recent
أخبار ساخنة

رواية أقتحمت قلبي حورية الفصل الثاني عشر 12 بقلم هاجر أحمد

                                          رواية أقتحمت قلبي حورية  الفصل الثاني عشر 12 بقلم هاجر أحمد 

رواية أقتحمت قلبي حورية  الفصل الثاني عشر 12 بقلم هاجر أحمد

 رواية أقتحمت قلبي حورية  الفصل الثاني عشر 12 بقلم هاجر أحمد 

حور لفت طرحتها وثبتتها كويس ورعد قاعد قدامها ومش قادر ينسا شكل حور بشعرها ولا قادر يشيل الموقف من دماغه وحور كانت متوتره وبأين عليها جدا
رعد بهدوء: بقتي كويسه
حور: الحمدلله، هي سندس اتأخرت كده ليه
رعد: زمانها جايه متقلقيش
حور سكتت وبصت فى الارض وبعد شويه سندس جت
سندس: انتي فوقتي يا حبيبتي
حور: لا لسه هناملى شويه، انتي شايفه ايه ياحلوه
سندس: ياباااي عليكي يا وليه انتي محدش يعرف يرخم عليكي
حور نسيت ان رعد وقف وبحركه طفوليه طلعت لسانها ل سندس
حور بمرح: مممم محدش يقدر
رعد كان متابع الكلام من الاول ولما شاف حور طلعت لسانها مقدرش يمسك نفسه وضحك بصوت عالى
حور بكسوف: يادي الكسفه اللى انت فيها يا حازم
سندس بمرح: صدمه كبيره
رعد: ولا كسفه ولا صدمه انا حبيت علاقتكو ببعض جدا ومنكفتكو فى بعض بتفكروني ب جاسر ونور
حور بتساؤل وغيره بتحاول تدريها: نور مين؟
رعد ابتسم لانو فهم ان حور غيرانه
رعد: نور دي اميره قلبي
حور سمعت الكلمه والدموع بدات تتجمع في عينيها
حور: حضرتك متجوز
رعد: لا
حور: خاطب
رعد: بردو لا
حور: بتحب
رعد: لا
حور: اومال ايه
رعد: هو لازم عشان قولت اميره قلبي تبقا مراتي او حبيبتي مينفعش تكون اختي الصغيره
حور اتحرجت: هاا اه اكيد ينفع يعني
سندس: المهم امسكي الاكل ده كلي
حور: ماليش نفس
رعد: مفيش حاجه اسمها ماليش نفس الدكتور قال تاكلى كويس يلا كلي
حور: حاضر
رعد: بعد متخلصي اكل هوصلكو البيت انتي وسندس
سندس: بس انا مش رايحه البيت انا راجعه الكليه
رعد: هوصلك الكليه وبعدين اوصلها البيت
حور: مالهوش لازوم احنا هناخد تاكس
رعد: انا مش باخد رايك يا انسه انا بقولك بس
حور لسه هتعترض جاسر خبط الباب ودخل
جاسر بمرح: حمدلله على سلامتك يا ابو موته
حور ضحكت: ههههه الله يسلمك يا جاسر
سندس بصوت واطي محدش سمعه غير رعد
سندس: ابو موته في عينك يا عزرائيل انت
رعد ضحك وقرب عليها وكلمها بصوت واطي
رعد: انا عارف انه ساعات بيرخم بس هو كويس جدا وبيحب يهزر مش اكتر مش عوزك تزعلي وانا بعتذرلك نيابه عنه
سندس ابتسمت: هو انا ممكن اسال حضرتك سوال
رعد: اسالى
سندس: هو ازاي انت وهو اخوات
رعد: ليه بتسالي
سندس: اصل حضرتك ليك هيبه كده وحاجه قمر،وهو رخم وشبه النسناس
رعد ضحك: ههههه متزعليش بقا خلاص
سندس: عشان خطرك بس
رعد: متشكر يا ستي ويلا بقا عشان اوصلكو
جاسر: انتو بقالكو ساعه بترغو بصوت واطي في ايه
رعد: وانت مالك يا اخ، المهم بقولك
جاسر: قول
رعد: انا هوصل حور وسندس وبعد كده هطلع علي بدر وهرجع البيت متأخر عشان محدش يستناني
جاسر: اشطا
رعد: يلا يا حور
حور: يلا
رعد اخد البنات وصل سندس كليتها و وصل حور البيت
حور: شكرا تعبت حضرتك معايا
رعد: العفو متقوليش كده لو تعبانه بلاش تيجي الشغل بكره
حور: لا ان شاء الله هبقا كويسه واجي
رعد: تمام خالى بالك من نفسك
حور: حاضر مع السلامه
رعد: سلام
نزلت حور وطلعت بيتها وكانت من الفرحه طايره ونسيت تعبها وكل حاجه ورعد كان زيها ويمكن اكتر فرحته كانت كبيره جدا انه اتاكد انه بيحبها
بيحبها؟؟؟؟ اه بيحبها فى ايه
هو لحق يحبها ده شافها من اسبوع بس
طب وفيها ايه هو الحب ليه وقت
لا اكيد ملهوش وقت بس بيجي بعد فتره وطول شويه
لا على فكره مش شرط الحب بيبقا من النظره الاولى من الكلمه الاول الحب احساس محدش فينا يقدر يتحكم فيه
غريبه دي
مش غريبه ولا حاجه بكره تحبو وتقولو هاجر قالت✨🌚
نرجع لقصتنا تاني
رعد راح عند بدر زي مقال وليل كان مستنيه
بدر: رعد باشا بنفسه وحشني والله يا ابني السيوفي
رعد: وانت كمان وحشتني يا ابن دياب بالحضن ياض
ليل بمرح: خلصو مسلسل سنوات الضياع ده بقاا انا جعان واسراء عامله اكل من ريحتو بس باين عليه انه جامد
بدر: اسراء طباخه عالميه
رعد: طب ياريت بسرعه عشان انا مش قادر
بدر: استنا، اسراء يا حبيبتي
اسراء: ايوه يا بدر
بدر: يلا جهزو الاكل رعد وصل
اسراء: حاضر خمس دقايق بس
اتغدو وهزرو والقاعده مخلصتش من مرح وهزار ليل وخناق بدر ورعد معه بعد مخلصو طلعو الجنينه قاعدو مع بعض وبداء كل واحد فيهم يحكي اللى فات الاتنين التانين من حياته ورعد قال عن مشاعره تجاه حور
ليل بصدمه: لا بس ثواني كده انت عوز تفهمني ان رعد السيوفي وقع فى الحب
بدر: وقع ومحدش سمأ عليه
رعد بحيره: مش متاكد بس انا بحس بحاجه حلوه لما بشوفها ولما بتكلم معاها
بدر: طب ناوي علي ايه
رعد: ناوي علي كل خير لو اتاكدت انها حاسه بنفس الشعور هتجوزها علي طول
ليل: اوعا بقاا رعد باشا اللى مدوخ بنات العالم كلهم وقع على بوزو
رعد: طب متقولنا اخر اخبارك يا ليل يا هوارى
ليل: على حطت ايدك زي منا
رعد: كذاب ياض
بدر: والله ما مصدق بردو
رعد: الوقت اتأخر انا همشي بقا
ليل: خدني معاك
بدر: لسه بدرى خاليكو شويه
رعد: لا كفايه كده يلا تصبح علي خير
بدر: وانت من اهله
ليل: يلا سلام
ليل ورعد مشيو وكل واحد راجع بيته بس اليوم مخلصش
بدر: اسراء يا حبيبتي يا ايسووو انتي فين يروحي
اسراء: نعم يا حبيبي، ليل ورعد مشيو
بدر: اه مشيو،تعالى نقعود شويه فى الجنينه
اسراء بمرح: طب بقولك ايه يا بدور يا حبيبي
بدر ضحك: ههه قولى يقلب بدور
اسراء بحب: بحبك يا بدر باشا
بدر بهيام: وانا بموت فيكي يا باشا قلبي
فى بيت عم محمود
سميه: وبعدين يا سندس ايه اللى حصل
سندس: محصلش حاجه رعد جبلها الدكتور ولما فاقت وصلنا
سميه: شكلو ابن حلال رعد ده
سندس: جدا يا ماما ومحترام اوي
سميه: ربنا يكرمه
معاذ بصوت عالى: يا ماما يا حور يا سندس يا بابا
حور بخضه: ايه يا ابني في ايه
معاذ: تعالى يا رورى عندي ليكو خبر حلو
محمود: خير اللهم اجعله خير
سميه: قول يا معاذ قلقتنا
سندس: متقول يا عم صياحك طرب
معاذ: هقول اهو،انا كنت مقدم طلب نقلي من الصعيد من فتره واخيرا اتقبل وهخدك فى قسم 6 اكتوبر
حور بفرحه: بجد يا ميزو يعني مش هتسافر تاني
معاذ: بجد يقلب ميزو وهستلم الشغل من بكره
سميه: الف حمد وشكر ليك يارب
سندس: مبروك امزميزو هترجع تقرفنا تاني
حور: بس يا بومه ربنا يخليه لينا
سندس: وانا اكلمت الاه
محمود: بس يا ولاد بقا مناكفه فى بعض،مبروك يا ابني
معاذ: الله يبارك فيك يا بابا
فى قصر السيوفي
رعد.خل البيت واول ما نور شافته جريت عليه وحضنته وفضلت تعيط
رعد بخوف: مالك يا حبيبتي ايه اللي حصل بتعطي ليه
رعد رفع وش نور وشاف مكان ضربه القلم واتعصب
رعد بعصبيه: مين اللى عمل فيكي كده
ياسين: انا هحكيلك.......
رعد كان بيسمع الكلام من ياسين وكان بيغلي جوه بركان
رعد بغضب: وحيات امي وامه لندمه على كل لحظه فكر يبصلك فيها وتمن القلم ده غالى
نور: لا يا رعد متعملش حاجه ياسين ضربه ورفضه من الكليه
رعد: دي اقل حاجه ممكن تتعمل وده عقاب ياسين انما انا عقابي غير ان مجبتهوش هو وابوه يركعو تحت رجلك ويعتذرولك مبقاش انا رعد السيوفي
ياسين: ملهوش داعئ يا رعد
رعد بعصبيه: انت تسكت اصلا ازاى يحصل حاجه زي دي ومتقوليش
ياسين: انت كنت فى الاجتماع مكنش ينفع
رعد: تمام انا هعرف اتصرف

يتبع ....

لقراءة الفصل الثالث عشر : اضغط هنا

                                                           لقراءة باقي فصول الرواية : اضغط هنا
google-playkhamsatmostaqltradent