recent
أخبار ساخنة

رواية مطاردة دين الفصل الثالث 3 بقلم ميرنا شاكر

jina
الصفحة الرئيسية

 رواية مطاردة دين الفصل الثالث 3 بقلم ميرنا شاكر

رواية مطاردة دين الفصل الثالث 3 بقلم ميرنا شاكر

رواية مطاردة دين الفصل الثالث 3 بقلم ميرنا شاكر

...مليكه :مين صاحب العربيه؟ 
سليم : اسمه لؤي الصيرفي.... طالب في كليه تجارة ....وابن صاحب الشركه اللي اخوكي كان بيدرب فيها . 
مليكه :انا معرفوش شخصيا ....بس ممكن منال اختي تعرفه ...ثانيه واحده هاكلمها ...واخليها تخرج لينا نفهم ايه الحكايه. 
مليكه ...تتصل بمنال 
منال : ايوه . 
مليكه : اتكلمي بعيد عن ماما وياريت لو نفع تخرجي ليا تمام ...واعملي نفسك بتكلمي اي حد تاني مش عايزها تحس بحاجه 
منال : حاضر ....هي نايمه دلوقتي انا خارجه ليكي . 
مليكه :تمام ....احسن برضوه مش عايزها ......تحس باي حاجه 
وخرجت منال ...لمليكه اللي كانت واقفه معاها سليم واحمد 
سليم ...لاحمد ....ممكن نروح مكتبك مش هينفع نتكلم هنا . 
احمد :تمام ....اتفضلوا معايا 
في مكتب احمد .... 
مليكه : منال انتي تعرفي حد اسمه لؤي الصيرفي 
منال : ايوه طبعا ....وانتي كمان تعرفيه 
مليكه :لا معرفوش 
منال : لا ....تعرفيه الولد ...اللي جه سلم علينا ساعه ما كان ياسين في اوضه العمليات .... 
مليكه : الواد العبيط اللي كان بيعاكسني . 
احمد بغضب : ده ازاي يعاكسك . 
سليم مع كتم غيظه في سره:وربنا لوريه ...ثم انت مالك انت ...وانت ازاي تسيبه يعاكسك . 
مليكه : في ايه يا دكتور؟ 
احمد : انا اسف ....يعني ده معندوش دم انتم قدام اوضه عمليات ...وهو عمال يعاكس . 
منال : اه ...هو ليه 
مليكه : ايه اللي بينه وبين اخوكي يوصله انه قتله 
منال : ازاي ....لؤي قتل ياسين امتى 
مليكه : ماهو صاحب العربيه 
منال :مستحيل هو اللي عمل كده 
مليكه : بتدافعي عنه ...ده قتل اخوكي 
منال :مستحيل .....لان وقت الحادثه كان معايا انا وبيري بنت عمه ...في الكليه 
مليكه بعصبيه : نععععععععععععععم ...وده ازاي ان شاء الله 
سليم :اهدي بس يا انسه مليكه .....طيب هي دي مش عربيته 
منال : ايوه ...هي ...بس يوم الحادثه مجاش بيها اصلا ...وبقاله فتره مش بيجي بيها ....وقال انها فيها مشكله وفي التوكيل بتتصلح. 
مليكه : طيب هو حصل بين ياسين ولؤي...قبل كده 
منال : اللي اعرفه ....مش لدرجه انه يفكر في القتل 
سليم :طيب ممكن تحكي 
منال:............................. 
فلاش باك 
لؤي : ايه يا عسل ....هو الجميل في كليه ايه 
البنت : يارب ...على المتخلف ...ده 
لؤي : ايه ياروحي ....بتقولي ايه 
البنت : وانت مال اهلك يا شيخ ....انت كل يوم ورايا .....يا عم انا ماليش في الليله بتاعتك دي 
لؤي ...مسك دراعها ولفه ورا ظهرها 
لؤي: هو انتي فاكره نفسك ايه .....يا ماما فاكره نفسك بني ادمه ....ده اللي بتشتغل عندنا انضف منك ....وزقها على الارض 
واللي شاف كل الحكايه ....ياسين .... 
ياسين : انت يا حيوان في حد يضرب بنت كده....محدش علمك في بيتكم ان محدش يمد ايديه على واحده 
لؤي :وانت مالك .....انا باربيها ....مين دي اللي بتقولي لا ....وشدهامن شعرها 
في ثانيه ....كان ياسين شال ايديه ...من عليها ....وبعدها .....وضرب لؤي ....قدام الجامعه كلها ...... 
لؤي :وربنا لندمك على اللي عملته ده ...... 
بااااااااااااااك 
منال : بسبب الحكايه دي كان لؤي هيترفد ....خالص ....بس اتحلت ...انهم محدش فيهم يقرب ناحيه التاني والا الاتنين  كانوا هيترفدوا 
مليكه :وانا اخر من يعلم 
منال :ياسين قال مقولش ....علشان الموضوع مش متساهل ...وعلشان انتي متضايقش ...وعارف انك مش هتسكتي ... 
مليكه :حسابنا بعدين .....المهم والبنت فين 
منال : اللي عرفته انها انتحرت بعدها بفتره ....واللي اعرفه انها كانت في كليه الطب ....لاقوها منتحره في سكن الطالبات بسبب حاله اكتئاب 
مليكه :اسمها ايه ؟ 
منال : مش فاكره ..... تقريبا ...زينه او زينب مش فاكره بصراحه 
مليكه لسليم :الوضع دلوقتي ايه 
سليم : لاسف لو مفيش دليل ....وخاصه انه كان مع اختك .......هتبقى شاهد معاه ...ولو مظهرش حاجه تانيه ...لاسف هتتفقل ضد مجهول 
مليكه : ازاي يعني ....نبقى عارفين انه القاتل 
منال :والله العظيم كان معايا انا بيري ساعتها ...يبقى ازاي راح قتله وجه ...وهو واقف معانا . 
سليم :مين قال انه القاتل ....هو في حاجه غلط في الموضوع ...هو هيبقى حد حب يتنقم من الاتنين عمل كده علشان لؤي يشلها ...بس الصدفه ان لؤي كان مع منال ....فالخطه باظت . 
احمد : هو مش ممكن يكون لؤي متفق مع حد ...علشان يعمل كده 
سليم :ممكن جدا ....بس ساعتها لازم نلاقي العربيه عنده والشخص اللي عمل كده يظهر ويعترف على لؤي .....هو عامه انا كل الكلام اللي حصل هنا ده بشكل ودي ......هيتقال في  تحقيق ...

... 
سليم : مش هينفع .....لازم انتم الاتنين 
احمد : مفيش مشكله يا انسه مليكه .....روحي انتي وانسه منال ....النيابه ...مامتك هاقعد معاها ممرضه ....واناهاشوفها بنفسي 
مليكه : شكرا جدا لحضرتك ....طيب هو ممكن اعرف اقدر استلم جثه ياسين امتى علشان الدفن 
احمد : بكره او بعده بالكتير ......علشان الاجراءات 
مليكه :تمام ....شكرا لحضرتك . 
******************************************* 
في مكتب وكيل النيابه عمر راشد  
عمر : ممكن اسمك وسنك ... 
-اسمي لؤي ادهم الصيرفي .....عندي 28 سنه ....في كليه التجاره 
عمر : كنت فين وقت الحادثه ؟ 
لؤي :كنت في الجامعه. 
عمر : في شهود على كده . 
لؤي :اه بيري بنت عمي ....ومنال اخت ياسين 
عمر: الفيديوهات ....دي فيها عربيتك بتخبط ياسين ...ايه رايك فيها 
لؤي : معرفش عنها حاجه 
عمر :حظك ان الازاز اسود ....مش باين من اللي جوا العربيه 
محامي لؤي ....راجل في الخمسنيات من عمره ....يظهر عليه الهدوء ...ولكن في الحقيقه ....خبيث لدرجه ...انه طوال عمره لم يخسر قضيه واحده 
هو فريد الصياد  
فريد :هو لحد دلوقتي معرفتش موكلي موجه ليه تهمه ايه بالظبط . 
عمر : بتهمه قتل ياسين ...وخاصه ان كان في خلاف معاه .والجامعه كلها شاهده ان اتخانق معاه قبل كده . 
فريد : دي حاجه بقالها اكتر من سنه .اشمعنا دلوقتي يعني . 
عمر :معلش ....تعالى على نفسك شويه .ازاي يا لؤي  عربيتك خبطت ياسين . 
لؤي : معرفش طبعا . 
فريد : حضرتك مش عارف القانون 
عمر بغضب : هو انت اللي هتعلمني القانون . 
فريد :طيب ...اتفضل حضرتك . 
عمر :ايه ده 
فريد :دليل براءه موكلي ...ده محضر سرقه العربيه من قبل الحادثه باكتر من اسبوعين ......وبما ان الشهود كمان ...مع موكلي ....فبالتالي ...انت عارف الاجراءات 
عمر  ...مع كظم غيظه :تقدروا تتفضلوا. 
****************************** 
فلاش باك  
سليم يتكلم في التليفون 
عمر : عاش من شافك 
سليم : باقولك ...في اخبار جديده ...في قضيه ياسين البكري 
عمر : وانت مالك ...مش اتحولت عندنا خلاص 
سليم : اصلها تهمني اوي ..... 
عمر : تهمك ليه من بقيه اهلك 
سليم : لا اصل عايز اتجوز اخته 
عمر :ياراجل .....جت اللي وقعتك ....ده انا هاموت واشوفها ...دي واضح انها حلوه اوي 
سليم بغضب :اخرس يا زفت ...دي هتبقى مراتي ....ما انت هتشوفها ...ما انت هتحقق معاها 
عمر : ايوه صح .....انا هاحقق مع اخواته 
سليم : براحه عليها ....وانا هادور كده يمكن نلاقي حاجه 
عمر : ماشي يا عم الله يسهلوا 
سليم : ونبي اتوصى بالواد اللي هيجي .....علشان شاكك ان هو اللي وراها ...وانا عايز اخنقه اصلا 
عمر : ليه ...عمل ايه 
سليم : عاكس حبيبتي مليكه 
عمر : قولي كده ....وانا اللي قولت مركز في شغل ...ماشي انت عارف اني باعمل شغلي مظبوط مش محتاج واصيه 
باك 
مليكه لسليم: شكرا لانك جيت معنا النيابه 
سليم : لا شكر على واجب ..... 
مليكه : هو ايه اللي هيحصل دلوقتي 
سليم : لما يخرج لؤي ....هتدخلي تحكي كل اللي تعرفيه 
خرج لؤي مع المحامي .....من مكتب الوكيل 
مليكه لياسين : هو ما اتقبضش عليه ليه 
سليم : اكيد مالقوش عليه دليل 
لؤي لمليكه : هو القمر بيطلع الصبح ... 
قبل ما مليكه تنطق كان سليم ضرب لؤي 
لؤي :اااااااااااااااااااااه....وربنا لاوريك 
فريد :بس يلا بينا يا لؤي 
لؤي : لا انا هاستنى شويه   
لؤي : ازيك يا منال 
منال : انا الحمد لله ....وايه حكايه عربيتك اللي خبطت ياسين 
لؤي : مش عارف ....العربيه مسروقه اصلا بقالها مده 
منال : مش قولت ....انها في التوكيل 
لؤي : اما اقولك ....اني اتعلم عليا وحد سرقها ... 
منال : ماهو اللي عمل كده ....هو اللي خبط ياسين 
لؤي : مش عارف هو حد بيكرهنا احنا الاتنين .....بينتقم مننا 
منال :مش عارفه بجد ....ايه اللي بيحصل 
لؤي :لو انتي و اختك احتاجوا حاجه كلميني 
منال : تمام 
مليكه على جنب مع سليم 
مليكه : ايه اللي انت عملته ده اتجننت 
سليم : هو انت مش سامعاه 
مليكه :اه سمعته ....بس كنت هاربيه بعدين مش وقته دلوقتى 
زاد ....انت تتصرف كده ليه اصلا ....تقربلي ايه اصلا 
سليم : علشان بحبك 
مليكه : وده امتى ان شاء الله 
سليم : من اول ماشوفتك 
مليكه : ممكن ناجل الكلام في الموضوع ده .....لان الظروف مش سامحه خالص 
سليم : تمام ...براحتك 
*************************** 
عمر:ممكن تعرفي نفسك 
مليكه :مليكه طاهر البكري ....27 سنه .....وباشتغل محاسبه في شركه العز 
عمر : ممكن تحكي اللي تعرفيه 
وحكت مليكه .......كل اللي تعرفه 
...

... 
دخول عسكري ...ومعاه ورق . 
عمر بص في الورق .... 
عمر : القضيه خلصت ... 
مليكه بفرح :عرفتوا القاتل 
عمر : لا لاسف ....الورق ده ....العربيه لقوها محروقه على الطريق الصحراوي ....ومفيش فيها اي دليل على اي حاجه . 
مليكه :يعني حق اخويا راح 
عمر : كان نفسي اساعدك ...بس كده مفيش ولا دليل على حد ....هنخلص الاجراءات ...علشان تدفنوا الجثه . 
مليكه : شكرا جدا لحضرتك ...وانا هلاقي الحقيقه بنفسي 
****************************** 
مصطفي : الو يا باشا ... 
الباشا  : ايوه يا مصطفي 
مصطفي : محسن عايز المره دي50000 يا اما هيبيع لغيرنا 
الباشا : ده طمع اوي....عامه نشوف لو في حاجه تستاهل 
مصطفى : هو بصراحه تستاهل جثه ملهاش اهل ...وميت بجلطه ...يعني الجسم سليم 
الباشا : طيب خلص معاه .....وبعدين نشوفله حل ...ماهو برضوه بيجيب حاجات حلوه 
مصطفى :تمام يا باشا ....وهناخده فين 
الباشا : على المكان بتاعنا في المستشفى 
مصطفى :تمام هيكون عندك 
********************************** 
مصطفى :حبيبي يا محسن 
محسن : ايه الاخبار ؟ 
مصطفي :تمام ...فلوسك جاهزه 
محسن :تمام ...استلم الاول 
مصطفى : تمام ....هابعتهم في المكان اللي بسيبهم فيه كل مره 
محسن :تمام ....انا هاستناكم وتدخلوا تاخدوها هو مفيش غيرها اصلا ... 
مصطفى :تمام 
******************************** 
_انت يا متخلف ...انا قولتك تموته ....انا قولت خوفه بس 
_والله العظيم ما لحقنا 
_اما مين اللي كان سايق العربيه 
_منعرفش ...انا عملنا اللي قولت لينا عليه ...بس روحنا ملقناش العربيه اصلا 
-احنا هنستعبط ...... 
-وربنا ده اللي حصل اه ...معايا اه ...حصل الكلام ده ولا لا 
-ايوه حصل ....واحنا عملنا الباقي زي ما قلت ...,قولنا يمكن رجعت في كلامك ...لما نجي نفهم منك 
-انا معايا شويه متخلفين عقليا .....والعربيه ظهرت على الصحرواي ازاي ...........اهي بقت قضيه قتل .... 
-ممكن الموضوع يخلص خالص 
-ازاي 
-لو بقى مفيش جثه ...وبالتالي مفيش قتيل مفيش قضيه . 
**************************** 
احمد كلم سليم 
احمد:ممكن حضرتك تجي المستشفى حالا 
بعد مرور وقت 
سليم : افندم يا دكتور احمد ..... 
احمد : في مصيبه ....ومش فاهمين حاجه 
سليم :ايه في ايه 
احمد :جثه ياسين 
سليم :مالها 
احمد :اختفت 
سليم :نعععععععععععععععععم 


ياترى ايه اللي هيحصل المره الجايه 
اتفاعلوا معاها جامد ....كل ما التفاعل اكتر ....هنزل بارت كمان 😍😍
يتبع.....
لقراءة الفصل الرابع : اضغط هنا
لقراءة باقي فصول الرواية : اضغط هنا

نرشح لك أيضاً رواية بحر الزين للكاتبة أمنية الجزار

google-playkhamsatmostaqltradent