recent
أخبار ساخنة

رواية رفقا بالقوارير الفصل السابع والعشرون 27 بقلم ميادة مأمون

                                           رواية رفقا بالقوارير الفصل السابع والعشرون 27 بقلم ميادة مأمون

رواية رفقا بالقوارير الفصل السابع والعشرون 27 بقلم ميادة مأمون

رواية رفقا بالقوارير الفصل السابع والعشرون 27 بقلم ميادة مأمون

عارف انها صاحية بس لسة خايفة مني برغم اني نايم جنبها

بس لسه الغضب مسيطر عليا ومش قادر انسي شكلها وهي بين ايديه

أول ماجات صورتها وهي بترقص معاه قصاد عيني
اتعدلت بفزع

وعد

غمضت عينها برعب وعملت نفسها نايمه

جومي يا بت انتي اني عارف انك صاحية

نعم يا خوي نعم

جاك خوت جومي اتعدلي وقوليلي الواد ده كيف سحبك من يدك ورقصك اكدة كان بيقولك ايه يابت ال.........

والله يا قاسم اني مخبراش هو ليه عمل اكدة

بجولك انطجي كان بيحكي معاكي في ايه

وحياتك انت عندي هو ملحقش انا لما عمل اكدة زعقت في وشه وقولتله سيبني

بكفياكي كدب بجي اني شايفه وهو بيتكلم معاكي

طب اهدي بس يا حبيبي انا لما جولتله اكدة رد عليا وقالي انه عادي اي بنت ترقص مع راجل علي المزيكا دي

اي بنت لكن مش انتي انتي غير اي حد فاهمه ولا لاه

وابن ال......... انا هاعرفه مقامه كويس

طب اهدي عشان خاطري اني خايفة من نظرة عينك دي

اوعي سيبيني بعدي عني اني مش طايق نفسي ولا طايقك انتي كمان

سيبتها وخرجت نمت علي كنبه بره وبعد حاولي نص ساعه لقيتها جات واتمددت علي صدري

جاية ليه جومي نامي جوة يلا

معرفاش انام وانت زعلان مني وباعدني عن حضنك

وانا مش طايق المسك كل ما افتكر منظرك وانتي في حضن غيرى

لاه اوعاك تفكر اكدة اني عمرى ماكنت ولا هاكون غير في حضنك انت وبس

انتي بتاعتي اني بس واللي يفكر يقرب منك اقتله بأديا فاهمه ولا لاه

فاهمة وراضية بس ماتبعدنيش عنك اني وعد حبيبتك

انتي بجيتي سبب راحتي وعذابي في نفس الوقت

اني مرتك حبيبتك يا ديب

اه يا جلب الديب تعالي ليا

////////////////////////////////

وتاني يوم صحيت بدري عنها بعدتها عن صدري وشديت عليها الغطا وقومت وقفت في الڤرانده

بفكر في عصام وخبثه واللي عمله مع وعد اكيد هو اللي اتجرئ وشدها فعلا

لا يكون هو اللي كان بيروح ليها عند المدرسة لازم أعرف ولو كان هو يبقي حفر قبره بأيده

حسيت بيها وهي واقفة ورايا وبتحاوط خصرى بأيدها

صباح الخير يا حبيبي

صباح الفل يا جلب حبيبك

صحيتي بدرى ليه

قلقت لما قومت من جانبي

الله المنظر هنا حلو اوي ايه ده رامي ودينا في البحر تعالي ننزل ليهم

طيب استني لما اطلب فطار ونفطر وبعدين نبقي ننزل ليهم

لاه نفطر تحت عشان خاطري تعالي ننزل ليهم

طب خلاص ادخلي غيرى هدومك وننزل ليهم

/////////////////////////

ايه يابني انت انتو جاين تقعدو ولا ايه قومو انزلو الماية بسرعه دي جميلة جدا

انت اهبل يلا بقي في عريس تاني يوم فرحه ياخد عروسته وينزل البحر

ياعم دي خطوبه ماهو لو كان جواز ماكنتش شوفت وشك دلوقتي

ههههههههه طب الحقها بقي احسن دي دخلت لجوة اوي هي واختها

يا لهوي البت هاتغرق قبل مانتجوز استني يا دينا يخرب بيتك

ههههههههههه

الله مالك قاعدة مكشرة كدة ليه يا وعد

عايزة انزل البحر

اتهبلتي اياك

ليه ما كل الناس في البحر اهيه اشمعني احنا يعني

وعد بطلي رغي جولتلك لاء يعني لاء

لا تكون فاكرني مش بعرف أعوم لاه داني بعوم حلو جوي

اتصدمت من كلامها كانت بتعوم فين المخبلة دي وهي عمرها ماشافت بحر ولا خرجت من الكفر اصلا.

وكنتي بتعومي فين بجي انشاء الله يا بت عزوز

في الترعه مع العيال واني صغيرة

ههههههههههههه

بتضحك عليا اياك

اه بضحك عليكي هي الترعه زي البحر يا مخبلة انتي

هو يعني ايه الفرق بينهم غير ان البحر اكبر شوية

برضو لاء يا وعد

يعني لو ماكنتش اني معاك مش كنت هتنزل المايه مع اصحابك

لاء كنت هانزل طبعا بس شوفتي بقي انا مفضلك عليهم ازاي وقاعد معاكي

مارديتش عليا ولفت وشها الناحية التانيه بزعل

مش فاهم يعني انتي زعلانة اوي ليه اكدة هيفرق معاكي نزول البحر في ايه يعني

هيفرق معاي عشان اول مرة اجي مكان زي ده واول مرة اشوف البحر وكل البنات لابسه مايوهات و بتنزل حواليا وانا محرومه انزله

وانتي بجي عايزاني اسيبك تجلعي الفستان اللي عليكي ده وتبقي بالمايوه قصاد كل الشباب دول وكمان تنزلي المايه

يا سلام يعني الشباب هيسيبو البنات كلها ويبصو عليا اني مش اكده

وعد جصري في الكلام مافيش نزول البحر

اوف طيب

رايحه فين يا بت

طالعة اوضتنا انام هاجعد ليه تاني وكمان عشان تبجي براحتك ومتربطش نفسك بيا

رفعت حاجبي مذهول من طريقة كلامها ومشيت من قصادي بسرعة قبل ما ارد عليها

جريت وراها وانا بضحك عليها وعلي غضبها زي الاطفال ومسكتها من ايدها

خدي اهنه رايحة علي فين انتي مش هاتكبري بجي وتبطلي حركات العيال دي

اه اوعي سيب يدي خلاص مش عايزة منك حاجة

يا صبر ايوب يا بت افهمي بجي ماينفعش اسيبك تنزلي البحر وعيون الرجاله دي كلاتها تبجي عليكي

جولتلك خلاص مش عايزة منك حاجة

طب خلاص ماتزعليش تعالي معاي

هاتوديني فين

امشي وانتي ساكته مش عايزه تنزلي البحر هاوديكي شط خاص وتنزلي فيه براحتك ايكش تغرقي واخلص منك بقي

/////////////////////////////////

وصلنا بالعربيه للشاطئ الخاص وكانت فرحانة جدا بجد فرحة طفله صغيرة

وقفت العربيه وقلعت التيشرت بتاعي من عليا وبصتلها وقولتلها

يلا اقلعي و انزلي يا ستي البحر كله تحت أمرك

بصت حواليها شافت عربيات واقفه علي مسافات بعيدة ومش قريبين من بعض والبحر قصادها كان فعلا فاضي

بس اتكسفت تقلع فستانها

يلا مستنيه ايه

قاسم

نعم

هو ماينفعش انزل بالفستان

ليه مكسوفه مني اني اياك مانتي لسه من دقايق بس كان عندك استعداد تنزلي بالمايوة عادي قصاد الشباب

لاه كنت هانزل بفستاني بردك

يا ستي اعتبريني زي جوزك وماتكسفيش مني

لاه تعالي نروح خلاص معايزاش انزل

لاه بقي هاتنزلي ماني مش لعبة في يدك عمالة تلعبي بيها عايزة ده لاء خلاص مش عايزاه

اني بجي اللي هانزلك البحر بأديا تعالي

نزلت من العربيه ولفتلها ناحيتها وفتحت الباب وشدتها شيلتها بين ايديا وهي عمالة تضربني في صدري وتضحك

ههههههههه طب مانت هاتنزلني بفستاني بردك

انتي هبلة يا بت واني معقول اسيبك تبيني طرف رجلك حتي لو مافيش معانا حد

نزلت بيها المايه وهي متعلقة في رقبتي

بتغير عليا يا ديب

هاجولك علي معلومه ماتعرفيهاش عن الذئاب يا وعدي

جول يا حبيبي

تعرفي ان الديب هو الحيوان الوحيد اللي لما بيتجوز ديبه مش بيتجوز غيرها تاني

ولما بيموت مرته مش بتبقي لغيره

امممممم اول مره اسمعها دي ليه بجي

عشان يحافظ علي نسله وعشان اكده الديابة ديما بتعيش في قبايل

حنت راسها بزعل وحطتها علي صدري

بس احنا عمرنا ماهنبقي عايشين في قبايل بعد ما كل اللي لينا راحو

حبيت ارجع ضحكتها من تاني

جاتك بو يا شيخة بقولك بيحافظ علي نسله مش بينقطع نسله انتي مابتفهميش يا بت انتي

ههههههه يعني قصدك

ايوة قصدي اذا كان القدر اخد مننا كل حبايبنا يبقي نربط احنا نفسنا اكتر بولادنا يا وعد

يعني مش هتخاف عليا من الحمل والولادة زي امي

الله انتي مش قولتي انك مش صغيرة

لاه اني لسه صغيرة وعايزة اتفسح واخرج واروح واجي معاك وبعد اكدة نجيب ولاد

واني مش مستعجل وليكي عليا هافسحك والففك العالم كله ياجلبي

بحبك ياديب

بعشقك يا جلب الديب

////////////////////////////

رجعنا الفندق اخر اليوم وهي طايرة من الفرحة

كان فستانها لسه مبلول ولازق علي جسمها وشعرها بينقط علي رقبتها

واللي ماكنتش عامل حسابه اني أقابلهم هما الاربعه في الريسبشن اول ما نوصل

انتو روحتو فين كده برضو يا قاسم نخرج من المايه نلقيكم اختفتو

الله وانتي زعلانه ليه كدة يا دينا زي مانتو كنتو مبسوطين احنا كمان روحنا ننبسط

اممم قولتلي بقي ماشي يا عم

عنيه كانت عليها كان بيبصلها بجراءة غريبة وهي نفسها اتكسفت من نظراته ليها

قاسم انا عايزة اطلع عشان اغير هدومي

ماشي يا حبيبتي تعالي يلا

لاء انا عايزك يا قاسم

عايز مني ايه يا عصام خليك في حالك واحسنلك تبعد عني

اللهم إسترنا ولا تفضحنا بما إطلعت عليه من أسرارنا ولا بقبيح ما تجرأنا به عليك في خلواتنا يارب 

يتبع ....

لقراءة الفصل الثامن والعشرون : اضغط هنا

                                                          لقراءة باقي فصول الرواية : اضغط هنا

 

google-playkhamsatmostaqltradent