recent
أخبار ساخنة

رواية قلبي ليس بيدي الفصل الثاني والاربعون 42 بقلم حسناء رمضان

 رواية قلبي ليس بيدي الفصل الثاني والاربعون 42 بقلم حسناء رمضان

رواية قلبي ليس بيدي الفصل الثاني والاربعون 42 بقلم حسناء رمضان

رواية قلبي ليس بيدي الفصل الثاني والاربعون 42 بقلم حسناء رمضان

" كان نفسي أنورلك قمري وأعملك بإيديا الشاي
  أحكيلك في الليل حكاياتي و أغني لعنيكي بناي !♥🥀
اول ماشوفت المسدج اتصدمت وفضلت متنحه.. بعدين رديت عليه وانا ايديا بتترعش.. 
جاكي: انت مين! 
ـ انا اللي هياخد روح كل واحد هيفكر يقرب منك.. 
جاكي: بس انا معرفكش... وهما اذوك ف اي! 
ـ مش مهم.. المهم استعدي.. 
معرفتش ارد اقول اي وكنت خايفه جدا.. 
رنيت ع جاك بسرعه.. 
جاكي: رد.. رد بسرعه..
جاك: اي داا انتي لحقتي.. 
جاكي بخوف: انت فين! 
جاك: انا واقف بره الشارع بتاعك بشتري حاجه وكنت هروح دلوقتي..
جاكي: يعني انت لسه هنا!!!! 
جاك: ايوا في اي! 
جاكي: ارجع بسرعه.. تعالى ع هنا.. 
جاك: مش فاهم.. في اي.. 
جاكي: جاك بالله عليك انجز وانا هفهمك هنا.. تعالى وخلي بالك من نفسك.. 
جاك: حاضر.. 
قفل وانا فضلت مستنياه ودموعي بتنزل ومش فاهمه في اي.. هو انا مش هجيبلهم غير المصايب!... استرها يارب.. 
قعد شويه وانا اعصابي كانت خلاص سابت.. 
فجأ الباب خبط وانا اتخضيت.. 
روحت فتحت بسرعه.. 
اول ماشوفته حضنته جامد وفضلت اعيط... 
جاك باستغراب: في اي!.. اهدي بتعيطي ليه! 
جاكي: انت كويس!.. حد عملك حاجه!! 
جاك: اهدي.. اهدي انا كويس اهو.... 
جاكي بعياط: انا السبب ف كل دا.. 
جاك: طب اقعدي واهدي.. قوليلي بقاا اي اللي حصل.. دانتي من شويه كنتي قربتي تضربيني بالشبشب.. 
فتحت الفون ووريتله المكتوب.. 
جاك: هو دا اللي مخوفك كدا!! 
جاكي: انت شايف مكتوب اي! 
جاك: هو انتي بتصدقي اي حد كدا!!.. وبعدين مانا سليم قدامك اهو.. محدش عملي حاجه.. 
جاكي: الله اعلم كان ممكن يحصل اي لو كنت روحت.. 
جاك: طب بس اهدي.. متشغليش بالك بالكلام دا.. وانا هعرف مين دا... يلا ادخلي نامي ومتفتحيش لحد وانا همشي.. 
جاكي بخوف: تمشي فين!! 
جاك: هروح.. 
جاكي: لا مش هتروح.. انت هتقعد هنا.. 
قومت قفلت الباب بالمفتاح وخبيته ورايا.. 
جاك: جاكي انتي اتهبلتي!.. اقعد هنا اعمل اي.. مينفعش.. 
جاكي: لا مش هتروح ياجاك... لو حصلك حاجه انا ممكن اموت.. 
جاك: ايه! 
جاكي: قصدي يعني.. مش هسامح نفسي لو جرالك حاجه تاني بسببي.. 
جاك: انتي مكبره الموضوع ع الفاضي.. صدقيني محدش يقدر يعملي حاجه.. 
جاكي: لا مليش دعوه.. 
جاك: جاكي بطلي جنان.. مينفعش افضل هنا.. 
جاكي: اسيبك تموت يعني!.. 
جاك: ياست مش هموت.. جاكي اخلصي.. 
جاكي: لا بردو.. انسى.. والله ماهتروح دلوقتي.. 
روحت قعدت قدامه وحطيت ايدي ع خدي وسكت.. 
جاك: طب كدا انتي مينفعش تقعدي لوحدك.. 
جاكي: هيحصلي اي يعني.. 
جاك: معنى ان حد باعتلك الكلام دا.. انه مراقبك.. وانا مضمنش مين دا ولا ممكن يعمل اي.. وانتي ف الاول وف الاخر قاعده لوحدك.. 
جاكي: هروح فين يعني.. مانا مضطره.. 
جاك: مش مضطره.. انتي لو قعدتي معانا هتبقي ف امان ومحدش هيقدر يقربلك...وهتفضلي قدامنا طول الوقت.. 
جاكي: لا انا مرتاحه هنا.. 
جاك: مش عارف هو عناد وخلاص!.. وبعدين ابن عمك دا ممكن ييجي وهتكوني لوحدك هنا.. وافترضي ان الشخص اللي كاتب كدا جالك هنا.. وانتي لوحدك.. هتعملي اي وقتها.. محدش فينا هيبقى معاكي.. لو سمحتي بطلي عناد.. 
جاكي: بس انا مش عايزه ارجع عندكوا تاني.. 
جاك: ليه.. انتي مش مبسوطه معانا! 
جاكي: مش كدا.. 
جاك: امال اي.. جاكي تخيلي معايا لو حد جالك هنا بالليل.. وكنتي لوحدك ومعكيش حد.. وباباكي مش قادر يتحرك... هتعملي اي.. وبعدين افرضي ادم جه ف يوم ومرحش الجامعه.. هتضطري تروحي لوحدك وترجعي لوحدك.. ووقتها ممكن اي حد يتعرضلك عادي.. 
طول مانتي معانا هتبقي ف امان.. وبعدين انا هوصلك وهجيبك من الجامعه.. ولو حبيتي تخرجي هتخرجي مع حد مننا.. وطول مانتي ف البيت هتبقي وسطيهم.. يعني محدش هيقدر يقربلك.. وانا هبقاا متطمن.. 
جاكي انتي من ساعة ماجيتي هنا وانا باجي كل يوم اتطمن من غير ماتعرفي.. وعلى اي كل دا!!.. 
جاكي: لا.. لو رجعت هعملكوا مشاكل اكتر.. وانتوا مش ناقصين.. كفايه اللي حصل.. 
جاك: انا مش عارف دماغك دي فيها اي.. طب قومي افتحيلي عشان امشي.. 
جاكي: لا هتبات هنا لحد الصبح وبعدين امشي.. 
جاك: مينفعش.. 
جاكي: ينفع.. وبطل بقاا عشان انا اصلا خايفه.. 
اتنهد وسكت.. شويه وفونه رن.. 
جاك: الو.. 
ـ....... 
جاك: لا يافيروز مش راجع دلوقتي.. 
ـ....... 
جاك: لا هبات ف الشركه عشان عندي شغل كتير... 
ـ....... 
جاك: حاضر.. متقلقيش انتي.. انا كويس.. 
قفل معاها وفضلنا قاعدين ساكتين وانا قاعده بنعس.. 
جاك: طب ادخلي نامي.. 
جاكي: ايوا عشان تغفلني وتمشي.. 
جاك: مش همشي ياست خلاص.. كويس اني جبت الشنطه وانا طالع.. هقعد اشتغل وانتي ادخلي نامي.. 
جاكي: لا انا قاعده.. 
جاك بضحك: يابنتي بطلي هبل بقاا.. عندك جامعه الصبح... 
جاكي: يعم ملكش دعوه.. انا قاعده.. 
طلع اللاب وقعد يشتغل عليه وكان مندمج جامد وانا طلعت فوني اقلب فيه وفجأه جتلي مسدج تانيه.. 
فتحت بسرعه.. 
ـ اظن انا حذرتك قبل كدا.. وانتي اللي مصممه تموتيهم... 
جاكي بخوف: جاك.. جااك.. 
جاك: اي.. 
جاكي: شوف.. 
خد مني الفون ورد.. 
جاك: انت مين! 
ـ قولتلك مش مهم.. 
جاك: طب اعمل اللي انت عايزه.. انا مش خايف.. 
ـ اي دا.. انت بنفسك اللي بترد ياباشا! 
جاك: طب كويس انك عارفني.. 
ـ ومين ميعرفش جاك بيه.. دانت غالي قووي.. 
جاك: نفس الغلاوه والله... 
ـ طب بقولك اي.. اخرج البلاكونه كدا.. 
جاكي: لا متخرجش.. 
خدت منه الفون وقفلته.. 
جاك: استني بس هشوف مين.. 
جاكي: لا متخرجش.. ممكن يعمل حاجه.. 
جاك: متخافيش.. استني.. 
خرج البلاكونه وانا خرجت وراه واتصدمت... 
صرخت وحطيت ايدي ع بوقي من الصدمه... 
عربيته كانت متكسره ومكتوب عليها بالدم.. 
كنت هموت من الخوف وبعدين محستش بنفسي غير وهو بيفوقني.. 
قومت مخضوضه.. 
جاكي: جاك.. 
جاك: اهدي.. انا كويس.. 
حضنته وفضلت اعيط.. 
جاك: جاكي اهدي مفيش حاجه.. بطلي عياط خلاص.. 
جاكي: انت مشوفتش عمل اي ف العربيه! 
جاك: ف داهيه... عادي.. اهدي وانسي.. تمام! 
جاكي: متنزلش.. والنبي خليك.. 
جاك: حاضر.. بس اهدي.. ادخلي نامي وانا هقعد.. 
جاكي: لا هقعد هنا.. 
طلع الفون وقام بعيد وفضل يتكلم فيه وبعدين رجع تاني وقعد ع اللاب.. كنت قاعده جنبه بنعس.. 
قعد شويه وبعدين بص لقاني نعست... حاول يصحيني.. 
جاك: جاكي.. 
قومت مخضوضه.. 
جاك: اهدي.. قومي نامي جوه.. 
جاكي: لا لا انا مش هنام.. انا هقعد هنا.. 
جاك: يخربيت عنادك.. 
شويه ولقاني نعست تاني.. بصلي وابتسم ودخل اوضتي جاب حاجه يغطيني بيها... 
لسه خارج بس لمح حاجه.. 
رجع بصلها لقاها رسمه كبيره ليه... بصلها بتمعُن وابتسم وبعدين خرج.. 
غطاني وكمل شغل.. 
_______________________
الصبح طلع.. 
صحيت لقيتني نايمه ع الكنبه ومتغطيه وهو نايم مكانه.. 
قومت طلعت البلاكونه عشان اشوف العربيه.. 
واتصدمت... دخلت صحيته بسرعه.. 
جاكي: جاااك.. جاااااك.. 
جاك: في اي.. 
جاكي بعياط: البلاكونه
جاك: مالها.. 
فضلت اشاور وانا اعصابي سايبه.. 
خرج وانا خرجت وراه.. 
جاك بصدمه: نعم!!!.. دا اللي هو ازاي! 
جاكي بعياط: معرفش.. 
_____________
فيروز: يلا قوموا بقاا.. هتتأخروا ع الجامعه.. 
هند: خلاص قومت اهو.. 
فيروز: مكلمتيش جاك! 
هند: لا ليه.. 
فيروز: مرجعش من امبارح.. ومرنش حتى.. 
هند: تلقاه ف الشركه عادي يعني.. 
فيروز: طب يلا الفطار جاهز.. 
نزلت والباقيين صحوا.. 
محمد: صباح الخير.. 
الكل صباح النور.. 
البنات قاعدين ع السفره وهو راح قعد ف اخر السفره والكل استغرب.. 
هند: قاعد بعيد كدا ليه.. ماتيجي هنا.. 
محمد: معلش.. كدا احسن.. 
فيروز: قوم ياحبيبي اقعد جنب اخواتك.. 
بدا اكل ومردش عليها وكلهم قاعدين يبصوا لبعض.. 
نور: محمد وراك اي بعد الجامعه! 
محمد: ليه! 
نور: كنت هتوصلني عند واحده صاحبتي.. 
محمد: خلي جاك يوصلك.. 
نور: جاك بيأخر ف الشغل ومعرفش ممكن يرجع امتى.. ماتوصلني انت وخلاص.. 
محمد: معلش.. كدا امان ليكي.. انا هستناكوا ف العربيه.. خلصوا ويلا.. 
سابهم وخرج.. 
نور: هو ماله متغير كدا ليه.. 
سما: مش عارفه.. تصرفاته غريبه.. 
____________________
جاك: يعني اي العربيه سليمه!!! 
جاكي: جاك انا خايفه.. 
جاك: انا مش قادر افهم.. ماهو اكيد مكنش بيتهيقلنا احنا الاتنين يعني... صحيح هاتي موبايلك.. 
فتحت موبايلي وخده.. 
جاك بصدمه: المسدجات فين!.. 
خدت منه الفون بسرعه بس مكنش في مسدجات والرقم مش موجود اصلا.. 
جاكي بخوف: يعني اي.. 
جاك: انتي مسحتي حاجه! 
جاكي: لا انا قفلت الفون ع طول.. 
فضلنا قاعدين باصين لبعض بصدمه وعدم فهم.. 
جاك: ادخلي لمي هدومك.. 
جاكي:...... 
جاك: مستنيه اي تاني!.. قومي يلا.. 
قومت وانا متردده ودخلت اوضتي وفجأه.. 
جاكي: جااااااك.... 
يتبع..
لقراءة الفصل الثالث والاربعون : اضغط هنا
لقراءة جميع فصول الرواية : اضغط هنا
google-playkhamsatmostaqltradent