رواية تزوجني ولكن الفصل الثامن 8 بقلم الكاتبة الصغيرة
رواية تزوجني ولكن البارت الثامن
رواية تزوجني ولكن الجزء الثامن
رواية تزوجني ولكن الحلقة الثامنة
طلع محمد من الاوضة وهو ماسك مخدة ورماها عليها جامد
محمد : انتي هتنامي هنا زي الخدامة واوضتي مش هتدخليها ابدا ولو عرفت انك دخلتيها متلوميش الا نفسك
اسماء ببكاء وصدمة : انت مستحيل تكون محمد اللي انا حبيته واللي كنت انا وهو بنحلم باليوم اللي هنتجوز فيه انت ليه بتعمل معايا كدة
محمد : والله دا علي اساس انتي مظلومة اوي انا هندمك علي اللحظة اللي وافقتي فيها علي الجواز وهعرفك قيمتك ولو علي السبب انتي عارفاه كويس
فهمت اسماء قصده وعشان كدة اتحركت من مكانها وقربت منه
اسماء : اوعدك ي محمد انك هتندم علي اللي انت بتعمله دا وانا وقتها مش هكون موجودة عشان تطلب مني السماح
محمد بسخرية : انا هطلب منك انتي السماح متقلقيش انتي عليا وخليكي في حالك واتخمدي يلا انا تعبان وعاوز انام
دخل وسابها لوحدها انهارت ووقعت علي الارض من الصدمة والاحداث اللي حصلت معاها كانت بتحلم هي وهو باليوم دا لكن هو خلي اليوم اللي كانت بتتمناه اوسخ يوم في حياتها وصدمها وكسرها ومستحيل تنسي الليلة دي
اسماء بانهيار وبكاء : يارب يارب انا مبقتش قادرة اتحمل اكتر من كدة حاولت افهمه لكن هو مش حابب يفهم انا قبلت الجواز منه علي امل اني اخليه يصدق بس بالطريقة دي انا اتاكدت اني خسرت محمد طول حياتي ومش هنرجع ابدا يارب خليك معايا وجمبي وخليني اتحمل عشان اقدر اواجه الكل واثبت الحقيقة
مر الوقت وجه صبح يوم جديد كانت هنادي وجميلة بيخبطوا علي الباب صحيت اسماء علي الصوت ولقت نفسها نايمة علي الارض سمعت صوت هنادي وجميلة دخلت بسرعة اوضة محمد عشان تصحيه قبل ما يدخلوا يكتشفوا الحقيقة
اسماء : محمد ي محمد قوم بسرعة ماما وهنون برة اصحي ي محمد
قام محمد واول ما شافها اتعصب منها
محمد : انا مش قولتلك متدخليش الاوضة دي
اسماء : مش وقته ماما وخالتو برة اطلع انت لهم وانا هغير عشان ميحسوش بحاجة
محمد : ماشي بس تنجزي ومتتاخريش اظن واضح
اسماء : طيب بس اخرج يلا
طلع محمد لهم وسابها تغير هدومها اول ما فتح الباب دخلت هنادي وهي شايلة صنية وهما الاتنين بيزغرطوا
هنادي : صباحية مباركة ي عريس
جميلة : اومال فين اسماء
طلعت اسماء من الاوضة وهي مبتسمة لهم اول ما شافتها جميلة حضنتها بفرحة
جميلة : صباحية مباركة ي عروسة
هنادي : مبروك ي سوسو
اسماء في نفسها : مبروك علي ايه انتو لو تعرفوا الحقيقة هتصوتوا معايا مش هتباركولي
جميلة : بتقولي ايه ي اسماء
اسماء بابتسامة : بقول ربنا يخليكم ليا يارب
هنادي : اه صحيح انا قررت انا وجميلة نسيب لكم البيت دا وانا وهي هنعيش في بيتها
محمد : ليه ي ماما ما تعيشي في بيتك
جميلة : اخص عليك ي محمد وبيتي مش بيتها واللا ايه
محمد وهو بيبوس راسها : مش قصدي ي جوجو بيتك هو بيتنا كلنا متزعليش
جميلة : حبيبي ي حمادة
اسماء وهي بتبصله بصدمة من تعامله معاهم : هو الواد دا بحالات واللا ايه هو مش من شوية مكنش طايق نفسه ايه اللي حوله كدة وايه الطيبة دي
هنادي : تعالي يلا ي سوسو عشان تفطروا تلاقيكم جعانين
اسماء : لا انا مليش نفس
محمد : لا ازاي لازم تكلي عشان تتغذي
قرب منها اوي وحضنها وهمس في ودانها
محمد : متتعوديش علي كدة انا بعاملك المعاملة دي عشان هما موجودين واسمعي الكلام بدل ما زعلك
جميلة : يلا ي ولاد بسرعة
قعدوا كلهم عشان يكلوا وهنادي وجميلة فرحانين بيهم لانهم ميعرفوش الحقيقة
محمد : الحق انا اقوم بقي عشان شغلي
هنادي : شغل ايه النهاردة والنهاردة الصباحية
محمد : ………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تزوجني ولكن)
