالنسبه لك
نور شالها من وسطها بايده الاتنين وخرجها لحد العربيه
ذات مصدره رجولها في الباب وبتعافربصرخه اقوى: سبني مش ماشيه
نور صرخ بعلو صوته عليها : اركبي
ذات ماسكه في الباب بستماته وبعصبيه مفرطه : مش ماشيه
نور دفعها للعربيه بقوه ودخلها غصب عنها بعد ما فرهدته وزقها: اخرسي واياك تخرجي وربنا لشوطك واخلص منك
ذات بتهبد ع الشباك بعد ما سوجر العربيه: لاء مش ماشيه
ياسمين وقعت علارض تبكي ع الي بيحصل قدامها وعزه تضم فيها وبتحاول تهديها
………..قصص منه محمد كاتب…………..
نور ماسكها من ايدها وبيسحب ويشد فيها بقسوه : اطلعي هنا
ذات بتحاول تفلت ايدها من قبضه ايده: سبني يانور
نور دخلها للمكان وقرب منها ومسكها من كتفها بقوه واتكلم بفحيح : اسمعيني كويس مش هتروحي بيتي تاني انتي سامعه
ذات شخطت فيه بقوه عين: لاء هروح محدش يقدر يوقفني
نور اخد نفس بضيق: انتي ليه مش بتفهمي ليه بتعملي كدا كام مره قولتلك الي بينا انتهي _ شد على اسنانه بقوه_متخليش الحرب بيني وبينك تاخد مساحه اكبر من كدا
ذات: انت بتتكلم كأنها غلطتي لوحدي
نور جز ع سنانه: عارف اني مذنب لما اتنيلت واخدتك معايا دبي ونمت معاكي بقصد او من غير قصد بس دلوقت بصلح غلطتي تمام الشقه دي هدهالك اعتبريها اعتذار اي نيله ع دماغك بس قصدها ابعدي لان مفيش بينا اي علاقه ومتجيش تشوفيني تاني فهمتي
ذات : انا مش هاخد الشقه دي لوحدي
نور بصلها ومسح وشه بعشوائيه بأيده وقلب عيونه من جنانها واستغفر
ذات :منا مش هاخدها وترجع ترميني منها زي الزباله بكل سهوله
نور بقهره: انا خلاص قربت اتجنن منك حتي سحر دعيه كل يوم تفضل تقول عليا غبي عجبك وانا طالع غبي انتي عايزه ايه
ذات بتهديد ووعيد: ولا حاجه بس احنا فيه بينا مصير سوي مفكر نفسك خلصت مني احلم واستمر في الحلم الي بينا منتهاش لسه بيبدء يا باشمهندس نور رفعت
قالت كلامها وسابته ومشت وهو فك زراير قميصه وكأنه محتاج جرعه اكسجين في صدره تهدي ناره وفضل يمسح علي شعره بعنف وخرج يلحق ياسمين و يتفاهم معاها !
…………قصص منه محمد كاتب………….
نور رجع لياسمين وطلع ع فوق لقاها قاعده ع السرير وجنبها شنطه هدومها
نور قلبه اتعصر ع منظرها: ياسمين بتعملي ايه_طلع الهدوم_ لاء ياياسمين انا مش هسيبكي تروحي في اي حته غير هنا
ياسمين بصتله: ومين قال اني ماشيه من هنا
نور: يعني مش راجعه لبيت ابوكي بجد انتي هترجعيلي
ياسمين: ايوه
نور حط الهدوم مكانها وراح قعد تحت رجلها وحضن وشها بين كفوف ايديه: يعني انتي سامحتيني صح ومش زعلانه مني
ياسمين عيونها للسقف وبصت لفوق مش عاوزه تضعف قدامه وقالت:معرفش معرفش لو في امكاني اسامح وانسي بس هديلك فرصه تثبت نفسك وحبك لمين
نور مسك ايدها وباسهم : صدقيني بحبك انتي ومش هطلق مهما حصل يستحيل اسيبك محدش بيسيب روحه تفارقه
ياسمين: ماشي بس لو رجعتلها وقتها هخلعك ولا يمكن ارجعلك
نور هز دماغه بنفي ومسك ايدها وبندم حقيقي: موافق يا حبيبتي انا مستحيل ارجعلها اوعدك الايام مسيرها تثبتلك مستحيل اتورط معاها في العبها تاني ارجوكي ثقي فيا واديني فرصه ونبدء من اول وجديد
ياسمين سحبت ايدها من ايده وبصتله وعيونها دمعت علي منظره الي واضح انه مجهد وتعبان
نور ابتسم ورجع ضمها: والله العظيم بحبك انتي ومهما حصل مكنتش هطلقك
ياسمين مدت ايدها ببطي متردده تطبطب ع ضهره وبعدت ايدها تاني ونور فضل يضم فيها ويدفن نفسه جوه حضنها