recent
أخبار ساخنة

اسكريبت شريك قلبي الجزء الثالث 3 بقلم روان الطهطاوي

jina
الصفحة الرئيسية

 اسكريبت شريك قلبي الجزء الثالث 3 بقلم روان الطهطاوي

اسكريبت شريك قلبي الجزء الثالث 3 بقلم روان الطهطاوي

اسكريبت شريك قلبي الجزء الثالث 3 بقلم روان الطهطاوي


لمي: اييييه 
كريم بعصبيه: انت مسطول يلا ولا ايه بقولك خطيبتي 
حسام: ما تقولي حاجه يا ست لمي 
لمي: اقول ايه يا اقذر من رأت عيناي ف مقام جوز مين يا ابن الحربايه الهبله ما قولنالك قبل كده بدل المره مليون اني مش ليك و مش موافقه عليك اكتبهالك علي قورتي يعني ولا ايه ده ايه الهم ده ياربي و بعدين انا دلوقتي مخطوبه ابعد عن طريقي بقا دنتو عيله معفنه 
حسام رفع ايده عشان يضرب لمي 
حسام: اخرسي يا زبا... 
كانت ايد كريم بتمنعه و دماغ كريم بتنطحه.. 
ضربه كريم روسيه دوخته 
كريم: انا هعرفك تفكر تمد ايدك و تطول لسانك عليها ازاي 
بدأ كريم يضربه بغل لحد ما اغمي عليه و كام راجل اتلمو عشان يبعدو حسام عن كريم و لمي كانت عماله تعيط 
لمي: خلاص يكريم سيبه هيموت.. خلاص بالله عليك كفايه 
كريم خدها من ايدها و طلعها لحد شقتهم و خبط ولما سعاد فتحت الباب كان كريم واقف عالسلم بعيد شويه ف ماشفتهوش و لمي كانت واقفه قدام الباب 
سعاد: خشي يا لمي 
كريم بصلها بصه اخيره و نزل 
كانت الناس طلبت الاسعاف و اخدت حسام و مشيت 
و كريم طلع بيته عشان يرتاح 
عند لمي 
دخلت لمي و كان شكلها معيط 
سعاد: مالك يا لمي انتي معيطه 
لمي عيطت اكتر و خضنت مامتها 
سعاد: مالك يا حبيبتي ايه اللي حصل 
حكت لها لمي علي اللي حصل كله تحت 
سعاد: الحيوان ابن الحربايه الهبله يستاهل اللي كريم عمله فيه.. متضايقيش نفسك يا حبيبتي لما باباكي يجي انا هقوله و هخليه يتصرف معاه 
لمي: انا خايفه علي كريم يا ماما ممكن حسام يعمله محضر و يقول ان هو اللي ضربه...
سعاد: بتحبيه يا لمي؟! 
-بحبه اوي يا ماما اوي و بحبه من زمان بس كنت بكدب نفسي و لما جه اتقدملي حبيته اكتر 
_ربنا يجمعكو مع بعض علي خير يا حبيبتي خشي غيري صلي المغرب و ارتاحي و متشيليش هم حاجه كل حاجه هتتحل بأذن الله 
-يارب يا ماما..عن اذنك 
_روحي يا حبيبتي 
دخلت لمي اوضتها و غيرت هدومها و اتوضت و ادت فرضها و قعدت تدعي كتير لكريم و ربنا يجمعها معاه علي خير و قعدت تدعي علي حسام كتير بردو و خلصت و دخلت نامت 
عند نيره 
نيره: بصي يا ماما الفستان اللي هلبسه ف خطوبة لمي 
سوسن: جميل اوي يا حبيبتي.. خشي قيسيه و وريهوني 
دخلت نيره تقيس الفستان و الباب خبط و قامت سوسن تفتح و نيره مسمعتش الخبط اساسا 
سوسن: مين 
-انا عمر يا طنط 
فتحت الباب و دخلته 
-اهلا ازيك يا عمر عامل ايه 
_الحمدلله حضرتك ايه اخبارك 
-انا تمام الحمدلله روح ارتاح في الصالون نيره زمانها خارجه دلوقتي وانا هخش اعملك حاجه تشربها 
_ملهوش لزوم التعب ده يا طنط ولله 
-تعبك راحه يا حبيبي تشرب ايه 
_ولله مش عايز اتعبك ولله...بصي ممكن فراخ و بطاطس محمره 
-ايه؟!!!
_فراااااخ و بطاطس محمره 
-كان علي عيني ولله يا حبيبي معملتش فراخ النهارده عملت لحمه 
_ لحمه....ماشي خلاص مش مشكله 
-خلاص كده لحمه و بطاطس محمره 
_ايوه يا حماتي 
-ماشي يا حبيبي انا داخله اعملك 
راح عمر قعد في الصالون و خرجت نيره بالفستان و راحت للصالون عشان توريه لأمها بس..
نيره كانت بتبص علي الفستان و بتعدله و ماشافتش عمر 
نيره:اهه الفستان يا ما.....احيه 
قام عمر وقف و هو متنح و بيقرب منها براحه 
عمر:ايه الجمال ده..منتج فرز اول بيتجول 
نيره:ايه الغدر ده امي مقالتليش انك موجوده علي فكرا 
عمر:ده الحمدلله انها مقالتلكيش..يعني لو كانت قالتلك كنتي طلعتي بالجمدان ده..ده مش امي بس اللي داعيالي ده امة لا الاه الا الله داعيالي عشان تبقي انتي حظي 
نيره:يحسين انا بغرق يحسين 
مدت نيره ايدها عشان تسلم عليه 
نيره:نسينا نسلم علي بعض 
عمر:وكما قال محمد طاهر تعرف ان البوس عالخد احسن مالسلام باليد 
لفت نيره:لا انا داخله جوه 
مسك ايديها 
عمر:خلاص ولله حضن بريء
حضنها عمر 
-وحشتيني يا قلب عمر امتي يجي الوقت اللي اصطبح بيه عالخلقه دي 
_هو القصد من الكلام حلو بس الكلام يكاد يكون تهزيئ
طلعت سوسن من جوا و حطت كوبايه عالتربيزه قدام عمر 
عمر:ايه ده؟!
سوسن:ده شاي و من غير سكر خساره فيك العصير اللي كنت هعملهولك تشرب الشاي ده كله و تخلصه و تروح لمك تحطلك لحمه و بطاطس يحبيبي..انا مخلفتكش و نسيتك بروح اهلك 
عمر:اوبااا عالكسفه اللي انت فيها ياحازم 
كانت نيره واقعه عالارض من الضحك 
عمر: ماشي يا سوسن ماشي و انا اللي كنت فاكرك خالتي 
سوسن: لا منت متقرفنيش عشان امك اختي في الرضاعه
عمر:ماااشي ماشي لما اتجوز بنتك متجيش عندنا تمام عشان لو جيتي مش هعملك حاجه غير شاي من غير سكر 
وطت سوسن اخدت الشبشب : اطلع بره يا ابن الجزمه بررره...وخد البااب وراك..نسب يعرر 
بعد فتره عند عمر 
علي الفون 
عمر:عاجبك اللي امك عملته ده 
نيره بضحك:تصدق و تأمن بالله انا لسه مخلصه ضحك من شويه..ااه حرفيا مش قادره.....بحب علاقتك انت و امي اوي بحسك ابنها اكتر مني يمكن عشان ربنا مرزقهاش بولاد ف بتحبك للدرجادي 
عمر:يا بنتي سوسن دي امي التانيه انا بحبها زي ما بحب سعاد بالظبط و ليها مكانه خاصه فقلبي
نيره: وانا ايه بقا ليا مكانه ولا لا 
عمر:انتي بقا ملكيش مكانه خاصه فقلبي لان انتي قلبي نفسه اللي من غيره كليتي ملهاش لازمه كبدتي ملهاش لازمه حتي طحالي ملوش لازمه 
نيره:بحب جزار يا ناس 
عمر: والجزار بيعشقك 
عند لمي صحيت تقريبا الساعه 10 وقامت اتوضت و ادت فرضها و خرجت البلكونه تشم هوا و علي امل انها تشوفه 
 طلعت لاقته قاعد علي كرسي في البلكونه و مرجع راسه لورا مغمض عينه و مربع ايده 
لمي بصوت واطي و مبحوح : كريم...
فتح عينه و بصلها و قام وقف 
كريم:عامله ايه دلوقتي 
بدأت عينيها تدمع :مش كويسه 
كريم بقلق:ليه انتي تعبانه..مالك 
-انت زعلان مني؟
_ليه بتقولي كده
-زعلان عشان اتحطيت فالموقف ده بسب...
_متكمليش انا عمري ما اقدر ازعل منك ابدا ثم انك ملكيش ذنب في اللي حصل اصلا 
لمي و دموعها نزلت:يعني انت مش زعلان 
كريم بابتسامه بسيطه:لا مش زعلان و امسحي دموعك دي مبحبش اشوفها..شكلك حلو انتي بتعيطي 
ضحكت ضحكه بسيطه 
-و احلي لما بتضحكي.. اضحكي كده 
_بس انا خايفه حسام ده يعملك حاجه او محضر 
-متخافيش عليا مش هيحصلي حاجه بس اهدي كده و امسحي دموعك قولتلك...احكيلي بقا مين حسام ده و بيعمل معاكي كده ليه 
_حسام ده يبقا ابن عمي عيل لزج كده و الحربايه الهبله امه و ابوه مدلعينه اوي اللي هو بياخد مصروف من ابوه و هو شحط كده و يخرج و يسهر و يرجع وقت ماهو عايز و حاجه نيله ده بيحشش اساسا
كريم بضحك: ثواني بس قبل ما تكملي هو انتي ليه بتقولي علي امه الحربايه الهبله 
قعدت تضحك: اصل امه حربايه و مبتحبلناش الخير ف لما بتيجي تدبرلنا مكيده و تعملنا مصيبه تقع هي فيها يعني مثلا مره وانا صغيره كانت ماما بترجع من الشغل في معاد ثابت و هي كانت بايته عندنا و كده ف لما جه معاد رجوع ماما راحت كبتلها زيت عالسلم ف ماما راحت اشترت حاجه كانت ناسياها و اتاخرت يعني مطلعتش علي طول فالحربايه الهبله لما امي اتأخرت نسيت حوار الزيت و بعدين ماما كلمتها وقالتلها انها تحت و نسيت المفتاح ف بتقولها تنزل تفتحلها باب الشارع يعني ف قالتلها من عنيا يا حبيبتي و معرفش ايه حربايه بقا و كدا ف بتفتح باب الشقه و مش اخده بالها قامت متزحلقه فالزيت وقعت زي الدبشه ورجلها اتكسرت ولمت العماره علينا و كان حوار جارتنا اللي قدامنا بقا كانت شايفاها من العين السحريه و هي بتكب الزيت ف استغربت بس متكلمتش عشان كانت فحالها اوي و متعرفناش وفين وفين لما اتعرفت علي ماما و بقو يتكلموا حكتلها و امي ربطت الموضوع ده بمواضيع تانيه حصلت زيه و طلعنا عليها الحربايه الهبله بس يا سيدي 
كريم كان بيضحك: يخربيت الدمااغ 
لمي: دي عيله نتنه يا عم ملناش دعوه بيهم.. انا حكيت لماما اللي حصل و هي قالتلي هتقول ل بابا و هو هيتصرف بكرا هسالها عملت ايه 
كريم: تمام ماشي و ابقي قوليلي.. ناويه تعزمي مين في الخطوبه 
لمي: هعزم صحابي في الكليه و خالتي ام نيره و نيره طبعا دول اول ناس و جييراننا هنا بس هما مش كتير و انت 
-هعزم خالي و عيلته و عمتي و عيالها و كام حد كده من صحابي في الشغل و صحابي العادين اللي بره الشغل 
 لمي: متحمسه اوي لليوم ده بجد 
كريم: مش اكتر مني دنا حتي محضرلك مفاجأه هتعجبك اوي 
لمي: بجد الله بقا الله 
كريم:انا هخش انام عشان عندي شغل الصبح عايزه حاجه 
لمي:لا شكرا تصبح علي خير 
كري: و انتي من اهلي 
ابتسمت اوي و لفت و دخلت 
في اليوم الي بعده 
في مستشفي(....)
حسام:هقتله و مش هرحمه 
سامح:انت مجنون يلا انت ولا ايه انت عايز الناس في السوق تقول عليا ابني قتال قتله و تبوظلي سمعتي...اوعي تفكر تقتله...خد حقك منه زي منت عايز بس من غير قتل
حسام:طب انا عايز اخرج من هنا طيب 
-الدكتور قال انك تقدر تخرج قوم البس هدومك عشان نروح زمان امك قلقانه 
حسام بغل فنفسه:خارجلك يا ابن ال****
في الشغل عند كريم 
كان عمال يفكر في طريقه يقنع بيها شريف يخليه يكتب كتابه يوم خطوبته و الباب خبط 
كريم: خش 
الموظف: في حد بعت لحضرتك الجواب ده 
-ماشي شكرا 
خرج الموظف و قفل الباب 
كريم: هو في حد لسه بيبعت جوابات 
فتح الجواب و بدا يتعصب 
كريم بغضب شديد : ولله ما هسيبك.... 
يتبع.....
لقراءة الجزء الرابع : اضغط هنا
لقراءة باقس أجزاء الاسكريبت : اضغط هنا
نرشح لك أيضاً رواية صغيرتي أنا للكاتبة سهيلة السيد
google-playkhamsatmostaqltradent