recent
أخبار ساخنة

رواية قلبي ليس بيدي الفصل الحادي والاربعون 41 بقلم حسناء رمضان

 رواية قلبي ليس بيدي الفصل الحادي والاربعون 41 بقلم حسناء رمضان

رواية قلبي ليس بيدي الفصل الحادي والاربعون 41 بقلم حسناء رمضان

رواية قلبي ليس بيدي الفصل الحادي والاربعون 41 بقلم حسناء رمضان

ليه عيونك قناصه، ومتراعيش الجريح؟! ♥🥀
جاكي بصدمه: محمد دا باباك.. 
محمد: هو حد يعرف العنوان دا! 
جاكي: لا خالص.. مفيش غيرك وكنت هقولك متعرفش حد.. 
محمد: طب هنعمل اي دلوقتي!.. مينفعش يشوفني باللبس دا.. 
جاكي: بص.. ادخل اوضتي واقفل ع نفسك ومتطلعش خالص ومتعملش صوت... هو ممكن يكون جاي يشوف بابا.. 
محمد: ماشي تمام.. 
دخل جوه وقفل ع نفسه وانا فتحت... 
جاكي: اي دا عمي... اتفضل.. 
عمو احمد: يارب ياساتر.... 
جاكي: اتفضل ياعمو ادخل.. تحب تشرب اي.. 
عمو احمد: لا ولا حاجه.. انا جاي اتكلم معاكي شويه.. 
جاكي: اتفضل ياعمو.. 
عمو احمد: ممكن اعرف سيبتي البيت ومشيتي ليه! 
جاكي: كفايه كدا ياعمو بجد.. انا بقالي كتير قوي قاعده عندكوا.. كتر خيركوا ع كدا.. 
عمو احمد: هو كان حد اشتكالك!.. وبعدين تقعدي ازاي ف شقه لوحدك.. ومين هياخد باله من ابوكي وانتي اصلا عندك جامعه.. 
جاكي: بابا اتحسن الحمد لله وبقا احسن من الاول.. وانا بخلص جامعتي وارجعله ع طول.. 
عمو احمد: حد زعلك طيب! 
جاكي: لا ابدا.. دول شالوني فوق راسهم والله.. انا لو عندي اخوات مش هيعملوا معايا كدا.. 
عمو احمد: بس انا عرفت ان محمد ضايقك.. 
جاكي: هاا.. عرفت اي.. 
عمو احمد: انا اصريت انهم يقولولي انتي مشيتي ليه.. وهند قالتلي انك اتخانقتي مع محمد.. 
جاكي: لا خالص.. دا.. دانا روحت عند جاك لوحدي من غير مااقوله وهو اتعصب عليا عشان كدا.. عشان خاف عليا يعني.. بس عادي مفيش حاجه.. اتصالحنا ع طول.. 
عمو احمد: يعني مش هو السبب! 
جاكي: لا خالص.. انا بس محبتش اتقل عليكوا اكتر من كدا... 
عمو احمد: طب هو ابوكي فين! 
جاكي: جوا اتفضل.. 
دخل معايا اوضة بابا... 
عمو احمد: عامل اي يامصطفى.. 
بابا: كويس.. الحمد لله.. 
جاكي: بس هو حضرتك عرفت مكاني ازاي!.. انا مقولتش لحد.. 
عمو احمد: مكنتيش عايزاني اعرف ولا اي! 
جاكي: لا مش كدا.. انا بسال بس.. 
بابا: هاتي لعمك حاجه يشربها... 
جاكي: حاضر... 
سيبتهم وطلعت.. 
محمد: بت.. بت.. 
جاكي: عايز اي.. وطي صوتك.. 
محمد: بيعمل اي جوه.. وكان جاي ليه! 
جاكي: معرفش هو قاعد بيتكلم مع بابا جوه.. بس عرف منين المكان! 
محمد: مش عارف.. انا مقولتش لحد.. 
ـ جااااكي.. 
جاكي: حااضر جايه... ادخل بسرعه ومتعملش صوت... 
جبت حاجه يشربها ودخلت.. 
جاكي: اتفضل ياعمو.. 
عمو احمد: لا انا يدوب امشي بقاا... ع العموم لو احتاجتي اي حاجه انا موجود... 
فجأه حاجه خبطت بره... 
عمو احمد: اي دا.. اي الصوت دا.. 
جاكي:  دا.. دي اكيد قطه.. 
عمو احمد: طيب.. انا ماشي بقاا.. مع السلامه.. 
جاكي: اتفضل ياعمو.. 
خرجت معاه ومشي وقفلت الباب ودخلت عند محمد بسرعه.. لقيته بيلم القزاز من ع الارض.. 
جاكي: كنت هتودينا ف داهيه الله يخربيتك.. 
محمد: عرف حاجه! 
جاكي: لا.. هو مشي دلوقتي.. 
محمد: طب انا هغير وهنزل.. 
جاكي: هتروح فين! 
محمد: هروح عشان ميسالنيش كنت فين... وصحيح... شكرا. 
جاكي: ع اي.. 
محمد: عشان مقولتيش اللي حصل.. 
جاكي: ياعم انا نسيت اللي حصل اصلا.. 
لقيت ادم بيرن.. 
محمد: طب انا هغير وامشي ع طول وانتي روحي جامعتك.. 
دخل غير ونزل وانا لبست بسرعه ونزلت لادم... 
ادم: ساااااعه!!!! 
جاكي: معلش معلش.. على مالبست والله.. 
ادم: مين اللي كان نازل من عندك ومداري وشه دا! 
جاكي: دا محمد.. 
ادم: نعم.. ومحمد بيعمل اي عندك.. 
جاكي: ياباشا اطلع ع الجامعه الاول وبعدين هفهمك... 
__________________
جاك: امال فين عمي.. 
فيروز: راح لجاكي.. 
جاك: وهو عرف مكانها منين! 
فيروز: رن ع ابوها واصر عليه لحد ماقاله.. 
جاك: طب وراح ليه! 
فيروز: عشان يشوف الدنيا فيها اي.. ويشوفها هترجع ولا لا.. 
هند: صحيح.. هو سالني الصبح اذا كان حد زعلها او حاجه.. وانا قولتله اتخانقت هي ومحمد بس مقولتلوش اللي حصل.. 
فيروز: جدعه.. دا لو عرف هيموته.. 
ـ السلام عليكم.. 
فيروز: وعليكم السلام.. ها عملت اي! 
عمو احمد: فين محمد! 
ـ احم.. انا هنا.. 
عمو احمد: كنت فين.. 
فيروز: كان عند واحد صاحبه.. تعالى ياحبيبي عشان تفطر.. 
محمد: لا مش جعان.. 
عمو احمد: وبالنسبه للجامعه!.. ولا حضرتك مش بتروح! 
محمد: مش رايح النهارده.. انا اصلا اخرت.. 
سابهم وطلع فوق... 
فيروز: معرفتش تقنعها انها ترجع! 
عمو احمد: لا.. 
فيروز: طب هي فين!.. انا عايزه اروحلها.. 
عمو احمد: ابقي خدي البنات وروحيلها بالليل.. 
فيروز: ماشي.. 
جاك: انا رايح الشغل.. 
عمو احمد: استنى انا عايزك.. 
جاك: طب نتكلم ف الطريق عشان متاخرش.. 
عمو احمد: ماشي يلا.. 
____________________
خدنا المحاضره وطلعنا.. 
ادم: فهميني بقاا كان بيعمل اي فوق.. وازاي تسمحيله يدخل اصلا.. 
جاكي: انت مش فاهم.. هو كويس والله هو بس.. 
ادم: كويس ولا مش كويس.. طلاما بيشرب وبيسكر.. عايزه اي تاني.. 
جاكي: يعم اهو مشي بقاا.. بس خلاص يعني هو اعتذر واتعاقب كمان.. كفايه عليه كدا حرام.. 
ادم: والله قلبك دا اللي هيوديكي ف داهيه... 
هاجر جت... 
هاجر: ازيكوا ياشباب.. 
جاكي: عامله اي.. 
هاجر: تمام.. مش هتدخلوا المحاضره ولا اي.. 
جاكي: لا هندخل.. قاعد ربع ساعه.. تعالوا نقعد جوا.. 
_________________
مالك: خد ياباشا.. 
جاك: اي دا.. 
مالك: الحاجات اللي كنت طالبها.. 
جاك: بجد!.. جمعت كل حاجه! 
مالك: كل اللي قدرت اجمعه.. 
جاك: تمام.. متشكر يامالك.. 
مالك: الا بقولك صحيح.. 
جاك: اي.. 
مالك: مين المزه اللي كانت مع محمد هنا من فتره دي.. 
جاك: مزة مين! 
مالك: يعم بنت كدا كانت جايه مع محمد هنا وطلعتوا المكتب مع بعض... بس اي البت جمداان ياسطا..  
جاك: ااه.. طب اتلم..وملكش دعوه بيها.. 
مالك: ليه هي تخصك! 
جاك: ايوا.. اقفل الموضوع دا وروح شوف وراك اي.. 
______________________
خلصنا محاضرات وطلعت ع الشغل.. 
ادم وصلني ومشي... 
ـ لو سمحتي.. 
جاكي: نعم.. 
رفعت وشي لقيته نفس ذات الشخص الرخم.. 
ـ عامله اي.. 
جاكي: طلب حضرتك اي.. 
ـ نفس الكتاب.. 
جاكي: اتفضل.. 
ـ بالسرعه دي.. 
جاكي: اتعلمنا بقاا.. 
سابني وراح قعد مكانه وانا بصاله بقرف... 
لبست نضارتي وكملت مذاكره.. 
ـ ياانسه! 
جاكي: خير.. 
ـ هو انتي بتعملي اي! 
جاكي: ااه.. طب خليك ف حالك عشان انا لساني طويل حبتين.. 
ـ احم.. اه مانا شوفت... بس انا عندي فضول اعرف مندمجه ف اي كل دا.. 
جاكي: بقرأ كتاب بيقول ازاي تقدر تقطع لسان حد بيتدخل ف اللي ملهوش فيه... او مثلا تحرقه بماية نار.. 
ـ احم.. طب ربنا معاكي.. 
كملت قراءه... 
ـ طب بقولك اي.. 
جاكي: يا ولي الصابرين... نعم.. 
ـ انتي عنيفه ليه.. وسعي خُلقك شويه... كان حاجه مكنتش فاهمها ف الكتاب دا. 
جاكي: ايوا وبعدين.. 
ـ فهميهالي لو سمحتي.. 
جاكي: هو انت اهبل طيب!.. اصل والله انا فيا اللي مكفيني ومش حمل هطل والله.. 
راح جاب الكتاب وجه وقف قدامي.. 
ـ طب بصي.. اقريها كدا.. 
بصيت ع الكلمه بزهق.. 
جاكي: فُكي وشك شويه... 
كانت مكتوبه ع ورقه بخط الايد ومحطوطه ف الكتاب.. 
جاكي: امم.. دا استهبال بقاا.. 
ـ والله ابدا.. اصلك عصبيه قوي.. والدنيا مش مستاهله يعني.. 
جاكي: ممكن حضرتك ترجع مكانك وتقعد وانت ساكت! 
ـ طب اعرف اسمك.. 
جاكي: صدقني لساني طويل.. 
ـ ع فكره مفهاش حاجه.. انتي مقفله كدا ليه.. 
جاكي: جاكي.. اسمي جاكي.. اتفضل بقاا.. 
ـ حلو جاكي.. ماشي.. 
راح قعد مكانه وفوني رن وكان جاك... 
_________
جاك: الو.. 
جاكي: خير.. 
جاك: عمي جه الصبح! 
جاكي: ااه.. مين قالوا ع مكاني.. 
جاك: مش اناا.. باباكي اللي قاله.. 
جاكي: بابا.. لا طبعا.. انا قولتله متقولش لحد.. 
جاك: ابقي اساليه..
جاكي: تمام.. رانن ليه بقاا! 
جاك بتنهيد: عشان اقولك وحشتيني.. 
جاكي بصدمه: نعم! 
جاك: قصدي.. الجماعه عايزين يشوفوكي عشان وحشتيهم وكدا.. 
جاكي: انا مكملتش يومين.. 
جاك: بيحبوكي ياست.. 
جاك: امم.. طب سلملي عليهم وقولهم جاكي مشت.. انا مش عايزه ادخل حياتكوا تاني... 
ـ لو سمحتي.. 
جاكي: خليك معايا ثواني.. ايوا اتفضل.. 
ـ كنت عايز كتاب اسمه*****
جاكي: اه اتفضل هنا كدا.. 
ـ طب متشكر.. 
جاكي: ها ياجاك.. 
جاك: انتي فين!.. واي اللي انا سمعته دا.. 
جاكي: بشتغل.. 
جاك: كنت عارف.. 
جاكي: اي العيب يعني!.. ابويا تعبان ومحتاج علاج.. 
جاك: ماهو انتي كنتي معانا ومش محتاجه تشتغلي.. 
جاكي: اعيش عاله عليكوا ليه!.. طلاما بصحتي اشتغل واصرف ع نفسي.. 
جاك: طب انا عايز اشوفك.. 
جاكي: لا.. 
جاك: مش باخد رايك.. انا بقولك.. 
جاكي: عايز تكمل اهانه يعني ولا اي.. ولا مش كفايه الست الوالده.. 
جاك: هي قالتلك حاجه! 
جاكي: لا.. اهانتني بس.. نفس افكارك ماشاء الله.. 
جاك: قالتلك اي.. 
جاكي: ابقى اسالها.. 
جاك: طب عايز اشوفك.. 
جاكي: قولت لا.. ويلا باي ومترنش تاني.. 
قفلت ف وشه وحطيت الفون وانا بنفخ... بصيت لقيته حاطط راسه ع الترابيزه.. فكرته مصدع او حاجه.. فكبرت دماغي... 
__________________
عمو احمد: قولتي اي ياهند.. 
هند: ف اي يابابا.. 
عمو احمد: ف ياسين.. طلبك مني رسمي.. 
هند: اللي تشوفه يابابا.. 
فيروز: يااه.. هو ياسين لسه متمسك بيها! 
عمو احمد: والله انا عن نفسي مرتاحله.. بس الراي رايك.. 
هند: خلاص هفكر وارد ع حضرتك.. 
عمو احمد: مع اني عارف ردك.. بس تمام... فكري براحتك.. 
محمد نزل وكان خارج.. 
فيروز: محمد.. رايح فين! 
محمد: خارج.. 
عمو احمد: ايوا رايح فين يعني! 
محمد: مخنوق.. هتمشى شويه.. 
فيروز: طب ياحبيبي انت مأكلتش حاجه من الصبح.. 
بصلها بزعل.. 
محمد: متشكر.. يامرات ابويا.. 
سابها ومشي... 
عمو احمد: مرات ابويا!.. من امتى ومحمد بيقولك كدا.. 
فيروز: معلش.. اصله زعلان مني شويه.. بس انا هصالحه.. 
______________
فضل كدا فروحت اشوفه.. 
جاكي: يااستاذ.. انت يااخ.. 
ـ هاا... اي.. 
جاكي: انت نمت! 
ـ يابنتي حرام عليكي ماصدقت نعست.. 
جاكي: هو فندق!.. ماتروح تنام ف بيتكوا.. 
ـ هو انا نايم عندك!.. انتي مالك.. 
جاكي: هنرش مايه.. 
ـ نينيني... يادمك.. 
جاكي: انت هتهزر معايا.. قوم روح يلا.. 
ـ هو انتي عبيطه!.. هل انتي عبيطه! 
جاكي: انا همشي عشان انت مهزء.. يامهزء.. 
سيبته وروحت قعدت مكاني وشويه وادم جه.. 
ادم: يلا ياقمر.. 
جاكي: يلا... خليك هنا بقاا.. يارب يقفلوا عليك.. 
ادم: مين دا.. 
جاكي: انا عارفه!.. واحد جاي ينام هنا.. 
ادم: وانتي مالك.. ماينام.. 
جاكي: فكك فكك.. يلا عايزه اروح.. 
ركبت وروحت... 
لقيت مسدج جتلي.. فتحت لقيته محمد.. 
محمد: جاكي! 
جاكي: نعم.. 
محمد: كنت عايز البيجامه لو سمحتي.. 
جاكي: بيجامة اي! 
محمد: اللي جبتيها.. اصل كنت مرتاح فيها.. يمكن عشان انتي اللي جايباها.. 
جاكي: ماشي.. تعالى خدها.. 
محمد: هقفلك تحت وانتي انزلي.. 
جاكي: ليه ماتطلع.. 
محمد: لا معلش.. انزلي انتي.. 
جاكي: حاضر.. 
دخلت جبتها ونزلت وقفت تحت لقيته واقف بعيد شويه وبيشرب سجاير.. 
اول ماشافني قرب... 
جاكي: اي دا.. 
محمد: اي.. 
جاكي: انت بتشرب سجاير! 
محمد: ايوا.. 
جاكي: بس انت مكنتش بتشرب.. 
محمد: كنت بشرب وبطلت.. ورجعت تاني.. 
جاكي: ورجعت تاني ليه! 
محمد: معلش.. اهي حاجه بتريحني شويه.. هاتي.. 
جاكي: اتفضل.. هتروح! 
محمد: لا.. هتمشى شويه.. 
جاكي: اممم.. طب ممكن اتمشى معاك! 
محمد: لا.. اطلعي.. 
جاكي: بس انا عايزه اتمشى.. 
محمد: اطلعي ياجاكي الجو برد.. 
جاكي: لا بس يلا نتمشى شويه.. 
قعدنا نتمشى وهو ساكت وباين عليه انه متضايق ووشه مرهق قوي.. 
جاكي: ممكن ترمي السيجاره دي بقاا.. 
رماها ومردش.. 
جاكي: هتفضل ساكت كدا.. 
محمد: انا هسافر.. 
جاكي: اي.. 
محمد: هسافر.. 
جاكي: تسافر فين! 
محمد: هغور ف اي حته... المهم اني هبعد.. 
جاكي: اممم... وانا! 
محمد: انتي اي!.. انتي مش محتاجاني ف حاجه.. 
جاكي: محتاجاك طبعا... 
تعالى نقعد هنا... 
روحنا قعدنا.. 
جاكي: بص يامحمد... انت اوكيه اللي انت فيه مش سهل وفراق مامتك مأثر عليك ودا حقك... وانت مستحمل وصابر وربنا هيجازيك ع صبرك دا.. لان انت صابر ف وقت الصبر فيه صعب.. لان انت قلبك واجعك.. انا عارفه كويس الم الفقد... ومع ذلك شاطر ودخلت كليه كويسه جدا... وانت نفسك حد كويس وعايز تبقاا احسن.. المشكله كلها ف البيئه اللي حواليك.. طول مافي حواليك ناس مش كويسه، مش هتعرف تبقاا كويس... لانك حتى لو حاولت تصلح من نفسك، وجودك معاهم هيخليك تعمل زيهم لا اراديا.. يعني مع الوقت هتلاقي نفسك بتتكلم بنفس طريقتهم وبتروح نفس الاماكن اللي بيروحوها وهكذا... فانت مشكلتك الوحيده هي صحابك يامحمد... صحابك مش كويسين... الرسول قالك المرء على دين خليله... 
يعني لازم تصاحب ناس تاخد بايدك للصح ولربنا... صدقني لو عملت كدا وبقيت مع ناس كويسه هترتاح.. هتلاقيهم ع طول بيصلوا ومبيقولوش الفاظ مش كويسه وكلامهم محترم وبيغضوا بصرهم.. انت تلقائيا هتبقى زيهم.. عشان هتعاشرهم... 
انت رجعت وبقيت بتصلي وكويس ومبتشربش.. حتى السجاير بطلتها... ودي حاجه كبيره جدا وكويسه.. 
بس رجعتلها تاني لما رجعت لصحابك... 
صحابك هما سبب ضياعك يامحمد... 
كان باصصلي ومندمج قووي ومركز ف اللي بقوله.. 
جاكي: عارف لو سافرت!.. مش هترتاح.. مش هتلاقي حد معاك وهتبقى لوحدك ومش هتلاقي حد جنبك لو لاقدر الله حصل حاجه... العيله ونس يامحمد.. حتى لو انت شاب.. هيفضل بردو وجود العيله امان... 
وانت عيلتك بتحبك.. والله بيحبوك جدا وبيخافوا عليك.. لو كانوا بيقسوا عليك، فدا عشان عايزين مصلحتك..حتى لو بيعملوا كدا بطريقه غلط.. يكفي ان نيتهم سليمه وخير.... 
مش هقولك متسافرش.. سافر لو حابب.. بس هترجع تقول ياريتني سمعت الكلام وفضلت وسط اهلي.... 
لو عايز نصحيتي... فهي انك تبعد عن صحابك.. 
متضيعش مستقبلك عشان حد... 
هما ضايعين وعايزين يضيعوك معاهم.. مش هيحبوا يشوفوك احسن منهم ابدا... 
وانت ماشي وراهم وخلاص.. وهما سكتهم حرام ف حرام... 
اظن والدتك لو كانت موجوده كانت هتقولك نفس الكلام... 
عارفه انك موجوع عليها.. بس كلنا عندنا حاجات واجعانا... 
يعني عندك نور اهي.. مبتشوفش ابوها غير كل فين وفين.. وامها زي مانت شايف.. يعني يتيمه بردو.. 
وجاك اهو.. امه مبتحبوش او بتعامله بقسوه.. وابوه كان هيقتله.. وحبيبة عمره ماتت قدام عينه واثار التعذيب باينه ع جسمه.. ومازال تعبان نفسيا من الحوار دا... بس هو معملش زيك.. مش بيروح يسكر ولا يسيب شغله ولا بيضعف كدا.. لدرجة اني لما شوفته اول مره مجاش ف بالي ابدا ان حد بالشخصيه دي يكون موجوع او مكسور كدا... 
عندك انا اهو... 
فقدت امي من وانا صغيره.. وابويا زي مانت شايف.. وانا حاليا اللي بشتغل وبصرف عليه.. 
ومع ذلك بضحك واهزر واتخانق كمان... 
دا مش معناه اني مش مأثر فيا حاجه او مش تعبانه... بس انا لازم استحمل.. لاني واثقه ان ربنا مش هيسيبني... لان ربنا مبيسبش حد مؤمن بيه... وانا واثقه ان كل اللي حصلي دا خير ليا... حتى فقدان امي خير ليا اكيد... اكيد شايلي حاجه احسن.. حاجه تعوض كل دا... 
كلنا تعبانين.. وكلنا عندنا حاجات واجعانا... بس الفرق ف طريقة التعامل مع الحاجات دي... 
انت بتستسلم للتعب والحزن يامحمد.. 
لو فكرت هتلاقي ان الدنيا كلها عباره عن يومين وكلنا هنموت وخلاص ع كدا.. مفيش حاجه مستاهله انك توقف حياتك عشانها... 
انت تقوم زي الشطور كدا.. تقطع علاقتك باصحابك دول.. ولو رست انك تبقا لوحدك، عادي خليك لوحدك.. وتركز ف مذاكرتك وتروح جامعتك وتقرب من ربنا ع قد ماتقدر.. وساعتها هتشوف الفرق بنفسك.. هتشوف ازاي انت فخور بنفسك انك قدرت تتغلب ع كل دا... 
ربنا مش هيديك معركه الا لو واثق انك هتقدر تحارب فيها كويس... 
احم.. احم... نحن هنا... 
محمد: تعرفي اني بحبك قوي.. 
جاكي: عارفه.. ماهو لولا كدا مكنتش قعدت سمعت المحاضره دي كلها... 
محمد: كلامك بيريحني... مع ان كتير بيقعد معايا ويقولي كدا... بس مش بنفس الاسلوب دا.. مش بقتنع بكلام حد غيرك.. معرفش ليه.. 
جاكي: اقتنعت بجد.. ولا بتقول كدا عشان تخلص من رغيي.. 
محمد: بالعكس.. كلامك حلو والله... طب انتي عارفه ان انا كان جوايا طاقه سلبيه رهيبه وكنت عايز ارمي نفسي من هنا!.. بس كلامك شال كل دا.. 
جاكي: يعني دلوقتي مش متضايق! 
محمد: اطلاقا... 
جاكي: اممم.. طب انا عايزه اكل.. 
محمد بضحك: تاكلي!.. دا وقت اكل يعني!.. 
جاكي: مش عايز تأكلني يعني!.. وانا اللي تاعبه نفسي وعماله انصح فيك!.. اما انتوا صنف خنازير بصحيح.. 
محمد: خلاص خلاص.. هروح اجيب اكل.. 
جاكي: هات كتير عشان انت طفس..  
محمد: مجنونه والله.. 
سابني ومشي وانا اتنهدت.. اخيرا قدرت اصلح كل حاجه... 
________________
جتلي مسدج.. 
ـ وحشتيني.. 
جاكي: مين.. 
ـ حد بيحبك.. 
جاكي: عايز اي يعني.. 
ـ عايز اقولك متقعديش مع الواد دا تاني.. 
جاكي: واد مين!.. وبعدين انت مالك يامهزء انت.. 
قفلت الفون وسكت ماهي مش ناقصه وجع دماغ والله
شويه وجه وقعدنا ناكل ع البحر ف الهوا التحفه دا.. 
محمد: مش هترجعي معايا! 
جاكي: تؤتؤ... انا كدا تمام.. 
محمد: صحيح.. شغل اي اللي قولتي عليه! 
جاكي: بشتغل ف مكتبه قريبه من هنا.. شغلانه مريحه وف نفس الوقت مناسبه جدا.. 
محمد: وليه الشحططه دي.. 
جاكي: هو حد قالك اني صغيره!.. لازم اتحمل المسؤوليه شويه... 
قعدنا نتكلم شويه وبعدين روحنا... 
طلعت لقيت بابا صحي... 
جاكي: معلش اتاخرت عليك.. اجيبلك تاكل! 
بابا: لا مش عايز.. انا بس زهقت من السرير دا... 
جاكي: معلش.. لحد ماتصحى شويه بس.. وبعدين ابقى اتحرك بالكرسي... بس صحيح. قولت ليه لعمو احمد ع مكان الشقه! 
بابا: يابنتي هو اصر عليا.. وانا محبتش ازعله بعد اللي عمله معانا... 
فضل يكح... 
جاكي: اتفضل مايه.. خلاص كفايه كلام وارتاح شويه.. 
سيبته وخرجت.... 
قعدت اذاكر شويه وبعدين عملت شاي ودخلت قعدت ف البلاكونه وشغلت اغنيه.... كان الوقت متاخر.. 
سرحت شويه وبعدين ببص بعيني كدا لقيت حد واقف وراكن ع العربيه وباصصلي.. 
جاكي: اعااا.. 
جاك: بس يابنت المجانين الناس هتصحى.. 
جاكي: انت بتعمل اي هنا! 
جاك: وانتي مالك.. هو كان الشارع باسمك! 
جاكي: عرفت مكاني ازاي! 
جاك: انتي هبله!.. انا عارف انتي روحتي فين من ساعة ماخرجتي من عندي.. 
جاكي: طب اتفضل بقاا عشان الناس هتصحى ع صوتنا.. 
راح رن وفتحت... 
جاك: كدا محدش هيصحى.. 
جاكي: جاك امشي.. مينفعش تفضل هنا.. وبعدين جاي ليه اصلا.. 
جاك: جاي اتطمن عليكي.. اي متطمنش! 
جاكي: ايون.. روح بقاا.. 
جاك: دا بدل ماتقوليلي اطلع اشرب حاجه! 
جاكي: معندناش... 
جاك: حلوه الاغنيه دي... 
جاكي: يابني عايز اي بقاا.. 
جاك: انا مش ابنك ع فكره.. انتي بتتلزقي فيا ليه! 
جاكي: طب يلا ياخفيف روح.. هنرش مايه.. 
جاك: طب قوليلي عامله اي.. 
جاكي: عامله محشي.. انما اي.. عنب.. 
جاك: محشي اي بالظبط! 
جاكي: ورق عنب.. 
جاك: احلفي!.. طب ماتدوقيني عشان انا ميت والله.. 
جاكي: تؤتؤ.. بعينك.. 
جاك: ياشيخه وحياة عيالك.. 
جاكي: عايز اي يااهبل انت.. 
جاك: عايز محشي.. 
جاكي بضحك: خلص.. مفيش تاني.. 
جاك: لا في.. 
جاكي: مش هديك ياعم انا حره.. 
جاك: والله لو مانزلتي المحشي دلوقتي لازعق هنا واصحي الناس.. 
جاكي: هه.. وماله... 
جاك: مش مصدقه يعني!.. طيب اهو... 
ياناااااس... جاكي بنت الحاج مصطفى مش عايزه تديني محشششششي... ياااااام كررررريممم... قوللليلها تديني محشششي... يام سعااااااد.. 
جاكي: بس بس.. بس ياغبي الناس هتصحى.. 
جاك: هتخلصي ولا اكمل! 
جاكي: خلاص اخرس.. هنزلك.. جاتك ف وراكك.. 
دخلت حطيتله محشي ف علبه ونزلت... 
جاكي: اتفضل.. يلا بقاا امشي.. 
جاك: ع فكره يعني دا مش اسلوب خالص.. 
جاكي: ياجاك امشي بقاا.. ومتجيش هنا تاني.. 
جاك: طب اقعدي بس هقولك حاجه.. 
جاكي: اقعد فين.. 
جاك: مكانك كدا... 
قعدنا ع السلم.. 
جاكي: ارغي.. 
جاك: لسه زعلانه! 
جاكي: ملكش دعوه.. 
جاك: طب حقك عليا.. 
جاكي: ليه مش كنت شايف ان الموضوع ع هوايا!!! 
جاك: انتي عارفه انه مكنش قصدي... انا بقول اي حاجه وانا متعصب... 
جاكي:..... 
جاك: خلاص بقاا ببوزك دا.. 
جاكي: خلاص.. يلا بقاا اتكل ع الله.. 
جاك: يابنتي مش طايقاني ليه! 
جاكي: انت عارف الساعه كام! 
جاك: والله اياك تكون خمسه... انا مالي.. هو حد ليه عندي حاجه! 
جاكي: انت فاضي وانا ورايا جامعه الصبح.. 
جاك: ادم اللي بيوديكي الجامعه طبعا... 
جاكي: ااه.. هروح لوحدي يعني! 
جاك: لا انا هوصلك.. 
جاكي: لا.. انا بركب مع ادم.. ملكش دعوه انت.. 
جاك: طب مش هترجعي! 
جاكي: ياديني ع دا سؤال... لا مش هرجع ياجماعه.. انا مرتاحه هنا.. 
جاك: ع فكره هند قراية فاتحتها الاسبوع الجاي.. 
جاكي: نعم!.. ازاي دا.. 
جاك: زي ماسمعتي.. وهتيجي طبعا.. 
جاكي: لا... 
جاك: ع العموم هما هييجوا هنا بكرا.. واتصرفي معاهم انتي بقااا... انا عن نفسي مش عايزك تيجي.. عشان هيبقاا في ناس كتير وكدا.. 
جاكي: ايوا ومجيش ليه يعني! 
جاك: هو كدا... بس هتيجي يعني.. هما كدا كدا مش هيوافقوا انك متجيش... 
جاكي: طب لما ييجي الاسبوع الجاي يعدلها ربنا... 
امشي بقاا.. 
جاك: استني ادوق المحشي.. 
فتح العلبه وكل... 
جاك: اممم.. الله.. مين عامل دا.. 
جاكي: هيكون مين يعني! 
جاك: مكنتش اعرف انك بتعملي اكل حلو.. 
جاكي: واديك عرفت.. يلا بقاا.. 
جاك: خلاص.. ماشي.. دا اي دا.. 
جاكي: متجيش عندنا تاني بقاا.. 
جاك: غوري يابت.. 
جاكي: غاره تشيلك.. 
جاك: بت. اتلمي.. 
جاكي: بت تبتك.. اما انت مهزء صحيح.. 
جاك: جاكي.. متخلنيش افرج عليكي الناس.. 
جاكي: طب جرب كدا.. وانا اقول انك بتتهجم عليا ف نصاص الليالي والبسك قضيه واوديك ف داهيه.. 
جاك: تصدقي انا غلطان اني جيتلك.. 
جاكي: ايون.. يلا بقاا هوينا.. 
جاك: طب اتفضلي اطلعي.. 
جاكي: امشي الاول.. 
جاك: لا ياختي.. هتطلعي فوق وتشاوريلي الاول.. 
جاكي: واشاورلك ليه!.. انت مسافر.. 
جاك: بطلي لماضه واطلعي.. 
سيبته وطلعت ودخلت البلاكونه..
جاكي: اتفضل بقااا.. 
جاك: ماشي باي.. 
ركب عربيته ومشي وانا دخلت عشان انام... 
فجأه جتلي مسدج.. 
ـ اللي حصل دا غلط... استحملي نتيجة غبائك.. 
الصبح هيجيلك خبرُه.. 
يتبع..
لقراءة الفصل الثاني والاربعون : اضغط هنا
لقراءة جميع فصول الرواية : اضغط هنا
google-playkhamsatmostaqltradent