recent
أخبار ساخنة

رواية قابل التوب الفصل الثاني 2 بقلم رقية محمود

jina
الصفحة الرئيسية

 رواية قابل التوب الفصل الثاني 2 بقلم رقية محمود

رواية قابل التوب الفصل الثاني 2 بقلم رقية محمود

رواية قابل التوب الفصل الثاني 2 بقلم رقية محمود

_مش فاهم
"مرديتش عليه، قومت نضفت البيت وشيلت القرف اللي كان فيه ومسحته وحرقت المخدرات اللي كانت فيه (بدون علم حمزة) وهو دخل ياخد دش وخرج كنت انا خلصت" 
_مكانش في داعي تتعب نفسك
=تعبك راحة يعم وبعدين عشان نعيش ف نضافة
_نعيش؟! 
=ايون ما انا هعيش معاك 😂
"سابني وراح لبس شروال وتيشرت وبعد كدا راح ناحية الطرابيزة ف عرفت ان الحرب ابتدت!" 
_فين الحاحة اللي كانت هنا؟! 
=معرفش
"دقايق وحمزة كان اتحول واتهجم عليا، لكن انا طبعا اقوى منه بفعل السموم اللي بتدخل جسمه ف قدرت احجمه وحبسته ف اوضة وقفلت عليه.. دقايق وكان مكسر الأوضة كلها ويلعن ويسب فيا لحد ما تعب بعد كام ساعة ونام.. او اغمى عليه، اتأكدت انه نام وجبت منوم آمن م الصيدلية واديتهوله عشان ابقا ف امان ودخلت رتبت الاوضة اللي هو كسرها وحطيتله اكل ولبن ومسكنات ف التلاجة اللي دخلتهاله واتأكد ان الشباك مقفول بالحديد واحنا كدا كدا ف دور عالي بس الاحتياط واجب، 
كتبتله رسايل ع الورق وعلقته ع الحيطة،زي انت اقوى من كدا، فترة وهتعدي،سامحني، صلي ركعتين، 
رسايل تحفزة ويمكن تساعده، ولحسن الحظ كان في حمام ف الأوضة ف كدا انا مش مضطر اطلعه،
مر اسبوع وانا بدخله الاكل والادوية وهو نايم
بدأ يهدى شوية وبقا يكلمني بهدوء من ورا الباب واوقات بيشكرني واوقات بيشتمني برضو 
مر اسبوع كمان وكانت حالته استقرت خالص وخرجته" 
_شكرا يمحمد.. انت ربنا بعتك ليا، كنت بموت ومحدش عرف يعمل اللي انت عملته
=اهلك محاولوش؟! 
_حاولوا بس كل محاولتهم فشلت، كنت اقوى من كدا ومقدروش عليا ولما زهقوا طردودني.. 
=طب يلا نصلي الفجر
"قام معايا وكان ناسي الوضوء (بيقول ان اخر مرة صلى فيها كان عنده 17 سنة!) ساعدته يتوضى وبعدها قولتله يصلي ركعتين توبه وفكرته بطرق الصلاه عدد الفروض وركعات كل فرض وقولتله يدخل الاوضة يصلي براحته
وروحت صليت.. خلصت واستنيت كتير وبرضو مخرجش فقلقت وروحتله لقيته بيعيط بانهيار شديد وبيترعش" 
بقلق: مالك بس اهدى "وحضنته وبدأت اهديه" 
=تفتكر ربنا هيقبل توبتي لو توبت؟!! 
_ربنا قابل التوب..الغفور الرحيم
=انا قتلت و..
"قبل ما يكمل حطيت ايدي على بوقة وخدته ف حضني وقلت له إن الله يغفر الذنوب جميعا
وبدأت اتلو عليه قول الله تعالى:
"وَالَّذِينَ لَا يَدْعُونَ مَعَ اللَّهِ إِلَٰهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ ۚ وَمَن يَفْعَلْ ذَٰلِكَ يَلْقَ أَثَامًا (68) يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا (69)" 
وبعدها كملت بصوت اعلى عشان اطمنه:"إِلَّا مَن تَابَ وَآمَنَ وَعَمِلَ عَمَلًا صَالِحًا فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ ۗ وَكَانَ اللَّهُ غَفُورًا رَّحِيمًا (70) وَمَن تَابَ وَعَمِلَ صَالِحًا فَإِنَّهُ يَتُوبُ إِلَى اللَّهِ مَتَابًا (71)"
[الفرقان]
_يعني لو توبت ربنا مش بس هيغفرلك..لا دا كمان هيبدل كل السيئات اللي عملتها ف حياتك دي حسنات
بس اهم حاجة ترد الحقوق شوف انت ظلمت مين وردله حقه
واتنهدت وكملت: والشخص اللي قتلته تطلع ع روحه صدقات عشان ربنا يغفرلك
والبنات اللي اغتصبتهم لازم تروح لأهاليهم وتشوف ايه اللي يرضيهم واعمله
واهلك لازم ترضيهم
ربنا بيسامح ف حقه بس مبيسامحش ف حقوق عباده..
"بدأ يدعي ربنا يغفرله وطلب مني اساعده يلاقي كل الناس اللي ظلمها معاه واساعده يقرب من ربنا وانا وافقت طبعا"
_هنبدأ بإيه وامتى؟
=....
يتبع.....
لقراءة الفصل الثالث والأخير : اضغط هنا
لقراءة باقي فصول الرواية : اضغط هنا
google-playkhamsatmostaqltradent