recent
أخبار ساخنة

رواية قلبي ليس بيدي الفصل التاسع والاربعون 49 بقلم حسناء رمضان

 رواية قلبي ليس بيدي الفصل التاسع والاربعون 49 بقلم حسناء رمضان

رواية قلبي ليس بيدي الفصل التاسع والاربعون 49 بقلم حسناء رمضان

رواية قلبي ليس بيدي الفصل التاسع والاربعون 49 بقلم حسناء رمضان

عمو احمد: ها يا ياسين.. 
ياسين: مش كفايه كدا ياعمي ولا اي.. 
عمو احمد: انا عارف اننا اخدنا وقت طويل.. بس محدش كان مستعد لاي حاجه... 
ياسين: طب ودلوقتي! 
عمو احمد: لا انا جبتك هنا عشان نحدد معاد الخطوبه.. 
ياسين: اخيرا ياعمي.. 
عمو احمد: روح بلغ هند بنفسك عشان هي لسه متعرفش.. 
ياسين: طب احنا المفروض نعملها امتى.. 
عمو احمد: شوفوا انتوا عايزين اي.. 
ياسين: الاسبوع الجاي.. 
عمو احمد بضحك: انت مستعجل كدا ليه.. 
ياسين: معلش ياعمي.. دانا ماصدقت والله.. 
عمو احمد: خلاص.. روح بلغها بقاا.. 
ـــــــــــــــــــــــــــــــــــــــــــــــــــــــــــــــ 
جاك بصلها بصدمه ومسك دماغه.. 
جاك: ازاي.. 
ـ....... 
حضنها بقوه وهو مش مصدق... 
جاك: انا كنت حاسس... والله كنت حاسس.. 
بعدها عنه.. 
جاك: بس.. بس ازاي.. وليه! 
جاكي بدموع: لو سمحت سيبني امشي.. 
جاك: اسيبك!.. اسيبك ازاي... انتي مش متخيله انا حاسس بأي.. جاكي فهميني ازاي.. انتي كنتي ميته قدامي.. طب.. طب ليه عملتي كدا.. وليه مرجعتيش طلاما انتي عايشه.. 
جاكي: مينفعش.. مينفعش ادخل حياتكوا تاني.. انا لازم امشي.. 
حضنها تاني... 
جاك: اششش.. تمشي فين.. دانا ماصدقت...
حضنها جامد ودموعه نزلت.. 
جاك: ليه!.. 
جاكي:.... 
جاك: ليه مرجعتيش! 
جاكي: قولتلك مينفعش.. 
جاك: اي اللي مينفعش... انا كنت ميت ياجاكي.. يعني.. هونت عليكي ازاي.. 
جاكي: جاك انا مليش لازمه ف حياتكوا.. 
جاك: ليكي.. 
جاكي: مليش... مليش ياجاك.. انا من ساعة مادخلت حياتكوا وانتوا مشوفتوش غير وجع القلب... انا وجودي لعنه ف حياتكوا... 
جاك: لا.. ابدا... انتي كنتي حياتنا ياجاكي.. 
جاكي: بامارة اي.. انا غريبه... انا لاختكوا ولا قريبتكوا ولا اي حاجه... كفايه اللي حصلكوا بسببي.. حقيقي كفايه... 
جاك بدموع: وحشتيني.. 
بصيتله بصدمه... 
جاك: وحشتيني قوي.. 
جاكي: ليه! 
جاك: انتي هترجعي معايا دلوقتي حالا.. 
جاكي: لا لا لو سمحت.. انا اصلا كنت هسيب الشغل النهارده لما لقيتك جيت تاني عشان متشوفنيش.. 
جاك: ليه.. بتهربي مني ليه.. 
جاكي: مينفعش... والله ماينفع
جاك: جاكي يلا نرجع.. انتي مش عارفه انا فرحان ازاي.. انا.. انا والله ماواعي... هيفرحوا قوي لو رجعتي.. 
جاكي: انا اسفه.. مش هقدر.. 
جاك بحزن: طب ليه.. 
جاكي: كدا احسن.. من ساعة ما بعدت وانتوا مرتاحين.. 
جاك: ابدا.. مشوفتش راحه ف بُعدك.. 
جاكي: هاا.. 
جاك: قصدي ان كلنا متضايقين ومش عارفين نعيش من ساعة اللي حصل.. 
جاكي: اوعدني انك مش هتعرف حد.. 
جاك: مش هسيبك... انا ماصدقت ربنا بعتك ليا تاني.. 
جاكي: جاك اوعدني.. انا كدا كدا مش هرجع.. اصلا ياريتني ماكنت جيت الشغل تاني.. 
جاك:....... 
جاكي: لو سمحت.. انا مضطره لدا.. اوعدني.. 
جاك: اوعدك.. بس انا هشوفك.. وهعرف عنوانك.. 
جاكي: لا.. اسفه بس غصب عني.. 
جاك: انتي بتقولي اي.. انا مش هقدر اسيبك وامشي... طب قاعده فين ومع مين! 
فجأه حد جه من وراه... 
ـ لو سمحت... 
جاك: نعم.. 
كان بيسأله ع حاجه وانا طلعت اجري بسرعه واستخبيت... لف ملقانيش.. فضل يدور ويلف حواليه وبردو مش لاقي حد... 
جاك: جاااكي.... جاااكي.. هو انا كنت بحلم!!... لا هي كانت هنا.. 
مشي بعيد وهو بيجري عشان يلاقيني... 
بصيتله بحزن ومشيت... 
ـــــــــــــــــــــــــــــــــــــــــــــــــــــــــــــــ 
طلع يجري ع الكافيه... 
جاك: لو سمحتي عايز المدير.. 
ـ ليه يافندم.. 
جاك: وانتي مالك.. اخلصي نادي ع المدير.. 
المدير: في اي يافندم.. 
جاك: في واحده بتشتغل هنا.. اسمها ملك.. 
المدير: ايوا يافندم.. هي عملت حاجه! 
جاك: هي بتشتغل هنا من امتى! 
المدير: من كام شهر كدا.. 
جاك: طب مفيش اي معلومات عنها!!.. يعني مثلا عنوانها او اي حاجه! 
المدير: لا يافندم والله.. انا معرفش غير ان اسمها ملك وتقريبا عايشه لوحدها.. 
جاك: طب زمايلها اللي هنا.. محدش فيهم يعرف مكانها! 
المدير: اسماء صحبتها.. ممكن تكون قالتلها.. اسماااء.. تعالي لو سمحتي.. 
اسماء: نعم يافندم.. 
جاك: تعرفي ملك! 
اسماء: ايوا يافندم.. 
جاك: متعرفيش ساكنه فين! 
بصت للمدير بتردد... 
اسماء: طب هو حضرتك عايزه ليه! 
جاك: لو سمحتي.. لو كنتي تعرفي العنوان قوليه... انا ماصدقت لقيتها.. ارجوكي.. 
اسماء: ماشي... هي ساكنه ف*******
جاك: متشكر جدا... 
سابها وطلع يجري.. 
ـــــــــــــــــــــــــــــــــــــــــــــــــــــــــــــ 
عمو احمد: ها ياست جاكي.. عامله اي.. 
جاكي: بخير... بس في حاجه.. 
عمو احمد: حاجة اي! 
جاكي: جاك شافني.. 
عمو احمد: ازاي!.. وفين! 
جاكي: انا طلعت اجري وهو لحقني وشافني... بس معرفش مكاني.. 
عمو احمد: مش مشكله.. كدا كدا كلهم هيعرفوا.. 
جاكي: ازاي.. 
عمو احمد: خطوبة هند الاسبوع الجاي.. وانتي هتيجي يعني هتيجي... انا طاوعتك وعملت اللي انتي عايزاه.. بس انتي هتيجي سواء برضاكي او غصب عنك.. 
جاكي: انا لو جيت يبقاا كدا كل اللي عملناه ملوش لازمه.. مانا كدا هرجع حياتكوا تاني... 
عمو احمد: مينفعش هند تتخطب وانتي متجيش.. وبعدين خلاص.. اللي عملوا كدا اتقبض عليهم ومحبوسين... ومحمود اتقبض عليه ومحبوس... يعني مفيش اي خطر تاني... كفايه كدا بقاا.. 
جاكي: ايوا.. بس مينفعش.. 
عمو احمد: مش هتفضلي عايشه لوحدك العمر كله.. لازم ترجعي عشان جامعتك دي... 
الباب خبط.. 
عمو احمد: انتي مستنيه حد! 
جاكي: لا ابدا.. ثواني اشوف مين.. 
طلعت فتحت الباب واتصدمت... 
ــــــــــــــــــــــــــــــــــــــــــــــــــــ 
ياسين: ملكيش حجه بقاا.. 
هند: مش قريب قوي كدا! 
ياسين: لا مش قريب ولا حاجه.. كفايه كدا ياهند قووي. 
هند:..... 
ياسين: ياهند انتي لو مش عايزاني قولي.. 
هند: يعم مش كدا والله.. بس تمام.. ماشي.. 
ياسين: يعني الخطوبه الاسبوع الجاي! 
هند: ايوا.. 
ياسين: تمام.. انا هروح اظبط كل حاجه بقااا.. 
ـــــــــــــــــــــــــــــــــــــــــــــــــــــــــــــــ 
جاكي بصدمه: جاك! 
جاك: مفكره مش هعرف مكانك!! 
زقها ودخل ولقى عمو احمد... 
جاك: نعم!!! 
عمو احمد: جاك!!... انت بتعمل اي هنا! 
جاك: لا انتوا تفهموني بقاا.. ازاي.. 
جاكي: انت عرفت مكاني ازاي! 
جاك: مش مهم... المهم اني عرفت.. وانت بتعمل اي هنا!!.. انت كنت عارف!!!... كنت عارف وسايبنا كدا!! 
عمو احمد: طب تعالى اقعد وانا افهمك.. 
جاك: تفهموني اي!!... انا كنت بموت... انتي عارفه انا بقالي قد اي حاسس بالذنب!! 
جاكي: اقعد طيب واحنا هنفهمك... 
قعد قدامي انا وعمي... 
جاك: هااا.. فهموني بقاا ازاي دا.. 
جاكي: شوف.... 
فلاش باااااااااااااااااااك.... 
عمو احمد كان واقف بره وانا شاورتله فدخلي بسرعه... 
عمو احمد: اي يابنتي.. عامله اي.. 
جاكي بتعب: عايزه من حضرتك خدمه.. 
عمو احمد: اي هي.. 
جاكي: هتقول للكل اني مت.. 
عمو احمد: انتي بقولي اي يابنتي.. 
جاكي: اسمعني بس.. دا افضل حل دلوقتي عشان الدنبا تمشي صح معاكوا.. لازم اطلع من حياتكوا ع الاقل الفتره دي.. 
فضلت افهمه واقنع فيه كتير لحد مااقتنع... راح قال لادم واتفقوا مع الدكتور... وف الوقت اللي هما مش موجودين فيه.. دخل شخص غريب وحاول يقتلني فعلا...بس وقتها ادم وصل ف الوقت المناسب.. ودي كانت صدفه كفيله انها تخلي خطتنا تنجح... 
لما الدكتور لقى ان في حد حاول يقتلني، هو اتطمن اني لسه عايشه.. بس استغل دا في انه ينفذ كلامنا... 
باااااااااااااااااك... 
جاكي: بس كدا.. والموضوع دخل عليكوا.. 
جاك: انا مش فاهم... يعني انتي بقالك اكتر من ست شهور عايشه واحنا قاعدين زعلانين عليكي!!.. لا وتبقى انت كمان عارف وساكت!!!... طب ليه محدش قالي!! 
جاكي: مكنش ينفع.. صدقني اللي احنا عملناه دا انسب حل... من ساعة ماسيبتكوا وانتوا مرتاحين اهو.. ومحصلش اي حاجه... 
جاك: طب ع الاقل كنتوا تعرفوني... ع الاقل كنت ارتاح من تأنيب الضمير داا.. 
عمو احمد: خلاص ياجاك.. اللي حصل حصل.. هي كدا كدا هتيجي الاسبوع الجاي عشان خطوبة هند.. 
جاك: وليه مترجعش دلوقتي! 
جاكي: ياعمي مينفعش اجي.. كدا هدخل حياتكوا تاني.. 
جاك: بس يابت.. اشمعنى يوم الخطوبه يعني.. ماتيجي معانا من دلوقتي.. 
عمو احمد: هي مش موافقه.. 
جاك: مش بمزاجها... قومي لمي حاجتك ويلا.. 
جاكي: لا.. مش هرجع معاك... ممكن اجي يوم الخطوبه وهمشي تاني.. كفايه انكوا هتعرفوا اني لسه موجوده...
عمو احمد: خلاص ياجاك... لما تيجي هنشوف هنعمل اي.. كدا كدا البنات مش هيرضوا يسيبوها.. 
جاك: طب انتي ازاي قاعده هنا لوحدك.. 
عمو احمد: انا همشي عشان عندي شغل.. هتيجي معايا ياجاك! 
جاك: لا هقعد شويه... 
جاكي: ياعم قوم امشي.. 
جاك: انتي تسكتي خالص.. 
عمو احمد: ماشي سلام... 
سابنا ومشي وهو بصلي بشر.. 
جاكي: ياسطا قوم امشي.. 
جاك: انتي عارفه انا عايز اقوم اعمل اي دلوقتي! 
جاكي: ولااا احترم نفسك بدل مااصوت والله... 
مسك دماغه وقعد ينفخ.. 
جاك: ياشيخه حرام عليكي والله... انتي مش متخيله انا كنت عامل ازاي.. 
جاكي: كدا احسن.. شوف من اول مامشيت كل حاجه مشت تمام.. 
جاك: مفيش حاجه مشت تمام... انتي هبله!!.. هند لحد دلوقتي مش عايزه تعمل اي حاجه عشان انتي مش موجوده.. طب تعالي شوفي شكل البيت عامل ازاي.. 
جاكي: عندي سؤال بس مش في سياق الموضوع.. 
جاك: سؤال اي.. 
جاكي: هو انت مش المفروض املس... اي الدقن دي.. 
قعد يمسح ع وشه بضحك.. 
جاك بضحك: والله مجنونه... انتي سايبه الموضوع ومركزه ف دقني! 
جاكي: ياسطا الفضول وحش والله.. 
جاك: مش املس انا ياست.. انا كنت بحلقها... 
جاكي: امال سايبها ليه! 
جاك: عشان م.... اي دا في اي.. انتي مالك.. وبعدين احنا ف اي ولا ف اي.. 
جاكي: فكك فكك.. بقولك اي انا جعانه.. هتقوم تمشي ولا هتقعد تاكل.. 
جاك: هو دا سؤال!.. هقعد اكل طبعا.. 
جاكي: ياخي انا مش عارفه اي التلزيق دا.. 
جاك: عامله اكل اي.. 
بصيتله بقرف وسيبته ودخلت... 
جبت الاكل وطلعت لقيته قاعد بيلعب ف الفون وحاطط رجله ع الترابيزه.. 
جاكي: لا والله!!.. تحب اعملك مساج بالمره! 
جاك بضحك: ياريت.. 
جاكي: طب قوم يلا خليني احط الاكل... 
حطيت الاكل قدامه... 
جاك: اي دا ورق عنب!!.. وفراخ!.. ومكرونه بشاميل!!.. وطاجن بطاطس!!..انتي عازمه حد.. 
جاكي: انت اهوو
جاك: لا انتي عامله الاكل دا لنفسك... انتي بتاكلي كل دا! 
جاكي: ايون..
جاك: انتي بتهزري!!... وبعدين صح.. انتي اللي عاملاه! 
جاكي: هيكون مين ياسطا.. هو في حد غيري هنا.. 
جاك: لا الاكل شكله نضيف.. وانتي شكلك فاشله اصلا.. 
جاكي: والله!!.. طب قوم بقاا.. مش هتاكل.. 
جاك: لا لا خلاص.. هاكل وانا ساكت.. 
بدأنا ناكل.. وهو فضل باصصلي.. 
جاكي: احم.. هتفضل تبصلي كدا كتير! 
جاك: مش مصدق والله.. 
جاكي: بقولك صحيح.. 
جاك: امم.. 
جاكي: مش عايزه حد يعرف... لحد مانشوف موضوع الخطوبه دا.. 
جاك: طب ماترجعي معايا دلوقتي.. 
جاكي:  لا.. اسمع الكلام بس ومتقولش لحد.. 
سكتنا شويه وبعدين اتكلم بشرود.. 
جاك: اشمعنى ادم اللي قولتيله... 
جاكي: عشان هو الوحيد اللي هيرضى يساعدني.. لو كنت قولت لحد فيكوا كان هيرفض.. انا اصلا اقنعت عمي بالعافيه... 
جاك: طب هو انتي جيتي قعدتي لوحدك ازاي وانتي تعبانه.. 
جاكي: عمي كان معايا وكان معايا ممرضه هنا وكمان الدكتور كان بيجيلي ع طول...
جاك: انا حاسس اني بحلم والله...
جاكي: كل كل.. وكبر دماغك.. 
فونه رن... رد وهو بياكل.. 
جاك: الو.. 
ـ....... 
جاك: لا مش جاي النهارده.. 
ـ......... 
جاك: ورايا حاجات مهمه.. مهمه قوي.. 
ـ..... 
جاك: بعدين بعدين.. باي.. 
قفل وبصلي.. 
جاكي: انت ناوي تطول بقاا.. 
جاك: انتي مش طايقاني ليه يابت انتي!.. المفروض بعد الغيبه دي انتي اللي تمسكي فيا.. 
جاكي: ايون وماله.. 
جاك: طب ف ذمتك.. موحشتكيش! 
جاكي بكسوف: هاا.. 
ابتسم وكمل اكل.. 
جاكي: لا وحشتوني يعني.... 
جاك: عارف... طب وجامعتك! 
جاكي: بروح ع الامتحانات او المحاضرات المهمه قوي يعني.. وعمي ظبطلي الدنيا وكنت بروح متنكره يعني.. محدش كان بيشوفني.. وكمان ادم كان بيساعدني ف المحاضرات وكدا.. 
جاك: ماشاء الله.. كل دا من ورايا.. 
جاكي: معلش معلش.. 
مسك دماغه وغمض عينه جامد.. 
جاكي: في اي! 
جاك: صداع.. 
جاكي: طب كمل اكل وانا هعملك قهوه.. 
خلصنا اكل وقومت عملتله قهوه.. 
جاكي: اتفضل.. 
جاك: شكرا... ع فكره انا عرفتك من القهوه... 
جاكي: مانا عارفه.. مانا عشان كدا جريت.. 
جاك: ياشيخه والله غبيه.. متخيله انك لو جريتي كدا خلاص مش هعرف اجيبك! 
جاكي: بس بس اشرب وانت ساكت... وابقاا قوم ريح جوا بالمره... 
جاك: ياريت والله.. دلوقتي اقدر انام مرتاح.. 
جاكي: ولااا اشرب القهوه واتكل ع الله.. مش فندق هو... 
جاك: اما انتي مهزقه صحيح.. 
جاكي: متغلطش عشان مقومش ازعلك.. 
جاك: بس مش فايقلك والله... 
فونه رن وهو رد وانا سيبته ودخلت جوا... عملت كام حاجه ف المطبخ... 
شويه وطلعت لقيته نايم.. 
جاكي: احيييه... انت نعست!!... جاك.. جاك.. 
ياسطا انت مش لاقي غير هنا وتنام!! 
كان نايم وباين انه نعسان.. 
دخلت جبت حاجه وغطيته وقعدت قدامه اتفرج عليه.. 
ـــــــــــــــــــــــــــــــــــــــــــــــــــــــــــــــ 
فيروز: يعني جيت بدري! 
محمد: مصدع شويه.. هطلع انام.. 
فيروز: طب مش هتاكل! 
محمد: لا مش دلوقتي.. 
سابها وطلع اوضته... اتوضى وصلى ونام.. 
ـــــــــــــــــــــــــــــــــــــــــــــــــــــــــــــــ 
هند: نور.. 
نور: اي.. 
هند: خطوبتي الاسبوع الجاي! 
نور: نعم ياختي!.. ازاي دا.. 
هند: ياسين قعد مع بابا واتفقوا ع الاسبوع الجاي.. 
نور: اخيرا ياشيخه.. دانتي بهدلتي الواد معاكي.. 
هند: بس مكنتش عايزه اعمل كدا وجاكي مش موجوده.. 
نور: هنعمل اي طيب.. دي حاجه بتاعت ربناا.. 
انسي بقاا مش هنفضل كدا ع طول.. وبعدين لو فعلا الاسبوع الجاي يبقاا في حاجات كتير هتتعمل.. 
هند: ايوا.. 
نور: احنا نقوم نروح دلوقتي ونشوف هنعمل اي.. 
هند: ياريت.. انا مليش مزاج اكمل محاضرات.. يلا... 
روحوا... 
هند: ازيك ياماما
فيروز: الحمد لله ياحبيبتي... 
نور بفرحه: الخطوبه الاسبوع الجاي يافيزو.. 
فيروز: والنبي!!.. طب الحمد لله اخيرا.. 
هند: ايوا بس احنا مش مجهزين حاجه.. 
فيروز: دلوقتي اكيد ياسين هيقعد مع ابوكي وهنشوف هنعمل فين وهنجيب اي وكمان معزمناش حد.. 
هند: هو ياسين راح لبابا عشان يتكلموا ف كدا.. وهيكلمني لما يخلص... 
نور: طب دا كويس.. بس احنا محتاجين ننزل نشتري فساتين وحاجاات كدا.. 
فيروز: احطلكوا تاكلوا ويكون ابوكوا جه ونشوفه هيقول اي وبعدين ابدأوا جهزوا نفسكوا... 
نور: اشطا.. 
فيروز: حد يطلع يصحي محمد بقاا عشان ياكل.. 
هند: ماشي.. 
محمد نزل وعمي رجع والكل اتجمع ع السفره.. 
نور: امال فين جاك! 
فيروز: لسه مرجعش.. 
نور: هو مش قال مش هيروح الشغل!.. المفروض يرجع بدري.. 
عمو احمد: متقلقوش.. هو كان معايا وقال عنده كام حاجه كدا وهيرجع.. 
فيروز: طب خلاص بقاا لما يرجع يبقاا ياكل.. صحيح عملت اي مع ياسين! 
عمو احمد: هو قالي ان هند وافقت نعمل الخطوبه الاسبوع الجاي.. وهو عايزنا نعملها ف الڤيلا بتاعته.. 
اي رأيك ياهند.. 
هند: اللي تشوفه يابابا.. 
عمو احمد: يعني انتي موافقه نعملها ف الڤيلا ولا عايزه مكان تاني! 
هند: لا الڤيلا هيبقى كويس.. 
فيروز: امتى بقاا بالظبط عشان نلحق نجهز كل حاجه.. 
عمو احمد: هو راح يطبع الدعوات وانا خليت حد يروح يطبعها لينا وبكرا هتكون جاهزه... الخطوبه يوم الخميس الجاي.... 
فيروز: يادوب يلحقوا من دلوقتي.. 
هند: طب انا هاخد البنات ونخرج النهارده نجيب شوية حاجات.. 
عمو احمد: براحتكوا... هبعت معاكوا السواق.. 
نهى: اخيرا حاجه تفرح ف البيت دا!.. 
محمد: ماشاء الله.. انتوا جهزتوا كل حاجه ولا كإن في ناس هنا تاخدوا رأيهم.. 
عمو احمد: وانت ليك راي تاني يامحمد! 
فيروز: في حاجه مضايقاك ف الموضوع! 
محمد: لا معلش.. نسيت.. 
عمو احمد: نسيت اي.. 
محمد: نسيت اني دلوقتي مش اخوهم... يعني مليش اني اتدخل.. 
عمو احمد: مش اخوهم!!!... انت بتقول اي! 
محمد: متشغلش بالك يابابا.. مبروك ياهند... عن اذنكوا.. 
سابهم وخرج... 
عمو احمد: ماله دا يافيروز! 
هند: تلاقيه متضايق شويه ولا حاجه.. 
ـــــــــــــــــــــــــــــــــــــــــــــــــــــــــــــــ 
فضلت قاعده مكاني وهو لسه نايم.. جبت كتبي وقعدت اذاكر وفضلت كدا لحد الليل.. خلصت مذاكره وهو لسه نايم.. 
جاكي: يابني انت منمتش بقالك قرن ولا اي.. 
سيبته ودخلت البلاكونه وشغلت اغنيه وقعدت ف الهوا... 
ـ يارايق.. 
لفيت بخضه.. 
جاكي: ياابني انت عايز مني اي.. قولتلك مليون مره كح ولا اعمل اي حاجه.. 
جاك: هو انا نعست هنا ازاي.. 
جاكي: معرفش.. انا دخلت وطلعت لقيتك نايم.. 
جاك: اممم.. اكيد حطتيلي حاجه ف القهوه.. 
جاكي: ياراجل!! 
جاك: ايون.. عشان تعرفي تستفردي بيا براحتك.. 
ضحكت وبصيت قدامي.. 
جاكي: جيت الكافيه ليه! 
جاك: مش عارف... اول مره كانت صدفه.. كنت رايح مع واحد صاحبي.. بس شكيت من الصوت... 
جاكي: كنت بحاول اغير صوتي.. وللاسف معرفتش.. 
جاك: تاني مره معرفش روحت ليه.. بس لما شوفتك حسيت بحاجه غريبه.. عشان كدا ندهت عليكي وخليتك تعمليلي القهوه بنفسك.. 
جاكي: بابا عامل اي.. 
جاك: كويس... بس تعب قوي لما عرف اللي حصل.. 
جاكي: انا كنت عايزه اجيبه هنا بس مكنتش عارفه ازاي.. 
جاك: لو كنتي عملتي كدا كنتي هتتكشفي.. وياريتك عملتي كدا.. 
جاكي: امم.. البنات وحشوني قوي وفيروز ومحمد.. صحيح محمد عامل اي.. 
جاك: كويس.. من ساعة ماغبتي وهو متغير.. ع طول بيذاكر ومبقاش تافه زي الاول.. 
جاكي: ع فكره هو مكنش تافه ولا حاجه.. هو كان بيتناسى حزنه بالضحك والهزار... اصلا محمد شخص جميل جدا.. 
جاك: طب اقفلي بقاا.. اقفلي.. مش هيبقى محمد ودومي.. 
جاكي بخبث: اي يابو الصحاب مالك.. 
جاك: ابو الصحاب!!!.. انتي بنت انتي! 
جاكي: ايون مانت عايز واحده مسهوكه.. الا صحيح مايا عامله اي.. 
جاك بضحك: قمر.. مايا قمر.. 
جاكي: اممم... واخد راحتك انت ع الاخر.. 
جاك: اهاا.. طبعا.. هو في حد يبقاا معاه مايا ومياخدش راحته.. 
جاكي: والله انك خنزير ياسطا... كلكوا صنف واحد.. الهي تولعوا كلكوا... ماعدا دومي.. 
جاكي: ااه... وهو دومي مش من الصنف ولا اي.. 
جاكي: تؤتؤ.. دومي دا قمر اصلا.. 
جاك: لو متلمتيش هشيلك ارميكي من هنا.. 
جاكي: مانت عمال تتسرمح مع مايا بتاعتك... حد قالك حاجه! 
جاك: مش بتسرمح انا مع حد.. ااه.. دي غيره بقاا... 
جاكي: وانا هغير ليه ياوجه المعزه انت.. 
جاك بضحك: وجه معزه تاني!.. 
جاكي: ايون.. انا اصلا مسجلاك ع الفون وجه المعزه.. 
جاك: بالله!!.. 
جاكي: والله.. 
جاك: اما انتي مهزءه صحيح... تصدقي انا الغلطان اني زعلان عليكي.. 
جاكي: وانت تزعل ليه.. مانت معاك مايا قمر اهي.. كدا هتتسرمح معاها براحتك ومحدش هيتدخل.. 
جاك: هو انتي فعلا فاكره ان مايا ف دماغي! 
جاكي: لا ف دماغ امي ياجاك.. انت كنت ماسك فخادها ياخنزير انت... وكنتوا قالعين ف الاوضه وقافلين ع نفسكوا.. وبتقولك يابيبي وياجوجتي.. عايز اي تاني.. تجيب منها عيال!! 
جاك: احم.. اهدي.. 
لاحظت فعلا اني اتعصبت جامد.. 
جاك بضحك: غيرانه! 
جاكي بعصبيه: اتلم بقاا.. وبعدين هغير منها ليه اصلا.. اصلا اصلا دي واحده مسلوعه وشبه السحليه.. شبهك كدا.. 
جاك: طب متعصبه ليه.. بالراحه.. وبعدين عادي يعني.. صاحبتي وواخده عليا.. 
جاكي: لدرجة انك تمسك فخادها!! 
جاك: ممسكتش حاجه.. انتي بتتبلي عليا ليه! 
جاكي: متكدبش... مسكتها قدامي.. 
جاك: كنت بدعك مكان ماضربتيها.. مانتي ضربتيها جامد.. 
بصيتله بغضب.. 
جاك: اي طيب.. 
جاكي: ايدك دي هتولع ف نار جهنم يابتاع الفخاد انت..
جاك: اعوذ بالله.. طب خلاص غيري الموضوع.. 
جاكي: ماتمشي.. 
جاك: لا انا بايت هنا.. 
جاكي: مين ياخويا!! 
جاك: خلاص.. اي هتشرشحي!! 
جاكي: طب يلا عشان محدش يشك ف حاجه.. واياك تقول لحد... 
جاك: هجيلك تاني.. 
جاكي: لا.. 
جاك: هجيلك.. ولو غيرتي مكانك ياجاكي هتزعلي مني والله.. 
جاكي: يعم مش هغير حاجه بس يلا.. اتكل ع الله.. 
جاك: انا مش عارف انا ساكتلك ليه.. بس ع العموم تمام... كلها كام يوم وهتيجي تقعدي عندنا تاني.. 
جاكي: ف المشمش.. 
جاك: ماهو طلع.. 
جاكي: هو اي..
جاك: المشمش.. 
جاكي: طب يلا بقاا بطل رغي واتكل ع الله.. 
فضلت ازقه واطلعه بره.. 
جاك: طب هاتي تليفوني طيب... 
جاكي: امسك.. متجيش هنا تاني.. 
وقف ع الباب.. 
جاك: همشي بس في حاجه هعملها.. 
جاكي: اي هي.. 
جاك: مووواه بااي.. 
وقفت متنحه شويه على مااستوعبت اهو عمل اي.. 
باسني ف خدي وطلع يجري... يابن المهزء... 
قفلت الباب ووقفت شويه كدا وانا قلبي بيدق جامد... هو باسني بجد!!!.. احيييه عليا... استغفر الله.. معلش يارب هو مهزء شويه بس.. اكيد من الفرحة يعني ميقصدش حاجه... 
دخلت صليت ونمت.... 
ـــــــــــــــــــــــــــــــــــــــــــــــــــــــــــــــ 
جاك روح وكان داخل يغني.. 
فيروز: سبحان مغير الاحوال.. شكلك مبسوط.. 
جاك: ع الاخر.. عارفه.. عايز ازغرط.. 
فيروز: طب ماتفرحني معاك.. 
جاك: تؤتؤ.. بعدين.. بعدين هتفرحي قوي.. انا طالع فوق.. 
فيروز: مش هتاكل! 
جاك بابتسامه: كلت.. كلت وحليت كمان.. 
سابها وطلع ودخل اوضتي وشغل اغاني وقعد يتفرج ع الاوضه.. بس المرادي بفرحه.. 
ـــــــــــــــــــــــــــــــــــــــــــــــــــــــــــــــ 
تاني يوم.... 
صحيت بدري ع صوت الباب... 
طلعت فتحت.. 
جاكي: انت تاني! 
جاك: صباح الورد.. 
جاكي بضحك: عايز اي.. 
جاك: دا بدل ماتقوليلي ادخل الاول.. 
جاكي: تؤتؤ.. مفيش دخول.. يلا بقاا اتكل عشان عايزه انام.. 
جاك: تنامي اي الصبح طلع... 
جاكي: انت عارف الساعه كام.. 
جاك: الساعه ٦ وربع.. 
جاكي: جاي تبيع لبن ع الصبح!!.. حد ييجي بدري كدا.. 
جاك: لا مانا منمتش اصلا.. 
جاكي: ومنمتش ليه.. بتكلم نسوان اكيد.. 
جاك: ياشيخه اتقي الله... نسوان اي.. دانا معروف باخلاقي.. 
جاكي: ايون ايون عارفه... امشي بقاا والله عايزه انام.. 
جاك: هو انتي بتطلعي تفتحي وشعرك باين كدا!!! 
حطيت ايدي ع شعري لقيت الطرحه راجعه لورا... 
جاكي: الطرحه اللي وقعت ياعم.. وبعدين اخلص بقاا.. 
جاك: طب انا كنت جاي اقولك ان خطوبة هند الخميس الجاي.. وهتيجي طبعا.. 
جاكي: لازم يعني! 
جاك: ايوا... وانا هاجي اخدك.. 
جاكي: لا.. انا هروح لوحدي.. 
جاك: ليه.. 
جاكي: ملكش دعوه.. انا هاجي لوحدي والا مش هاجي خالص.. 
جاك: ماشي موافق.. بس.. يعني بلاش تحطي ميكب كتير.. او تلبسي حاجه مُلفته او... 
جاكي: بس بس.. اسكت.. وبعدين انت مالك.. 
جاك: هيبقى في ناس كتير.. 
جاكي: عادي عادي.. مانا عايزه عريس.. 
جاك: والله! 
جاكي: ايون.. اكيد هيبقى في ناس حلوه فلازم اطلع انا كمان حلوه.. 
جاك: احم.. انتي حلوه من غير حاجه.. بس تمام.. لو لقيتك لابسه حاجه كدا ولا كدا هنفخك.. 
جاكي: وانت مالك يبروو.. انا حره.. انت كنت جوزي! 
جاك: اعتبريني كدا.. 
جاكي: طب خلص بقاا عشان عايزه انام.. وبعدين صحيح.. اي اللي انت عملته امبارح دا.. 
جاك بضحك: اي.. 
جاكي: متلفش وتدور.. انت عارف انا قصدي ع اي.. 
جاك: انا معملتش حاجه.. اتبلي عليا بقاا.. 
جاكي: ولااا.. انا مش مايا.. لو دا اتكرر تاني هتزعل.. 
يلا بقاا امشي وسيبني انام.. 
جاك: ماشي.. همشي.. 
جاكي: ومتجيش تاني.. 
جاك: دا مش اسلوب ع فكره.. 
جاكي: هو انا اسلوبي كدا.. يلا بقاا اتكل.. 
جاك: باي ياقمر.. 
مشي وقفلت الباب ودخلت كملت نوم... 
ــــــــــــــــــــــــــــــــــــــــــــــــــــــــــــ 
محمد: صباح الخير.. 
الكل: صباح النور.. 
محمد: امال جاك فين! 
فيروز: انا طلعتله اوضته ملقتهوش... سالت عطيات قالتلي نزل الصبح بدري.. 
نور: الصبح بدري!!.. ليه! 
هند: ايوا انا كنت صاحيه وشوفته... كان نازل مبسوط ومتشيك ع الاخر.. ممكن يكون رايح يقابل حد.. 
فيروز: ربنا يجعله مبسوط ع طول.. 
عمو احمد: الكروت اتطبعت.. هبعتهالكوا النهارده وشوفوا المفروض تعملوا اي عشان انا ورايا شغل... 
فيروز: وانا كاتبه اسماء الناس اللي هنعزمها... محمد يروح يوزع الدعاوي بقااا... 
محمد: حاضر.. 
هند: وانا هطلع انا والبنات.. مش هنروح الجامعه.. 
ـــــــــــــــــــــــــــــــــــــــــــــــــــــــــــــــ 
صحيت من النوم كان العصر اذن... قومت اتوضيت وصليت وفتحت فوني.. لقيت مسدج.. 
فتحتها... 
"لسه نايمه!!.. نامي نامت عليكي حيطه".. 
شوفت المسدج وضحكت.. 
جاكي: وانت مالك انام ولا منمش... وبعدين انت جبت رقمي منين! 
شويه ورد... 
جاك: مش مهم.. المهم اني جبته.. 
جاكي: اممم.. بقيت بتدور ورايا كتير.. 
جاك: والله حاسس اني بحلم.. ياشيخه حرام عليكي معيشاني ف دوامه والله.. 
جاكي: وانا مالي.. وبعدين انت اللي شاغل بالك بيا.. هي مايا مش معاك ولا اي.. 
جاك: مايا معايا.. بس انا مليش دعوه بمايا.. 
جاكي: طب عايز اي.. 
سجل ڤويس
جاك: بصي.. هيوصلك دلوقتي فستان.. هتلبسيه يوم الخطوبه.. 
جاكي: فستان!!.. فستان اي.. وبعدين مين قالك اني هلبس فستان.. 
جاك: انا شوفته بالصدفه وانا رايح الشغل وعجبني.. هتلاقيه وصل دلوقتي.. 
الباب خبط.. طلعت لقيت في بوكس ع الارض بس مفيش حد... 
خدته ودخلت.. 
جاكي: عارف ياسطا لو كان البوكس دا جواه حاجه كدا ولا كدا.. 
جاك: افتحيه وقوليلي رأيك.. 
فتحت البوكس وكان شكله تحفه اوي... 
طلعت الفستان.. بس اي دا.. اي الجمال دا.. 
كان سيمبل واسود وحاجه كدا خدت قلبي.. 
جاكي: امم.. حلو.. مش بطال.. 
جاك: ياشيخه!.. طب البسيه ووريني.. 
جاكي: بس يلااا.. وبعدين مش هلبسه اصلا.. 
جاك: هتلبسيه ياجاكي.. وهتروحي الخطوبه بيه.. اه وعلى فكره.. هتلاقي الدعوه ف البوكس.. ولو انك مش محتاجه دعوه يعني.. 
جاكي: طيب.. روح شوف وراك اي بقاا.. 
جاك: هستناكي تلبسيه... وواثق انه هيبقى حلو... 
شوفت المسدج وقفلت.. 
مسكت الفستات وحقيقي كان واخد قلبي قوووي.. 
شوفت البوكس لقيت الدعوه ولقيت بيرفيوم وجزمه سودا... بس اي داااا... دا الجزمه اجمل من حياتي.. 
وكان في جواب... فتحته.. 
" اظن هيبقى حلو عليكي... مع اني هلفت الانظار ليكي.. بس تمام.. هتبقي اجمل حد موجود "
قلبي كان بيدق جامد.. معرفش اصلا اي اللي بيحصل ولا هو بيعمل كدا ليه... 
شويه والباب خبط.. طلعت فتحت لقيته عمو احمد كان جاي يدعيني ويأكد عليا اني هاجي.. 
عدت الايام وجه يوم الخطوبه... 
قومت اتوضيت وصليت وبعدين جهزت حاجاتي.. 
وفجأه جتلي مسدج.. 
جاك: مستنيكي.. 
شوفتها وقفلت...بدأت اجهز نفسي واعمل ماسكات وحركات...و روحت لبست الفستان وكان مقاسي بالظبط.. لبست الجزمه وحطيت ميكب جامد اخر حاجه.. وحطيت البيرفيوم اللي كان جايبه... وخدت شنطتي وطلعت برا... قعدت شويه اتفرج ع نفسي ف المرايه... كنت مبسوطه جدا.. اخيرا هشوفهم تاني.. 
الساعه جت ٤... وانا متردده.. اروح ولا لا.. 
فوني رن وكان عمي.. 
عمو احمد: مجتيش ليه! 
جاكي: جايه اهو.. 
عمو احمد: متتأخريش طيب.. جاك بعتلك عربيه مستنياكي تحت بالسواق... 
جاكي: حاضر.. انا نازله اهووو.. 
خدت شنطتي ونزلت.. لقيت عربيه تحت.. ركبت فيها ومشينا... قلبي كان بيدق جامد.. ومتوتره.. 
شويه ووصلت.. 
نزلت وانا باخد نفسي... 
صوت الاغاني كان عالي وشكل الڤيلا قمر قووي.. وحاجه فخمه اجدعاااان.... 
وقفت ع الباب.. شجعت نفسي ودخلت... 
كان في ناس كتييييير قووووي.... كان في شباب كتير بتبصلي وانا متوتره وبدور عليهم... لفت نظري
جاك كان واقف مع صحابه ولابس بنطلون اسود وقميص اسود وواقف حاطط ايده ف جيبه وهو اصلا حاجه قمر كدا... 
لمحني وانا واقفه بصاله ومستنياه يشوفني... 
بصلي واترسمت ع وشه ابتسامه خدت قلبي والله... 
لسه ماشي عليا وفجأه.... 
يتبع..
لقراءة الفصل الخمسون : اضغط هنا
لقراءة جميع فصول الرواية : اضغط هنا
google-playkhamsatmostaqltradent