recent
أخبار ساخنة

رواية حب لإيجار الفصل الثاني 2 بقلم آلاء فرج

jina
الصفحة الرئيسية

 رواية حب لإيجار الفصل الثاني 2 بقلم آلاء فرج

رواية حب لإيجار الفصل الثاني 2 بقلم آلاء فرج

رواية حب لإيجار الفصل الثاني 2 بقلم آلاء فرج


طلع الشاب سكينه من جيبه وحطها على رقبه أمل وهي صرخت من الخوف
الشاب بشر: أنا اتجوزتك عشان عندي صفقه مهمه ولازم اكون فيها متجوز عشان هطلع اتكلم عن الجواز والمسؤليه والمشاكل اللي بتحصل ولازم يكون عندي تجربه ، وأنا مش هقدر أرفض العرض ده عشان كده اتجوزتك، ٤ شهور بس وبعدين هنطلق، مش محمود نصار اللي يدخل صفقه ويخسر فيها، سامعه
أمل بخوف : حااضر..... بس ممكن تشيل السكينه...... من على رقبتي
شال محمود السكينه وعدل من هدومه بغرور والاسانسير وقف عند شقتهم راح خرج من الاسانسير وهي خرجت وراه بسرعه وهي مرعوبه
__________بقلمي الاء فرج
في الشقه
دخلت  محمود الشقه ودخلت وراه امل وهي بتبص على الشقه بأنبهار
محمود بسخريه : أنا عارف انك اول مره تشوفي شقه نضيفه زي دي، ما انتِ كنتِ بتنامي تحت الكوبري
أمل : الحمد لله أنا مش مضايقه ومش ذنبي ان اتولدت يتيمه، مش زيك بتنام وتصحى في فيلا وعندك أهل وصحاب
وكده كده هتموت من غير كل ده بطل تكبر
داهيه تسد نفسك وانتَ شبه النعامه بغرورك ده
دخلت أمل اوضه الأطفال ورزعت الباب
بصلها محمود بصدمه من الجراءه اللي هي فيها
محمود بصدمه : داهيه تسد نفسي؟...... انتِ يا بت تعالي هنا
__________بقلمي الاء فرج
في صباح اليوم التالي
صحيت امل الساعه ١٢ وهي بتفرك في عينها  وخرجت من اوضتها
لقيت محمود قاعد في الصاله ولابس نضاره وقدامه كتب كتير ومركز فيها.
أمل بسخريه : عم نجيب محفوظ مبهوره بيك الصراحه
محمود بخبث : على الاقل متعلم مش زي ناس مش متعلمه ولا بتعرف تكتب اسمها اصلاً
دمعت أمل بس حاولت تمسك نفسها وتبقى قويه
أمل بهدوء : أنا معايا الابتدائيه وبعرف اكتب اسمي على فكره، ولو تاني مره كلمتني بأسلوب استهزاء كده هزعلك ياض
ساب محمود الكتب وقام وقف بغضب : تزعليني واو خوفت أنا كده الحقوووني يا ناس مراتي الهبله هتزعلني لو ما سمعتش الكلام، لا خوفت الصراحه! 
امل بزعيق : بطل تتكلم معايا بالاسلوب ده
محمود بغضب : انتِ ا
__________بقلمي الاء فرج
ترن ترن ترن(جرس الباب بيرن) 
فتح محمود باب الشق لقا مرات أبوه
محمود ببرود : اهلاً
مرات الاب (نهال) : الف الف الف مبروك يا حبايبي لولولولوي لولولوي
محمود : الله يبارك فيكي، اتفضلي
نهال بخبث : لأ أنا مش جايه اقعد أنا حجزت ليكم تذكرتين في فندق ٥ نجوم في الغرقه روحوا قضوا شهر العسل هناك أسبوع
محمود بأعتراض : بس انا مش عايز اروح 
نهال بتمثيل الزعل : اخص عليك يا محمود ده انتَ زي إبني وربنا يعلم بحبك قد اي انا عايزه افرحكم وخلاص حجزت التذاكر، ولا اي يا أمل
امل بتوتر : ها...... اه تمام تعالي نروح نغير جو يا محمود
محمود : هاتي التذاكر دي يا مرات أبويا نورتي عن اذنك بقا
نهال بأحراج : أنا ماشيه سلام
مشيت نهال ومحمود بص علي أمل بشر
أمل بخوف : احم في اي؟
محمود ببرود : بصي انا بكره هروح الشركه ومش فاضي لشهر العسل والكلام الفاضي ده
عندي اجتماع مهم جداً، وهاخدك سكرتيره معايا في المكتب تظبطي مواعيدي بس
امل بسعاده : هيييييه شكراً جداً
محمود : العفو، روحي البسي وتعالي عشان ننزل اشتري ليكي لبس بدل لبسك المعفن ده
امل بهمس : هو انتَ هتتشل في لسانك لو قولت جمله كويسه لآخر
لازم ترمي دبش كده الله يحرقك يا بعيد
محمود بتركيز : بتقولي اي؟
أمل : بقول الله يكرمك🙂
__________بقلمي الاء فرج
في المول
أمل :بكام الفستان ده لو سمحتي؟
= ٣٠٠٠٠جنيه يا هانم
امل بصدمه : ٣٠٠٠٠جنيه اي يا حراميه  لييييه فستان من دهب أنا لسه شايفه واحد زيه في محل اخر العنقود كان ٣٠٠ جنيه يا نصابين
محمود : بس يا أمل الله يخربيتك هتفضحينا
أمل بزعيق : اسكت انتَ انا هبلغ عنكم البوليس ليه يا اختي كل الفلوس دي هاخد ٣٥٠ جنيه وده اخر كلام
= يا هانم وطي صوتك من فضلك عيب كده
محمود : أنا بعتذر، يلا يا أمل
أمل : مش همشي من هنا غير لما ابلغ عنهم
شالها محمود على كتفه وهي فضلت تصرخ وخرج بيها من المحل
أمل : نزلنيييي
نزلها محمود من على كتفه واتكلم بغضب : بت انتِ تمشي معايا وانتِ ساكته والا والله مش هيبقى في شغل ولا هدوم، سااامعه
__________بقلمي الاء فرج
After 10 Mintes
بعد ١٠ دقايق
خرجت أمل من البروفه وهي لابسه فستان منقط أسود وهيلز أحمر
محمود بتصفير : وااو شكلك حلو هنشتريه ده، يلا البسي اللي بعده
امل بضيق : الفستان ضيق وقصير لأ لأ مش هشتريه
محمود بهدوء : أمل ادخلي البسي اللي بعده عشان مش عايز ازعلك يلا
خبطت امل رجليها في الأرض بتذمر ودخلت تقيس اللبس
__________بقلمي الاء فرج
بعد ساعات
وصلوا البيت وهما شايلين شنط لبس كتير اوي وطلعوا شقتهم
__________بقلمي الاء فرج
محمود : مبروك عليكي يلا ادخلي حطي اللبس في الدولاب وبكره الصبح الساعه ٦ هصحيكي عشان نروح الشركه، يلا روحي نامي وانا كمان هروح انام
امل : تصبح على خير
محمود : وانتِ من اهله
دخلت امل أوضه الأطفال وبدأت تحط اللبس في الدولاب وهي مبتسمه بسعاده وبعدين نامت 
__________بقلمي الاء فرج ترن ترن ترن
فتحت امل عينها وهي ماسكه التليفون اللي جابته ليها نهال
امل : الو الو يا هانم في حاجة الساعه ٣ الفجر؟
نهال : انتِ يا بت قومي خدي مفتاح الاوضه اللي حاطط فيها محمود كل أوراقه وادخلي الاوضه دي حالاً يلا بسرعه
قامت امل من على السرير : حاضر خليكي معايا على التليفون
خرجت أمل من اوضتها ودخلت اوضه محمود لقيته نايم على السرير وحاطط المفاتيح بتاعته على الترابيزه
اخذت امل المفاتيح وخرجت براحه من الاوضه
امل وهي بتتكلم في التليفون : الو يا هانم انتِ معايا...... اخدت المفاتيح اهو!
نهال : شاطره افتحي بقا باب الاوضه بالمفتاح الأول وبعدين ادخلي
فتحت أمل بالمفتاح ودخلت الاوضه واول لما دخلت ضرب أنظار جامد والصوت بقا عالي اوي، من الخضه وقعت امل التليفون من ايدها ولسه هتخرج من الاوضه بسرعه لقيت محمود في وشها بيبتسم بشر
اسئله كتير اجابتها الحلقات الجايه بسسس خلصت حلقه النهارده اتمنى من كل قلبي ان تكون الحلقه عجبتكم وهستني رايكم في الكومنات كالعاده عن رايكم في الحلقه يا حبايبي
يا ترى اي اللي هيحصل الحلقه الجايه؟ 
وما تنسوش تعملوا متابعه لاكونت الشخصي بتاعي عشان يوصلكم الحلقه الجايه اول لما تنزل وما تنسوش تعملوا كومنت عشان اعملكم منشن في الحلقه
يا ترى اي اللي هيحصل؟
ومحمود هيعمل اي في امل بعد ما عرف انها دخلت الاوضه السريه من وراه؟
وهل امل هتقدر تجيب الأوراق المطلوبة منها قبل ٤ شهور ولا لأ؟
مرات الاب عايزه ورق يخص محمود ليه؟
وهل محمود هيعرف انها متجوزاه عشان تسرقه وهيعمل اي لما يعرف؟
اي اللي هيحصل لما امل تشتغل مع محمود في الشركه؟
يتبع.....
لقراءة الفصل الثالث : اضغط هنا
لقراءة باقي فصول الرواية : اضغط هنا
google-playkhamsatmostaqltradent