recent
أخبار ساخنة

رواية بنات نعمة الفصل الثامن 8 بقلم أحمد حسن

الصفحة الرئيسية

 رواية بنات نعمة الفصل الثامن 8 بقلم أحمد حسن
رواية بنات نعمة الفصل الثامن 8 بقلم أحمد حسن

رواية بنات نعمة الفصل الثامن 8 بقلم أحمد حسن

الناس نوعين ، نوع يراك طيب فيحبك , ونوع يراك طيب
 فيأكلك لدرجة إني بدأت أتأكد بأن من يحمل قلبا طيبا ،
 يرافقه حظا سيئا👌
________________
المهم نعمة كملت مشوارها ويادوب قربت من البيت لقيت 
ريهام خارجة ، نعمة عرفت إنها وصلت في الوقت المناسب 
كملت دورها بمراقبة ريهام ال وصلت عند شوية أشجار في 
أرض زراعية وكان في شخص مستنيها ، قربت نعمة منهم
 منهم وبصت للشخص وأتفجعت !!!
نعمة .. يانهار إسود ابن مرسي المغازي ياريهام !!!!
ريهام .. اااا امي !!
نعمة .. أيوة أمك ياريهام ال هتوديها بحسرتها 
ريهام .. انا ياأمي ..
نعمة .. أخرسي يابنت الكلب ! أمك إيه !!! قدامي ع البيت
وأنت ياواد سيب بنتي في حالها وإياك تفكر تقابلها تاني
__________
في البيت 
نعمة .. أنتي ياريهام !! عايزة تشيلي أمك العار ياريهام !
ريهام .. والله ياأمي مفيش حاجة
نعمة .. وأنتي كمان كنتي عايزاني أستنا لما يكون في حاجة
دا انتي إخواتك الكبار معملوهاش ياريهام !!
ريهام .. سامحيني ياأمي مش هتتكر تاني
نعمة .. دا انا عمري كله ضيعته عشانكم وفي الأخر عايزة 
تشيلني العار 
ريهام .. خلاص ياأمي مش...
نعمة .. خلاص إيه !!! خلاص إيه !! ( وبالطبع ريهام خدت علقة سخنة )
________
في بيت الحاجة توحيد
كوثر زوجة صابر كانت قاعدة في الأوضة وصابر معاها
كوثر .. في إيه مالك ؟
صابر .. أهلى شكلهم مش هيجبوها البر مع نعمة
كوثر .. تاااني سيرة نعمة !! وبعدين أنا مش هخلص بقا من 
سيرة الست دي ، وبعدين إحنا مالنا ما يولعو مع بعض
صابر .. في إيه ياكوثر ! هما مين ال يولعو مع بعض !
كوثر .. ومالك إتحمقت كده ! ياترى زعلان على أهلك ولا على 
نعمة !؟
صابر .. حتى انتي كمان شايلة نعمة فوق دماغك ومش 
طايقاها !!
كوثر .. هي مين ال أشيلها فوق دماغي دي !! أنت هتساوى
 دي بيا أنا ولا إيه !!! ما تصحى لكلامك ياصابر !
صابر .. كوثر !! أنا بحذرك لأخر مرة ملكيش دعوة بأهلى 
كوثر .. طب ياأخويا زي ما أنت فالح تتشطر عليا ما تروح 
كمان تتشطر على إخواتك ال واكلين حقك وبيتمرمغو في 
نصيبك من الورث
صابر .. يانهار اسود ! أنتي كمان عينك على الورث !!
كوثر .. هو هاخد حاجة ليا مش كله لعيالك ولا إيه ياصابر
ولا أنت عايزهم يطلعو من المولد بلا حمص
صابر .. ياولية كله هيتقسم بعد عين أمي ربنا يطول في 
عمرها
كوثر .. ههههه ياراجل انت بتصدق الإسطوانة الحمضانة دا 
انت طيب أوي
صابر .. تقصدي إيه ؟!!
كوثر .. أقطع دراعي إن ماكان كل حاجة مكتوبة بأسم مرسي 
وأنت عارف مرسي بيعزك أوي 
صابر .. دي تبقا وقعتهم سودة 
كوثر .. أسمعني كويس ، لازم تتطالب بنصيبك في الورث من 
دلوقتي ، قبل ما مرسي وأخواته يكوشو على كل حاجة 
وتطلع أنت من الليلة ملط 
صابر .. انتي خليتي برج من دماغي هيطير بكلامك ده
كوثر .. طب هقولك على حاجة بسيطة أثبتلك بيه صدق 
كلامي
صابر .. حاجة إيه ؟!!
كوثر .. أطلب من مرسي إنك تنزل معاه الوكالة وتخليه يعرف
 إنك عايز تشوف الشغل ماشي إزاي وعايز تعرف كل صغيرة
 وكبيرة بتحصل في وكالة المغازي وشوف هو هيعمل إيه
صابر .. انا عمري ما مسكت شغل الوكالة !
كوثر .. بس ليك حق إنك تشوف مال أبوك الله يرحمه 
بيتعمل فيه إيه
صابر .. تصدقي عندك حق ، أنا إزاي الفكرة دي مجتش في 
دماغي 
كوثر .. عشان أنت طيب ، والطيب مش هيعرف يعيش في 
بيت المغازي
_________
في بيت نعمة 
هدى .. خلاص ياأمي متزعليش نفسك دي في النهاية عيلة 
صغيرة
نعمة .. هي مين ال صغيرة !! دي عندها 15 سنة وفي بنات
 من سنها متجوزة وشايلة بيت ، وانتي عارفة كده كويس ،
 ولا أنتي باصة ليكي إني سايباكي براحتك انتي وتغريد لحد
 ما تخلصو علامكم
تغريد .. ماخلاص بقا ياجميل ال انتي عملتيه فيها مش قليل 
وهيخليها تمشي على العجين متلخبطوش
هدي .. اه والله يانعمة البت من حظها الوحش إن محدش 
فينا كان في البيت عشان يحوش عنها وانتي أستفردتي بيها 
براحتك ومشاء الله كلتيها 
تغريد .. اه والله ياهدي أمك لما بتكون متعصبة بتبقا عاملة 
زي قوات مكافحة المخدرات وال بتقع تحت إيدها مننا 
بتتشلفط
نعمة .. قوات مكافحة إيه !! يابنت الجزمة منك ليها طب
 تصدقي لتتضربي انتي وهيا بالشبشب
هدى .. شوفتي قلبتي زي المخبرين إزاي 😄😄
نعمة .. بتشبهي أمك بالمخبر ياهدى😄
هدي .. ضحكت يابت ياتغريد ، أمك ضحكت😅😅😅😅
تغريد .. بااااس أظبطي الإريال على كده يانعمة ،إوعي 
تكشري 😅😅😅
نعمة .. من هنا ورايح هتقعدي في البيت ياهدى وتخلى ريهام 
تحت عنيكي
هدى .. الله يخربيتك ياريهام ، طب والشغل ياأمي !!
نعمة .. بنتي أهم عندي من الشغل والفلوس وأي حاجة في
 الدنيا ولو حكمت هسيب الشغل أنا كمان وأقعدلها في البيت
هدى .. يعنى ريهام تعملها وتيجي على دماغي أنا ، عالعموم 
حاضر ياأمي ال تشوفيه
تغريد .. طب والمحل الجديد مين هيقف فيه معايا !!!؟
نعمة .. هبعتلك الواد رياض يقف معاكي هناك 
تغريد .. طب وانتي ياأمي مين هيقف معاكي
نعمة .. ربنا فوق الكل يابت ، وبعدين متخافيش أمك بميت
 راجل ، والحمدلله كل الشباب ال شغالين معانا ولاد حلال
ويعتمد عليهم وأدخلي نامي بقا عشان تقدري تصحي بدري
وخدي هدى معاكي
بعد شوية ريهام خرجت لأمها بتوجيه من هدي وتغريد ال
 طلبو منها إنها تخرج تصالح أمها بكلمتين
ريهام .. لساكي زعلانة مني ياأمي 
نعمة .. إيه ال مصحيكي لحد دلوقتي ادخلى نامي في وسط 
إخواتك
ريهام .. مش قادرة أنام وانتي زعلانة مني ياأمي😥😥
نعمة .. طب بتعيطي ليه دلوقتي 
ريهام .. عشان عملت غلطة كبيرة ومش قادرة أسامح نفسي 
إنك زعلانة مني😥😥
نعمة .. أمك ياريهام عاشت حياتها محدش عرف يضحك
 عليها بكلمتين والناس الحمد لله بتحلف بحياتنا في الشرف
 والعفة والأدب والأخلاق ، وانتو الحاجة الوحيدة ال 
بتقويني ومخلياني أقدر أقف على رجلى وواجه الدنيا كلها ،
 أنتي مش عارفة يابنتي إن شرف البنت في سمعتها قبل ما
 تكون في أي حاجة تانية ، ومش عارفة إنك لو لقدر الله حد
 قال عليكي كلمة حتى لو بالكدب هتدمري إخواتك البنات
 حتي لو كانو قاعدين جنب الكعبة ، 
الناس يابنتي ما بترحمش ال بيشوفوه بيقولوه وال مش
 بيشوفوه بيخترعوه ، خلينا ماشيين جنب الحيط ياريهام
الناس ما بتصدق تلاقي حاجة تحكى وتتحاكي بيها
وأنا عندي أموت بس سيرت بنتي متلفش في البيوت
وييجي عليا اليوم ال عيني فيه تكون في الأرض ومكسورة
ريهام .. الف بعد الشر عليكي ياأمي ووأوعدك إن ده مش
 هيتكرر تاني وإتطمني بنتك هتخلى راسك دايما مرفوعة
 لفوق ، سامحيني ياأمي عشان خاطر ربنا🙏
نعمة .. مسمحاكي يابنتي قومي يلا نامي
ريهام .. ربنا يخليكي ليا ياأعظم أم في الدنيا⁦♥️⁩
_____________
بعد كام يوم ، في المحل الجديد
تغريد .. صباح الخير
رياض .. صباح الخير ياست تغريد
تغريد .. مالك كده قالب وشك عالصبح
رياض .. ماهو مش كل يوم ياست تغريد تيجي متأخر 
تغريد .. أنت بتحاسبني ولا إيه يارياض!!
رياض .. ياست تغريد الناس بتاخد البضاعة وتقعد تنتظر
 حضرتك لحد ما تيجي والوضع ده ماينفعش 
تغريد .. رياض خليك في حالك وصوتك ميعلاش
رياض .. لا الموضوع كده مايتسكتش عليه أنا رايح للست 
نعمة 
تغريد .. أعلى ما خيلك أركبو 😡
رياض خرج وهو متضايق وفعلا راح على الست نعمة في 
المحل القديم
___________
نعمة .. ياساتر يارب خير في إيه يارياض !!!
رياض .. ياست نعمة لو الست تغريد هتفضل هناك خليني أنا 
هنا
نعمة .. في إيه أنتو إتخانقتو تاني !!
رياض .. مش معقول كده ياست نعمة دي ...
نعمة .. طب روح على هناك وأنا شوية وجاية
رياض .. حاضر ياست نعمة
_______________
نعمة خلصت الشغل ال في إيدها وراحت على المحل الجديد
تغريد .. اهلا ياأمي
نعمة .. يارياض تعالى
رياض .. نعم ياست نعمة 
نعمة .. وبعدين في لعب العيال بتاعكم مش هنشوف شغلنا 
بقا ولا أيه
رياض .. أنا من ساعة ما أشتغلت معاكي ياست نعمة وانتي
 مواعيدك مظبوطة وساعات بتيجي قبل العمال كمان
أما الست تغريد كل يوم بتأخر والتجار بدأو يشتكو من
 تأخيرها لأنهم بيتطلطعو قدام المحل لحد ما توصل وانتي
 مش معودة التجار على كده ، ولما بطلب منها متأخرش 
بتزعل وكلامي مش بيعجبها
تغريد .. ماهو رياض ياأمي كل يوم ب...
نعمة .. بس متكمليش ، رياض عنده حق ومن هنا ورايح ال
 يقوله رياض مادام في الحق هو ال يمشي ودلوقتي لازم
 تعتذري ليه
تغريد .. انا ال أعتذرله برضه ياأمي
نعمة .. يلا نفذي ال قولتلك عليه
تغريد .. حقك عليا يارياض
نعمة .. مبسوط كده يارياض
رياض .. انا كل ال يهمني إن الشغل يمشي كويس
نعمة .. عارفة يارياض إنك شايل حمل الشغل على إكتافك 
يمكن كمان أكتر من الهانم ال واقفة قدامي دي ، وعشان كده 
يارياض أنا قررت أزودك في المرتب وكمان من هنا ورايح 
هيكون ليك مكتب هنا ومش هتشتغل بإيدك وسط العمال
بس أهم حاجة عندي شغل العمالة والبضاعة يبقا تحت عنيك 
كويس
رياض .. ده كتير عليا قوي قوي ياست نعمة
نعمة .. مش كتير عليك ولا حاجة يواد وعلى فكرة عرف أمك 
 إنها ليها في رقبتي حجة  هنروح نحج أنا وهيا سوا إن شاء 
الله ودي هدية المحل الجديد ليها ولو إنها متأخرة شوية
رياض .. ربنا يخليكي لينا ياست الكل دي أمي هتفرح قوي 
نعمة .. انت وامك تستاهلو كل خير
رياض .. ياريت كنتي زعلتيني من زمان ياست تغريد 😅😅
تغريد .. أي خدمة عشان تعرف بس 😅😅
نعمة .. 😅😅😅 اسمعي ياتغريد تيجي الشغل بدري وأنا لما 
أرجع البيت هشوف الست هدي ال بتصحيكي متأخر
_____________
بعد كام يوم وبالتحديد الساعة 3 الفجر
نعمة صحيت على خبر حريق المحل الجديد
طلعت تجري هي وبناتها على المحل ورياض كان وصل هناك
_____________
سرينة إسعاف والحالة خطرة مع ضحكة صفرة 
ياترى هتعمل إيه نعمة ؟! وهتقوم على رجلها تاني ولا دي 
النهاية🤔
رياض دوره هيكبر 👌 أما صابر بعد ماسمع كلام مراته ياترى 
هيعمل إيه مع مرسي 🤔
الدكتور دايما بيظهر في الأوقات الغلط ، بس أكيد مشكلة
 صابر مع إخواته مش هتمنع مواجهة صابر بنعمة
يتبع ......
لقراءة الفصل التاسع : اضغط هنا
لقراءة باقى فصول الرواية : اضغط هنا
google-playkhamsatmostaqltradent